رجة الجنوط؟؟؟؟؟؟؟؟؟؟

[طالبان]

السلام عليكم ورحمة الله وبركاته :
عندي رجه خفيفه في الجنوط وهي في الهايلكس
هل تضر بالموتر ؟
شاكرين ومقدرين لكم""""""""""
(جنوط دوج)
:confused: :confused: :confused:

[سنجار10]

السلام عليكم:

اخوي طالبان ارجو منك التوضيح اكثر حتى نقدر نخدمك......مثلاً..:

1_هل جنوطك شنمبر او عايديه؟

2-هل الرجه تجيك عند سرعه معينه وتختفي ؟

3-هل التواير اللي عندك جديده والا ماسحه؟

4-قد رصصت الموتر ولا راحت الرجه ؟

5-قد وزنت اذرعته ايضاً؟

ولك مني جزيل الشكر وانا والاخوان ان شاء الله محناب مقصرين معك..

اخوك

سنجار10

[طالبان]

والله جنوط عاديه ألي تركب بالهايلكس
ترج خفيف وتروح الرجه
والكفرات جديده ومرصصه
والسيارة هايلكس 2002

مشكور ياسنجار على مداخلتك
تقبل الله منا ومنك الصيام والقيام......

[الحاتمي]

السلام عليكم الاخ طالبان العزيز................................. الرجه اللي بالسياره لها اسباب كثيره ......واحيانا تجي الرجه لاسباب تافهه!! بس ممكن الواحد مايتوقعها؟؟؟ ابعطيك مثال لاتفه اسباب الرجه بالسياره.الطين اذا مسك بحوايف الجنط الداخليه او الخارجيه يسبب رجه قويه!!!!!!!!!!!!!!!!!!!!علاج الرجه هذي انك تغسل الجنوط بماء وتبعد الطين! هذا سب بسيط وعلاجه ابسط. ومن اصعب الأسباب اللي تسبب الرجه العكوس...العامود...الصلبان...كراسي القير... كراسي المكينه... واتمنى ماتكون الرجه اللي بموترك من الاسباب هذي مع العلم انه ماهب صعبه مره..........لكن بما انك قلت انك مركب جنوط دوج ابعطيك الحل المناسب شف لك واحد من ربعك معه مثل موترك وركب جنوطه وكفراته بسيارتك اذاراحت الرجه يعني تأكد ان السبب اما ان الجنط مايل او معفوط بالعربي جايه ظربة رصيف.... او ان الكفرات يبن ترصيص... او ان احد الكفرات (مصعرر.محبل. منتفخ.)كل الالفاض بمعنى واحد ...او وزن الهواء بالكفرات غير متساوي...وبكذا حدد احد الأسباب هذي وسو الإجراء المناسب...............................اما إذا ركبت جنوط وكفرات رفيقك واستمرت الرجه معك فيه تقريبا 10 اسباب وان شاء الله ماتكون منهن. وانا شبه متأكد انه ماهب منهن... اتمنى اني وظحت لك وافدتك.ولك تحيات الحااااااااااااااااااااااااااااااااااااااااااااااا ااتمي

[طالبان]

مشكور أخي الحاتمي على هذه المعلومه
وتسلم يالغالي على مداخلتك
تقبل الله صيامك وقيامك
ورفع درجاتك في العليين...........

[شاص]

الإخوان إن شاء الله ما قصروا لكن أنصحك تسوي ترصيص أرضي يعني بدون ما يفك الكفر وتشوف قبل ما تجرب أي حل اخر وورش الترصيص الأرضي بالصناعية واجد وعندك ميزان اليرموك والعضيب تراهم جيدين

[ابودلـــــــه]

فيه مخارط ممتازه يفكون الكفر ويعدلونه بالملي ويرجع ممتاز
انا جربت على جنوط كروم (اصعب شي ) صلحت ثلاث جنوط كروم مع الضمان وراحت الرجه وكان السياره جديده
ملاحظه / ترصص بعد عما المخرطه
وشكرا للجميع

[طالبان]

تصدق يابو دلة أبي معلومة ولقد
أفدتني ...........
الله لايحرمك الأجر ك والمثوبة...........

[ابودلـــــــه]

والشكر لك موصول ياطالبان
والله يحفظ الجميع