المساعد الشخصي الرقمي

مشاهدة النسخة كاملة : أخواني خبراء التكييف... لا تردوني الله لا يحرمكم من الأجر


صقرالعرب2007
25/03/2008, 10:56 PM
السلام عليكم و رحمة الله و بركاته,,,

أخواني تعرفون الحر الي جايكم الي يصلقح بقطاوة الحاره اعوذ بالله>>> ما لكم بالطويله

انا سيارتي كل ما عبيتها فريون 10 أيام ـ أسبوعين يروح أكثر من نصه وهذا يسبب قلق نفسي و ديني واجتماعي بالنسبه لي ولا أعرف وين مكان التنسيم بالضبط..؟!؟!؟!؟:confused:

لا والأدهى والأمر إني عبيت مرتين فريون عند كهربائي ولا يبرد المكيف زين والسبب إن الفريون مو أصلي (الضان أغلبه أكسجين) يعني أبي منكم الله لا يهينكم و يحرم و جيهكم من النار تدلوني على كهربائي كيذه:good: يطلع لي التنسيم وينه لأني فريت الصناعيه القديمه (بالرياض) وعيوا يفحصون لي السياره ما عندهم خلفيه...

و حبذا لو تعلموني كيف أميز إن الفريون هذا أصلي ولا لا...؟ أو تدلوني على واحد أمين...
لاحححد يقولي الوكاله :no: لأني لو بروح لهم بيقولون لي المشكله في الكمبروسر والمواسير والبلف والفلتر والعلبه حقت الفريون والثلاجه و و و..... والمكينه يبي لها توضيب

الله يحرم و جيهكم عن النار مقدماَ:D
ابا الأفلح
26/03/2008, 01:51 AM
السلام عليكم ورحمة الله وبركاته000 اخوي صقر اذا كنت من سكان شرق الرياض فيه كهربائي في حي الملك فيصل على ما اعتقد اسمه رشيد الحظرمي ممتاز جدااا وشغله اغلبه مكيفات وكمبروسرات وامين بس شوي حاربالسعر الاكن ممكن انك تروح لمه وتشوف المشكله الي بموترك وشي واذا اعجبك السعر صلح عنده ولاشفلك كهربائي ااخر والله يعينك00000000
صقرالعرب2007
26/03/2008, 01:11 PM
السلام عليكم ورحمة الله وبركاته000 اخوي صقر اذا كنت من سكان شرق الرياض فيه كهربائي في حي الملك فيصل على ما اعتقد اسمه رشيد الحظرمي ممتاز جدااا وشغله اغلبه مكيفات وكمبروسرات وامين بس شوي حاربالسعر الاكن ممكن انك تروح لمه وتشوف المشكله الي بموترك وشي واذا اعجبك السعر صلح عنده ولاشفلك كهربائي ااخر والله يعينك00000000


كفو والله يالذيب...
بس الله لا يهينك وصفه لي بالضبط من مخرج 15 أو من جامع الراجحي الجديد بالضبط ترى لك علي بالدليله... لا هنت
صقرالعرب2007
27/03/2008, 08:03 PM
ويييييييييييييينكم يا ذئاب مكشات....
سند90
27/03/2008, 08:11 PM
يوم انت قلت اذيااااااااااب جيت اركض...>> على باله ذيب

والله ياصقر دامك من العاصمة الشقيقة ما اقدر افيدك احسبك من عاصمة القصيم ابدلك على وااااحد إنما ايه توي امصلح المكيف ومثل مشكلك فيه تهريب وين حصله؟
خذ الطريقة :
جب معك اشوي فيري مع ماء واسفنجة ...
وامسح على مواصير المكيف وراح اتشوف التنسيم معين يطلع بس على شرط يكون اقل شيء فيه لو اشوي هواء..
الفريون الأصلي ( امريكي ) اب140 ريال ايعبيه وبما ان الهواء امريكي المصدر فعليك بالصيني بشرط اتسكر
التهريب ويكون العامل ناصح... وفالك البرااااد.
ذيب طي
27/03/2008, 08:22 PM
شف طال عمرك واحد من الشباب معه جمس موديل89 وذابحه المكيف مافي أمل يبرد عليه :no: ومن ورشه لورشه إلين طاحله في ورشه عمالها اتراك ضبطوه له ومن عقبها وهو ماشي كذا:good:
الورشه غرب الرياض في حي السويدي اذا تبي وصف بالضبط علمني وترانا في الخدمه:)
صقرالعرب2007
27/03/2008, 10:40 PM
أخوي سند...
ما شاءالله عليك ما ينقصك عن الذيب إلا الذيل.... >>> بيكحلها اعماها
بالله كيف أميز الفريون الأمريكي عن الاسرائيلي (طبينا في السياسه) لأنها كلها علبه وحده ما تفرق عن أختها
مرورك نور الموضوع وتسلم لي هيك الأنامل....;)
صقرالعرب2007
27/03/2008, 10:42 PM
أخوي ذيب طي...
الله لا يهينك عطني وصفه بالضبط وينه هو...؟
أبو الحارث 4
27/03/2008, 10:54 PM
السلام عليكم و رحمة الله و بركاته,,,

أخواني تعرفون الحر الي جايكم الي يصلقح بقطاوة الحاره اعوذ بالله>>> ما لكم بالطويله

انا سيارتي كل ما عبيتها فريون 10 أيام ـ أسبوعين يروح أكثر من نصه وهذا يسبب قلق نفسي و ديني واجتماعي بالنسبه لي ولا أعرف وين مكان التنسيم بالضبط..؟!؟!؟!؟:confused:

لا والأدهى والأمر إني عبيت مرتين فريون عند كهربائي ولا يبرد المكيف زين والسبب إن الفريون مو أصلي (الضان أغلبه أكسجين) يعني أبي منكم الله لا يهينكم و يحرم و جيهكم من النار تدلوني على كهربائي كيذه:good: يطلع لي التنسيم وينه لأني فريت الصناعيه القديمه (بالرياض) وعيوا يفحصون لي السياره ما عندهم خلفيه...

