المساعد الشخصي الرقمي

مشاهدة النسخة كاملة : طالبكم طلب ؟؟؟؟ ارجو المساعدة الله يخليكم؟؟؟


MASTER.
31/03/2008, 01:12 PM
السلام عليكم ورحمة الله وبركاته
اخواني الاعضاء انا لي فترة وانا ادور كرافان ((موتر هوم)) للتاجير لمدة خمسة ايام وابغى استاجره
يوم الخميس بداية اجازة الربيع بعد اسبوع ونصف...طبعا رحت لمملكة السيارات وسالتهم تاجرون الكرفانات
اجابو بالرفض لانها للبيع فقط ...ورحت كذلك عند دوار العويضة بالثمامة ولقيت كرفانات مجمعة
صراحة كرفانات تعبانة وقديمة لا وبالشهر بعد موب بالايام ....قلت مالي الا الله ثم هالمنتدى
ان شاء الله القى مرادي عندهم فياليت يا اخوان وللضرورة اللي خابر ويعرف احد ياجر كرفانات
سواء شركة او افراد يعني احد يعرف شخص عنده كرفان ...وانا مستعد ادفع في اليوم 1000 ريال عليه
يعني باخذه لمدة خمسة ايام 5000 ريال.... ارجو التفاعل الله يخليكم مالي الا الله ثم انتم...
شكرا لكم انا بانتظار ردودكم باحر من الجمر


بالتوفيق
سطام vip
31/03/2008, 03:36 PM
بسم الله الرحمن الرحيم

اخوي ماستر طلبك صعب ولا ودي احطمك بس ما اعتقد بتلاقي

مالك الا انك تشوف احد عنده هالسياره وتستأجرها منه

او انك تدور لك في المعارض يمكن تطيح بواحد رخيص وياكثرها في النسيم

وابشر عني انا ابدور لك وأبسأل

وفيه واحد في الرياض عند بيته سيارات مثل طلبك بس مدري عنه يأجرها او يبيعها مدري والله

بس كل فتره اشوفه جايب دفعه منها

اذا تبي اعطيك الوصف ابشر اذا انت في الرياض

لي عوده على موضوعك
MASTER.
31/03/2008, 04:26 PM
[quote=سطام vip;1503367]

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــ
قل امين يا جعلي ما اذوق حرك ....الله ان يجزاك خير ويوفقك دنيا واخره...انا اشتركت بثلاث منتديات مختصة بلوازم السيارات وتعتبر من ااكبر واهم موقع للسيارات على النت ومع ذلك ولا واحد رد علي
صدق ان المنتدى راقي.......على العموم كثر الله خيرك وياليت تعطيني الوصف وتسال الرجال اللي تعرفه
وترسلي ارقام وعناوين اللي احصل طلبي عندهم ان امكن......شاكر ومقدر لك


انا من اهل الرياض
ابا الأفلح
31/03/2008, 08:16 PM
اخوي انت تبي قاطره ومقطوره والا كرفان متحرك؟؟؟
MASTER.
31/03/2008, 09:06 PM
هلا والله بــاخوي ابا الافلح /الود ودي كرفان متحرك يعني رغبتي الاولى كرفان متحرك ان لم تجد فمقطورة
... شكرا على تفاعلك معنى.....
ناوي نيه
31/03/2008, 11:27 PM
انا والله من رااايي انك تاخذ واااحد لك وتضبطه وتسنعه
احسلك مادامك بتأجر بهذا السعر ويبقى راييك الاول والاخير


تحيااتي...
.أبوعبدالرحمن
31/03/2008, 11:51 PM
الله يعين


اببحث لك ولعلي اجد لك



وان شاء الله اذا لقيت لك شيء لي عودة على هذا الموضوع
MASTER.
01/04/2008, 12:02 AM
الشكر موصول لجميع المشاركين لموضوعي واشكرهم على لفتتهم الكريمة...
اخوي ابو عبدالرحمن ياليت تتشوف لي والله كرفان متحرك الله يجزاك خير
ويوفقك دنيا واخره...


انا بانتظارك
ــــــــــــــــــــــــــــــــــــــــــ
الاعضاء والزوار للتواصل معي اذا كان عندكم افادة بموضوع الكرفان

هذا رقمي
0554899141
ابوفهد
سطام vip
01/04/2008, 12:15 AM
اخوي ابو فهد للحفاظ على خصوصيه البيت الي قلت لك عنه

ابرسل لك رقم جوالي على الخاص وبيكون بيننا اتصال بكره الصباح واشرح لك كل شي

والله يوفقك ويسهل امرك اخوي

اخوك سطام
MASTER.
01/04/2008, 01:55 AM
جاري التشييك على البريد الخاص ...شاكر ومقدر لك اخوي سطام... والله ان يجمعك بوالديك ومن تحب بالجنة


مازال الموضوع جاري اللي عنده مشاركة يتفضل مشكورا....


شكرا لكم وعلى تفاعلكم .........
MASTER.
01/04/2008, 09:02 PM
نشكر الاخ سطام على مشاركاته القيمة

وللمرة الثانية يا اخواني اذا احد يعرف لايبخل علينا
نرجو وضع مشاركته هنا
شكرا لكم جميعا وبالتوفيق