استفسار لاهل الجيوب تكفون افتوني بمشكلتي ؟؟؟؟؟

[البدر2]

السلام عليكم ورحمة الله وبركاتة

اسعد الله اوقاتكم

اخواني عندي لاندكروزر Gxr2006 خليجي قير تماتيك وملاحظ عليه اثناء المشي وتبديل نمر القير الاول والثاني يغير بشكل ممتاز وبفارق زمني في السرعة ولكن عند التبديل للثالث والرابع يتم خلال ثانية بدون فارق زمني بين الثالث والرابع مدري وش سالفته وهل هذا الامر طبيعي واذا كان خلاف ذلك ما الحلول وايضاً متى يتم تغير زيت القير والفلتر مع العلم بان الموتر ماشي 37000 فقط

بانتظار ردودكم

[رجل كريم]

وعليكم السلام ورحمة الله وبركاته:


يمكن الامر طبيعي ويقدر يفيدك اللي يملكون نفس الموتر .. واذا افتوك بغير هالكلام فاعتقد ان المسألة برمجة فقط لاغير وبعض السيارات تلقى طريقة برمجتها في كتيب المالك ..وبدري على تغيير زيت الجير .. والله يهنيك بموترك .’

تحياتي ..,

[البدر2]

دكار مشكور على الرد

يعني تقصد ان القير له برمجة واذا كان كذلك وين اروح الوكالة ولا وين ترا اخوك ثقافتة الميكانيكية صفرررررر

[سطام vip]

بسم الله الرحمن الرحيم

اخوي البدر اولاً الله يسهل امورك اخوي

ومن حكم خبرتي في بعض القيرات الاتوماتيكيه

هذي يالغالي ترجع لسببين اسهلهم الي هو فلتر القير والزيت وانصحك تغيرهم قبل لا تتعبث بالسياره

ولا تغيره الا عند ناس معروفه ويفضل تكون الوكاله لاني اكلتها مقلب من محلات القير

او مراكز القيرات مثل جيركو وهالخرابيط ويكون في علمك بعض القيرات اذا غيرت زيتها بتطلع ونه واصوات

ثانيا منظم القير يجيك مثل الخريطه مسارت كثيره للزيت وخطوط متشعبه

وفيه السبب الثالث مع اني اشك فيه الي هو حساسات القير

يمكن تكون يبيلها وزن بس مثل ما قلت لك انتبه من الورش ولا تحطه عند اي واحد يلعب في القير

وابحط سالفتي مع القير في موضوع بعد شوي في المنتدى وابيك تشوفها وتشوف نصبهم

يعني ما عنك وعن الوكاله وهم احسن شي واذا الاخوان يعرفون ورشه مضبوطه

ومشهود لهم في الامانه ما راح يقصرون معك ان شاء الله

تقبل مروري والرد

ودمت بخير

[ولد وايل]

اخي الكريم // كان عندي جي اكس 2000 اتوماتيك وكان السبب دخول الرمل احيانأ بدون تنسيم وهذا يتعب القير ومن رايي غير الفلتر وزيت القير وانصح لدخول الرمل ان تضع الكفرات مابين 10 الى 5 لراحت السياره

[فهد-بوعبدالله]

:no2: طبيعي اخوي على Gxr هذي موجوده عند الشباب بكثره ولا تفكر تغير الزيت لانه ماشاء الله سيارتك جديده............ ريح بالك يعني عادي :good:

[taag1]

السلام عليكم اخوي الشباب ماقصرو بس احب اضيف معلومه للجميع يمكن الأخوان مايعرفونها او ما انتبهوا لها وهي ان السيارات من موديل 2006 وطالع الدبل ماينفصل يبقى شغال الا اذا تعدى سرعة السياره 80كلم في الساعه بعدها يفصل الدبل ويمكن هالشي له تاثير في ماذكرته عن سيارتك .....
امابالنسبه لتغيير زيت القير اعتقد هالشي موجود بكاتالوج السياره ولاكن لا يتعدى 40 الف والله يوفقنا وياك ....
الله يباركلك بسيارتك ويستر على الجميع ,,,,,,,,,,,,,,,,
اخوكم / ابوابراهيم ..

[اول الوسم]

السلام عليكم

اخوي البدر شوف طال عمرك فيه شي بالقير اسمه عيار هواااء يعني نفس الحساسات يلزم له وزن معين وان طعت شوري لاترووح الا للوكـــــــــاله هم اللي يطلعون العله وانشالله يكون عيار هواء القير والامر سهل للغايه وبالتوفيق طال عمرك

[راع الحيزى]

غير الفلتر والزيت وماتشوف الا العافية ان شاء الله لأن سيارتك ماشية حول الاربعين !

[البدر2]

بيض الله ويجيهكم جميعاً ما قصرتوا على هالمعلومات القيمة نروح الوكالة ونشوف وش يقولون