المساعد الشخصي الرقمي

مشاهدة النسخة كاملة : للأصحاب الباثفندر فقط


Abo Fhad
02/04/2008, 06:44 AM
http://images.automotive.com/reviews/images/03-pathfinder-hero.jpg

السلام عليكم ورحمة الله وبركاته

يا اخوان كنت ناوي قبل فتره ابيع موتري ( 2003 باثفندر ) وانتقل الى الفوردات لكن ما ارتحت والسبب هو صراحه ان هذا النوع من المواتر ونيس في البر والمدينه ...

المهم انا قاعد اسوي صيانه وقلت ياولد اغير المساعدات وقريت في الموقع ان بعض ملاك الباثفندر يركبون مساعدات استراليه .

بغيت نصيحتكم اركب حقت وكالته والا استرالي والا في نوع مميز ..


للمعلوميه يهمني الموتر يكون مريح شوي مع المطبات وموتري ترى ما احمل عليه كثير ...

شاكر لكم مقدماً
Abo Fhad
02/04/2008, 06:59 PM
37 قارئ ولايوجد ولا رد ............

وين الخبرات الى في المنتدى .
gsb
02/04/2008, 08:57 PM
اليايات الاسترالية يستخدمونها الي يحطون في الموتر توانك ماء وعفش علشان ما ينزل الموتر وهي تزود المطب
ونا مالي خلفية بالباث لكن جيت فازع على حسب فهمي ويوم شفتك مالقيت رد

فيه جيب انفنتي زي الباث الي معك مدري مساعداته نفسها ولا تختلف.
بقباق
02/04/2008, 09:09 PM
اليايات الاستراليه
هي حقت التحميل لنها قويه وفيه زود لفه اعتقد
وانصحك تركبها لن الباث اذا حمل نزل وصار يطق بالمطبات
اما المساعدات ركب حقت بلده مدامك بتركب يايات استراليه
الساهر2003
02/04/2008, 09:17 PM
هلا اخوي اذا تقصد المساعدات الخلفية فمساعدات الوكاله غالية وغير عملية في التحميل والبر يعني يلعب الموتر لعب خطير وباذات في الطرق السريعة
والاسترالية غالية فتنحصر بين الجبريال والمنرو و الفي اكس ار 97 الاثنين ب 200 ريال مع التركيب والتعديل البسيط ولكن مساعد اللاند قوي جدا في التحميل لكن اذا الموتر فاضي الله يعينك
ويوجد موضوع عن المساعدات اللي تركب على الباث
http://www.mekshat.com/vb/showthread.php?t=128352
مع اطيب تحية للجميع
Abo Fhad
02/04/2008, 09:35 PM
الله لايهينكم ياشباب ....

وننتظر ردود الأخوان المجربين .
المحترف800
02/04/2008, 10:00 PM
هلابك أبوفهد .. الله يعطيك خيره ويكفيك شره وتراه موتر ماشاء الله
أنا كنت مركب مساعدات جبريال على موتري 2005وطلعت للبر مره من المرات وتفقعن علي
لانه الصراحه جاها جــلد ورجعت الآن وركبت المساعدات شد البلد كنت حاطها على جنب
ونصحني أخوي الساهر 2003 بمساعدات الفي أكس آر 97...والمساعدات الإستراليه ممتازه
بس غاليه شوي...تمنى أني أفدتك...
أخوك / المحترف800
ابوقاسم
02/04/2008, 11:02 PM
هلا اخوي
الاخوان ما قصروا معاك
واذا تبي نصيحة زود ترى المونرو ممتازة لراعي السفر ومريحة بالمطب
اتمنى اني افدتك
تحياتي
مزدهر
02/04/2008, 11:22 PM
فيه مساعدات جبريل وفيه مونرو وفيه استرالي
الجبريل أقرب شي لمساعدات البلد
أنصحك باليايات الإسترالية بالخلف توازن جيد حمل أكثر ولا فيه زيادة مطب
مطاربروق
03/04/2008, 01:14 AM
اخوي الله يحفظك عندك مساعدات اسمها مورنو ارمريكيه قيمه الواحد 90 ريال ممتازه جدا بل احسن من حقات الوكاله مريحه ولا ترهيم ولا هم يحزنون من واقع تجربه على سيارتي
أبو ياسر
03/04/2008, 02:39 AM
اخوي اتمنى انك تحدد اي نوع المورنو

لأن فيه نوعين واحد اصفر وواحد ازرق
الساهر2003
03/04/2008, 03:14 AM
اخوي لا يفوتك الياي الاسترالي ركبه قبل المساعد ثم فكر في المساعد لانه ممتاز جدا يزيد من حمولت الياي الاساسي 110 الى 150 كيلو لكلا الاثنين فقط ويعطي الموتر شكل افضل
Abo Fhad
03/04/2008, 11:12 AM
يعني الزبده اركب يايات استرالي وار

ومساعدات المورنو قدام ...

واي نوع من المورنو اخذ الأصفر او الأزرق ..

تراني ضيعة وياليت تذكرون كم التكلفه.


شاكر لكم مروركم بارك الله فيكم .
أبوناصر
03/04/2008, 11:44 AM
اذا مساعدات السيارة الخلفية مبعد تفقعت فخلها


أما لو تبي تغير فالمنرو ما فيها للباث الا نوع واحد على حد علمي


لونها أسود


أنا مركبها من فتره وما شفت منها الا كل خير




أما بخصوص الياي فترا الموتر راح يرتفع من ورا اذا ما عندك مشكله فيه
مطاربروق
03/04/2008, 07:22 PM
الله يحفظك اخوي على حد علمي مافيه الا نوع واحد اسود هذا الى اقصد هذا في الخلف اما الامامي ماعندي عنه اي علم والله يوفقك
Abo Fhad
06/04/2008, 01:55 PM
عزوني في الموتر .... جاه نصيبه والله يرزق راعيه ويعطيه من خيره ويكفيه من شره .

اشهد ان الباثفندر فقييييييييييييييييييده .
الساهر2003
07/04/2008, 03:09 AM
الله يبارك لشاري في الموتر ويخلف باحسن منه للبايع
ونصيحة حاول تشري جيب اي نوع من تيوتا او نيسان تراها مركب عز وتوديك لاي مكان بالبر واترك عنك الجيوب التالية اللي نازلة في الارض تقول سيارة صغيره واذرعتها خفيفة هذي مصممة لطلعة وحدة لثمامة كل سنة
مع اطيب تحية للجميع