اللي يعرف عن هالسيارة شيء لايبخل اخوكم متوهق.... [الأرشيف]

عتيق

25/03/2008, 07:23 AM

http://www.auto-news.de/webcore/data/content/Auto_Article_EXT/18655_1174037627194.jpg

السلام عليكم ورحمة الله وبركاته
اخواني المكشاتيين

اولا باركوا لي بهالسيارة : )

ابي اعرف الله يعافيكم وش افضل مركز او ورشة او تشليح او حتى محل لقطع غيار لمثل هالسيارات في بريدة او في الرياض.......

او اذا فيه مهندس مختص لمثل هالنمونة من السيارات..........

الله يعافيكم اللي يعرف اي شيء لا يبخل علي لأنه لايوجد لدينا لمثل هالسيارات صيانه

الف شكر مقدما واتمنى منكم التفاعل......

mjd

25/03/2008, 08:06 AM

أسم السيارة لادا روسية
الله يعينك عليها دخلت السعودية
ايام حرب الخليج (احتلال الكويت)
غير عملية تسخن لايوجد بها عزم (صرفها)
ملاحظة
قيمتا جديدة ذيك الايام 11000ريال فقط
بعدها باشعر مستعمل فقط شهر من 3000 الى 4000 ريال:no2:

عتيق

25/03/2008, 08:09 AM

اخوي mjd
السيارة وشريناه الله لا يعوق بشر

بس نسأل اذا فيه احد متخصص لها...........

شكرا لنصحك الكريم.

راعي البرهـ

25/03/2008, 08:13 AM

الله يطعمك من خيرها ويكفيك شرها00

راعي البرقا

25/03/2008, 09:49 AM

الله يطعمك من خيرها ويكفيك شرها وفالك التوفيق

عتيق

26/03/2008, 02:35 AM

شكرا لك اخوي راعي البرهـ

على تفاعلك

الخادم

26/03/2008, 02:40 AM

الله يطعمك من خيرها ويكفيك شرها
اليبارات الروسية تجدها قوية بالمحركات و لكن ماهنا شكل

alajmi100

26/03/2008, 02:43 AM

الله يعينك عليها بس من رايي وانت قد توهقت خلها تمشي بالي هوبه
واذا خرب شي حاول تلفق لها من الماركات المعروفه
تقول للي كيف اقول لك
اذا خرب شي فكه ورح للمحلات وقل لهم عندكم مثله ولا تعلمهم وش نوع السياره

مكتشف الأمطار

26/03/2008, 02:44 AM

غريب شكلها وياليت الأخوان يفيدونك.

turkey

26/03/2008, 02:45 AM

الله يطعمك من خيرها ويكفيك شرها
السيارة كويسة اذا بترهمها وتتعلم عليها ماعليها حسوفة

اذكر واحد من الشباب زمان بعد الازمة شراها
واذكر ان الحرارة اتش على طول لانها ماشية مع اجوائهم الباردة جدا
وكان مانيب واهم اذكر ان الاستبنة فوق المكينة
واذكر ذاك الوقت تجاكر معه واحد(تسابق معه) بـهايلكس 85م
وسقط عليه : )
الف مبروك

عتيق

26/03/2008, 02:57 AM

الله يبارك بكم جميعا

ويعطيكم العافية

alajmi100فكرة حلوه ههههههههه يعطيك العافية

escape_man

26/03/2008, 05:38 AM

ابن عتيق

وش جابك يم هالموتر :)

شكلك راعي طواري وراعي مزاج

المهم ياطويل العمر .. كان الموتر محركاته زينه فالامور الثانية مقدور عليها والموتر بيعبرك

وكان يبيله ترميم من جديد فانصحك كل ماخذت فترة تشاور حقين الترهيم .. يمكن تكون عندهم افكار زينه

مثل ترهيم مكينة او رديتر وقير وخلق المسكة تصير صححح.

