ناوي على ربع ..........

[ولد الدواسر]

السلام عليكم










يا السنايديه ناوي على ربع وكالة بس وش تنصحوني نيسان والا تويوتا :
من ناحية
1- القوة
2- التحمل
3- التعديلات(يعني القطع الي تركب عليه)
4- السعر
ولا هنتم يالقرووووم

[مجازف99]

الله يسهل عليك ويوفقك

[فارس العمور]

نصيحه جرب الاثنين قبل الاختيار

ترى بتبلش بحاجات ماتطري على بالك

[ولد الدواسر]

تسلم أخوي مجازف99 على المرور والله يسهل
مشكور اخويفارس العمور على النصيحة

[ابوعقل]

الباترول كثير يقولون عزمه يطيح

بس الربع التويوتا عزم والسعر ماسك

ماينزل

وانا من رأيي الربع

بس تراه ماهو مريح زي الباترول

لا زم يصير عندك خلفيه كامله عن السيارتين

[ولد الدواسر]

ابو عقل مشكوووور على المرور وما قصرت

[الصمان 2]

عندي لك ربع نيسان أخو الجديد ...

موديل 2007

نظيف مره .... وكل شيء فيه شد بلد .... من الصدام للصدام .

واذا شفت الموتر راح تـقـتـنع

للمعلوميه : قيمة الربع الجديد 2008 بـــ 91 ألف في الوكالة .

وهذا رابط لموضوعي ...


http://www.mekshat.com/vb/showthread.php?t=131189


موفق لكل خير .

[ذيب طي]

شف يالحبيب من ناحية القوة يمكن التويوتا اقوى بس بشىء بسيط
لكن في الراحه والرساوة في الخط والمطبات النيسان يتفوق وبقوة كذلك في النفود النيسان اخف بواجد
والرأي الأول والأخير لك ولا تنسى الاستخارة

[غضنفر]

شف يالحبيب من ناحية القوة يمكن التويوتا اقوى بس بشىء بسيط
لكن في الراحه والرساوة في الخط والمطبات النيسان يتفوق وبقوة كذلك في النفود النيسان اخف بواجد
والرأي الأول والأخير لك ولا تنسى الاستخارة

غير صحيح كلامك جملة وتفصيلا
لا تنكب الرجال
الربع تويوتا أقوى ولا بفرق
الربع تويوتا أخف
الفرق بينهم في القوة كثير

بالنسبة لراعي الموضوع
اذا تهمك القوة كثير
واذا انت راعي سرعة ومقاوم
عليك بالتويوتا
غيره خذ النيسان

[..الهواوي..]

..أخوي ياولد الواسر أنا عندي ربع تيوتا و الله ما أحسن منه قوه وخفيف ..
.................................................. ..............................

[مساير الليل]

ربـــع نيسان

أريح وفي البر يقضي لزومك وزود وفي الميدنة يبيض وجهك وش تبي زود

[ar1407]

ان كانك من النوع الي يسرع ومتهور في البر مالك غير النيسان لانه راسي واامن
اما التايوتا سريع انقلاب (نصيحه من مجرب)
اما ان كان غير كذا خذ تايوتا وما تندم لان قيمته فيه واذا ما ناسبك بيعه واشتر نيسان

لكن انصحك بالستخاره والتجربه

[الوتر الحزين]

اخوي ان كانك راعي مكاشيت وخطوط وفله حجاج ولا يهمك المراقا خذ باترول
وان كانك والله راعي تطعيس وجلد خذ تويوتا مع العلم ان التويوتا ضيق ولا يصلح للعوايل (تسنك) موديهم للحجز وانقلابه مايبي شي
بالنسبه لي معي باترول ربع 99 والحمد لله ما يقصر ابد البترول ان بغيت خط وان بغيت راحه وحتى عزم مايقصر لكن عزمه اكيد مهوب مثل التويوتا التويوتا اقوى وحق هبال

[z a n h o r]

للهبال والرشاقه .. ربع تويوتا

لثقل والركاده .. الباترول

التويوتا .. نشيط وقوي ويتحمل بس ما هومريح
الباترول .. اقل نشاط واقل قوه واقل تحمل لكن اريح


ومن ناحية الخفه التايوتا اخف

[NissaN 1990]

للهبال والرشاقه .. ربع تويوتا

لثقل والركاده .. الباترول

التويوتا .. نشيط وقوي ويتحمل بس ما هومريح
الباترول .. اقل نشاط واقل قوه واقل تحمل لكن اريح


ومن ناحية الخفه التايوتا اخف



كلام منطقي جداً وجميل..... وإضافه على ذلك أن اللي يقولون نيسان محركه ضعيف ليه ما تاخذلك جمس مكينته 454 أقوى منها كلها و8 سلندر بعد ،،، ولكن أنا بوجهة نظري أن النيسان قوي وخفيف نفس وراسي ومريح وقوته مناسبه يطلع أعلى طعس (عرق) إذا ركبتله كفرات بالون وحطيت هواه على 15 ويمشي مع الزفلت كل طبلونه سواء قديم يمشي 180 أو الجديد اللي توصل سرعته 220 وش تبي غير هذي الحاجتين إذا توفرت بالسياره ،،،، تبي توصل سطح القمر على الجيب أو تبي تقطع البحر بدون ما يطفي ههههههه ،،،، علماً بأن التايوتا يفصل ما يجيب طبلونه كامل،، وبعدين إضافة معلومه يجهلها كثير من الناس وأغلبهم أهل الجيوب ،،، وهي أن النيسان أقوى من التايوتا في السحب والربضات لأن النيسان أكبر دفرنسات من التايوتا



آسف على الإطاله وأتمنى أني قدمت معلومه مفيده

[الخالداوي 9]

السلام عليكم ورحمة الله وبركاته
انصحك تويوتا افضل اخوياي مجربين
لكن انا اسوق معهم التويوتا احسن في كلش الا في المطبات النيسان احين

والله يوفق الجميع لمايحبه ويرضاه

[ولد الدواسر]

الصمان 2: تسلم لكن انا كل سياراتي من بره يامن الامارات يا من قطر أضمن
ذيب طي : تسلم على المرور
غضنفر: ما قصرت يالغالي
الهواوي: مشكور على المرور
مساير الليل: ما قصرت ياسنايدي
ar1407: الله يعطيك العافية
أحمد الغلبا: تسلم يالذيب
Zanhor:مشكور على المرور الرائع
Nissan 1990: الله يوفقك ما قصرت
الخالداوي9 : كثر الله خيرك ما قصرت

[شاص2006]

اخوي ولد الدواسر انا من رايي لاتعدى ربع التايوتا قوه وتحمل والنيسان يتفكك بسرعه وانت اللي يبي يستخدم

[شاص2006]

اخوي ولد الدواسر انا من رايي لاتعدى ربع التايوتا قوه وتحمل والنيسان:no2: يتفكك بسرعه وانت اللي يبي يستخدم

[ولد الدواسر]

شاص 2006:تسلم على المرور

[ابوطاقية]

طبعا كل شي له ايجابيات وله سلبيات

ايجابيات التايوتا
يمسك السعر
اخف وزن
اقوى عزم
رخص قطع الغيار
الصيانه مابعد البيع ممتازه
المكينه قويه جدا اقوى من النيسان
اقل صرفيه بنزين


سلبيات التايوتا
مطب قوى وغير مريح
غالي بالسعر
الدفرنسات والقير ضعيفه مقارنه بالنيسان
=========================
ايجابيات النيسان
مريح
رخيص بالسعر
قير ودفرنسات اقوى من التايوتا



السلبيات
ضعيف العزم وضعف بالمكينه
ارتفاع اسعار قطع الغيار
الصيانه ضعيفه
مايمسك سعره
ارتفاع باستهلاك البنزين
ثقل وزنه

[مساير الليل]

مايمسك سعره



هذا الكلام أول لكن ألحين ماشاء الله ربع النيسان شيك ورح شف المعارض

[شمالات نجد]

خذ الربع تويوتا اللي يجي جنوط ورفارف أكيد فيه فرق عن العادي

وترا كلهم زينين التويوتا والنيسان وإن طحت في اي واحد فيهم تراك متواسي بعد توفيق الله

الله يوفقك والجميع

سلام

[ولد الدواسر]

ابو طاقية: الله يعطيك الف عافية وما قصرت
مساير الليل: تسلم على المرور
AbO Azaam:مشكور يالغالي