بعد الحادث اكتشفت

[ولد وايل]

السلام عليكم ورحمة الله وبركاته

ابشركم باذن الله الموتر راح يتصلح بس باكثر من ورشه لان اذا حطيته بورشه وحده بياخذ كثير
واخر شي بخليه بالوكاله تشييك كامل مع سمكره

عموما الاكتشاف هو جميع الارضيه من مقصات واذرعه مثل البرادو
لاني رحت التشليح لقيت اف جي فضي رايح جنبه فبغيت منهم ذراع دفرنس خلفي القصير وذراع التوازن
بالتشليح الطويل حق التوازن 400ريال لاحظ بالتشليح والقصير 300ريال وفيه عفط
اما الوكاله الطويل 290ريال والصغير 260 ريال طبعاً حقت برادو لاني قايسهم بالطول وراح نجرب
الغريب ان سيارات تويوتا من 2006 عواميد التوازن مثل المواصير مجوفه فارغه من الداخل وليس حديد مثل السيارات القديمه
بل سريعة التكسر ولا تستطيع تعديلها
اما سعر الصدام الخلفي بالتشليح مع زيق الرفرف البلاستيك سعره 4الاف ريال
اما بالوكاله
طلبت صدام امامي وخلفي كامل بالزيق الخلفي اليسار وعامود توازن وذراع خلفي 2167ريال
انتبهوا من التشليح يشلحك وانت واقف حراميه 100%

[بدوي جنوبي]

عليكم السلام

الله يكون في عونك

من الافضل دائما قبل الذهاب للتشليح التاكد

من السعر في الوكاله او محلات قطع الغيار

بالتوفيق

[ناوي نيه]

اكيد التشاليح نصاااابين قطعه في الوكاله 17 ريال وفي التشليح 25 وشريتها من التشليح بلاي مالقيتها في الوكاله
والجنط الواحد عندهم 700 وبرا 350 اصلي طبعا كلها مستعمله

[Democratic]

الله يوفقك ويقسم لك الي فية الخير. بالنسبة للتشليح زادو عن الوكالة بالأسعار و صارت معي مره وما أقول غير الله يعينك على الورش و التشليح و دوختهم من جيب وهات.:looney:
تقبل مروري.

[ابوعقل]

عليكم السلام

الله يكون في عونك

من الافضل دائما قبل الذهاب للتشليح التاكد

من السعر في الوكاله او محلات قطع الغيار

بالتوفيق


صحيح الكلام

ولد عمي راح لم تشليح الحاير يبي مكينة كهرب حق القزازه

قالوله ب200

:confused:

وراح سأل بالوكاله 120

:p

قال اشوا ماشريت من التشليح

:(

والله انهم نصابين التشاليح

:mad:

لا زم ننتبه

[ولد وايل]

اهم شي الواحد اذا استفاد من شي لابد يعلم اخوااااااااااااانه

[مقلع الرمث]

عليكم السلام

الله يكون في عونك

من الافضل دائما قبل الذهاب للتشليح التاكد

من السعر في الوكاله او محلات قطع الغيار

بالتوفيق
الله يوفقك وحصلت معي كثيررر

[الدحبول]

أهم شيء يتصلح ويرجع مثل أول ونشوف ومضيعك المبدعه عنه
والتشليح حرامية جدا
حصت رفرف لاندكروزر 97 عندهم ب 600 ريال و اصلي جديد 650
والمشكلة قصوا علي إخذت باب من عندهم بس نظيف ولاجاته ضربه ب 600 + صبغ ورشة كلف 700
الباب الجديد حول 800 اصلي طلبيه
الله يعين ومشكور على تنبيهك

[gsb]

أكيد التشليح اذا شافوك جيتهم عادهم خابرين الوكلات غالية قالوا اكيد مجاء الاهو لاقيها غالية ويعطونك السعرمن روسهم.

[ABO AL-HESH]

ولد وايل نصيحه اذا كان الوجه جايه شي >حتى اذا كان خفيف< بعه تشليح احسن
وانت احسب كم يسومونه راعين التشاليح واحسب قطع الغيار كامله مع شغل اليد والقطع الي بيطلب مستقبلا واحكم

[سعد777]

بارك الله فيك
وتسلم
وداااااااائماً سباق للخير

[.أبوعبدالرحمن]

اعانك الله


التشاليح من اكبر النصابين


ترووح تشتري قطعة جديدة ومن الوكالة احسن وارخص من قطعة التاشليح ومكرووفة

[ولد وايل]

فعلا التشاليح مسلمه للاجانب وشغل النصب موجود فيهم الله يعنا عموما انا باذن الله راح اخذ القطع من الوكاله بس ياريت تعرفون لنا ورشة سمكره زينه

[عرق رملان]

الحذر .. الحذر
من التشاليح
مجموعة حرامية متجمعيين في مكان واحد
نصابين بطريقة عجيبة
يجب على كل شخص قبل ما تروح لتشليح
تمر الوكالة وتسعر القطع حبه حبه !!
وبعد ذلك تروح محلات الي تبيع القطع الاصلية مثل محلات التقوى وبالبيد وكمان تسعر القطع .
واذا تبون شوري ان التشليح على اسمه يبي يشلحك مخيبيتك ولا وبعد مستعمل ... والله انهم حرمية

[Last Nomad]

ولد وايل ......الحمدالله على السلامه قبل اي شي و الحديد بداله حديد اهم شي السلامه و العافيه .............حبيت اسالك كيف صار الحادث ؟وكيف تقييميك للامان في FJوكيف ردة فعل الفرامل اثناء الحادث .....وهل مازلت تنصح بالسيارة حتى بعد الحادث.............ترى الاساله هذي مهم جدا في تقييم السياره ......وماتشوف الا العافيه و 1000الحمدالله على السلامه ......