واذا قولتك الموتر رخيص وبتراب القروش .. فعز الله بتخسر عليه واجد ومنت لاقي من يضفه لابغيت تبيع

على العموم عجبتني وبس لاني احب راعين الكيف

واثق الخطوة

26/03/2008, 08:46 AM

ههههههههههههههه
السلام عليكم
وش طيحك باللادا
أنا أخبر واحد استعملها الين بدت تطلب قطع غيار
قال معصي اغير له
والله ويفك الكفر ويطلع الجنط ويشبك عليه سير حق الارتواز
وصارت السيارة مكينة

إذا طولتها معك لا اوصيك خله نيشان للخرازة ولا انثرها بالشوزن نثر

ههههههههههههههههههههه ترى حبينا نمزح معك

سفاري نجد

26/03/2008, 08:53 AM

حسب معلوماتي كان وكيلها والله أعلم الوعــــــلان ،،،

أتصل وجرب يفيدونك ،،،

وانا جربتها مع واحد ومثل ماقالوا الأخوان حراره وعزم ضعيف ،،،

الا إذا تبغى ترهم لها مكينه ،،، والا شكلها ملفت للأنتباه ،،،

escape_man

26/03/2008, 09:13 AM

لقيت لك علم بيوسع صدرك

في واحد مركب على هالموتر محرك Lt-1

طبعا الرجال حق تطعيس

فصار معاد يردها سهل ولا وعر

انشاء الله تصير بشارة خير وكان تبي ابحثلك زود عن هالمعلومة بحثت

عتيق

26/03/2008, 04:02 PM

escape_man

تشكر على معلوماتك الله يوسع صدرك

والله ياخيي ماني راعي كيف ولا هم يحزنون بس المكتوب مانقدر تهج عنه

هههههههههههه

والله يوفقك ابي اي اذا تعرف ورشه او معلومات عنه لا تقصر بي الله يعافيك........

escape_man

26/03/2008, 07:28 PM

احرص انك تدور ورشة فيها مصري

لانهم متخصصين بهالنوعية من السيارت الروسية

وانشاء الله نقدر نخدمك مع ندرة المعلومات عن هالموتر

ناوي نيه

26/03/2008, 07:41 PM

عتيق مبروك عليك السياره
حبيت اسئلك كم كلفتك السياره ....؟

الربذي

26/03/2008, 07:59 PM

الف مبرووك والله يعينك تذكرني بسيارات مستر بن النكته الصامت 0
ياخوان ان شاء الله تكتب كذا أنشاء الله

عتيق

27/03/2008, 01:09 AM

ناوي نية

ترا ماهي اللي معروضة بالموضوع هي سيارتي

لا وحده ثانية شبيهه لها بالموديل بس.........

الربذي

انت تبي تكحلها وعميتها...

ان شاء الله <<<< هكذا تكتب

سوبر152

27/03/2008, 01:37 AM

بعها وزن على الرقيبة وارتاح منها الناس تشتري الراحة بدراهم وانااخوك

مقلع الرمث

27/03/2008, 01:51 AM

الله يعطيك من خيره ويكفيك من شره

الدحبول

27/03/2008, 02:32 PM

ولا مرة شفتها
بس اشوفه في الافلام المصرية
شكلة حلو
هل هي دفع رباعي ؟؟
بخصوصا القطع مارح تحصل بس ترهيم يمدحونه

القبقب

27/03/2008, 02:42 PM

أنا الى خابره ياخوي عتيق عن هذي السيارة أنها تحتاج الى خدمتك دائما
بدل ماهى تخدمك يعني بأختصار تحتاج أنك تهتم فيها وتكون زبون للكراجات ومحلات السكراب
وقطع الغيار في الاسبوع مرتين على الاقل وينطبق عليك المثل المعروف ( .يامن شرى له من حلاله عله) .

عتيق

29/03/2008, 06:40 AM

سوبر 152

وش هالتحطيم الله يهداك

خخخخخخخخخخخخخخخ

اجل ابيعها حديد اصرف

الفريشه

29/03/2008, 08:10 AM

اتوقع ان لو تدور ورش عمالتها سوريه اولبنانيه او اردنيه بأذن الله بفيدونك لآنها موجوده بكثرة عندهم ويجيبون لك قطع غيارها او هم يرهمون لها
تحياتي وبالتوفيق

ford

29/03/2008, 04:23 PM

الله يعطيك من خيرها ويكفيك شرها

KEA2003

29/03/2008, 05:39 PM

اعتقد حقين تجميع الحديد متخصصين فيها معليش بعها حديد اكسب لك :(

ابو نايف التميمي

29/03/2008, 07:07 PM

اذكر ان الوالد الله يحفظه شراها ايام حرب الخليج جديده.. الظاهر بـ 12000 ريال.. واول ماشراها.. رحنا معه لمحل..وترك السياره شغاله..لانها جديده :d

