ديوان الشاعر/ القرناس المهاجر [الأرشيف]

راعي مرات

20/11/2003, 07:20 AM

http://www.mekshat.com/pix/upload/images6/mk8178_cccxd1.jpg
""""""""""
"""""
((قصيده )) ومناسبتها ان بعض الاخوه جاني في نهاية مقناص الطيور وانا راجع منه وقال ابغاك ترجع معي فقلت والله انا رجال قانص واخذت فترة طويلة واليوم انا راجع لهلي وربعي
ولالي نيه في العودة ....... وترجمتها بهذه القصيدة المتواضعة !!!!!!!
تقبلوا تحـــــاتي

خـــلآص مابقـنص ولاعـآد لي حــــــيل = طــيـر الخـــلآ هاجــــر وراحـت ليــاليـه
ياكم ســــريـنا له مـع ظـلمة اللــيل= يقـرب لنـا الفــايت ليـا حـــل طــــاريه
وياكـم تواعـدنا بــــزيـن المقــــايـيل= وياكم تمـركــزنا وجــــيـنـا حـراويـه
خـذنا لنا عشـرين في تالي اســــــهـيل= وعشرين في الوسـمي مع اول مـواريـه
اللي كـــتب خـذنـاه وافـي وتكمـــــيل= واللي صــعب عـــيـّا السـّـعــــَد لايوافــيـه
والــــيوم نكّـفــنـا وحـــنّـا مشــــاغـيل = ماعــد لنـا في الـــبـر نيــّـه ونـمشـــــيه
والنفس طـابت من عنا الحـط والشيل = مادام قفـّا الطـير وش عـــاد نرجـــيـه
وتـناصف الوســمي غـــزير الهـــذالـيل= مزنـه ركـز في البحر والعـين ترعـــيـه
والبـحــر فاض ومـدّ عن موقعــه ميـل= ماعـد نمــيّز غــــبـته من شــــواطيـه
والخور يـجــــري مثلما يجري السـيل = غطــا الصباخ وحــدّنا عن شـــــواريه
وقت القَـنَصَ قفــّا ولابـه محـاصـيل= والطــير مانلقـــى زبــونه وشـــــاريه
لكن لنـــا ميعـــــاد بـذيـــك المقــابـيل = لا للـه عطــانا العـــافيه نلتقـي فــــــيه
واخـتامها شُـدّو العـزب يارجـاجــــيل= طيـر الخــلآ هـاجــــر وراحــت ليــــــاليه
شـاعر المقناص / القرناس المهاجر

راعي مرات

20/11/2003, 07:30 AM

http://www.mekshat.com/pix/upload/images6/mk8178_cccxd22.jpg

عشق الطير مثل السـحر وعند حلول موعد هدة الطيور تجد كل قناص ينتظر هذا اللقاء بكل تلهف بل واعصاب مشدودة أذكر انني كنت في سنة من السنين وفي بداية المقناص عشت هذه الحاله والسبب انني مضت على فترة طويلة ماشفت الطيرتجي الهجرة وتعــدي وانا مااشوفه الا إنكان مع زملايه القـنوص فتحـسـرت كثيراً
وهذا ليس من باب الحسـد ولكن الحب والعشق الدفين لهذا
المخلوق العجيب وقلت هذه القصيدة القصيرة
فتـعـالوا معي

"""""""""""""
""""""""

الله واكــبر ياشـقر الريش وينك=صبرت لك و الصبر ماعاد له حــد

عن شوفتك طالت سنيني وسنينك=عامين والثالث وانا اعدهـــــا عـد

مرت علي ياطــير ماشـفت عينك=انا تعــبت وموترى يشــكي الكـــد

وانا مولع في وصـــوفك وزينــك= والناس باللي قلت تدري وتشــهد

اجمل خبر لاحل وقتك وحـينك= ولاقالو ان الطير في موعده هـد

شـاعر المقناص/ القـــرناس المهــــــاجر

راعي مرات

20/11/2003, 07:39 AM

[align=center][color=#497418][size=4][font=Arial]http://www.mekshat.com/pix/upload/images6/mk8178_cccxd3.jpg

هذه الكلمات النابعة من قلب يحب الصحـــراء ذات الرمال البيضــاء النقية التي خلت من ضجيج المدن وهموم
الحياة ...... من فكر وقلب شخص عشق الصيد والقصيد ... وأوجههـا الى كل من يعنيــة الامر في هذا
الموضــوع ومن استطاع الرد فالــيرد والمجال مفتوح .......!!!!
أعزائي واحبابي لعلكم حين قراءتكم لهذه الابيات تضنون انها !!! تتحدث عن الـحب والغرام في إحدى الجميلات
اعزائـي من منّا لايحب ..؟؟ والحب انواع ..... ولكن بقلبي حبٌ آخـر وهو الذي ارهقني واشغل فكري
[b]وهو الذي اقصده في قصيدتي هذه ...... لن أفسـد عليكم الموضوع تعــــــــــــالوا معـــــي لقـــــــراءتها !!!!!!!

اللـه من عشــــقٍ يتـــل الحشـــــــــا تـل = كالمــوج لاتـل الســـفن فــي بحـــوره
عشـقٍ كمــا نبـــت الخــــــزاما على تـــلْ =والاّ النفـــل لافـتحـــت به زهـــــوره
ياناس حــــالي من عـــــــنا الود معـــتلْ =والجســم واضـح للـنواظر ظمــورة
من هــو الـــــذي مثـلـــي تولـع ولامـــلْ =من زود عشــقه ماتســـمع مشـــوره
ومن هو الذي يـمــناه تـنفـــــق ولاكـــلْ =يبـادل المخســـــار باحـــــــلى شـــعـوره
ياعـــارفين القصـد جـيبـوا لنـا حـــــلْ =للـي تولـع له ســــنين وشــــــهوره
اللـي يحـب الطــير وايا الخـــلا كـــلْ =حـــبٍ قـــديم وراســــياتٍ جـــــــذوره
ياما حـلا جـــيبٍ يقـــلّ الهـــوى قـلْ =يعجـبـك خــلف الطـير لافــك نـــوره
وياما حلى القرناس هذاك الاشـعلْ =مرعب طيور الكون بطشـه وجـوره
ويـاما حلى فرخ الشـياهين لانصلْ =لاكفــكـف الجـنحــان يفـقــد شــــعوره
وياما حلى الخليان لاصـابـها الطل ْ =وجــاه المطـــر من عقب ذيك الدهــوره
تطيب للقنـاص واللي بـها حـلْ =واللـي يهــــــدد عالحـــبـارى طـيوره
هـذا كـلام اللّي تولـع ولازلْ =بيّن لكم عشـقه مع الصوت والصوره
عشـقٍ يتـله كنّه السـيف منسلْ =ماغــــير هو جيـد ونفســه صــــبوره
شاعر المقناص/ القرناس المهاجر

