ايهم افضل الهدد ام اشاص

[هدد بريدة]

يا شباب ايهم افضل الهدد ام الشاص
وانا محتار بينهما اشتري الهدد او الشاص
تراي مستعجل

[فهد-بوعبدالله]

الهدد اكيد ............................بدون تفكير:confused:

[عاشق الريم2]

الهدد بدون ما تشاور

[هدد بريدة]

جزاكم 1000 خير

[.أبوعبدالرحمن]

اللي اشوفه انك مما يبدو تعشق الهدد


ولكن اقول استخدامك هو اللي يحدد


يعني اذا انت راعي عائلة وراعي مقانيص وراعي خطوط فالهدد هو حويك


اما اذا انت راعي بر وراعي طلعات كثييييييييييييرة ولا عندك عائلة ايضا تحميييلك واجد فالشاص هو اللي بيبيض وجهك


وفي النهاية لا تنسى الاستخارة

[المحترف800]

الهدد ولا يقارن بالشاص...
الله يكتبلك اللي فيه خير..

[سيف الظفير]

اذا تبي هدد موديل 2007 فهذا من الاحلام


لأن اصحاب الجيوب حافظوا على سياراتهم بعد نزول 2008

وبخصوص الهدد

ما اتوقع تلقى مستعمل نظيــــــــف

الا اذا اخذت جديد 2008 قير عايدي كفر علاقي


اما بخصوص الشاااص يا حلالاه

بس خذ لك فل

رفارف دفلوك جنوووط ونــــــــــش

[ابوعقل]

الهدد وانت ماتشوف الدرب

نصيحه

[شقران نجد]

السلام عليكم جميع.....
كل الأخوان قالو الهدد ما ادري ليه ؟؟؟؟ وانا ياخوك مجرب الأثنين وكل واحد يقول انا يعني من حقك تحتار
اخوي سيف يقول ماتلاقي النظيف وانا اقول عندي 2005 هدد فل الفل شيخ ما شاء الله تبارك الله اذا لك خاطر راسلني على الخاص ......

[هدد بريدة]

جزاكم الله 1000 خير ابشركم لقيت هــدد موديل 2007 بيج كل الموصفات اللي ابيه..................... يابلاش

[الخادم]

الله يدلك لمافية خير و صالح لك
الشاص زين و لكن مايركب معك بالصندوق الا واحد و مطبة يكسر الظهر
الهدد مضبوط ان بغيتة جيب او صالون و لكن ما تحمل علية واجد و عليك بالاستخارة

[مزدهر]

ههدد ولا شاص (( غريبة )) شف وش اللي يصلحلك إذا كنت راعي تحميل الشاص أفضل أما إذا كنت راعي كشتات خفيفه خذ هدد وريح بالك من المطبات والغثاء

[ابومحمد vtc]

السلام عليكم
اخوي استخدامك هو الي يقرر
وكلها مواتر مايبيلها كلام

[ابو شعاق]

استخدامك اللي يحكم بس انا اقول مثل ماقال الشاعر
سلعه ثمينه للرجال الثمينين راعي الولع يشريه لو باع ثوبه

[aaali2]

هلا بك اخوي ياراعي الجيب 2005 مقدر ارسلك خاص لاني توي جديد . بس ابي اعرف لونه وكم ماشي.... وكم مسيوم. وشكرا

[ابوعقل]

جزاكم الله 1000 خير ابشركم لقيت هــدد موديل 2007 بيج كل الموصفات اللي ابيه..................... يابلاش


اكيد 2007:no:

لانه مايجي بيج :confused:

او الموتر مرشوش:rolleyes:

واذا عندك صوره للموتر ابي اشوفوه:rolleyes:

(((وتأكد انه مهو مرشوش)))

[ابوفهيدان]

خذ الهدد غصبن عن خشمك
ولا تري بلولبك بالعقال هههههههههههههه

[alshaab7]

الهدد

الله يوفقك انشاء الله

[ابوصنهل]

كان ظهرك قوي خذ شاص لاتنسى الأستخارة
تقبل مروري...

[333]

الشاص مايبغاله تفيكر خص لاصار برومي وفل كامل بدون رفارف ولونه بيج و11 سسته وكفرات بوالين رمليه وعامود توازن يرمي اليارات كلها وياحبيلي لشاص وراعي الشاص واللي يفكر يشتري الشاص الشاص عشقي الوحيد هي السياره اللي تبيظ الوجه طبعا لاتفكر تاخذ شاص نيسان غير التيوتا لا تاخذ اسئل واحد مجرب الأثنين وخذ الفين وثمانيه ولا تنسا الأستخاره تقبل مروري ولو اني طولت عليك اخوك:333

[بوسحمان]

مادريتو عن مزاجي ويش خشه *** موترن حافه مزاجي ورغبه




شاصن أبيض من شقابه مايغشه *** منوة اللي شاف خله ونهبه




منوة اللي لامشى شماغه يطشه *** سايقه في كل مرقاب شعبه




لانهمته ما ظهرحزم يدشه *** وان حداك السيل في الليل اسلبه




كل ماقدام صدامه يقشه *** بالتواير والرفارف وشنبه





http://www.mekshat.com/pix/upload02/images68/mk26861_caavopqz.jpg

[الرسيفر]

أخوي ولا على كلام الأخوان زود الموتر على حسب استعمالك
وإذا ما لك عائلة عليك بالشاص

[الودعاني 8000]

الشاص مايبغاله تفيكر خص لاصار برومي وفل كامل بدون رفارف ولونه بيج و11 سسته وكفرات بوالين رمليه وعامود توازن يرمي اليارات كلها وياحبيلي لشاص وراعي الشاص واللي يفكر يشتري الشاص الشاص عشقي الوحيد هي السياره اللي تبيظ الوجه طبعا لاتفكر تاخذ شاص نيسان غير التيوتا لا تاخذ اسئل واحد مجرب الأثنين وخذ الفين وثمانيه ولا تنسا الأستخاره تقبل مروري ولو اني طولت عليك اخوك:333
اقول الله يرزقك ماتمنيت يابعدي تقبل مروري

[الودعاني 8000]

أخوي هدد بريدة الله يطعمك من خيره ويكفيك شره ان شاء الله