سيارتي باثفايندر وتورطت الفزعة ياهل الفزعه

[abowesam2006]

السلام عليكم ورحمة الله وبركاته

الي اهل الاختصاص والخبرة

بالاختصار انا عندي باثفايندر 2003 ماشي 250000 الف

صارت عندي المكينة ترتج يعني تهتز وديتها للميكانيكي وقال عندك البلف رقم واحد يبيلة شمبر

ولازم تفك المكينة لانه لما طلع البوجي لقى فية زيت وبعدين سالني الحرارة قبل ارتفعت عندك قلت ايه لكن شلت بلف الحرارة وصيخت الراديتر وضبطت ولاعندي اي مشكلة السيارة عندي الحين مافيها شيء الا ان المكينه فيها رجة وعزم السيارة ممتاز المهم رحت للوكالة وقالوا نفس الشي وقالوا حنا مانقدر نفكها لازم توديها للرياض للوكالة الاصلية عشان يفكونها وتري الميكانيكي الاول اللي رحت له قال انا عندي ماكينتين باثفايندر فكيتهم ولا ضبطوا لانه لما يبي يطبقهم يقول ان الراس او الماكينة ماادري شيسمونه المونيوم يذوب مع الحرارة لازم مكينة جديدة المهم ابي فزعتكم لاخوكم وش اسوي

تري اخوكم قليل خبرة بهالامور

[بواردي الدلم]

حبيبي راجع الخاص وبتلقى اللي يرك انشاء الله

[لن أمل من العطاء]

والله حاجه غريبه


لا تستعجل في الاصلاح الا بعد معاينة اكثر من شخص مهندس

اللي اعرفه انا بحكم خبرتي الخفيفه الشغل على الالمنيوم لاز تكون السيارة بارده جدا جدا
قبل الاصلاح احسب قطع الغيار كم تكلف بالضبط وزود عليها 300 او 400 ريال لقطع لم تكن بالبال ولا بالخاطر
زد على ذلك اجرة الميكانيكي او الوكاله

اذهب للتشاليح واسال عن مكينة السيارة بكم بس تكون حقت موديل جديد يعني ما مشى كثير
وقارن بين الاسعار

الان اتكلم بلغة الارقام

قطع غيار = 4500
ميكانيكي = 1500 ريال

الوكالة قطع غيار مع اجور اصلاح 6000 ريال

مكينة من التشليح مع الرجيع والتركيب 5000 ريال

لو انا مكانك اذهب للوكالة وبدون تردد لانهم حيضمنوا المحرك لك


ارجو انك استفدت من ردي هذا

وعلى فكره ما افهم بالياباني كثير

ان شاء الله اصحاب الباثفايندر يفيدونك اكثر واكثر


اخوك لن أمل من العطاء

[نمر 33]

بأي مدينة أنت ؟

[abowesam2006]

الله يجزاكم الجنة وبيض الله وجيهكم

والله انكم سريتموني بردكم علي والله يفرج همومكم

انا في مدينة سكاكا ( الجوف ) طبعا عند وكالة يسمونها المعيقلي

[abowesam2006]

هل من افادة او تعليق جديد

[موادع الشرقيه]

الله يعينك ويفرج همك
والشباب ما قصروا معك ولاراح يقصرون
وانا لو عندي علم كان افدتك لاكن مع الاسف ما عندي خلفيه عن الباث

[بواردي الدلم]

مكينه الباث غاليه الله يسلمك في التشاليح مابين ال11 الف وال13 الف موديل 2004 و2005 ويمكن موديل 2003 لانها نفس المكينه
انا انصحك تروح للي قلت لك في الخرج صدقني انه فنان وخبرته ماهيب بسيطه وراعي ذمه وأمانه

[abowesam2006]

جزاكم الله خير وبيض الله وجيهكم

[صديقهم]

اخي بواردي الدلم ارجوا وضع الرد حتى يتضح للجميع الفائدة
لان احد الاصحاب جايته نفس المشكلة لكن مديل سيارته 2005
ماشي 60 بس ..

