قطع غيار ددسن (( بدي ))

[سيد الجو]

السلام عليكم ورحمة الله وبركاتة



قدر الله علي وصدمت لي جمس قديم والحمد لله على السلامة وموتري والله جاه نصيبه والجمس ماشاء الله تبارك الرحمن مادرى عني


المهم دخلت الموتر في الورشة في الصناعية القديمة وقلت لهم جيبوا انتم القطع


عاد انتم خابرين ماودي انهم ينصبون علي ودي اروح اسعر قبل علشان اذا عطاني فاتورة القطع يصير عندي

خلفيه عن الأسعار

وعلى كلام مدير الورشة يقول فيه قطع تجاري ياباني

وودي ان كانكم تخبرون محلات قع غيارها رخيصة خاصة للددسن موديل 96

القطع هي : (( أن كانكم تخبرون اسعارهن بعد جزاكم الله بالخير ))

1- كبوت
2-رفرف خارجي
3-رفرف داخلي
4-شبك
5-صدام
6-واجهه
7-قاعدة شمعة



جزاكم الله بالخير وبارك الله فيكم

[مسايف الطعس]

هلا أخوي عندك

محل عبدالله بالخير أكبر موزع لقطع الغيار عنده أصلي

ورخيص كاسرة تراه يخصم واجد

ومحلاته منتشره في الصناعيه القديمة وأفضل فرع الي عند فرع الحمراني حق قطع الغيار

تحياتي