تانكي ماء للباترول .

[اكليل الجبل]

السلام عليكم ورحمة الله وبركاتة


ياجماعة الربع انا ودي بتانكي للماء لجيب نيسان ولا ودي باللي تركب داخل الموتر (بالشنطة )


وابي منكم الحل وين يكون تركيبة . وياليت شرح بالصورة .


وكمان يالييت تفيدونا عن افضل طريقة لتأمين الجنوط من السرقة رغم ان جنوط الموتر كروم
وايضاً الاستبنه مغيرها كروم مهي اللي في نفس الصورة ورحت لمحلات الزينه قالو الاستبنه يبيلها مسمار تايوتا وحبه بمفتاح كمان لتويوتا وتكلفتها حوالي 180 ريال
اما الكفرات الاخرى لم اجد لها حل


وهذا هو جيبي بس قولو ماشاء الله تبارك الله ...



http://bajeelah.net/up/uploads/39c334d3ed.jpg (http://bajeelah.net/up/)

[ابو عمر النوح]

حياك الله أخوي بندر ، ما شاء الله لا قوة إلا بالله ، الله يبارك لك بالموتر و يعطيك من خيره و يكفيك شره أخوي
أنا ما أعرف للباترول و لكن فيه خزان ماء يركب خلف المرتبة واقف و ليس على أرضية الموتر . و تلقى عينات منه عند برق الحيا مخرج 16 في الرياض .

[اكليل الجبل]

الله يجمل حالك ابو عمر ولاكن انا مايناسبني التانكي اللي خلف المقعدة
لانة يمسك مكان واجد وودي بشيء خارجي وان شاء الله الشباب يفيدونا

[حمد808]

فية نوع يركب تحت تانكي البانزين بس ماياخذالا40لترفقط

[اكليل الجبل]

مرحبا حمد ياليت تعطيني معلومات اكثر لان تحت التانكي اتوقع مافية مكان مناسب


انتظرك

[شهوان]

فيه ورشه بالرس اضنها ورشة الصقعبي يركبون للباترول الربع تانكي بين تانكي البنزين والصدام
بس للمعلومية ماياخذ اكثر من 40 لتر .
انا ذكرت ورشة الرس لاني شايفاً شغلهم ماشاء الله مافيه كلام ابد .
بس اعتقد انه ليس عملي ومكلف خذ الداخلي أحسن لك اذا انت راع روحات وجيات اما للي يبيه فنجال قهو وعشي خفيف يصلح له التانكي اللي ذكرته لك .
اذكر ان صاحبي يقول ركبه من عندهم ستيل بـ 400ريال تقريباً .
أرجو ان اكون افدتك .

[عاشق السيل]

وعليكم السلام ورحمة الله وبركاته ،،

ممكن أخوي تفصل تانكي خارجي تحت السيارة بأحد الحلين :
الأول : يكون مخفي وشكله حلو بس مايشيل أكثر من 40 لتر ،،
الثاني : إنه يكون كبير ويشيل 80 لتر أو أكثر إذا بغيت بس عيبه إنه نازل وباين شكله من تحت الصدام ،،

وأنا أنصحك بالداخلي اللي يكون مفروش على الأرض لأنه مايضيق كثير ويشيل كمية أكبر من الماء ،،

ومن ناحية سرقة الجنوط أو غيرها أنصحك بالآتي :
أولا : إذا وقفت سيارتك قل : ( اللهم إني أستودعك سيارتي بحفظك يامن لاتضيع ودائعه ) ولازم تكون موقن وواثق بربك ،،
ثانيا : حاول توقفها داخل بايكة إن أمكن ،،
ثالثا : ركب جهاز إنذار تراه ينفع كثير ،،
رابعا : إذا أبعدت عن البيت حاول ماتوقف سيارتك في أماكن تكون فيها معرضة للسرقة ،،

هذا اللي عندي وعسى الله يحفظلك سيارتك وكل حلالك وتقبل مروري يالغالي .....

[ابو عبدالاله]

توكل على الله وخل الموتر في حفظ الرحمن

[مقلع الرمث]

اخوي بندر ابشور عليك شور لكن لازم تاخذه ماعلي منك اسمع فيه طريقه حلوه الحين لو تلاحظ الجفره الي خلف مرتبه السواق على طول راح تلاحظ فيه جفره حقت الراكبين الي وراء للراكب اللي خلفك واللي على اليمين يعني الجفره كبيره ولا لاه سنع يعني لو تفصلك تانكي بمحل الجفره راح يكون محله مزبوووط جدا لانه ماراح يضيق عليك ابدا بعدين مارح ينزل السياره لانه صاير بالوسط واذا بغيته مفصل وجاهز تحصله عند السنيدي بالقصيم شايفه عندهم لكن قبل اتصل عشان تأكد وياخذ واجد بس بالظبط مدري يعني اتوقع فوق 80 لتر وانا شايف كم واحد من العيال امركبين زيه ويمدحونه ويكون بعلمك الجفره الي خلفك هذي ماراح تستفيد منها الابالتانكي ولامنك ركبت التانكي راح تكون رجلين الراكبين اللي خلفك على التانكي مع العلم ان ارتفاعه مو واجد واااسف على الاطاله .

[اكليل الجبل]

الله يجمل حالكم جميعاً كفيتو ووفيتو