استفسار عن الشيروكي سبورت اوتوماتيك__ابد رأيك__

[أبا مجاهد]

بسم الله الرحمن الرحيم

طبعا ودي اشتري ومحتاروالموديل من 98-2000
فهل به خرابات؟وكيفه في النفود؟
وهل هو من السيارات التي تعمر؟
وماهو الفرق بينه والكلاسيك؟

واخيرا رغبتي كانت بجمس باب واحد لاكن مالقيت..والحمدلله على كل حال..

[شروكي ربع]

شف يالغالي ..


اولا لا تشتري الا النظيف وبس حتى لو كان غالي ..



لان الموتر النظيف والله ماراح يطلب منك شي ..



ثاني الموتر شهادتي فيه مجروحة , موتر بالبر ما يحتاج وبالديره زين ..


صرفيته زينة بالنسبة للعادي 430 كم والتماتيك لك عليها شوي 350 كم

بالنسبة للتعمير على حسب استخدامك ..


الفرق بين الكلاسيك والسبورت والله اعلم المواصفات فقط ..



والا المكينة والقير وكلو زي بعض من السوح الى الكنتري ..



واستخر واستشر قبل الشراء ..

[أبا مجاهد]

جزاك الله خير اخوي شروكي ربع

وان كان تخبرلي واحد فدلني عليه الله يعافيك

[بـــ نجد ـــرق]

شف يالغالي ..


اولا لا تشتري الا النظيف وبس حتى لو كان غالي ..



لان الموتر النظيف والله ماراح يطلب منك شي ..



ثاني الموتر شهادتي فيه مجروحة , موتر بالبر ما يحتاج وبالديره زين ..


صرفيته زينة بالنسبة للعادي 430 كم والتماتيك لك عليها شوي 350 كم


بالنسبة للتعمير على حسب استخدامك ..


الفرق بين الكلاسيك والسبورت والله اعلم المواصفات فقط ..



والا المكينة والقير وكلو زي بعض من السوح الى الكنتري ..



واستخر واستشر قبل الشراء ..




كفا ووفا اخوي شروكي ربع


ومثل ماقالك لاتاخذ الا واحد نظييف عشان تسلم من الحراره


وانا ياطويل العمر معي شيروكي 2000 اتوماتيك


والله ماشفت منه شر ولا احسن في النفود


وقد سحبت به ناس مغرزين الا ماله حد


وماشاء الله ما احسن منه


والموتر ماشفت منه الا نه يتفكك بسرعه بس تراني من النوع الحار عالسياره

ويكفيك حقين التطعيس شف وش يسون بها وعايشه معهم ولا احسن منها

بس ان كنت رجال راعي عائله فترى السياره ضيقه شوي وبالذات المرتبه الخلفيه


وبالنسبه للموديل فانا اشوف لو انك تاخذ 2001 افضل بما انه يعني يقاله موديل حديث شوي


اتمنى لك التوفيق

[أبا مجاهد]

برق نجد جزاك الله خير يالغالي

[أبا مجاهد]

رفع................

[عاشق الرفاليو]

مع واحد من الاصدقاء شروكي 2001 الصرحه موتر في البر والديره لكن في المسافات الطويله لك عليه شوي قيادته فيها متعه وروح الاقدم طلعنا فيه للبر كثير مشالله يطلع اماكن وعقوم مايطلعها غيره من السيارات والشروكي من 2001 وتحت هي افضل ما صنعت شركة جيب حيث ان صاحبي كان معه موديل شروكي 2006 وباعه ورجع للموديل القديم اللي هو 2001 ويقول الموديل الجديد مايصلح لكن مثل ما قالو الزملاءلاتاخذ الا موتر نظيف واكرر واقولك نظيف حيث ان اغلب اصحاب الشروكيات من الشباب اللي يحبون التطعيس وييجلدونها جلد مو صاحي والشروكي اذا كان نظيف لك والزمان

