سؤال من مبتدئ لأهل الخبرة(اللفيحه) لأنعاش المنتدى الهادئ!؟؟

[بوعبيد]

السؤال الأول :بس قبل أن أسأل أرجو أنكم تعطونا وجه،ماهي أفضل طريقة لربط الصنارة (الميدار) والثقل (البلد)؟؟
السؤال الثاني:كيف أركب الطعم (اليم) على الميدار؟وأنا الأغلب أستخدم الحبار (الخثاق)فهل أستخدم الخثاق لجميع الأسماك أو لكل أسمكة يم مخصوص (رجاء ذكر كل طعم ومايقابلة من نوع الي يفضله من الأسماك)؟
يالله أشوف الردود السنعه
والسلام

[Bo Rashed]

حياك الله يا بو عبيد

بجواب على اسالتك على قد اللي اعرفه واترك المجال لمن هو اكثر مني خبره

اول شي في طريقتين عشان تربط الميدار والبلد

الاولى وهي الطريقه المنتشره انك تخلي البلد اول شي يعني في راس الخيط وبعدين يجي الميدار من بعده مربوط برداعه والرداعه مربوطة بالخيط ويكون المسافه بين البلد والرداعه تقريبا نص ذراع

والطريقه الثانيه انك تخلي الميدار قدام والبلد ورا بحيث ان البلد يكون متحرك وهذي الطريقه تستعمل اذا كنت تحدق في طراد وحداقك حداق سماري عشان ما يشير عندك الخيط واذا شار يفكه البلد

اما الييم فتقريبا كل شي تقدر تحدق فيه

مثلا الخثاق يفضل استخدامه للشعري والاماكن اللي تكثر فيها الاسماك الصغيره عشان ما تروح الييمه بسرعه وتقريبا افضل ييمه الخثاق بس احيانا مايضرب عليه السمك على حسب مزاجه

الميد والمنجوس يموت عليهم السبيطي وخصوصا الميد وبعد تقدر تحدق للسبيطي بوحره

الربيان وهذا طبعا للقرقفان والشعوم والسبيطي واذا خلص عليك الربيان قطع من السمك اللي صدته واحدق فيه

السلس والحاسوم للكنعد

وانا احيانا احدق بمصارين الدجاج مع ان ريحتها خايسه وياله تروح من يدك بس الضرب عليها ما يحتاج

ولكن طبعا الييم ماله قاعده ثابته فتقريبا السمك اللي ياكل لحم يضرب على كل شي وحنا كنا نلفح للهوامير في العجير بصاموله مربوط فيها خرق حمر وما في الا سحب وشيل

السموحه الشرح لك عليه لكن اي سؤال انا حاضر

[بوعبيد]

يعطيك العافيه أخوي بوراشد على المعلومات الحلوة
بس أنا قصدت بالربط كيف تربط الميدار نفسة إن شالله وضحت الصورة (ليش هالسؤال:أجيب لأني واحد أحدق أحيانا في مناطق متروسة حصى وما يشبك الميدار في الحجر ألا الميدار لصق مع الخيط وخلص ا لعرف الي كنت أمسويه،والشي الثاني أني أحيانا أفر الخيط شان البلد طاير وأنا أشوفه وعيوني متروسه)
وحلوة سالفة الصمونه هذي مع الهوامير .
يالله شدو حيلكم وأنا باتعبكم بالأسألة.

[Bo Rashed]

تدري ليش تنسمت الرداعه اذا شار الخيط لانك مسوي حلقه او شناقه

لكن احسن لك تقص خيط بطول ذراع وتسوي عقده في كل طرف وتشد عليهم مظبوط

بعدين يا طويل العمر تسوي عقده ثانيه في الخيط اللي بتركب فيه الميدار وتحطها بالمكان اللي تبي ميدارك يكون فيه لكن ما تشد عليها تخليها راخيه وتجيب الخيط الثاني اللي سويت فيه عقدتين وتدخل طرف الخيط داخل العقده الراخيه وتشدها على الخيط وبعدين تسمت الخيط بيصير عندك خيط وطالع منه خيط واحد في طرفه عقده تدخل العقده الثانيه بالميدار وتسوي عقده على حلقة الميدار وبكذا ما راح ينسمت

ولكن نصيحه مني لا تحدق في مكان فيه حصى واذا بتحدق احدق بدون بلد عشان مايشير بس لازم يكون الهوا معاك مو ضدك عشان يروح الخيط

كان ودي اوضح لك بالصور لكن للاسف ما عندي سكانر

[المربد]

يعطيك العافية اخوي ابوراشد على هالمعلومات المفيدة ، عسى الفكرة اتضحت للأخ ابو عبيد ولو من اسئلته مبين عليه انه خبير لكن الظاهر يبي يلفت الإنتباه لهذا الموضوع فشكرا له على تنبهه.

