المساعد الشخصي الرقمي

مشاهدة النسخة كاملة : ابي مشورتكم يالربع


موادع الشرقيه
06/04/2008, 10:29 AM
السلام عليكم ورحمة الله وبركاته


كيف الحال؟
ان شاء الله طيبين


المهم


انا يالنشاما محتار ومدري وش اشتري




لأن توني بايع سيارتي الهايلوكس


ومحتار بين هايلكس 2008 غماره GL
ولا ربع نيسان 2002 او 2003


اخوي الكبير نصحني بربع يقول هو اللي بيصلح لك :good:
والهيلوكس الجديد تايلندي وغماره بتطفش منه بسرعه:no2:


وانا والله ما ادري لين الحين :confused:


وعلماً اني عزوبي وراعي خطوط


ياليت تفيدوني وكل واحد يكتب مميزات السياره وعيوبها



وشكراً.....

اخوكم / موادع الشرقية
موادع الشرقيه
06/04/2008, 11:59 AM
المشاهدات 14
والردود 0
المنتفش
06/04/2008, 01:06 PM
سلام عليكم اخوي موادع الشرقيه
مساك الله بالخير...تقول انك راعي خطوط وشكلك تحب البر , وان كنت منتب راعي بر خذ لك صغيره كامري او اكورد او التيما او اي صغيره .اما اذا كنت راعي بر وخطوط انصحك خذ باث فايندر لانه ممتاز لهن كلهن, صحيح اني طلعت عن اللي انت محدده بس المعذره .في النهايه اذا كنت لا ترغب باللي قلته سابقا انصحك بالنيسان السفاري...وشكرا.
موادع الشرقيه
06/04/2008, 01:16 PM
وعليكم السلام اخوي المنتفش
اشكرك على ردك ونصيحتك
البث ممتاز وما عليه كلام الصراحه
بس المبلغ اللي معي مايجيب باث نظيف

والسيارات السيدان ما تصلح لي ابداً

ونا من عشاق البر بس طلعاتي مهب دايم
عاشق السيل
06/04/2008, 01:21 PM
وعليكم السلام ورحمة الله وبركاته ،،

إذا كنت راعي تحميل وتستخدم الصندوق بكثرة ،، والخطوط أكثر من طلعات البر ،، خذ الهايلكس أزين لك من الباترول وأوفر بنزين ،،

وإذا كنت ماتحتاج للصندوق وطلعاتك للبر اكثر من الخطوط خذ باترول بهالأمور أفضل بكثير من الهايلكس ،،

والله يوفقك للي يرضيك وتقبل مروري يالغالي ....
موادع الشرقيه
06/04/2008, 01:29 PM
مشكور اخوي عاشق السيل

بس ما ادري
كيف صرفية البترول ؟؟
خلاوي3
06/04/2008, 01:39 PM
السلام عليكم ورحمه الله وبركاته أنصحك بل باترول وخاصه البخاخ أن حصل لأنه ياباني يصلح للبر وللديره والمناسبات فهو جامع كلش تقريباً والله يوفقك
عاشق السيل
06/04/2008, 05:16 PM
مشكور اخوي عاشق السيل

بس ما ادري
كيف صرفية البترول ؟؟


معقولة جدا ،، وخاصة إن البنزين 91 يعني رخيص جدا ،، لكن الهايلس أوفر لخفة الموتر وصغر المكينة ،،،
محمد أبو حمد
06/04/2008, 05:27 PM
حياك الله أخوي ..

حبيت ارد عليك وأبلغك إن سيارتي برادو . واذا لزم خدمة فأنا مستعد , لأن هالموتر عملي وخفيف , وناس يعتبرون الخفة فيه عيب , وأنا أعتبرها مكسب , ودون الستة سلندر لا تاخذ . وشكرا ..
.أبوعبدالرحمن
06/04/2008, 05:36 PM
انا مع رد اخوي عاشق السيل
monsixnet
06/04/2008, 05:38 PM
وعليكم السلام ورحمة الله وبركاته ،،

إذا كنت راعي تحميل وتستخدم الصندوق بكثرة ،، والخطوط أكثر من طلعات البر ،، خذ الهايلكس أزين لك من الباترول وأوفر بنزين ،،

وإذا كنت ماتحتاج للصندوق وطلعاتك للبر اكثر من الخطوط خذ باترول بهالأمور أفضل بكثير من الهايلكس ،،

والله يوفقك للي يرضيك وتقبل مروري يالغالي ....


اضم صوتى الى صوت عاشق السيل

ومبروك سلفا
ابومحــ م ـــد
06/04/2008, 09:36 PM
السلام عليكم ورحمة الله وبركاته
اولاً صلو على حبيبنا محمد صلى الله عليه وسلم

ثانياً ياخوي انت تبي هايلوكس غماره واخوك يقول باترول ربع واللي يبي يستخدم الموتر انت علشان كذا اقول لك اجزم وتوكل على الله واشتر الهايلوكس والله يطعمك من خيره ويكفيك شره وبالنسبه لنوع الصناعه ياباني والا غير ياباني اذكرك ان الهايلوكس القديم ياباني 100% ولكن وش الفايده الجديد اطلق ولا الفرق قليل 0000 مجرد راي