راعي مرات

20/11/2003, 07:41 AM

http://www.mekshat.com/pix/upload/images6/mk8178_cccxd44.jpg
هذه القصيد اهديها مع التحية والتقدير لاخي(( ابو تركي))) وكافة اعضاء وقراء مكشات وأرجو ان تنال اعجابهم وهي عبارة عن محاورة بيني وبين موتري
( اللى زعل مني وضاق صدرة من كثر ماانا افر به في كل الصحاري والطعوس)
امل ان تنال اعجابكم ورضاكم وتقبلو خالص شكري وتقديري ،،،،

شكى الســفاري من تصاريف الاقــــدار= يقــول ســــــــواقي جـــــلبلي مضـــــــــرة
عــــامين ســاكت له على المرّ صـــــبار= في كل ديــره لي عـــــــــلامه وجـــــــــــرّه
محســــبك ياســـواق بالحيل جــــــــــبار= رقــيـــتبي في كل حـــــــزمٍ وحـــــــــــــره
وخاطرت في مشــيك على سـكة القــار= ماتسـلم الجـــــــرة ترى كـل مــــــــــــــره
قلت انت يافـــــــنان من صنع كفــــــــار= مصنعك في اليابان نعـــــــــرف مقـــــــره
ماغـــير لاتكــــــــثر ســـــواليف واعــــذار= تـرى الشــــكاوي ماوراهــــا مســـــــــــــرّه
قال انت في ظهري وبـــيديك منظـــار= جالس على مخمل وصــوتك تجــــــــرّه
وانا احــــترق ياســــــيدي نارفــــــي نار= مكينـــتي في خــــدمــتك مســــــــتمرة
قلـــت انت يالنيســـان عـثره ومخســـــار= خـــزانكم صـــبح وعشـــــــــيا نـــغـــــــــرّه
عســــاني اتوفــــــــق بقـرناس الاحــــرار= واشــري سـواكم جيب لجـل المكــــرّة
وابيعكــم في الســـوق باقل الاســــــعار= يمكـــن مـع غــــــــيري تلاقـــي مـــــــبرّه
واشــري سـوزوكي كل شــغله بمقـدار= مايصـــــــــــــرف البنـــــزين للـــــــــه درّه
قال انت يبـــن آدم مخــــادع وغـــدار= مضــــيع المعــــروف وهرجـــك مغـــــــرّه
ان بعــــتني تنـــدم على خس الاشــوار= و تذكـــر زمان وكــــل دربٍ تمـــــــــــرّه
وترى الســــزوكي لو يناســــــبك بوّ ار= مايحــتمل في الخـــــط لو زدت زَ رّه
إلى مشــــا ظـلى ينطــنط كما الفـــــار= في الدرب يمشي بك كما مشــــي ذرّه
وانا ترى يشـــــــهد لي الدوج واحفـــار= والقـنفـــــذه والـــــبرك بحـــــــره وبـــــــرّه
مشــيتهـــــــا بامــــــرك ولانــــي بنكـّـــــار= صـبرت عالمشــوار حـــــــــلوه ومــــــــــــرّه
واليوم تـنســاني وتبـدي لك انـظـــــــار= ياســيدي عالهجـر نفســك مصــــــــــــــره
قـــلت العفو يامـــوتري كــــيف تـنهـــــار= معـــــزتك في ظـــــــامري مســـــــــــتقرّه
زعّـــــلـتـني وانا كما هـــبـة اعصـــــــــار= والنـفس مما جـالـهـــــــا مســــتحـــــــــــرّه
كني كما طـير الخـلا فــوق الاوكـار= لامســـــــى يكـــافـخ حــالته مســـتـشــــــرّه
ماغــــير لاتزعــل ترى الكــــــون دوار= اللــــه يكفـــــــينا عقــــــــــابه وشــــــــــرّه
ابـشــر بـما يرضــيك في كل ماصـــــــار= ابعـــــترف يامــــوتري لك واقــــــــــــــرّه
وابشّــــرك في الخــبت يقلون مخضــار= غطـــت نباتاتــــــه كثـــيبــــه وســــــــــرّه
ســحايب الوســـمي ســقـتها بالامطـــار= بامـــر الكريم اضحت وهي مـــزدهـرّه
هيا ســـوى ناخــــــذ لــنا فيــه مشــوار= بعـــد الرضـى يامـــــوتري لاتـشـــــــــــره
فقال لي مســــموح ياســـــــيدي البــــار= إعــداد ماتمشـــــي نـــجــوم المجــــــــرّه
تم الجــواب وكمّـلت كل الاخـــــــــبار= في قصــــة النيســـان واللـــي يفــــــــــــرّه

شاعر المقناص/ القرناس المهاجر

راعي مرات

20/11/2003, 07:54 AM

http://www.mekshat.com/pix/upload/images6/mk8178_cccxd5.jpg
""""""""""""
"""""

اخواني الأعضاء 000 اخواني الزوار 000 لقد خرجت في هذه المشـاركة عن المعهود عني 00 عودتكم انني شـاعر المقناص ولكن هذه المرة خشيت 180 درجة في درب الغرام ... فمعذرة فلست بالشاعر المخضرم ؟؟ ولكن هي تجارب واحاسيس يترجمها الانسان بدون اراده فعواطفه تعبر عنه في غالب الاوقات....

ياعشيري .. وش علامك تـنكرالحـب القـديم= وش علامك ذيك الايام القديمة خــنـتــــهـا
والله إني حــافظ العشـرة وفي حـبك مقـيم= والمـحــبه لجـل عينـك فـوق راسـي شـلتهـا
ياعشــيري بالمحـبة كـنت اقـول انك فـهـيم= مادريت انك هـواوي كل طرقة جــيتهــــا
غـرك الحـب (المطـوّر) وانـت بالدنيـا غشـيم= طحت في موج البحـر يوم المحبة هـنتهــا
دلّــعـوك اهل المصالح يوم قالوا00 ياوســــيم= وا نجـــرف قلبك وراهـم والوعـود اوفـيتها
ياعشـيري روح في دربك تـهـنّـا بالنعـيم= خــلــني في ذكـريـات الحـــــب مامليـتهــــــا
نار حـبك وسـط قلبـي مـثل نـارٍ بالهشــيم= كيف تطـفــا نـار قلبي بعــدما شـــبـيـتـــهـا
وسهمك اللي ملتهب صابني جوف الصميم= أحــــــرقـتـني نــار حـبك وانــت ماطـفيتهـــا
من ســبايـبكم حـياتي كنهـا فـوق الجحــيم= والدمـوع الغـالـــــية من ســبتك هـليتهـــــا
لاتعـذّر .. لاتندّم … لاتقـل .. واللـه العـظــيم= عــذركم مـا نقـبلــه دام الخــطـية شـفتهــــا
لافقـدنا الريـم نلـقى في دروب الحــب ريـم= من جديد ابني المـحــــبة بعـدمــا هــــــديتهـا
ابنـدور غــيركم محـبوب وافهــم يافـهــيم= والليـالي المقـبـــلة تبــدي اللـي اخــفيـتهــا
اشهد ان الحـرّ مايمشي مع اطـيور الرخـيم= ماكــــره روس الجـبال العــالية لــو ريتهــــا
قدر اللـه وافــترقـنا والمقـــدّر شـي ألــــيم= إ نتهـينـــا والســبايب منك يوم انهــيتهــــــا

