يوكون 2008 ودي أركب شاشة Dvd (الأفضل - السعر - الضمان)

[نمر 33]

السلام عليكم ورحمة الله وبركاته

لاهنتم حبيت أسأل عن شاشات السيارة ولليوكون خصوصاً حبيت أركب شاشة ومحتار بالأفضل وهل يلغي ضمان السيارة .

على كم أسعارها

وصناعاتها

ومحلات التركيب المنصوح بها ( بالرياض )


ودمتم سالمين

[إبراهيم فوده]

سيارتك عليها نظام Bose ولا لأ ؟؟

[سطام vip]

السلام عليكم ورحمة الله وبركاته

الشاشات انواع كثيره

انا مركب في سيارتي الثانيه شاشه (رود ماستر) على الريموت يعني تفتح وتقفل بالريموت

اخذتها من اكستر بسعر 1045 ريال بالضبط ضمان 4 سنوات

وحصلتها في الغرابي بسعر 680 ريال ضمان سنه

ما انصحك بالي فيها ريموت انحش عنها لان عطالها كثير انا في سنه غيرتها مرتين على الضمان

دايم الباب يعلق ويطلع صوت التروس بفعل حراره الشمس خذ اليدويه احسن لك

ومن باب النصيحه انحش عن الغرابي وتركيبهم لانهم ما في روسهم تركيب وسيارتك ما شاء الله جديده

انتبه عليها منهم بيكسورن عليك الديكور الداخلي او اقلها ما راح يربطون زين وانواع الاصوات

انا شفت عند العليان شاشات بس اسعارها مبالغ فيها

عندك الله يسلمك الحوشاني في اخر الغرابي يبيع شاشات واهو وكيل بعد لها مر عليهم

وفيه طال عمرك في محلات اسمها رد كاب (الكاب الاحمر) في العليا خلف (سواق التميمي )

الي نهايه شارع الامير سلطان

هذا ما لدي

والله يوفقك ويسهل امرك اخوي

دمت بخير

[عرق رملان]

انا سيارتي يوكن 2007
ومركب عليها المطلوب اذا تحتاج معلومات ارسلي رقم جوالك وابشر
بصراحة ما فيني حيل اكتب ههههههههههههههه
تحياتي

[أبو LAMeS]

أهم شيء تنحاش عن الشركة الموجودة في الوكالات واللي تركب شاشات على الضمان شاشاتهم مضروبة وخصوصا العشرة بوصة تصدق أنهم يرشونها بوية ................ يمكن التسعة بوصة حليوه لكن غالية لأنهم يلعبون على الضمان مع الوكالة لأن الوكالة لها نسبة من البيع .

وتقبل تحياتي

[احب البرواهله]

الوكالة تلغي الضمان إذا ركبت أي اجهزة على السيارة من عند غيرهم وتأكد وأسأل وانا أخذت تاهو 2007 من الجميح وقال لي ذا الكلام مدير الصاله وهددني أي مشكله بفتحة السقف أو ريموت الأبواب أو الكهرب بشكل عام سيكون السبب من جهاز dvd إذا ركبته من خارج الوكاله وركبته عندهم وتراهم يبون أي عذر ولا تغامر وللمعلوميه شغلهم 100% وتحت أشرافهم ويعطونك ضمان سنه .
وجيت اركب ونش وسألتهم وقلت لهم ركبوه لي ورفضوا وركبته عند السليماني والله يستر باقي على الضمان 7000 كيلوا الله يخارجنا

[كريم المد]

هل يوجد ديفيدي يشحن مثل التلفون لاني بصراحه ماودي اركب شي خارج الوكاله حتى لايلقون لهم حجه في اسقاط كفالة الاعطال الكهربائيه

مثل اشكل المرفق
http://www.majidsr.com/uploads/VTO00803.jpg

[كريم المد]

up
up>>>>>>>>>>

[نمر 33]

مشكورين والله يعطيكم العافية ماقصرتم

طيب هل في محل مجرب وزيـن

سمعت أن الكوري أفضل من الصين بواجد؟

وش الأفضل الشاشة الثابة أم المتحركة وعلى كم الأسعار؟

[mohd26]

dvdمتحرك افضل بكثير من الثابت
تقدر تنقله معاك وين مارحت من سايارة الى سيارة في البر تنزله معاك
اذا اخترب ما يسوي لك مشاكل في السيارة السعر ارخص
واشياء غيرها

[المخبر]

بعد اذن صاحب الموضوع
هل يوجد شاشه غير ثابته وكيف تركب بالسيارة وتشتغل

وانا سمعت ان فيه شاشات دي في دي السي دي منها فيها يعني لاتشبيك ولا اسلاك
كل مافي الموضوع تركبها مكان اللمبه في السقف وخلاص

لو فيه احد عنده معلومات يدلنا وجزاه الله خير

[01MiKsHaT]

شف فيه محل وانت على شارع العروبه وعلى يسارك مسجد الملك خالد ((المسجد اللي كان يصلي فيه الكلباني)) استمر شوي بتشوف محل اسمه الشبكة الثلاثيه شغلهم مضمون ويضمنهم الجميح .