وشوي الا ورجال يدخل علينا المحل ويقول سيارتكم الجيب؟ يقول الوالد : ايه , قال الرجال( احترقت الماكينه ).. ونطلع من المحل بسرعه الا والسياره تدخل من عند الشبك.. ويطفيها الوالد ويقفلها ونرجع في ليموزين.. المهم صلوحها في محل الوكاله.. ورجعت خربت ثانيه عند باب البيت وصلوحها مره ثانيه..وعلى طول دخلها الوالد المعرض.. :d

الله يعينك عليها.. لكن زي ماقالو الاخوان.. مالك الا الترهيم.. ترا الحراره H على طول

عتيق

30/03/2008, 12:05 AM

تسلمون على هالمشاركات

بس وين هوبه الترهيم لاتوهقون

ياهلا ماتذكر الا هالسالفه الله يهديك

احترقت المكينة !!!!@@!!!!

سطام vip

30/03/2008, 01:14 AM

بسم الله الرحمن الرحيم

اخوي عتيق الله يبارك لك فيها ويسهل امرك

انا ما كنت ناوي ارد لان ما عنديما اضيفه ولا ادري وين قطعها بس

الاخوان الله يهديهم تقول لهم وين القطع وكل واحد عطاك سالفه وقلبوا راسك

ياأخوان عطوه حل الرجال اشترى السياره وخلصنا

اخوي نصيحتي الوحيده انك تولف لها مكينه وقير لان مكينتها الاساسيه مهما بتصلح فيها بتخرب والقطع غير متوفره واخبر لك سياره مثلها موقفه ومغبره في اخر شارع المدينه المنوره ووجهك غرب بعد الصناعيه في الرياض العريجا ناطليها عند الوادي لونها بيج يمكن تلاقي فيها قطع او تلاقي صاحبها وتاخذها كلها يمكن تفيدك

تقبل مروري والرد

ودمت بخير

اذا اعجبتك الفكره اوصف لك اكثر واكثر ومستعد اوصلك لها

ذئب اليل

30/03/2008, 01:43 AM

الله يباركلك ويعطيك من خيرة ويكفيك شرة

خط الساحل

30/03/2008, 07:18 AM

الف مبرووك والله يعينك تذكرني بسيارات مستر بن النكته الصامت 0
ياخوان ان شاء الله تكتب كذا أنشاء الله

كيف كيف تكتب((ان شاء الله)) جاب الغايبة الربذي

مستر بن هاه :D
=================
اخوي مادام انك شريتها والا(لقيتها):D ، شريتها :rolleyes: زين شريتها،

الله يعطيك خيرها ويكفيك شرها ويطرح البركة، ما في شي صعب
على مهندسين اليومين هذي بتاع كلو، وترى مثل ما قال احد الاخوان في الردود
ان المصرين لهم في اللادا ، لو لقيت ميكانيكي مصري
حيزبطك حيزبطك :D .

ترى نمزح وياك في البداية لا تأخذ علينا وانا اخوك .

بليزر

30/03/2008, 08:00 AM

من ردود الاخوان اقدر اقولك .....احسن الله عزاك و الله يخلف عليك بموتر احسن
* الرد على الربذي إلا تنكتب إن شاء الله

altheeeb79

30/03/2008, 08:01 AM

ياخي والله الترهيم بيأخذ كل وقتك ويتعبك 00 الله يبارك لك فيها00

عتيق

01/04/2008, 01:11 PM

سطام

الف شكر بالغالي

ايوالله ابي وصف ادق لأني ابي انصا الموقع اللي انت ذكرته لي

شكرااااااا لمشاعرك الطيبة

سطام vip

01/04/2008, 02:31 PM

بسم الله الرحمن الرحيم

ما طلبت غالي اخوي عتيق

وابشر بالوصف كامل

صناعيه العاصمه في السويدي الغربي

ادخل على مخرج 26 هذا طريق المدينه المنوره روح يسار اذا انت جاي من جنوب من صوب جيان واذا جاي من الشمال خذ يمين وتباري محلات قطع الزينه والتلميع بعدها بتشوف السياره على يسارك عند الوادي ولونها بيج