[بوعبيد]

صراحة يابوراشد ماقصرت وهمتك معانا في باقي الأسئلة.
وياريت لو أحد من الأخوان يبين لنا كيفية الربط بالصور.

&&&&&&&&&&&&&&&&&&&&&&&&&&&&&&&&&&&&&&&
ومشكور اخوي المربد على المرور، وأنا لاني خبير ولاشي بس يمكن خبور:p !

[بوعبيد]

السؤال الثالث :وشو الميادير المناسبه لكل سمكة؟
مثلا سمعت إن الأسبيطي ينفع له ميدار رقم تسعة.
يالله أنشوف ردودكم الحلوة.:p :D :o

[yossef]

http://www.mekshat.com/pix/upload/images3/1234.gif

http://www.mekshat.com/pix/upload/images3/12345.gif

http://www.mekshat.com/pix/upload/images3/13.gif

[بوعبيد]

تسلملي يابويعقوب على الرد بس لو تعطيني طرق غير هذي اكون شاكر لك ..
السؤال الرابع:وشو دخل سمك (بضم السين المهملة) :D في الحداق وفي نوعية السمكة المراد صيدها؟؟

[المفارق]

السلام عليكم ورحمة الله وبركاته

كنت ناوي أطرح موضوع مشابه لهالموضوع بس بعد ما لقيت هالموضوع قلت خل ارد وتزيد الردود ونستفيد بس حاب ان باقي الأعضاء يشاركون وكل اوحد يكتب طريقته في وضع الطعم مع توضيح نوع الطعم وحجم الخطاف ( الميدار ) والأهم من هذا ياريت تكون المشاركات مدعمه بالصور http://mekshat.com/vb/images/smilies/icon14.gif

[gulfhunter]

السلام عليكم ورحمة الله وبركاته

حياك الله اخوي المفارق في منتديات مكشات وبالأخص الخيمه البحريه وان شاء الله تلاقي اللي يسرك ويرضيك

اشكرك اخوي على بحث في المواضيع القديمه وهذي ازين طريقه للأعضاء الجدد للفائده العامه

وأيضاً تقدر ترجع إلى المواضيع المثبته في الخيمه البحريه وراح تلاقي امور كثيره ان شاء الله تستفيد منها

ارشيف خيمة الصيد البحري .

http://www.mekshat.com/vb/showthread.php?t=31614 (http://www.mekshat.com/vb/showthread.php?t=31614)

طرق الصيد

http://www.mekshat.com/vb/showthread.php?t=49036 (http://www.mekshat.com/vb/showthread.php?t=49036)

المواضيع المميزة في الخيمة

http://www.mekshat.com/vb/showthread.php?t=12289 (http://www.mekshat.com/vb/showthread.php?t=12289)

الله يوفقك ويبارك فيك

[المفارق]

مشكور أخوي gulfhunter على الرد ، على فكرة صحيح انا عضو جديد بس جلست أبحث في خيمة الصيد البحري من بداية المنتدى وأدخل على ا لمواضيع اللي اشوفها تهمني وكل المواضيع اللي نزلتها في الرابط مريت عليها وشفتها ;) عشان كذا ما طرحت الموضوع اللي انا ابغيه لأنه تقريبا موجود بس ناقص الصور أتمنى من اللي عنده صور عن طريقة تركيف الطعم ينزلها عشان نشوفها ونستفيد :good2:

[sare2]

السلام عليكم ..

:alarm: يا شباب المنتدى فية من الشرق والغرب يعني المصطلحات لو امكن .:alarm:

[Alhzzen]

يعطيكم العافية


شكرا