شاعر المقناص / القرناس المهاجر

راعي مرات

20/11/2003, 07:55 AM

http://www.mekshat.com/pix/upload/images6/mk8178_cccxd6.jpg

إهداء لكافة أعضاء منتديات مكشات ومحبي كلمات شـاعر المقناص ( القرناس المهاجر)

000 امل ان تنال اعجـابهم وتحوز على رضـاهم 000 وهي في الغزل وذلك نزولاً عند رغبة الجميع

"""""""""
"""""

انا الذي حـــبيتكم ياريـش العـــين= واوفــيت ماخنت الهوى والمحبة
صبرت صــبر أيـوب ذقت الامرين= قاسيت نار الــحب شـبه وشـــبه
اقفــت بنا الايام ياكـامل الــــزين= بحر الــهوى كم غصت جمّه وغـبه
وراعِِ المحــبة عـنده الليل ليلــين= والحــب للي حـب ماهـو مـســبة
لاتحســب ان الـــحب ليلة ويومين= الحب طول العمــر 00لا00 لاتكبه
والهجر بعد الحب ياصاحبي شــين= دمع الغــلا بعـد المحبـه تصـــبه
وعواصف الفــرقى وراهـا شــياطين= وياشـين فرقى الحب ومقـوى مطـبه
واخـتر لنفسـك واحـده بين ثنـتين= محـبتي وإلاّ الفــــراق اعـتزم به

""""""""""""""
""""""
""""
شاعر المقناص / القرناس المهـاجر

راعي مرات

20/11/2003, 07:57 AM

http://www.mekshat.com/pix/upload/images6/mk8178_cccxd7.jpg
أعود لكم من جديد بهذه القصيدة في المقناص وهي في طيري اللي كنت احبه واشفق عليه واعتبره كأحد ابنائي
الطير فقـد اربع من ريش الجناح ( المواسي) ولم يستطع الطيران فقمت بتوسيره حتى كأنه لم يتكسر واصبح طيرانه طبـيعي 100% وبينما انا في ذلك الفرح بطيري والثقة الزايدة قمت بتهديدة مع صلاة المغرب وهو الخطأ الذي لن انسـاه ولن يتكرر حيث فقدت طيري وسـرى ولم اجدة أو يأتيني خبره نهائياً
فنظمت هذه القصـــيد وأرجو أن تنال اعجـــآبكم فتعــالوا معي
"""""""""""
"""""""

طـرادنا يـم الخـلا زاد شــوقه=اقفـى مع المغرب كما هـبة الـريح
اقفـى وانا قلـبي تزايد احــروقه= أون ونــات القـلوب المجـاريح
اقفـى ولا في كـفّة الاّ ســبوقه= مالـد لي وانـا على شـانه اصيح
مشـيت خـلفه مجتهد في لحــوقه= وناديت باعلى الصوت وين المراويح
ياطير واعـلامك نويت الفـروقـه= وين المسـا ياطـير وين المسـاريح
قال انت ياقنـاص نفسـك حـموقه= تحـدني عالجـوع لـجل المصـاليح
والبرقع احـفاني وفي العـين عـوقه= والسـبق في رجلي به اقـوم واطيح
اشتقت لغـروب النهار وشــروقه= ملـّيت من ريح الـمدن والمصا بيح
ودعتك الله هـرجتي لك حــقوقة= لاعد تصـيح ولاتهـز الـملاويح
قلت اعـتبرها مـنك ياطير بوقـه= اخـذت من ظـرف الليالي مفاتيح
ياطـير ماترحـم ولابك رفــوقه= وانا الذي خليت ريشـك منـافيح
ياطـير انا قـلبي تنـابض عـروقه= لعـبت بي ياطـير لعـب المراجيح
وانا لكــم ياطـير نفسـي شـفوقه= ماودي امـنّ المعـاريف وآبيـح
هـزيت جنحك مثل نوظ البروقـة= فـوق الجبال العـاليات النواطيح
اظـن تبغـى يم حـليه ودوقـه= والـلاّ الخبوت الواسعات المبـاريح
مدري غلط والا من الناس ســوقة= عـييت ماتكـثر عليـنا التلامـيح
وانا اعـرف القـرناس لازاد توقـه= ناوي على راعـيه مكر وتصـافيح
وكم اشـقرٍ صـافي مليحـه دقـوقه= اقفى على راعـيه بارض مطـافيـح
وكم واحـد لجلك ذرف دمع مـوقه= دمع الغـلا ماهي دموع التماسـيح
وانـا ادري ان الهجر لازم نذوقـه= الطـيركم لوع رجـالا طحـاطيح
واللي نحـبه مانمـــيله لســوقه= ماغـرّنا ياطــير مـال ومرابيـح
من حـبنا للطـير نوفـي حــقوقه= مايحـفض المعـروف غير المفــاليح
واللـي جـفانا وابتعـد مانعــوقه= نودعـه واقـلوبنا له مجــــاريح