اتمنى لك التوفيق والله يسهل امرك اخوي

سطام vip

02/04/2008, 12:23 AM

بسم الله الرحمن الرحيم

اخوي عتيق رجعت لك بخبر

اليوم مريت على السياره المذكوره

وحصلت عليها لوحه مكتوب للبيع وهذا الرقم0505489876

وقلت يكن يفيدك الرقم بدل المشاوير

تقبل مروري والرد

ودمت بخير

escape_man

03/04/2008, 05:23 AM

تحمسنا مع راعي اللاد

الاخوان الي بالخرج .. سمعت او قريت باحد المواقع .. واحد عارض لاداء للبيع لونها اخضر ويقول ان لها وكالة بالخرج او محل يبيع قطع غيارها.

ابومحمد vtc

04/04/2008, 05:27 PM

الله يطعمك من خيرها ويكفيك شرها

mansoursh

04/04/2008, 05:56 PM

بكرا نشوفها منافسه لصمعاني بس لاتحرمنا من الصور :D :D :D :D :D

امزح :p :p :p الله يطعمك من خيرها ويكفيك شرها ،،،،

تقبل تحياتي ،،،،،

آمري يا كامري

04/04/2008, 06:01 PM

على معرفتي البسيطه إن وكيلها الوعلان لأني أول ما نزلت في الشفاء رحت أسأل عنها وكانت عند الوعلان وكان سعرها رخيص في ذلك الوقت

عتيق

05/04/2008, 01:19 AM

الله يوفقكم يارووووووووووووووعتكم كلكم

اما انت ياسطام فالف شكر لشخصك الكريم

وفقك الله يالغالي وبارك في خطاك ومساعيك

على فكره شفت رسالتك بس ما اقدر ار\د عليك بالخاص الين اكمل 50 مشاركة : (

شاهين الباز

05/04/2008, 03:03 AM

الله يعينك اخوي بس اشور عليك انك تخلي ذا الموتر موتر فكفكه وتكتكه

وتلم عليه المكانيكا والترهيم كان بك حيل لها

او تخلص منها لانها تبي تعذبك....... تقبل مروري

googl11

05/04/2008, 03:12 AM

الموتر ما يعرفه الا اللي جربه وانا احد عشاقه اذا رهمتله مكينه وقير دبل وعادي حقات هايلكس صدقني راح تعشق الموتر وتراه مريح جدا في المطانيج والاراضي القشرى

عتيق

05/04/2008, 01:40 PM

googl11

الله لا يهينك على هالنصيحة

بس تعرف احد يرهم هالاغراض

عتيق

09/04/2008, 01:19 AM

شاهين الباز

الله يجزاك خير

واذا على الحيل موجود ولله الحمد بس وين المعلمين المهره

السارحي

09/04/2008, 04:28 AM

بكم شريته يالغالي وكم مديله

عتيق

09/04/2008, 04:40 AM

escape_man

تسلم على حرصك وتحمسك

عرق دقله

09/04/2008, 06:19 PM

الله يطعمك من خيرها ويكفيك شرها وفالك التوفيق

عتيق

11/04/2008, 06:33 AM

تسلم يالغالي عرق دقلة

speed 557

11/04/2008, 09:29 AM

الله يطعمك من خيرها ويكفيك شرها00

عتيق

13/04/2008, 12:44 AM

جزاك الله خير سبيد

جيب بيج

13/04/2008, 08:30 AM

السلام عليكم
الاخ / عتيق
ماشاء الله تبارك الله والله يعطيك خيرها ويردك عن شرها
بالنسبه لجميع قطع الغيار المستعمل وإن شاء الله ماتحتاجها
شفت مثل هالشكل واجد بتشاليح النظيم الشارع الرابع أوالخامس (تشاليح السوريين)

kk999

13/04/2008, 08:13 PM

اسئل الله ان الله يعينك بصراحه اذكر عام 95 واحد من الزملاء شراله وحده كنت احس ان صوت المكينه يشبه صوت مطحنة القهوه الصفراء وهي جديده كان كل يوم في الصناعيه لدرجة ان المحلات في الصناعيه عطوه بطاقة عضويه هههههههه امزح معك لكن من جد والله خراباتها كثير اسئل الله لك التوفيق اخي الحبيب