ايهم افضل هدد او شاص

[هدد بريدة]

السلام عليكم
ايهم افضل هدد او شاص
ونا محتار بينهما اشتري هدد او شاص
تراي مستعجل
ايهم انصب
:)

[مدمن فتك]

هذي على حسب حاجتك انت تحدد
الهدد يصلح لعايله وتحميل اوادم بس اضف انه اغلى من الشاص وقليل تلقاه خصوصا من 2007 وتحت
الشاص طير شلوى تحميل ولايشيل الا اثنين لكن اعلمك اقل راحه من الهدد وشكله مرعب من 2006 وتحت
بالنسبه للشاص انا معاي واحد 2006 والصراحه انك تنطرب ولله الحمد ويصير له غلى بالقلب ولايهون الهدد
شوري عليك شف حاجتك ثم استخر

[_حائل_]

شوري لــــــــــــــــك خذ شاص 2008بحريني خليجي خليجي وضبطه وطربال فراشه ونش هزاز يعني يصلحلك اذا انت راعي صيد وبر وعندك خوي عزيز خذ شاص لأن مابه الا مرتبتين انت وخويك منعاً عن الاحراج لاكن اقولك بالصيف ترا بتكره الشاص اما بالشتاء تعشقه ثاني شين الشاص وين ما تروح وتكسره وتصيد 30ريال غسيل بستم يطلعلك وكاله ما شــــاء الله

[سوبر VTC]

تبي الراحة و سعة الصدر و الكيافة و اشخص :d
خذلك هدد او فتك و زبونه والم عند البيع
على ما قال حج و قضاء حاج :d
لكن الشاص انا مجربه تكرهه بالصيف و مطبات تمزع ضلوعك و لا يهون طريق الرياض من ام سدرة و طالع
لكن بالشتاء تشتاق له وقت الربيع و الفلة و الخيام و الحطب و الماطور الديزل :d
انت اهم شي استخر
و انا اقول جرب و سق كل الموترين قبل لا تشري
تحياتي

[مكشات وبس]

عليك بالهدد يالذيب اقسم بالله انه موتر وماقصرو الاخوان عطوك الراي فيه

[الجندي2005]

زي ما قالوا : ما نضيف جديد حسب حاجتك ، اذا انت عزوبي وسواقتك عفاش وراع بران خذلك شاص ، واذا انت طلعاتك قليلة خذ هدد ،،،،،،

[أبو فهد11]

الهدد ولا يهون الشاص

موتر بر ومدينه وموتر شكل ما شاء الله

وعليك بالاستخاااااااره

[خالد030]

الشاص مابعده موتر لراعين البر

[خالد الحريص]

والله ان حصلن الاثنين والافضل هدد والله بدون اقصور بابو شنب

[أبا مجاهد]

ان كان من ناحية من الأنصب

فـ الشـــــــــــــاص


بلا منازع

وماضني فيه سياره مثل قوته

[راعي بيشة]

الهدد حشمة وتقدير

[اورنس الشرق]

الهدد حشمة وتقدير

عزالله انك جبت الزبده

[كن كن]

افا معليش يا لشاص
الهدد ما غيره سيارة
والدليل الرغبة من جميع الناس