شاعر المقناص/ القرناس المهاجر

*

راعي مرات

20/11/2003, 07:59 AM

http://www.mekshat.com/pix/upload/images6/mk8178_cccxd8.jpg

اعـــزائي قصيدة اليوم تتحدث عن لوعة فراق لزمـــان مضى ولن يعــود 00 ولأرضٍ طيبه تغيرت معالمها
ولحياةٍ فطريةٍ كـانت وانتهت 00 لاسباب عـدّة 00 ولحــياة عصرية متمدنة 0
00 آمل ان تـنال اعجــــابكم واسـتحســانكم 0

http://www.mekshat.com/pix/upload/images5/mk8178_birds888.gif

البارحـــه قـلبي تهيض ولا نام=طرى عليه من الليالي طـواري
تذكّـر المقناص من عـدة اعـوام=في ديرةٍ هي منوتي واخـتياري
ديره بها طـير الخـلا دوم حـوام=وايضا بها جول القطا والقمـاري
تسمع لها بالجـو تغـريد وانغــام=والطير الاخضر باظلم الليل ساري
تمضي بها الهجره من الشرق والشام=متوجهه يم الجـنوب الخضاري
اللـه يسـقي مامضـالي من أيـام=في المملحه بين الجبل والشواري
من القطـيره لاالمنافــر وقــدام=لين الدعايم لين برج الهـواري
الديره اللي قـد طرحنا بها التــام=اشعل حـمرواشقرمع جنزباري
ياكـم طـرح فيها جـزومٍ وعـزام=اللي على ضرب المخاليب ضاري
عريض منكب شـوق راعيه لاقـام=باسه شـديد وعوق كل الحباري
وتلقى بها الشيـهان مقلـع وهجّـام=اللـي هـداده عالمطـاريد ناري
وتلقى القنوص اللي يحـاول ولـزّام=في خيمة المقناص بايع وشـاري
بعد السنين الطيـبه جـات الاعـلام=هبـة عليها بالسـموم الـذواري
تشكي من التغيير ومن جور الاحكام=هلّت على الماضي غزير العباري
وقت الرخى قفى كما طيف الاحـلام=اقفت ليـالي الخـير والكل داري

"""""""""""""""
"""""""""
"""""
شــاعر المقـــناص/ القرناس المهـــــاجر

راعي مرات

20/11/2003, 08:02 AM

http://www.mekshat.com/pix/upload/images6/mk8178_cccxd9.jpg
أعزائي القراء... اعود بكم هذا اليوم لقصـائد الهـوى ..... ويسرني ان اعرض لكم هذه القصيدة التي اخـاطب فيها قلبي المسكين الذي انجرف في حقبة من الزمن ... واوجه له نصيحة صـــادقة .....علّـــه يتعض ويـتفكر .. ويعي ......... وهي بعنوان ................... لوزانت الايام
""""""""""""""
""""""

ياقلب لاتحزن على فرق غـاليك= اصبر على ماصار خلك عـزومي
ماهي غريبة تفقد اللي مخاويك= كم عاشـقٍ قبلك بلته الهمـومي
ولوزانت الايـام لازم تعـنيك= تجبرك في عد الشهب والنجـومي
تتخيل اسـهيل اليماني يحـاكيك= تقلب على نار الغضي ماتنـومي
الوقت ياقلبي من الصعب يرضيك= والحب يلعـبك واشوفك غشومي
انا ترى بانصحك ياقلب واوصيك= الحـرّ مايمشـي مع ديـك رومي
واحسب حسابك وافتكر في لياليك= إحـذر تحب اللي قلـيل السلومي
ترى الردي ياقلب لو هو يماشيك= يصد لاشاف العـدى والخصومي
ولوكان تصفى للردي مايصافيك= يضـيع وقتك ماقضالك لـزومي
وانكان تشكي له ترى مايواسيك= محبـته تفنى وحـبك يـدومـي
ونا اطلب الخلاق ياقلب يهـديك= ياللي على نفسك غديت الظلومي
عمرك مضي وانت الليالي تمنيك= وابليس يعمل في خيالك رسـومي
كم لي ونا ياقلب عالحـب ناهيك= ماطعـتني يوم انت بالحب تومي
من بعد حب اللي يقولون هاويك= خرجت من صدري لحر السمومي
واليوم تتندم على شين ماضيك= تلومني في قُـل نصحي ولومـي
انا نصحتك واطلب الرب يعطيك= حب القـناعة كـنز للي فهـومي
هـذي الحقيقة قلتها لجل نوفيك= ودي نخفف من طعون السهومي
جازيتني ماغـير ماني مجـازيك= لان الهوى والحب حض وقسومي
واخـتامها ياقلب صدري يناديك= دامك حـياة الروح خلك رحومي
شاعر المقناص / القرناس المهاجر

راعي مرات

20/11/2003, 08:04 AM

http://www.mekshat.com/pix/upload/images6/mk8178_cccxd99.jpg
اعود اليكم احبتي من جديد بكل ماهو مفيد 00 وأفيدكم ان الطيور المهاجرة بدأت في الوصل للمناطق الساحلية الغربية حيث وصلت الطيور الصغيره بكثره وبجميع المسميات وايضا بعض السمان والقمري لكن حبه حبة ووصل ايضا قائد الطيور الجارحه وهو الحقبي أو( ابو حقب ) واسمحولي في هذه التسمية لانه بصراحة فال خير علينا يالشّـبّاكة :D وعندما شاهدته قبل يومين عندنا ضحكت وانشرح صدري وتذكرت محاورة حصلت بيني وبينه فقمت بترديدها في تلك الارض التي توسع الصدر ورايت عرضها لكم لكون المقناص على الابواب:D ولعلها تحوز على رضاكم واسـتحســـــــانكم
""""""""""""""""
"""""""""

ســـــلام مني يالحــقـبي تحـــــية= وابغى الجواب انكان عندك لنا اعـــلام
أبانشِـــدَكْ عالرحــلة الموسـمية= وش كــثرها ياطــير من رحــلة العـــام
وبانشِــدَكْ عن كل سِـمْنَه وقـمرية= وعـــالمثاليـــث اللــي اتهــــد قــــــدّام
وبانشدك عن كل وكري ووكـريه= وعن كل طـــيرٍ خـــالط الجــو حــــوّام
واخـص في ذكـري طيورٍ زهـية= الحــر والشـــيهان مثـلــــوثٍ وتـــــام
قــال الحـقـبي مالقــى مرحــمــــية= محــــدٍ يصيــدة غــــير لجـــل التـعـلام
ارجــوك ياقــناص وخّـــر شـــوية= انا مسـافـر لي تــرى اشـهور وايّــــام
فقـلت لا تــزعل ســنيـنــك مـديّـة= هــات الجــواب ولظـرورة تـرى احكام
قـال الطـيور المـقـبــلة من هــنيه= واشّـــر بجنحــانه على الشـرق والشــام
واللي تــبونه ظـــنـتي دون مــــية= وغـــيرها تعجــز عــنه كل الارقــــام
قــلت السـفـر لاوين هـذي العشـية= قال التحـــية لك تــرى منــي اخــــــتام
واقـفى وانـا افــكر همومي خـفية= مـرّة مع الــواقع ومـرة مع احــــــلام
ياما حـلا المقـناص بارض خـلية= ارضٍ بها تـنسـى همومك والاوهـــام
في جـيب تويوتا وصوفة خليجـية= ماينـســمع صـوتـه وصاروخ لاقـــــام
ولا واهـني اللي قنص باجـبـلـية= تلحـق على فـرخ الشياهين ولو حام
والاّ بوكـــريٍ عــزومة قــويّــة= اللــي على ذيــك القــرانيـس هجــــام
اقـــولها يــوم القَنَصْ قرّب مجـيّة= وكــلاً تجــهـزله ونصبـو له اخــــيام
شـاعر المقناص/ القرناس المهاجــر

