مشكلة قرقعة الباب الخلفي للباترول !! هل يوجد لها حل عند مكشات ؟؟

[عبدالعزيز_72]

السلام عليكم ورحمة الله وبركاته


مسيتم بالخير يا مكشاتيين ..
عساكم دوم بخير


مما يلاحظ على الباترول تقريبا من م 98 -2008
مشكلة القرقعة بالباب اللي ورا ، هي مهب مشكلة عويصة لكن
تضيق الصدر شوي ..

ما ادري فيه احد جرب الباترول وتلافا المشكلة او عنده حل ..

ياليت أشوف ردودكم
ودمتم بخير ..

[مقلع الرمث]

عندي الحل وانا اخوك عندك الباب الصغير لافتحته راح تحصل مسكة الباب الصغير اللي بالباب الكبير حط عليها شطرططون وكقر اشوي وخلاص ومجربه على كذا باترول وراح الصوت مره

[قاصد الصمان]

السلام عليكم
طرح هذا التساؤل قبل هذه المرة وقلت ان هذا امره بسيط وانا مجرب هذه الطريقة في الباترول معي وهو :
( ابدال الشنكارالغير ملبس بربل االموجود في الباب الخلفي الى شنكار ملبس بربل مثل الموجود في الابواب
الاماميه ، وليس كما يقول البعض لف شطرطون لأن الشطرطون مع الاستخدام ينتهي )
لاتنسانا من الدعاء

[أبوعمار]

اقول ياطويل العمر تلقى حله عند ورشة النويصر بالصناعيه القديمه وهاذا رقم صاحب الورشه
0505232097 وترا له مده بالتربيط وخاصة الباترول

[راعي طويلات]

مثل ماقال الأخوان مقلع الرمث وقاصد الصمان

[الفتكي]

السلام عليكم
اسمع اخوي عبدالعزيز 72 انا معي بترول 2004م وحطيت شطرطون كهرباء على المساكات حقات تقفيل الباب الكبير والصغيرمدة 8 شهور والى الان لاصوت ولا قرقعه علما اني كثير الطلعات خاصة في الشتاء وحط شحم على الذراع اللي ماسك الباب الكبير من تحت عشان مايطلع صوت عند فتح الباب الكبير خذها من مجرب وشكرا
idd4800vtc@yahoo.com

[عبدالعزيز_72]

جزاكم الله خير ..
ماقصرتوا واحد واحد والله

وبيض الله وجيهكم ..

[سندباد الشمال]

السلام اخوي عبدالعزيز باالنسبة للباب الخلفي وكثرة القرقعة (الحل)قم على الربلة الي في الباب وفتح فتحة صفيره قد لي ماء المكيف ثم ادهن الي بالفيري حتى يسهل معاك تدخيل الي في الربلة كلها ممكن تطبيقها على الابواب كلها وكذا تسلم من القرقعة ودخول الغبار

[أبوعمران]

لا شطرطون ولا هم يحزنون جب لك 7 مناديل واحشرهم بالشنكار الي يمسك الباب الكبير وسكر الباب الكبير عليه .. وبتشووف الفرق

[ABO AL-HESH]

السلام عليكم
مشكور يا صاحب الموضوووع
ابو عمران تكفى اشرح طريقتك لاني ما فهمت وان حصل بالصور واكون لك من الشاكرين

[عشانا]

والله انا كانت عندي هالمشكلة وعندما ركب معي احد الاصدقاء وسمع القرقعة
وعندما وقفنا قام وارخى المسكات ومن ثم شدها قوه للداخل ومن ثم شد على الصواميل والحمد لله راحت القروشة

[مزدهر]

أغسل الموتر وخص الربل حق الباب
وتأكد من الباب الكبير هل هو مغلق أو لا
إسحبه من تحت إذا جاء معك فهو ما أنصك زين

[ابومحمد vtc]

ياشباب ولا عليكم امر
لو تشرحون بالصور
الله يجزاكم خير