ارجوا الافاده

[مقلع الرمث]

اخوي انا من رايي انك تكد المكينه لين تطفى يعني تروح فيها بعدين ركب من التشليح وحده وبس

[التسعاوي]

السلام عليكم هلا اخوي بالنسبه لمشكلة رجت المكينه ماعتقد انه شنبر <<وانتبه تفك المكينه لين تتاكد مليون بالميه انها تحتاج فك>>

والمكانيكي الي يقولك انه مايقدر يطبق المكينه ماعنده سالفه <<انا اقول هالكلام من خلال تجربه>>

وانا رايي الشخصي ان التوضيب افضل من المكينه من التشليح لانك ماتضمن المكينه <<بشرط يكون مكانيكي فاهم>>

وراح تكلف عليك من 5000الى7000

وإذا تبي ورشه جيده وشغلهم نضيف بالرياض حاضرين. وسلامتك

[بدوي جنوبي]

شف يبو وسام انت تقول ان البلف رقم واحد يبيله شنبر

وهذا كلام غير منطقي في عالم الميكانيكي البلف ماله شنبر
هذي صورة البلف :
http://www.mekshat.com/pix/upload02/images65/mk32037_25.jpg

وهذي صورة قاعدة البلف :
http://www.mekshat.com/pix/upload02/images65/mk32037_66.jfif

حلو الكلام
خلك معي لآخر الخط :D

وهذا طال عمرك واللي يقرون البستم :
http://img394.imageshack.us/img394/9776/pistonut3.gif



وهذا البوجي اللي ظهر عليه الزيت

http://www.mekshat.com/vb/../pix/upload02/images65/mk32037_spark_plug_annalysis_dig_1a.gif
طبعا الي الان ما سويت شي مجرد صور

كيف تظهر الرجه في السيارة :
بسبب وجود شُعر (كسر) في قاعدة البلوف ويسمح بتهريب الضغط
ويؤدي الي ارتجاج المحرك (غير منتظم) ،،،

طالما ان البوجي ظهر عليه زيت هذا يعني ان البستم رقم واحد الشنبر ضعيف ويتهرب الزيت داخل جدار اسطوانة البستم (يعني الشنبر ما يكشط الزيت اللي داخل حجرة الاحتراق )
ويسبب وجود الزيت علي البوجي مع ظهور دخان خفيف ازرق

لابد ان تتاكد من الاتى:
1- كمية صرفية الزيت
2- وجود دخان بعد التشغيل بفتره
3- وجود رجة اثناء المشي بسرعات عاليه
4- استهلاك عالي في البنزين
5-وجود حراره

اذا كل الاشياء هذي موجوده المحرك يحتاج الي توضيب (تسقيط شنبر يكفي ) لكن احتياطا يتم تغيير كل القطع ولذلك عند التوضيب يكلف مبلغ من المال

اعتقد 70&#37; ان المشكله في الراس فقط يحتاج الي فك والذهاب به الي مخرطه والكشف عليه بالاجهزة هل يوجد ميول او كسر او او الخ،،،
ترا يكون في علمك المكيانيكي ما عنده الا فك وتركيب الاتقان اللي خلف الكواليس ( فني المخرطه) اذا صار شغل المخرطة مضبوط المكينة تكون ان شاء الله مضبوطه

المسئلة ما تحتاج الي تغيير مكينة ودفع مبلغ من المال وقدرة
المكينه عندك اصليه وشد بلد حراااااااااااااااااام تفرط فيها لو توضبها
اكثر من مره ،،،، اذا صار الراس تالف يتغير فقط
او يخرط ،،، نصيحه اخي الكريم لا يلعبوا عليك
اشوف الحل الانسب الكشف علي المكينه عند فني فاهم وغير استغلالي
ويا حبذا الكشف بالكمبيوتر يكون افضل ،،

[abowesam2006]

جزاكم الله خير وبيض الله وجيهكم

طبعا من زمان ارتفعت عندي الحرارة وشلت الراس وصيخت الراديتر

وصارت الحرارة مررة على الصفر يعني اوكية

بس من مدة والزيت كل الف كيلو او اكثر شوي ينقص شوي نص علبة

والسيارة والله ياجماعة الخير لو تشوفونها ممتازة وحالتها جدا رائعة بس هالرجة الخفيفة

طبعا قبل امس غير البواجي وطلعت على الكيف بس شويت رجة

وشكراعلي المرور والنصيحة وبيض الله وجيهكم

[أبوعمران]

