وش علاج الطير الكفاخ بمعنا الكلمه [الأرشيف]

عين النداوي

07/04/2008, 01:02 AM

السلام عليكم ,, مساء الخير على الجميع يالربع عندي طير جير كفاخ بمعنا الكلمه والله عجزت لاركده حتى اذ1 كان مفرع على وكره دايم ينطلق من الوكر يكسر المجول ويكفخ وصلت معي الحاله الى اني ماعاد افك برقعه الى وقت عشاه والطير عندي من يومه فرخ الى الحين ينقل ثالث .... ورجو من عنده معلومات شلون اركده يفيدني ويفيد الاخوان كلهم .. تقبلو تحياتي عين النداوي

صقار قديم

07/04/2008, 01:16 AM

ما هي خلطة الطير لو تكرمت ؟

تحياتي

عين النداوي

07/04/2008, 01:25 AM

والله بالضبط مدري لانه الطير شاريه من السوق والطير مافيه حجل قاصه راعيه ... بس الطير شكله نسبه الحر فيه اكثر من الجير والله اعلم

الزعـبي

07/04/2008, 01:47 AM

السلام عليكم ...

اربطه بسبق واحد وقصر الربطه وان شاء الله بيركد ...

عين النداوي

07/04/2008, 01:58 AM

وعليكم السلام .. الزعبي كنك تدري والله اني رابطه بسبق واحد بسسسس ولا شي تغير في طبعه الطير هو هو

الزعـبي

07/04/2008, 02:05 AM

اصبر عليه وان شاء الله بيركد على الاقل بسبق واحد ما يتملع الطير

قرناس ارامكو

07/04/2008, 04:56 AM

السلام عليكم،،،،،،، انا عندي راي ثاني ليش ماتطلقة فترة القرناس عذي وبعد مايطلع من القرناس تدق خشمة وتنقلة مدة طويلة وهو مبرقع لعدة ايام حتى تحس انة ركد بعدها تنقلة وتكشف عنة،،،،، وانا ضد الي يكشف عن طيرة وهو على الوكر وهو ماهو راكد في وقت المقناض،،،،،،،،،،،،،،،،،،،،،،،،،،، وشكرن

عوق الخريش

07/04/2008, 05:12 AM

عين النداوي صبحك بالخيرالطيرالكفاخ علاجه التكيه اخرالوقت اربطه فاالتكيه وخله طول المقناص فيها عشه ومرحه فالسياره مكشوف عنه وخله يكفخ لين يمل وبيركدانشاء الله وشكرا

نبع الدموع

07/04/2008, 06:06 PM

كان ودي اخدمك اخوي بس دام انة في الربطة ما ينفع معة الحل الي عندي
الي هوا المهاد تمهد الطير يومين مهاد الوحش بس ما تربط ارضيتة. هالحل
بيخلية زي الالف

صقار قديم

08/04/2008, 01:37 AM

أخي الكريم هناك بعض خلطات الطيور تكون عصبية المزاج واكثر من 90% منها لا يتغير سلوكها مهما كان الصقار محترف و هو يستطيع ملاحظة ان طيرة غير طبيعي خصوصا اذا استخدم اكثر التقنيات فعالية ، ارجوالتكرم بمواصلة الموضوع و ذلك لحاجتي الشخصية لمعرفة تطورات هذا الطير و أتمنى عليك ادراج صورتة ان أمكن ، وذكر ان كان يزامن " كفخ " الطير " صياح " أو تهيج شديد يلاحظ في عينية أو اي ملاحظات غير طبيعية أخرى مثل تبديل الريش بترتيب غير منتظم او تشنجات في اصابعة ، ولك جزيل الشكر

تحياتي للجميع

عين النداوي

08/04/2008, 03:16 AM

الله لايهينك ياخوي صقار قديم ولا يهين الربع كلهم .. الطير مافيه صيحه . اما بتبديل الريش مثل باقي الطيورمرتب حذفه للريش ومن فضل الله انقله دايم ب اول الوقت ..ونشالله بحط لكم صور له ..

عين النداوي

08/04/2008, 03:40 AM

http://www.tntup.com/photo/img8/3c2374b6f705812fd1ecac1e668c6d80/غضبان2.jpg

.
.
.
.
http://www.tntup.com/photo/img8/828a2cd15c6a38f3b2bed177c59bb400/‏ غضبان 1.jpg

.
.
.
السلام عليكم هاذي هي صور الطير (غضبان) ويا اخواني ولا عليكم امر ابي لونه اذ1 واضح عندكم صورته ... تحياتي للجميع

نبع الدموع

08/04/2008, 05:07 AM

يا رجال ترى على خبري ان بعض التوام تبداء تكافخ وقت تطلب التلقيح
في اول المقيض يمكن هذي هي الحالة الي عند طيوركم و لاحظ هاليومين
كذا واحد قام يشتكي من هالمشكلة
لاكن ما تكافخ بالطريقة الي تقول ما غير تجلس تمسح بالارض و تلاقيها ماتبي
الوكر لاكن انها تكافخ بهالشكل الي تقولون اتوقع انها تكون مروعة من شئ.

