مواصفات واسعار جيب الربع

[الشاطر ماطر]

السلام عليكم ورحمة الله وبركاته
س/كم سعر جيب الربع
س/ماهي مميزات وعيوب جيب الربع
س/وش احسن الربع ابو رفارف ولا بدون رفارف
س/كم ليتر يشيل خزان جيب الربع من البنزين وكم له تانكي وشكرا

[الشاطر ماطر]

معقوله ولا رد

[مدمن فتك]

سعر الجيب الربع من 98 الى 102
مميزاته:
قوي بالبر
شيك اذا جيت تبيعه
قليل الخرابات
عيوبه:
سريع الانقلابات
صغر الحجم وبالتالي قل التحميل فيه
الراحه مش ولابد
السمعه في بعض المناطق
بالنسبه لي بدون رفرف احلى وانصب وانت ورايك مع ان الرفرف اغلى
عدد ليتراته مادري وماله الاتانكي واحد
وانا اكلمك لاني رلااعي شاص والشاص اخو الربع الا بالسمعه ..
تحياتي

[الشاطر ماطر]

مشكور على المرور والمشاركه

[راعي الجارمن]

التانكي سعته 90 لتر و يمشي 400 مششى عادي و مع الشد يمشي 350
و الباقي مثل ما قال أخوي مدمن شروكي

[الشاطر ماطر]

مشكورين على الردود يعني كم ريال بنزين اخضر

[سيف الظفير]

سؤال وش السمة المقصووود منها يا مدمن شروووكي

[لن أمل من العطاء]

سؤال وش السمة المقصووود منها يا مدمن شروووكي

اخي مدمن شيروكي


اش المقصود بسمعته في بعض المناطق

ارجو التفصيل


بصراحة والله ما ادري اش يقصد بها
مثل ما قال اخوي سيف الظفير

[ابوعقل]

والله الربع عزم

واذا انت ناوي على واحد خذ خليجي لا تاخذ سعودي

بس عيبه تانكي البانزين

صغير مره تعبي بالدمام بانزين

ما يدخلك الرياض

اما من ناحيت السمعه

نبي مدمن شروكي يقولنا

[الساهر2003]

مشكور اخوي مدمن شيروكي
افضل مواصفات نزلت في الربع من 2005 وطالع هي
1 - قزاز كهرب
2- بدون مثلث في النوافذ
3- مساحة خلفية ومزيل الضباب
4- تانكيين بنزين مثل اللاند الجي اكس والشاص الاساسي 90 لتر تقريبا والثاني 45 لتر تقريبا بعداد مستقل في الطبلون
5- لووك خلفي وليس ديفلوك
6- ونش متصل بصدام طويل وهذا غير مرغوب في المنطقة الوسطى والمرغوب هو الصدام القصير
7- مراتب غير متقابلة مثل السفاري وغيره
8 - الصدام الخلفي اسود ملبس او شد بلد
9- جنوط مع رفارف وهذا غير مرغوب في المنطقة الوسطى
10 - يتم تغيير الجنوط من الشنبر الى جنوط اللاند او الجي تي او الفراشة او غيرها ذات العرض الكبير
وللمعلومية تراي غير متخصص في هذا الجيب ولكن بعض الشباب اعرفهم ونسافر سوا وسياراتهم جيوب ربع
والخليجي شبه جديد 100000 وطالع الى الجديد 115000 هبال
والسيارة سمعتها غير طيبة ولذلك تردد من يريد اقتنائها وصعب على رجل يقارب عمره 35 سنة ان يقتنيها ويذهب بها الى اي مناسبة بعكس الشاص مع ملاحظة ان بعض ملاك الشاصات من الشباب يتسلل لهم الغرور والكبر والله يهدي الجميع
والف شكر للجميع

[z a n h o r]

اخوي ..:

بالنسبه لربع فانا افضل

الخليجي فل بدون رفرف

يجيك ونش ودفلك (الدفلك غير متاكد منه )<<< غير موجود بالسعودي

مرتبه خلفيه عرض

مساحه خلفيه مع حق الضباب <<< غير موجود بالسعودي

قزاز كهرب

ريموت

تانكي اضافي خارجي مع القاعده حقته ( يتثبت على الباب الخلفي ) <<< غير موجود بالسعودي

وايضا عند البيع ارغب من السعودي

وبالنسبه لسمعه في بعض المناطق ( جت فتره في بعض المناطق ما ياخذ الربع الا البزرنجيه ) واظنها عدت وانتهت الحين

وليس كل من اخذ الربع بزرنجي لكن للاسف الشر يعم والخير يخص وهذي السمعه انتشرت بقوه لكن خفت الحين والحمد الله