[االديحاني]

الحمدالله على السلامه

[بن نويشر]

حمداً لله على السلامة وكان الله في عونك وقدر الله وما شاء فعل .

التشليح وما أدراك ما التشليح كفانا الله من شرهم هالحرامية (إلا ما شاء الله) ..

ولكن !!! ليش ما تذكر أسم هالمحل اللي يتلاعب على المسلمين (الله لا يربحه) .

[الربذي]

ولد وايل نصيحه اذا كان الوجه جايه شي >حتى اذا كان خفيف< بعه تشليح احسن
وانت احسب كم يسومونه راعين التشاليح واحسب قطع الغيار كامله مع شغل اليد والقطع الي بيطلب مستقبلا واحكموانا اشاطره الراي بيعة احسن اسمع نصايح اخوانك
اولا ماراح ترجع زي اول ثانيا كل شي فيه اختل وصار مكمن خطورة
ثالثا يمكن انه نفس واحد اقشر ومتعلقة به
ترا البعض نفسه ضعيفه مره واقشر
تذكر من ابلشك علية !من ساقه !
ترا اذا احد الشهبان لاعطه بنفس راح يتعبك وهذا حادث وهذا عطل
شوري عليك بيعه احسن
وهذا شورنا وانت حر بس مجرد نصائح لواحد اعتبره مثل اخي واحب له ماحب لنفسي0
اخوك

[ولد وايل]

ماقصرتوا جزاكم الله كل خيــــــــــــــــــــر

[شمالات نجد]

بغض النظر عن التشليح

احمد ربك انه تويوتا :)

والله ناس كثير يدورون قطع لسياراتهم ولا يلقونها لا وكاله ولا محلات ولا تشليح

أحد الأقارب صدم على سيارة (غبية) مع احترامي انتظر 4 شهور على ما وصلت واكتملت القطع من البلد المنتجه. (موديل السيارة نازل من 3 سنوات)!!

وللأسف الشركة مشهورة جداً ويفتخرون بمستوى الأمان في سياراتهم

والا عاد التكاليف بعد خروج السيارة من الورشة مقاربة لسعر السيارة مستعمله ونظيفه في السوق

-----------

بعدين وأنا أخوك ترى بطن الموتر إذا جاه شيء قوي ما عاد ينفع مثله مثل وجه الموتر وأنت واللي يخارجك من رأيي تبيعه وتزيد فلوسه وتطق لك جديد أو مستعمل نظيف مستقبلاً.


الله يوفقك ويسهل لك أمورك

سلام

[ولد وايل]

الحمدلله اخووووووووي

جزاك الله كل خير

[ar1407]

الحمد لله على السلامه

[ولد وايل]

الله يسلمك اخوووووووووووووووووووووووي

[م.أبوخلاد]

الله يخارجنا من التشاليح و الورش..من جرف لدحديرة..الحمد لله على السلامه ياالطيب..

[Last Nomad]

اكرر سؤالي لك ........

ولد وايل ......الحمدالله على السلامه قبل اي شي و الحديد بداله حديد اهم شي السلامه و العافيه .............حبيت اسالك كيف صار الحادث ؟وكيف تقييميك للامان في FJوكيف ردة فعل الفرامل اثناء الحادث .....وهل مازلت تنصح بالسيارة حتى بعد الحادث.............ترى الاساله هذي مهم جدا في تقييم السياره ......وماتشوف الا العافيه و 1000الحمدالله على السلامه ......

[خيال نجد]

الحمد لله على سلامتك

والله يجعلها بالحديد ولا بك

وفدوه لك الموتر

على العموم

أنا صار لي حادث بالأف جي قبل شهرين

والموتر اللي بالتشليح الفضي أنا اللي ماخذ بيبانه اليسار

وأبشرك الموتر معي على أكمل وجه

على العموم أن قصر عليك شي أنا بالخدمه أعين وأعاون


أخوك ومٌحبك / خيال نجد الصيعري البقمي نقشبندي


http://www.mekshat.com/pix/upload/prof001/mk23868_dsc07534.jpg

[ولد وايل]

الموتر مابين هل هو امن او لا لاني دخلت على طول بنهاية طريق حرف تي t
اخوي خيال نجد الوكاله ارخص من السوداني ذاك

[بواسامه]

انتبهوا من التشليح يشلحك وانت واقف حراميه 100%

[سيف463]

اولا الحمد لله على السلامة ودفعت بلا عنك
وثانيا لا تسمكر ابد نصيحة وخاصة البيبان لأنها بتبين حتى لو في الوكالة اذا قدرت تاخذ جديد او مستعمل افضل اما بالنسبة للمقصات واسفل السيارة بشكل عام انشاء الله مقدور عليها خصوصا بالمتابعة بعد التصليح

[مداحش]

يعطييييييييييييك العافية أخوي على هالمعلومة وماهي غريبة على هذولا ( النصابين )

[ولد وايل]

ماعندي سمكره الا الركن الخلفي اليسار اما الباقي سليم ولله الحمد

اما المقصات فغيرتها اصلي