ركب منهم وارتح . .

وإن كانك خايف مرره . . .

رح لكارفور عند شاشتين بــ 500 ريال عطيا الله , وتشبك على شاحن الجوال.


بس الشبكة الثلاثيه مضموونين

[سيعيد]

السلام عليكم
ياشباب انا سيارتي همر H2 2005 اشتريت شاشه الوكالة لليوكن 2007 ما ركبت عندي لان المقاس عندي في الهمر صغير ما جت على المقاس انقهرت لان الشاشه مواصفاتها خيااليه
فحاب ابيعها ومواصفاتها هي :
اول شي صناعه امريكيه اصلي هذا اهم شي مو صيني
لمس نضامها ممتاز وصااافيه
تدعم كل من الصيغ التاليه DVD و MP3 و WINDOWS MEDIA PLAYR و IPOD
يوجد بها Bluetooth مع وجود مايك للتحدث
كذلك GPS نظام ملاحة
وكاميرا خلفية تشتغل في الريوس
الشاشه جديده بكراتينها وقراطيسها http://www.assayyarat.com/forums/images/smilies/main/biggrin.gif
السعر 3000 ريال علما ان سعرها في الوكاله 8000 ريال
الاتصال للجادين او المراسله على الايميل اذا تم حذف الرقم http://www.assayyarat.com/forums/images/smilies/main/c038.gif
0532232684
ss.combany@hotmail.com (ss.combany@hotmail.com)

[المتميز07]

انا مركب في سيارتي الثانيه شاشه (رود ماستر) على الريموت يعني تفتح وتقفل بالريموت

اخذتها من اكستر بسعر 1045 ريال بالضبط ضمان 4 سنوات
نفس كل شي الى عندي بس الى عندي بلمس وريموت بس نفس السعر
وعارضه للبيع موانا واحد من اقاربنا الموميزات بلوتوث
دفدي تكلم من التليفون على السياره بس المشكله انه امامي خرائط وشياء اخرى رائعه

[سيعيد]

الله يرزقك ياخوي
اولا رود ماستر صناعتها صيني واللي عندي امريكي اصلي ضمانها ثلاث سنوات
ونضامها نضام الوكاله مو بنفس الرود ماستر نضامها كانه كمبيوتر العائله :d سوري على الوصف بس هذي الحقيقه يعني مو بدرجة صفاء ونقاء شاشة امريكية حقت الوكاله تعرف الوكاله تفرق عن الصيني
ثاني شي فيه مشكله كبيررره في الرود ماستر وخاصه اللي تفتح بالريموت مع كثرة الاستخدام يخرب يصير الباب يعلق لا يفتح ولا يسكر مجربه في سيارة اخوي يعني الرود ماستر اللي بدون باب ازين وكلها نضامها لمس

[hardsqueezer]

سيارتك عليها نظام Bose ولا لأ ؟؟


السلام عليكم ورحمة الله وبركاته..

انا عارف انه الموضوع قديم بس لفت انتباهي وانا ابحث عن افضل شاشة ليوكن دينالي 2007

وسيارتي فيها نظام bose هل يفرق؟؟

واش في رأيكم افضل شاشة تعمل بدون مشاكل مع جميع مميزات السيارة مثل الحساسات وازارير الدريكسون وغيرها.

تحياتي

[العودالازرق]

للرفع نبغى معلومات اكثر

[صالح الغفيلي]

موضوع هام تكفون نبي معلومات جديده والمواصفات والاسعارالطيبة وين نحصلها

[قراند ماركيز]

شكرا على المعلومات

[Yukon2011]

ما نستغني عن معلوماتكم يا شباب

أنا راح أركب شاشة DVD ومحتاج المشورة منكم

[anas]

مشكور .......

[ذيب الفيافي]

يااخوان موضوع مهم جدا . وماله الامكشات .

كم يستغرق تركيب الشاشة . وش الافضل . اللي بالسقف او اللي خلف المراتب الامامية

[الهواء نسري]

اسعد الله اوقاتكم بكل خير
يا اخوان نصيحة الي يبي يركب اي جهاز بالسيارة ..لايخلي الكهربائيين يقطعون الاسلاك تراهم غشماء
وسالو مجرب انا ركبت شاشة ولعت لمبة الايرباق ومره ركبت ريموت وعملي مشاكل بالكهرباء
كل هذا بالغرابي .يقنعك العامل ويغريك وخرتها مشاكل في مشاكل ....
الطريقة الامثل... يوجد شاشات افياشها تركب علي افياش السيارة ..هذي ويالله الخراج
الي يبي سيارته لايسلمها للمتعلمين شكرا ادري انكم حريصيين بس ياخوان لاتاخذكم العاطفه بمثل هل امور
شكرا لكم علي سعت اصدوركم ...