و حبذا لو تعلموني كيف أميز إن الفريون هذا أصلي ولا لا...؟ أو تدلوني على واحد أمين...
لاحححد يقولي الوكاله :no: لأني لو بروح لهم بيقولون لي المشكله في الكمبروسر والمواسير والبلف والفلتر والعلبه حقت الفريون والثلاجه و و و..... والمكينه يبي لها توضيب

الله يحرم و جيهكم عن النار مقدماَ:D

السلام عليكم أخي صقر العرب، أبشر بسعدك وعندي لك كهربائي بسم الله ما شاء الله في الرياض معارض الشفا اسم الكهربائي صادق الباكستاني وهذا جواله 0506197313 وقد عاملته أكثر من عشرين سنة.
ذيب طي
27/03/2008, 11:48 PM
أخوي ذيب طي...
الله لا يهينك عطني وصفه بالضبط وينه هو...؟
شف يالحبيب انا والله ماعرف اوصف بالكتابه لكن حط رقم جوالك عشان اكلمك واعطيك الوصف أو راسلني على ايميلي
al-rahel711@hotmail.com
صقرالعرب2007
28/03/2008, 12:15 AM
أبو الحارث... جعلك بالجنه قل ءآمين...
توني مكلمه(مسيكين صحيته من النوم بهالليل) و طلبت منه الوصف يقو بعد معر سته أكتبو ونا والله مدري وينه لعلك توصفه لي الله يجزاك خير...
صقرالعرب2007
28/03/2008, 12:17 AM
أخوي ذيب طي...
تخيل اني معك الحين على الايميل(راسي ياااابس هههههه) واكتب لي الوصف الله لا يهينك... تراكم بتفكون أزمه أنت وابو الحارث بعد الله...

لا زالت العروض قيد الاستقبال فهلموا يا ذئاب
صقرالعرب2007
28/03/2008, 02:38 PM
وينكم اخواني...؟!؟!؟!؟
ذيب طي
28/03/2008, 03:49 PM
اسمع ياطويل العمر -عطني موقعك اومكان تعرفه اوصفلك من عنده
صقرالعرب2007
28/03/2008, 08:04 PM
ميهب مشكله أخوي ذيب طي...
وصف لي من شارع عائشه بنت أبي بكر الصديق...
ذيب طي
28/03/2008, 09:11 PM
طيب ابشر- شف الله يسلمك وانت جاي من فوق يعني كنك جاي من الدائري وجهك شمال تجيك اشارة تقاطع الابراج مع سدير- عدها وروح ســيـــده تجيك اشارة ثانيه وانت واقف تكون صيدلية بيت الصحة على يمينك كمان ســـيـــد قداااام إلين تجيك مغسلة الوعلان على اليمين خش بعدها يمين -راح تكون في شارع الزهرة(العشرين)
روووح ســـيـــــــــــده إلين تجيك اشاره عد الاشاره ورح قداام تجيك على اليسار مخابز الخيلاء امش شوي تجيك مغسلة على اليمين أهي اللي بعد المغسله طبعا العمالة أتراك وأتمنى ان شاء الله انهم يلقون حل لموترك
وانا صراحه معاملهم منذ مبطي شغلهم كويس وأسعارهم معقوله أتمنى الوصف يكون واضح

وإذا ماضبط موترك العذر والسموحه:( لكن ان شاء الله بيضبطونه طبعا الجمعه مايفتحون
لن أمل من العطاء
28/03/2008, 10:37 PM
هاه اش صار معاك

متفاعل مع الموضوع ومستعجل
صقرالعرب2007
29/03/2008, 01:18 PM
مشكور أخوي ذيب طي.... وما قصرت مرورك شرف الموضوع...
أخوي لن أمل من العطاء...

والله اني ناوي أناديك بالعنوان حق الموضوع لعلك تسير علينا و تفيدنا... بالنسبه للي صار علي بروح اليوم إنشالله للكهربائي الي وصفه لي أبو الحارث و الله يكتب الي فيه الخيره المباركه...
صقرالعرب2007
29/03/2008, 09:52 PM
يرفع لاصطياد مزيد من الذئاب...
صقرالعرب2007
30/03/2008, 10:51 PM
أخوي ابو الحارث...
رحت للكهربائي اللي دليتني عليه وطلع شغله ماشاءالله 10/10 وطلع مكان التنسيم وهو لي الكمبروسر الجلده حقته متآكله من الحراره ماشاءالله سراحه شغله عدل مدل لكن المشكله يوم عبا لي الفريون حط لي R134 ونا مابي النوع هذا لأنه مو بارد زين مثل الأمريكي لكن الحمدلله على كل حال,,,

ممكن أخواني تدلوني على محل يكون فيه فريون أمريكي لا هنتم