راعي مرات

20/11/2003, 08:06 AM

http://www.mekshat.com/pix/upload/images6/mk8178_cccxd999.jpg
إخواني القــراء....
السلام عليكم ورحمة الله
تعلمون ان وقت هجرة الطيور قد حل علينا 00 واقترب وربما دخلت هذه الطيور بعض
الاقطار العربية واجزاء من بلادنا000 وقد تذكرت قصيدة نظمتها في مثل هذه المناسبه
وكنت احاكي بها احد اصدقائي المولعين بالقنص 00 واحببت ان اهديها لكم ايضا بمناسبة
قدوم مقـناص هذا العام :)
ارجو ان تنال استحسانكم وتحوز على رضاكم :good:

:D :D

دار الفلك يابو صقـر واكمل الـدورة= وجانا القنص في موعـده واقبل الطـير
والعين باللي شــافت اليوم مسـروره= عيـزات وابو احقيب وايضأ عصـافير
الهجـرة اللي جات من كل معموره= ربـي مسـيرها ومتقـن لها الســير
تمـر فـي ترتيـب وكلٍ على دوره= ماقـد حصـل في رحلة الطير تغيـير
وباكـر يجيك الحـر في واضح الصوره= وايضـا شـياهينٍ تشـوق الصقاقـير
والجيب خلف الطير قد حن ماطورة = مثـل الشـبح لامنهـا قامت اتغــــير
والطـير قـرناسٍ ويـازين منظـوره= ارقـط وسيع الصدر وايضا المناخير
شـيٍ يشـوق البال والعشق ياجـوره= وذكـر القنص يطري مع طاري الخير
ونفسـي على ماقلت لاشك معذوره= والعـذر مقـبولٍ لمن هو عشـق طير

"""""""""""""""""""""
"""""""""""""
"""""""

شاعر المقناص.......... القرناس المهاجر

راعي مرات

20/11/2003, 08:07 AM

http://www.mekshat.com/pix/upload/images6/mk8178_cccxd9991.jpg
الى هواة شبك الصقور00 اسعد الله مسائكم 00
اليكم هذه المشاركة وهي حنين لماضٍ جميل 00 وحزنٌ على حاضرٍ غلبت عليه الحياة العصرية والتصرف
الفوضوي الذي أدّى إلى إنقراض الحياة الفطرية....؟ :confused: :confused:
""""""""""""""""
"""""""""

متى على الله تبتـدي هـدّة الطـــــير= وانشـوف جنح اللي بحـبه بليـــــنا
اللي على شـانه قطعـــنا مشـاوير= والاّ لغـيرة بالخــلا مامشــــيــنا
حــبه شـغـلني بالمـــنى والتفـاكـير= ياكـــم على شــانه ليــالي ســريـنا
في خـبتٍ اجـرد مابه الا المغـاتير= ســـتـين ليـلـه للبشـــر مابديـنـــــا
في ديــرةٍ للطــير فيـها مـواكــير= انشــوفها في كـل حــزه وحـيـــنا
كانت تفــرّخ في الجبال الشخاتير= اعشــاشـــها تشـهد على ماطــرينا
واليوم غـصب انّـا نحـصّل مذاكـير= يـاكـود بالهــجرة تعــدي علــيـنا
ودي التمس للطير بعض المعـاذير = ماغـير ماني خــــــابر الاّ يـديـنــــا
حـنا السـبب فيما حصل يالمسافير= من حـــبـنا في مسـكــته لاغــديـنــا
وايضا الحضارة والقنوص الطوابـير= اللـي هـــــواة وتوهــــم مبتـديـنـــا
يشـهد على قولي قنوصٍ مشـاهير= اللي لهم خــبرة وعلــمٍ يقــيـنــــا
ماغـير انـا طالبــك يامعـطي الخـير= تعـيضـنا في ماضــــيات الســـنيـنـا
وعــزالله انا بالليالي المعـاســـــير= اللي بها طير الخــــــلا مايجـيــــنا
شـاعر المقناص/ القرناس المهــاجــر

راعي مرات

20/11/2003, 08:13 AM

http://www.mekshat.com/pix/upload/images6/mk8178_cccxd9992.jpg

كتب أحد الأخوة الأعضاء قصيدة ( أبو فيصل) إعجاب بالشاعر القرناس المهاجر وكانت هذه الأبيات/
أخوي القرناس المهاجر
السلام عليكم وبعد:
تمعنت في بعض
من قصايدك واعجبتني
من حيث نضمها ومحتوياتها
واستهضت مما عرفته عنك
في قصيدك وودي
انك تقبل هذه العذرا المتواضعه.............

اقـــول انا في اول العـــــلم واتــلاه=ماجمل قصيداً فيه زين المــــــعاني
مثل الذهب خالص ولاِشين مبــــناه=اعجب بنود الفكر وغنى لساني
قـــولً صحيحً كــــل زيــــــنً تبنــــاه=من شاعر المقناص علمً بيــاني
جزل اللسان ولا نثر يحّــــسن رواه=ماهوبعجـــــلاً لا نثـــــر قــــلباني
يحسن صياغ القول وفالبس يكساه=مايقّصر لباسه على الوزن بانـي
حّرك اللسان يبين في القول لأبداه=ويضـــــهر لنا حــل اللّغز لأقتذاني
وانا بعيني مانضـــرته وشفنــــــاه=شيً يشرف من يـــعْرف المـــواني
مي ناء فكر الرجل لاقــــام ووداه=ياوين يّبـــــــحربه ووين المـــكاني
احداً على سيف البحر يلتمس ماه=واحداً في جوفه محترف لــه مباني
وختامها صّلوا عـــــلى من تبعناه=خير العرب طِيب الرجال الحســــاني
**أبو فيصل**

وتقبل تحيات اخوك ابوفيصل....