دمتم بود

[الشاطر ماطر]

مشكورين على المرور والمشاركه ولاكن وش افضل رع نيسان ولا ربع تويوتا وهل الربع تويوتا له تانكين

[شاص&نص]

الربع لا يأتي إلا بتانكي واحد فقط و قد يأتي بجركل إضافي يعلق على الباب الخلفي

[الشاطر ماطر]

مشكور على المرور والمشاركه

[مدمن فتك]

والله يااخوان سمعة الربع سيئه في القصيم وحايل والسبب انه انتشر ان اصحابه سرابيت ...للاستزاده اسال قصيمي ولا حايلي
ولايعني كلامي ان كلهم انا اقول اشتهر بخلاف ابو شنب تلقاه عند الكبير والصغير

[الساهر2003]

الربع لا يأتي إلا بتانكي واحد فقط و قد يأتي بجركل إضافي يعلق على الباب الخلفي


اخوي خبرك قديم جدا انا شايف ربع 2005 خليجي بتانكيين اساسية مثل اللاند وكل واحد بعداد مستقل في الطبلون وخذ العلم الوكاد والثلث يجي فيه تانكيين منذو مبطي

[أبوالوليد2008]

يابن الحلال والله ان الربع النيسان أفضل بمليون مره من الربع التايوتا

بالنسبه لي

[الشاطر ماطر]

مشكور ابو الوليد ومشكور للاخوان ولاكن كم سعر الفل كامل من نيسان ربع

[عاشق الجكسار]

اقول خذه وماجاك علي

اعرف ناس واجد اخذو جيب الربع والله يمدحونه بس هو يصلح للعزابي بس مايصلح للمتزوج لن عن القصيم الي اعرف الي يركب عالته معه عيب بس الجيب جيب وانصحك خذه ولا تردد يالتني شغال بموضيفه رسميه والله على طول سلف وطقه ولا فكرت بحد بس اي واحد ياخذه يغير جنوطه لن جنوطه الي فيه مي حقت بر

اخوكم : المنتهي

[((ابوملاك))]

اخوي ..:

بالنسبه لربع فانا افضل

الخليجي فل بدون رفرف

يجيك ونش ودفلك (الدفلك غير متاكد منه )<<< غير موجود بالسعودي

مرتبه خلفيه عرض

مساحه خلفيه مع حق الضباب <<< غير موجود بالسعودي

قزاز كهرب

ريموت

تانكي اضافي خارجي مع القاعده حقته ( يتثبت على الباب الخلفي ) <<< غير موجود بالسعودي

وايضا عند البيع ارغب من السعودي

وبالنسبه لسمعه في بعض المناطق ( جت فتره في بعض المناطق ما ياخذ الربع الا البزرنجيه ) واظنها عدت وانتهت الحين

وليس كل من اخذ الربع بزرنجي لكن للاسف الشر يعم والخير يخص وهذي السمعه انتشرت بقوه لكن خفت الحين والحمد الله


دمتم بود

لا يزالون في حائل الله لا يزيدهم ولا يوفقهم !

[rb3 2009]

هلا بالشاطر ماطر

اخوي انا معي جيب ربع 2008 مسيوم 86 طبعآ الموتر نظيف

اعبي فل بـ31 ريال ان طق بوزه

قزاز كهرب
تخشيب داخلي
بلوتوث للمكالمات

بأختصار خليجي (بريمي)

اذا كنت بتشتري ربع عشان البر نصيحه خذ لك شاص احسن

لأن الشاص يشيل كثيرررر , تحمل لين تقول بس

غير كذا الكفرات تقدر تركب عليه اي نوع

لأن الربع البريمي الكفر حقه الواحد بـ710

[صياد الجبل]

السلام عليكم كيف الحال طيب

اخوي الربع

عندك سعودي و خليجي

السعودي نوع منه برفرف وبدون رفرف

الخليجي رفرف وبدون رفرف

الخليجي

يجيك جركل ورا جانب الاستبنه

والسعودي بدون

السعودي الفل : مثلثات مساحه خلفيه عازل ضباب تحكم بالنور جنوط رفارف قزاز كهرب مقاعد عرض

الخليجي ماني متاكد من مواصفاته كامله

......

انت وراس مالك وكله ربوع وماتختلف بشي ابد فرق اكسورات فقط

في الجنوب يرغبون السعودي اكثر

[اميربلااماره]

لا يزالون في حائل الله لا يزيدهم ولا يوفقهم !

هههههههههههههههههههههههه
شكلهم مرين عليك يامجهول ههههههههههه

[اميربلااماره]

الربع عز واسئل مجرب
سيارة البر والوناسة