شف يبو وسام انت تقول ان البلف رقم واحد يبيله شنبر

وهذا كلام غير منطقي في عالم الميكانيكي البلف ماله شنبر
هذي صورة البلف :
http://www.mekshat.com/pix/upload02/images65/mk32037_25.jpg

وهذي صورة قاعدة البلف :
http://www.mekshat.com/pix/upload02/images65/mk32037_66.jfif

حلو الكلام
خلك معي لآخر الخط :D

وهذا طال عمرك واللي يقرون البستم :
http://img394.imageshack.us/img394/9776/pistonut3.gif



وهذا البوجي اللي ظهر عليه الزيت

http://www.mekshat.com/vb/../pix/upload02/images65/mk32037_spark_plug_annalysis_dig_1a.gif
طبعا الي الان ما سويت شي مجرد صور

كيف تظهر الرجه في السيارة :
بسبب وجود شُعر (كسر) في قاعدة البلوف ويسمح بتهريب الضغط
ويؤدي الي ارتجاج المحرك (غير منتظم) ،،،

طالما ان البوجي ظهر عليه زيت هذا يعني ان البستم رقم واحد الشنبر ضعيف ويتهرب الزيت داخل جدار اسطوانة البستم (يعني الشنبر ما يكشط الزيت اللي داخل حجرة الاحتراق )
ويسبب وجود الزيت علي البوجي مع ظهور دخان خفيف ازرق

لابد ان تتاكد من الاتى:
1- كمية صرفية الزيت
2- وجود دخان بعد التشغيل بفتره
3- وجود رجة اثناء المشي بسرعات عاليه
4- استهلاك عالي في البنزين
5-وجود حراره

اذا كل الاشياء هذي موجوده المحرك يحتاج الي توضيب (تسقيط شنبر يكفي ) لكن احتياطا يتم تغيير كل القطع ولذلك عند التوضيب يكلف مبلغ من المال

اعتقد 70% ان المشكله في الراس فقط يحتاج الي فك والذهاب به الي مخرطه والكشف عليه بالاجهزة هل يوجد ميول او كسر او او الخ،،،
ترا يكون في علمك المكيانيكي ما عنده الا فك وتركيب الاتقان اللي خلف الكواليس ( فني المخرطه) اذا صار شغل المخرطة مضبوط المكينة تكون ان شاء الله مضبوطه

المسئلة ما تحتاج الي تغيير مكينة ودفع مبلغ من المال وقدرة
المكينه عندك اصليه وشد بلد حراااااااااااااااااام تفرط فيها لو توضبها
اكثر من مره ،،،، اذا صار الراس تالف يتغير فقط
او يخرط ،،، نصيحه اخي الكريم لا يلعبوا عليك
اشوف الحل الانسب الكشف علي المكينه عند فني فاهم وغير استغلالي
ويا حبذا الكشف بالكمبيوتر يكون افضل ،،




تحيييه لككككك .. :D :D


ماقصرت

[رجل كريم]

لما يبي يطبقهم يقول ان الراس او الماكينة ماادري شيسمونه المونيوم يذوب مع الحرارة لازم مكينة جديدة المهم ابي فزعتكم لاخوكم وش اسوي




وعليكم السلام ورحمة الله وبركاته:


الرأس الالومنيوم في حالة اعوجاجه لابد من تغييره , اما في حالة وجود كشوط او كسور خفيفة فابالامكان اصلاحه بعد اعادة تلحيمه بالالومنيوم ثم مسحه في المخرطة , وحقيقة لم ارى لحام الومنيوم افضل من ورشة ارامكو وبأيدي سعوديين , ينبغي ان يكون لحام الالومنيوم ماهرا وفي حال احتاج الرأس ان يمسح بشكل اكبر فينبغي حينها تدبيل الجازجيت حتى يكون في وضعه الطبيعي حين تطبيقه على المحرك . وانصحك بالتوضيب الكامل للمحرك افضل من شراء المستعمل الذي لا تعرف عنه شيئا .., والافضل ان تبكر باصلاح سيارتك قبل ان تظهر اعراض ضعف العزم حيث من الممكن ان يتاثر الرأس بشكل اكبر ولا ينفع معه اصلاح ..

تقبل تحياتي ..

[بدوي جنوبي]

تحيييه لككككك .. :D :D


ماقصرت


يا هلا بك يا ابو عمران

تحت الخدمه

بالتوفيق :good: