ياأهل الباااترووول

[mohammed131]

السلام عليكم ورحمة الله وبركاتة


أنا ياأخواني ابي حل للي عند معرفه في جيوب الباترول


عندي جييب سوبر سفاري موديل 2000 وفيه صوت في الباب الخلفي


وأنتم عارفين الصوت هذا مزعج جدا


اللي عنده حل يعلمني والله عانيت من هالشيء تكفوووون يااهل الخبره


والشكر للجميع ..........

[صوعان]

انا عندي لك طريقه ومجربها بنفسي.
اذا صكيت الباب الخلفي يطلع صوت طقطقه
(يعني با العربي يقرقع)
شف الحديده الي تحت في الموتر الي يمسك فيها الباب اذا صكيته
جب لك مطرقه وطقها عطها خبطه حلوه بس لاتكود مره
وجرب واذا ماراح الصوت كرر المحاوله لين تصير اذا صكيت الباب مايتحرك ولا قيد انمله :)

[الوتر الحزين]

اخوي ان كان الموتر لا قدر الله جايه صدمه في الباب لازم توزن القفل

والله يعطيك خيره ويكفيك شره

[مجازف99]

الشباب ان شاء الله ماقصروا
وفيه حل بعد ممكن تلف شطرطون اوي اي شي على القفل حق الباب

وتضبط ان شاء الله

[ابو خالد2008]

وفيه حل غير ربل الأبواب يمكن تكون تالفه وصاير فيه فراغ بين الباب والبدي

والله ييسر امرك

[mohammed131]

الله يعطيكم العافية على هالمعلومات وابجرب ان شاء الله تضبط معي

ماقصرتم

[shaheenshah]

الشباب ان شاء الله ماقصروا
وفيه حل بعد ممكن تلف شطرطون اوي اي شي على القفل حق الباب

وتضبط ان شاء الله


فعلاً انا جربت الشطرطون وضبط معي

[مكتف أسد]

السلام عليكم ورحمة الله وبركاته

اخوي محمد وباختصار انا معي جيب باترول وصحيح تسمع احيان طقطقة في الباب الخلفي وقمت وشريت

علبة ac ديلكو ورشيت على الفتحات اللي في البابين الخلفيه لأنها تجمع الوصخ والبخاخ هذا يشيله

هذي الطريقه مضمونه انا مجربها وصدقني ماراح تسمع شئ بعدها بس رشها زين على كل فتحه حتى المسكات حقت البيبان لا تنساها وبعدها ادع لي

واهم شئ الدعاء لا تنساني

وشكرا

[سنجااار]

انا صارت معي نفس المشلكه وزنت وبعد كل التعب لقيت مكينتة الباب متوسعه مع كثر القرقعه وغيرته وارتحت ماعاد فيه صوت وحتى اخذته من التشليح بــ 100 وبالوكاله 450 وشيك على المكاين يمكن يكون نفس مشكلتي
آمل اني افدتك وتقبل مروري

[مقلع الرمث]

حط شطرططون على قفل الباب الصغير

[مكثور الخير]

حاول تدبل الربلات حقات الباب الخلفي

[د ك م 586]

لازم توضح الصوت وش محله
هل هو من اقفال الابواب
او من داخل الابواب (من الصاجات او من الحدايد الداخليه)
عموما الشباب ماقصرو ولاكن برتب لك اولويات التصليح

قم بوضع شطرطون على دقمات القفول طبعا شطرطون كهرب(الدقمات هي حديدتين يمسك بها الباب على شكل حرف u) لان الدقمه التحتيه لايوجد عليها تلبيس بلاستيك(شدبلد) والشطرطون يقوم بنفس العمل,
اذا ماجاب الشطرطون نتيجه قم بوزن الدقمات وذلك بحل المسمارين ودفعها للداخل
تاكد من ان القفول والدقمات ليست متاكله (متوسعه) لان الوزن لن ينفع في هذه الحالة (اذا كانت متوسعه بشده)
اذاكانت الربلات طريه او لينه جدا يفضل ادخال لي صفير(لي مكيف صحراوي)لكي يعود الباب للوزنيه الصحيحه
(اخر العلاج الكي) فك البيبان الخلفيه وارمها وافتك من ازعاجها(امزح) اقصد انصحك بزيارة محلات التربيط وبالذات النويصر او بن مرضاح لانهم ابخص بها المسائل ومن واقع تجربه ولو تربط وتضمن موترك كله بتحس بفرق كبير جدا .