وقد رد عليه القرناس المهاجر بهذا/

اخي الحبيب ابو فيصل 000

السلام عليكم ورحمة الله وبركاته

اخي 00 اعتذر منك 00 جدا 00 جدا 00 عن التأخر 00 لانشغالي بمقناص شبك الصقور 00 ووالله
مهما بررت موقفي فلن ارضيك 00 ولكن انكنت من نجـد فسأبشر نفسي برضاك 00 لان صدوركم تتسم بالسعة ودمح الزلة
اخي تقبل مني هذا الرد المتواضع على قصيدتك 00 وارجو المعذرة 00 ومشكور من اعماق قلبي على
اعجابك ومحبتك بما نكتب 00

حـييت ابو فيصل وخطك قـريناه= يامرحبا بالمعجـب اللي عـناني
قـولك على بالي ولاقـد تركـناه = اسـمك وكتبك مابرح من عـياني
وياخوي ابو فيصـل جوابك فهمناه = رسـالتك جـتنا وعلمـك لفـاني
انا كـتبت القـاف وابديت معـناه= وضّحت ماقـد صابني من زماني
كتبت عن وقـتٍ تعـدى قضـيناه= وقـتٍ به القـنّاص يلقى مكـاني
الصـيد متوفـر ويامـا لقــيناه= وايضا الحبارى والقطا والسماني
حتى القمـاري والحجل مانسـيناه = من كثرها مايتْعَـبَ المودمـاني
وانا عشـقت الطير واسْعد لطرياه = عشرين عام وعشر حُـب وتفاني
روحي على شوف الصحاري معنّاه = في حـبّها والطـير ربي بـلآني
وشـبة الضـو والـدلال المصـفاه= ابـوي من صغـري علـيها رباني
ياصاحبي حـب الخـلا ماسـليناه= حــبٍ قـديم ولا تبـدل بثـاني
وحـنّا يبو فيصل ترى العذر نبغاه= آسف على التأخـير وقتي خـذاني
واختم جـوابي مثلما قـلت مبـداه= يامرحبا بالمعجـب اللي عـناني
شاعر المقناص/ القرناس المهاجـــــــر

راعي مرات

20/11/2003, 08:22 AM

http://www.mekshat.com/pix/upload/images6/mk8178_cccxd9993.jpg
إلى رجال البادية 00 إلى هواة الصيد والحياة البريّة00
أهديكم هذه القصيدة واتمنى ان تحوز على رضاكم واستحسانكم

ياناس قلبي ضاق من جو جـدة=ماعاد له فـي جوهـا زود نيـة
صبرت حتى وافق الصبـر حـدة=والصبر للي مـلْ واللّـه بليـة
ومسكين منه تالي الوقت ضـدة=ضدة على جرف الحياة الشقيـة
قلبي ليا شاف الهوى زاد صـدة=ماله علـى درب الـردى قابليـة
والعين ماتبغى من الزيـن لـدة=والنفس جازت عن هوى الجاهلية
العين تبغى شوفـة اللـي نعـدة=برٍ فسيـح ولـه فجـوجٍ مديّـة
انا ابدوي للبـر عنـدي مـودة=حبٍ قديم ولـه سنيـن مضيّـة
يشوقني حب الصحـاري بشـدة=يشوقنـي المخيـام والشاذليـة
اصالتي مـن ديرتـي مستمـدة=اهل الكرم واهل الوفـا والحميـة
يطيب لي تفريع الاشقـر وهـدة=على الحباري في ديـاراً خليـة
واحب تنفيج الضبـا مـن ملـدّة=وانا على شاصٍ عزومـه قويّـة
هذاك وقـتٍ راح صعـبٍ مـردة=يوم الخوي بالفعل يبسط خويـة

[align=center][color=#497418][size=4][font=Arial]
""""""""""""""""""
""""""""""
""""""
شاعر المقناص/ القرناس المهاجر

راعي مرات

20/11/2003, 08:26 AM

http://www.mekshat.com/pix/upload/images6/mk8178_morah-11nnn.jpg
"""""""""""""""""""""
"""""""""""
http://www.mekshat.com/pix/upload/images6/mk8178_gggggggkj12.jpg
إلى كل عاشق للصيد 00 إلى هواة البرية 00 إلى محبي وعشاق شبك الصقور المهاجرة 00 إليكم هذه المشاركة التي خاطبت فيها عشقي وداعبت فيها أمنياتي 00 وتمنيت من الله تحقيق أهدافي وغاياتي00 لن اطيل 00 أترككم مع القصيدة 00 متمنياً لكم موسم صيدٍ وفير وليالي طيبة 00 وفق الله الجــميع
:bounce: :bounce: :bounce:

الجيب جـاهز والقنص محــترينه = واسـهيل بـــان وتو بــدّت ليالـيه
الله يجــــيب الطــير لاحــل حــينه = لابد له حــومه ونســمع طـواريه
وعـزالله إنا من شـهر محـتســينه = العـفش جهزناه والفرش طـاويه
واشـــباكنا من نايلــوا منتقـــينه = يحمل كفوف الطــير لاجا يـلآويه
وازريقــنا موجــود وامشــكلينه = وايضا معي طـراد ذالعام شــاريه
كله على شــــان الطـــيور الثمينه = اللي لها ماقــع تهــاجر وتاجـــيه
واخص انا حـراً وصوفه حســينه = قرناس بكـر وتو صفت مواسـيه
شــيخ الطـيور وماضياتٍ ســنينه = غايب عن الهجـرة وطالت لياليه
صافي نحــر والراس ماغير عينه = والظهـر قمريه ليا جــيت أحــليه
افجح على وسـره وسـاقه متينــه = والعنق وافي والحــلا في ثنـاديه
والا من الشـــيهان نــــادر وزينــه = ستة عشر طوله وعرضه مساويه
نقــــالته من طيــــبـته عاشــــقينه = فرخ جزوم وفي الهدد من يجاريه
يفعـــل وفعــــله كلكــم عــــارفينه = واسـرع طريده لانـوى ماتخاطيه
هذا هـوى قلـــبي وســــبة حــنينه = مســـكين ياقلــبٍ تولـع بغــاليه
مغـــرم مــولع والمحــبة مكــينه = حب القنص والطير ماني بساليه
واخــــتامها ياللــه يامـرتجـــــينه = عبدك رجاك ولا تخــيب رجـاويه
في صــدفةٍ ياللــه بيــني وبنيــــنه = واللي طلب فضلك تجيبه وتعطيه

شاعر المقناص 00 القرناس المهاجر
"""""""""""
"""""""

راعي مرات

20/11/2003, 08:33 AM

http://www.mekshat.com/pix/upload/images6/mk8178_gggggggkj11.jpg

دارت السنة 00 واقترب موسم الصيد 00 وهانذا بحمد الله اعود إليكم بهذه القصيدة ارجو ان تحوز على رضاكم واستحسانكم 00 :bounce: :bounce: :bounce: :heart: :heart:

البارحـة في تـالي اللـيل طلّيت=بغيت اشـوف اسهيل وارفع بشاره
ابشّـر اهل الطير واهل المكاشيت= باسهيل يوم انه طـلع في مـداره
حيث إن نجم اسـهيل للطير توقيت=للي يحـبون الخــلا والصقـاره
فـيه البـراد اللي بجـوه تهنيت=وهو بدايه لانصــراف الحـراره
يحلا به المقناص من حـيث لقيت= في رفقة اللي معـرفتهم تجـاره
بين الفجوج المخـلية لو تمـاديت= ارضٍ خـلا والعشب زايد خضاره
رحلة قنص تسواك ياجلسـة البيت= وأخير من جو المـدن والحضاره
في ديـرةٍ فـيها للاشـقر مواقيت= ينوي لها وقت الخـريف الزيـاره
ياما على ذِكره وشـوفه تسـليت= لجـله نظمت القاف باحلى عـباره
وياما حـلا لقـياه لو به تلاقـيت= في الصبح والمقناص باول نهـاره
من يوم اشـوفه بالأزاريق زكـيت= من زود عشقي بالضماير حـراره
وإن قام يـردم للهدد به تبـاهيت= ياماحـلا تحـويلته وانحــداره
عوق الحـبارى والحـمام المفاليت= سـبوق مافكـر بسـرعة طـياره
لامن ظربها شتت الريش تشـتيت = من كفه المـبروك ذاقـت مراره
وحول وهو عالق ونا به تعـزويت= من فرحتي قمت اسـتدير إسـتداره
هو منوتي ياهل الولع لو تمـنيت = محـبته مكسـب ولاهي خسـاره
اللـه يجـيبه لولشـوفه تباطـيت= بارضٍ خـليه والمواقع قــراره
ويالله انا بادعيك من عقب صليت= صـلاة عاقل واستخار اسـتخاره
في رزق مابه للمشاكل عفـاريت= اللي تدوّر في حـلالي خشــاره
والاّ تسـير اعلوم لجـة وتصويت= العقـل منها ينتهـي بإنفجــاره
وياكم حصل في وقتنا ذا وقد ريت=كثـير من فعـل الغلط والفجـاره
وانا انصحك ياللي للاجواد ماشيت= الجـار وقت الصيد يوفي لجــاره
وانكان في دربك معاهم تخـاويت= خـلك وفـي لاتحـتزم بالبـواره
احذر تضايق صاحبك لاتبـاديت= خـلك غـريب الدار والـدار داره
هـذي سـلوم اول وياليت يالـيت=ذاك الزمان ايعـود عقب اندثـاره
ماغير ماينفع لو اسـحب تـناهيت=عليك ياوقـتٍ فقـدنا جــواره
تمت عـلومي والحقيقـة تعـنيت= قلـبي تولـع والبـداية شــراره
شاعر المقناص/ القرناس المهاجر

ابو عايد

17/10/2004, 12:56 AM

http://www.mekshat.com/pix/upload/images6/mk8178_gggggggkj13.jpg
:bounce: :bounce: :heart:
هذه قصيده للاخ الشاعر/ عبدالله هاشم الحرازي 00
ومناسبتها 00 أن هناك طير قرناس وحش 00 مذكور في منطقة بالساحل الغربي 00 وهذا الطير له تقريبا 20 يوم يحاولونه الصقّاره ولاينطرح لهم فوصل الخبر للاخ عبدالله 00 وقرر انه يروح له ويحاول معهم فلعل وعسى 00 وقال هذه الابيات وهو في الطريق 00 متوجه لموقع الطير[/align

ساري التايوت من جدة لدوقة=لِدِيـاراً ياعـرب ماقـد مشـاها
راكبه مطلق وابوماجد يسوقة = ماشيٍ ميتـين والسـرعة نهاها
قاصد القرناس جايبله سـبوقة = من بـلاد الشـام صانعها حتاها
متعب الطراد من سرعة خفوقه= زابن الضلعان لشـعيبٍ وراهــا
يربطه مسعد على وكرٍ يشوقة= من خشب ياناس زايد في حلاها
باطـلبك يالله يامنشـي بروقة= لاتخــيب ربعــةٍ لبي دعـاها

[align=center][B][color=#497418][size=4][font=Arial]عبدالله الحرازي
"""""""""""""""
""""""""
[align=center]وعندما سمعت القصيده حبـيت ارد عليه رغم انه ماوجهها لي 00 حيث اوضحت له من خلال الرد ان هذا

الطير ليس بالسهل صيده وليس كما يظن ويتوقع البعض 00

وللمعلومية فقد قضينا بعض ايام العيد في ملاحقته 00 ولكن دون جدوى 000 :redcar:

00 وارجوا أن أكون قد وفقت في الشرح والايضاح لأخي/ عبدالله الحرازي 00 وللقراء الكرام

مرحبا والضيف نوفي له حقـوق= مرحـبا باللي مخـوّتنا شـراها
تاصلون ابخـير وابراحـه وروقة= ولاوصلتوا دوقه افحـنا وراها
قانصين الخـبت والضلعان فوقه= في الدوايــا ماقنصنا في سواها
عندنا القرناس يامحـلا دقوقـه= ضنـتي كل التواصيف احتـواها
اشعل احمر كنه الشمس الشروقه= في شعـاع الفجـر لامنه جـلاها
له ثمان أيـام طلعـاته سـروقه= مانشـوفه كـود كفخـاته نـراها
اتعب العشـاق ماعنـده رفـوقه= والمـواتر ماتفكّـر في عنــاها
إن عطيته طُلْق ينوي فيـك بوقه= وان بغيته بالحيَـل عنده دواهـأ
وايضا الطراد يعجـز في لحـوقه= كلـها ماجـابته يـوم اعتـلآها
اشهدانه شيخ ماشـيٍ يعــوقه= مغـريات الناس يدري عن بلاها
مايجـيبه غير من زيّن خـلوقه= ربنا اللي قسمة المسـلم براهـا
ولو يطيح السوق مايهـتز سوقه= الدراهم فيه والسمعـه حــواها
وانت يابو ماجد ارقب في صفوقه= رغبة القـنّاص عَطْهَا منتهـاها
ناظره لاطـار وانظـر كيف توقه= راقبه وين الديـار اللي بغـاها
أمّـا انا ناكف وروحي حول دوقه= روحي اللي بين جنحانه خـذاها
ناكـف وقلبي تـزايد به حـروق= يوم قرناس الهوى عكّـر صفاها
:heart:

شاعر المقناص/ القرناس المهاجر

كلمه ومعنى ...

