مووووتري صدا من تحت وش الحل ؟؟؟

[VX-R 2007]

السلام عليكم
شباب انا قدر الله علي وسكنت الشرقيه :d
مع الرطوبه ومع الجو الحلو ومع الاسف بعد صدا موتري من تحت :(
من تحت مع القاعده حقت الونش والمشكله كل ماله ويزيد الصدا
سمعت ان به ماده تحطه وتمنع الصدا بس المشكله الموتر صدا الحين

فيه طريقه اني اشيل الصدا الموجود على الموتر وبعده احط شي يمنع الصدا
الي يعرف طريقه او محل يزينه بالرياض او بالشرقيه الله لا يهينه يتحفنا :d

مع العلم ان موتري لاند كروزر Vx-r 2007
ويعطيكم العافيه

[ولد الدواسر]

سمعت أخوي ان في بخاخ ينباع في أماكن الزينة يزيل الصدا واتمنى الاعضاء يفيدونك زيادة

[VX-R 2007]

هو الاعلانات وواجد وكل ما رحت لمحل زينه مدحلك الي عنده
بس ودك تجرب شي مضموون ومجرب الواحد يخاف على موتررره

ويعطيك العافيه :)

[المحترف800]

هلا بك ياراعي الشرقيه...أسأل محلات التلميع...
ابسأ لك واردلك خبر..بإذن الله...

[مقلع الرمث]

اخوي انا عنديلك فكره اكويسه كل ماعليك انك تجيب صنفره وتصنفر المصدي بعدين ترشه بويه بخاخ عادي بعدين تجيب شحم وتشحم المكان الي امصدي وخلاص انا اعرفلك واحد امشحم موتره كله وهو اربع وعشرين ساعه يبربس بالماء وموتره لافيه صداء ولاشي وسمعت انهم يرشون الموتر من تحت بقاااار واسف على الاطاله

[رومل]

اهلا بك ممكن اساعدك هناك بويه سودا ثقيله تقول انها

شمع شف اي ورشة سمكره وخله يرش لك الموتر من تحت

ليس لها اسم لان نفس العامل يخلطها ولا تأخذ وقت

تقبل مروري

[abu hlal]

اول شيئ غسل السياره بستم...ثم رشها بزيت ..بيروح الصدأ!

بعدها رح محلات التلميع....يطلون شاسي السياره بقار....

[monsixnet]

مر على محل زي بارت اللى فى الخبر

انا ماجربتهم بس اكيد عندهم حاجتك

[أبو LAMeS]

اللي أعرفه أن الصدأ إذا صار ما له حل

لكن أنا مرة كنت في محل السنيدي للرحلات في القصيم بريدة شفت عندهم علاج للصدأ وأيضا عندك اللي يبيعون ويركبون بويات السيارات عندهم علاج للصدأ

الله يكون في عونك

[القبقب]

مانع الصدأ يوجد رش قار خشن وناعم وأنا سويت لموترى اللاند
النوع الناعم ونفع لكن أعتقد محل زي بارت عنده نوعية أفضل لكن أغلى
بالنسبة لمزيل الصدأ يوجد موضوع عنه في هذه الخيمة عليك بالبحث عنه
وسلامتك .

[سندهم]

الحل بسيط طال عمرك

1 0 غسيل تحتي الموتر بستم (بالديزل ) +بستم ماء لإزالة الديزل والصدى جيدً

2 0 بخاخ قار (سائل ,او ناعم ) تحصله عند محلان :الزينة : ورش تحتيه بأنتظام وعلى مستوي واحد "ولا يكون منطقة أكثر رش من الأخري "

تلميع الشاص من تحت على خفيف لأن موترك جديد 2007 ماء شاءلله تبارك الله


بعكسي كان معي شاص قبل :12 سنة 94 بيج : وأحب قطع الشعبان (أحب الربسة

غسلته بستم بالديزل ورشيته "قار "بخاخ .

بدون تلميع وطلع (يلمع ) جديد (وكالة )


فمادري وش رأيك

[الشقردي]

فيه ناس يرشون لك قار أسفل السيارة بعد غسيلها تغسيل خاص ب 180 ريال تقريبا,

اذا جزمت ارسل لي أوصف لك محلهم بالرياض.

[ابوعقل]

رح اغسله بمويا من تحت بدون زيت

وبعدين رح عند اي سمكري قله ابي ارش السياره من تحت

[monsixnet]

بشر وشى العلم؟؟

عسى حليت المشكله

[واقعي وعقلاني]

أخوي الكريم انا معاي فورد وفيه شوي صدا وبسرد لك تجربتي الخاصه وبسعر مايتعدى 100 ريال قيمة القار ورشه وتوفر فلوسك ...
أذا انت في الرياض فيه محل في الصناعيه القديمه عند دورا الجمعيه اسمه العمودي أدخل عليه وقله أبي قار لصدأ السيارات لونه أسود صناعه أنجليزي وفيه نوع ثاني بخاخ بس خذ النوع الأول مو بخاخ وأطلع على مغسلة بستم وخلهم يغسلون السياره من تحت بستم وديزل وتأكد من العامل قله ترشه لي ولا لا لأن بعضهم يقولك لا رح لحقين بويات السياره وهذولي بياخذون منك على الأقل 80 ريال فأنت حاول تقوله بعطيك خمسين ريال فأنا رشه لي عباه في علبة زيت كبيره وقام يرش من تحت ولاتنس بعد ماتغسل السياره ديزل تخليها تنشف ماترش القار بسرعه وأذا رشيت القار خل السياره موقفه 24 ساعه على الأقل حتى مايموع القار مع الحراره وتطلع ريحته عليك وبالتوفيق ....

[مزدهر]

سمعت واحد من ألأخوان كان معه فكس آر يستعمل زيت 10 يرش الموتر من تحت عن طريق البخاخ اللي بمغاسل السيارات

[Democratic]

أنقل لك هذه المعلومة من تجربة شخصية:
اذا كان الصدا في مناطق من بدي السيارة روح يم ساكو تحصل عندهم بخاخ ضد الصدا و النوع الي انا جربت أول حرف فية z كبير بس ماني متذكر اسمة كامل بعدين غسل المواقع الي فيها الصدا و خلها تنشف مرة وثم رش عليها من البخاخ واتركها ما بين ساعتين الى ثلاث ساعات ورشها مرة ثانية وبعد مدة راح تلاحظ ان الصدا راح وتكونت زي الطبقة العزلة بس لا تصير عجول وقيمة البخاخ 12 ريال و بالتوفيق لك ولجيع الأخوان تقبل مروري. :good2: :good2: :good2:

[ابومحمد vtc]

بشر اخونا وش سويت