[أبو LAMeS]

رأيي أن الشروكي أفضل الجيوب الأمريكية والناس غافلين عنه تخيل الشروكي 2007 فيه جميع المواصفات اللي يتمناها الواحد 130 ألف لو هالمواصفات في جيب ياباني ما راح يقل سعره عن 200 ألف
وشكرا

[سيف الظفير]

خذ 2001 امريكي نظيـــــــــــــــــــــف وعلى طاري النفوووووووود فهو طير حوران يعجبك وياخذك وين ماتبي !!!! !!!!!! !!!!!!

[ابو حسان الجنوبي]

السلام عليكم

انا ما بزيد على كلام الإخوان
لكن بعطيك معلومه وتراى بعض الهرج يمكن مستغرب من الناس

انا عندي GXRموديل 2006 فل اوبشن وشروكي موديل 2000كلاسيك سعودي

والله ما تتخيل محبتي له واني اطلع اماكن ما يروحه التويوتا وسياره كتله وحده
وحديد ما شاء الله علية وممتع في القياده بالبر والديره بس تراه شيخ الجيوب وانا اخوك

تقبل تحياتي

[هواوي9]

لا تشرييييييييييييييييييييه مافيه صبر وضيق والدبل اذا جاه كرف يخرب عاى طول

[المكشات]

و الله الموتر بالبر يطرب

طرب ما تعطيك إياه الجيوب الأخرى مثل النيسان و التويوتا ( عدا الربع )


هنا واحد 2000 عارضه للبيع إذا لك نظر به ، إن شاء الله انه نظيف

http://www.mekshat.com/vb/showthread.php?t=124669 (http://www.mekshat.com/vb/showthread.php?t=124669)

[مزدهر]

الشروكي موتر خاص التمتيك
خاص بالدبل الثقيل لآنه الموتر الوحيد اللي يرد على أي سرعة
المواتر الثانية ماترد حتى تطلع روحك خاص بالنفود
يوجد عيب واحد هو أنه واحد وأثنين (غيار واحد ) يعني ماتقدر تمسك الموتر بواحد يعشق تلقائي

[صدام]

أخي أبا مجاهد كيف مالقيت جمس باب واحد؟

أنت في الرياض؟ أم في الباحة؟

فيه يوكون باب واحد قير عايدي شد بلد لكن راعيه طالب فيه 38

اذا عندك الاستطاعة وكنت رغبان رد لي

[أبا مجاهد]

اخواني ..جميع من رد وابدا رأيه..

مشكورين احبتي وماقصرتوا

عندي تعليق|

معقوله الشيروكي الكلاسيك في البر افضل من الgx-r ؟

[ابو حسان الجنوبي]

اخواني ..جميع من رد وابدا رأيه..

مشكورين احبتي وماقصرتوا

عندي تعليق|

معقوله الشيروكي الكلاسيك في البر افضل من الgx-r ؟


ايه معقوله للي يجربون السيارات على جميع الظروف وفي شتى الطرق ولعلمك صغر حجمه من الأسباب التي ماتخلية يعلق أو ينزل بالرمله

[أبا مجاهد]

مشكور اخي الكريم شروكي الجنوب

لكن الموتر هل يطلب قطع كثيرره

وكيف اسعار قطعه؟

[دل البحار]

بارك الله فيكم في المعلومات ولصاحب الموضوع التحيه

[ساحووق]

انا طال عمرك معي شروكي 2001 تماتميك ماشاء الله مووتر قوي بمعنى لكلمه عززم وفزه وقومه وكل شي ومع النفوود يطرب وله معي 8 سنوااات من الكرف والصحراا والبل والله ماشاء الله زي الحلاوه طبعا كلاسيكي
مووتر ماعليه كلالام بسسسس انتبه لاتاخذ الا النظييييييف
اتمنى اني افدك بما استطيع واي سوالانا حاضر