أستبنة الهايلكس موديل 2006 وطالع -وش الحل معها -

[ولد المزاحمية]

السلام عليكم ورحمة الله

أخواني الكشاتة اسعد الله مسائكم بالخير والمسرات

انا احد ضحايا سرقة الاستبنات (الكفر الاحتيطاطي) وخصوصا للسيارات الهايلوكس لسهولة استخراجها مع العلم انه يوجد قفل لكن:confused: .... قدر الله وماشاء فعل


لكن منكم نستفيد لاتحرمونا

[فارس العمور]

الله المستعان

وانا انتظر الحل مثلك والموضوع مهم يا اخوان

[alkongrs]

الحل ونحوك نزل الاستبنه بالبيت واذا جيت تكشت ولا اتسافر ولا مشاوير طويل ركب الستبنه :) هذا الي عندي

[cute]

حط مسمار بصاموله مكان الفتحه اللي تدخل فيها العصا اذا بغيت تنزل الاستبنه وشد عليه
وخل المفك مع مفاتيح السياره ولا تحت المرتبه
مسمار وصاموله اعتقد تكلفك ريالين يمكن تستهين بالفكره بس صدقني عمليه جدا
اتمنى لك التوفيق

[.أبوعبدالرحمن]

اخوي الغالي


اربط الاستبنة في الحوامل الصندوق او اي مكان بسلسة وحط قفل محل ذهب


خالي ازعجوه ذا الحرامية على استبنة ددسن موديل 88 والمشكلة لو يرووح يبيعها ما جابت له عشرة ريال
لكن ذا الحرامي غبي لا خالي ما يركب الا جنط منعفط مع الجنب ويركب استك مع الكفر ولكن ما فيه فايدة


واخر حل توصل له ركب سلسلة والان الموتر معه مايقارب السنتين ومن يشوف السلسلة الحرامي يهج

[موادع الشرقيه]

اعرف واحد صارة معه نفس المشكله
بس طلع الحرامي قليل ادب

لأن خوينا هذا من يوم طلع موتره غير القفل على طول وركب قفل كبير
وجاك الحرامي وكسر القفل وسرق الاستبنه وحطله ورقه على الباب كاتب عليها
(ثاني مره يا ........... ركب قفل اكبر)
شفتوا قلة الادب

ومن بعده ماركب استبنه ابد

[لن أمل من العطاء]

فيه طريقة الي هي ترهيم غطاء للفتحة مثل اللي على الشاص وبمفتاح وتجد حقون المفاتيح يرهمون لك المفتاح ليجعلوا مفتاح السيارة الرئيسي هو اللي يفتح


لن امل من العطاء

[ولد المزاحمية]

الله يبيض وجيهكم ما قصرتوا
لكن اخوي cute كيف طريقة تركيب المسمار والصامولة

مشكووورين