إن عطيته طُلْق ينوي فيـك بوقه : يعني إن عطيته قمريه او سمانه بدون ثقاله فإنه ياخذها وينحاش

ابو عايد

17/10/2004, 01:08 AM

http://www.mekshat.com/pix/upload/images6/mk8178_gggggggkj14.jpg
اعزائي الكرام 00
السلام عليكم ورحمة الله وبركاته
تأثرت جداً بما طرحة مشرفنا العام الاستاذ/ ابو ياسر 00 وبالقصيدة التي عقب بها اخي الشاعر/ نهار 00
فأحببت ان اشاركهم همومهم وهموم جميع القراء في فقدنا للطبيعة التي كانت تـنعم بها بلادنا الحبـيبة قبل
اربعين سنة تقريباً ......... فقلت هذه الابيات وارجو ان تنال اعجابكم .....
*************
********
***

ذكرتني ينهار باشـهور واعـوام= ذاك الزمان الزين ياحلو طرياه
ذكرتني المقـيال والطـير حـوام= اشعل حمر ذيك الليالي طرحناه
ذكرتني الرحلة وفي الخبت مخيام= ذكرتني القمري ويازين لقـياه
تغـير الماضي وكثرت به اعـلآم= الارض شانت والجمال افتقـدناه
يشكي زمان الخير من جورالاحكام= حـكم الابـادة كلـنا مارضيناه
واسبابه ابن آدم على الكون ظلاّم= كل الجرايم من شِـماله ويمناه
قضى على زين الطبيعة بالاعدام= انهى الجمال اللي بها قد خبرناه
ولاظن لي في لوعـة الحب لـوّام= وذكرالقنص والطير لامن ذكرناه

القرناس المهاجـــــــر

ابو عايد

17/10/2004, 01:19 AM

http://www.mekshat.com/pix/upload/images6/mk8178_gggggggkj15.jpg

:flog: :flog: :flog: :flog:

ارفــع يمـــــيني بالتحـــية لمكشــات = واخـفض شِــمالي لاتجـي بالــزريّه
درب السعاده فيه بعـض المطــــبات = واللي رقا للمجـــــد يصبر شــــويّه
بعض المعاني ياجـــماعه قــــــويات = نقــرا القصـيده والمعـــاني خــفيّه
وانا ســــوات الحُـر لاحــام حـومات = وخالط طـيور الهجرة الموسـميّه
أبعـد عن ارض اهل الحسد والدنيّات = والرجــل مايخـلط مع الطــيب ســـيّه
والمزح له ساعة وللضيق ســاعات = ويالله عسى ماجــــات مني خـــطيّه

شاعر المقناص00 القرناس المهاجر

:good: :good: :good:

رابط القصيدة بالردود هنا (http://www.mekshat.com/vb/showthread.php?s=&threadid=11120)

جرير

20/08/2007, 02:34 PM

احبتي الكرام 00 لآشك ان الصحراء هي هواية الصقار وعشقه 00 لكن هذا العشق إذا لم يتوفر فيه وسيلة العشق وهدف القناص فإن الأمر ينعكس سلباً على نفسية الصقار 00 خصوصاً إذا تذكر الماضي الجميل والحياة الرائعه في حضن المعشوقه (( الصحــراء ))
لذا اخترت لكم قصيدة الذكرى والإستغاثه 00 آمل أن تحوز على رضاكم

الطير له ولعه وله بالحشى شــوق = والبر له وحشـه وذكرى جميله

واللي تولع بالقنص ولعته ذوق = ولعة شرف ماجـرّتـه للفشيله

خـذها وراثة عشــق من عــز مخــلوق= من ســاس ابوه ومن خــيار القبيله

قــومٍ لهم درجـه على كل مطــروق = ربعٍ خـلآويه وقــومٍ شــــكيله

مشـوا الخــبوت الواسـعه مرتع النـوق= إللي بها المقــناص ماشــي مثــيله

يـوم القمــاري والقطـى تمضي افــروق = وجــول الحــباري مهتني في مقـيله

هــذاك وقتٍ راح ولآهو بملحـوق = وقــتٍ مضى من طيبته ينبـكي له

واليوم جــار الــوقت والعشــــب محـروق= والرمل ناشـــف والذواري تشــيله

ولآعـاد للعاشـق مع الصيد معشــوق= والخــبت ماعد فيه شــي ينغــدي له

والأرض شـــانت واشــتكى كل مشـقوق= للواحــد اللي كلـنا نشــتـكي له

يالله في مــزنٍ مع طلعـة اشـــروق = رعـــده صليب وبارقــه في مخــيله

إلى اعـترض ظلى تقـول انه الطــوق= يمشــي على هــونه كثـيفٍ هميـله

يســقي الديار المجــدبه ويرتفـع فـــوق= حــتى يحـوّل كل وادي بســيله

ســيلٍ يــدم الارض وتحــيا به اعــروق = وتهتـز له كــل الــروابي الثـقيـله

بعـــد الدهــر تغــدي منا كل مخــلوق = والعـشــــب نابت والمناظـر جــميله

اخوكم 00 القرناس المهاجــر

جرير

20/08/2007, 02:39 PM

بزيارة منتدى مكشات الحبيب فوجدت أن هذا المنتدى المقرب لقلوبنا 00 كان ولازال وسيضل بإذن الله محتفظا بذكريات المخلصين المحبين له 00 فوجدته قد وضع دوواوين لشعرائه وانا احدهم 00 ووضع بيتاً من إحدى قصائدي في الصفحة الرئيسية 00 فراودني الحنين إلى العودة إليه وبهذه القصيده المتواضعه 00 فآمل أن تقبلوها وأن تحوز على رضاكم

مكشات في قلبي وأنا بقلب مـكشات
يوم إن بعـض الناس يجـفى حـبيـبه

غلاك يامكشات في القـلب مـامـات
وحبك ثبت رغم الظروف الصـعـيـبه

من بعد ماجاني من الوقت صدمات
والـقـاف جـالـه من سببـها مصــيبة

أربع سنين وخاطري فيه ضــيقات
شيٍ غـريب وظــامـري مبتــلي به

واليوم عدنا لك وفـي القـلب آهـات
حــبٍ قـديـم وخـافــقــي مــهــتني به

حبٍ نما عـبر الليـالي الـقــديـمات
أيـام كــــنا والـــمواقـــف مــهيبه

ورغم الشباب الفاني الود مافـات
أعــود لـك بـعــد الـمعـاناة شــيبه

واللي نوى للمجد يرقى المنيفات
ولاهو غـريب الــذيب تسمع قنيـبه

واختامها عسى العواقب سليمات
واللي على بالي عسى الله يـجـيبه
.

القرناس المهاجر :good: :good: