لـي غريب طالع من الدفرنس

[aljoni]

السلام عليكم ورحمة الله وبركاته

اصبح _ امسي على اعضاء مكشات بالخير

المشكلة الى عندي هو ظهور ( لي لونه اسود )طالع من الدفرنس الامامي والان قريب من الارض وعندي بعض الاسئلة الله يحفظكم
1-وش الي هذا
2- وش وظيفته
3- اين يتم توصيل الي
السيارة قراند شروكي 2001 سعودي 8 سلندر
واسف على الاطاله
ودمتم بخير,,,,,

[escape_man]

اخوي الجوني

الي لاحظته انه عندي بالباث ايضاً لي اسود طالع من الدفرنس وهو لتخفيف الضغط عن الدفرنس في حالة احتماء الزيت الي بداخله ويكون هالشي عن طريق سدادة نحاسية تربط اللي بالدفرنس والي يلزم تغييرها اذا حصل تهريب عن طريق هاللي.

حبيت اشارك مشاركة بسيطة رغم اختلاف نوع السيارة ونسمع من الاعضاء انشاء الله الفائدة

[aljoni]

شكرا اخوي على الرد
عندي استفسار لو سمحت ضروري تصليح الي , او هل ياثر على الدفرنس لو خليته بدون تصليح

[لن أمل من العطاء]

السلام عليكم

يا عزيزي هذا اللي موجود في كل السياراتوموجود في الدفرنس الامامي والخلفي الا ما ندر منها جدا ولم اشاهد ابدا سيارة بدونه

والفايدة منه هي ان الزيت مع الحرارة يتمدد اي يزيد حجمه قليل فيقوم يطلع باللي واذا زاد كثيرا يقوم يخرج من اللي دون ان يسبب مشاكل او روائح احتراق قد تجعل المالك يبدأ بالتفكير

نهاية اللي فيه سداده تسمح بمرور الهواء وخروج الزيت الزائد ونهاية اللي يوجد معلاق او يوجد معلاق مثبت في السيارة ويثبت به اللي ويكون موجه للاعلى مثل هواية مواصير الماء والمجاري اعزكم الله في البيت


والله اعلم

ملاحظه هامه ( بامكانك استخدام هذا اللي في اضافة زيت للدفرنس في حالة عدم وجود مضخه عندك بالبيت او بالبنشر )



لن امل من العطاء

[سيف نجد FJ]

فعلا حسب معلوماتي هو لتهوية الدفرنس

[aljoni]

الله يعطيكم الف عافية
والف شكر لكم
الراس ارتاح من الي وعرفناه
ودمتم بخير