شبراق

08/04/2008, 08:30 AM

سنجااار

08/04/2008, 09:59 AM

سنجااار

08/04/2008, 10:01 AM

والله ياخوي انا عندي طير مهبل فيني بالمكافخ الا انه يكفخ بالبرقع اذا احراء للعشاء هذا طبع لكن نصيحتي لك لا تفرعله وهو على الوكر دايم انقله على ايدك بالسيارة اذا كافخ بالبرقع امهده
شكل طيرك مملع بالصوره اشوف جناحه الايمن (يمين الطير) هادله انكانك ماعلاجته عطه شب ومميان الله يوفقنا وياك
عندي لك نصيح الطير الكفاخ وقت العشاء جرب هالطيريقه وانا فادة معي ادع طير ولاتعطيه عشى واذا جاء عقب المغرب عشه يعني تغير وقت عشاء الطير وان الله احيانا واحياك جربها الموسم الجاي

وقاااااد

08/04/2008, 10:33 AM

عزالله ان الطير الكفاخ يدبل كبدك ونصيح اخوي لاتربط سبب واحد على الوكر تراه بيتملع طيرك والطير كثر عليه النقل ولاتنقله ألا معك نسر وحتى اذا جيته على وكره وره النسر علشان يدري اذا جيته ان معك نسر مايكفه وعلى هالحاله وان شاء الله بتفيد معك
انا اوافق سنجااار على كلامه وان شاءالله بيركد غصب عنه
بس لاتجي الطير إلا ومعك نسر ولاتفرع عنه إلى وهو على يدك

الحر01

08/04/2008, 10:45 AM

طيرك صلف وهاذا طبعه مرت على واحد من العيال نفس الحاله الي يمر فيها طيرك وسوى امهده وقصر سبقه لا كن مافيه فايد وطيره جير حر وفي الاخير باعه وكفاخ مره وشكرن لك

الحر01

08/04/2008, 10:48 AM

لونه حمر مجهم

قلب ذيب

08/04/2008, 01:14 PM

اسعد الله اوقاتكم بكل خير .
بخصوص طيرك , لم تعلمنا هل الطير مربوط في الميض ام انك ناقله حاليا !؟
اذا كان الطير في الربطه فاترك معالجة هذه الحاله لحين نقله في الصفري عند اتمام ريشه
الان عط الطير علفه من بعيد واتركه في حاله .
عند النقله ( عند اتمام ريشه ) اتبع التالي :
1 - سبح الطير بالكامل , واحمل معك مرش الماء بشكل دائم ورش ( زغون ) الطير حتى يركد .
2 - لاتترك الطير مفرع ابدا الاعلى يدك وفي حالة وضعه على الوكر ضع البرقع عليه .
3 - بعد العلف احمله على يدك وعند وضعك له قم بوضع البرقع على راسه .
اذا كان الطير يخاف من البرقع او الحيوانات او الورعان لاتتركه مفرع امامهم . هذه العاده مزمنه وربما لايتخلص منها الطير الا بعد فيره طويله , المهاد يزيده وحاشه فلا تستعمله معه .
هذا الطير جير من ذو الخلطات الغير منصوفه وبالتالي فهو حاد المزاج شرس الطباع ,واطلاقه على الفرائس ربما يهدي من روعه ووحاشته .

حسين؟؟؟

08/04/2008, 02:26 PM

السلام عليكم ورحمت الله وبركاته
يا جماعت الربع أنا حصلت معي نفس المشكله والعلاج ربطت الطير عند وغدان وجلس مده يمكن شهر وشوي وركد الطير ماعده كفاخ أبد بس لا بد أنه يكون مفرع ويلعبون حوله ويمسحون عليه وشكرن :heart: :heart: :heart: :heart: :heart: :heart: :heart: :heart: :heart: :heart:

أبو ممدوح

08/04/2008, 03:16 PM

يا خوي ان جات ذي الحاله معي في اكثر من طير والحل الوحيد الي استخدمته الماء
خذ علبه ماء صحه واخرق الغطاء بدبوس من الوسط
خلك عند طيرك من يوم يكفخ عطه بالماء الين يرجع على الوكر اذا رجع حط العلبه قدامه وخلك بعيد عنه مثلا في غرفه ثانيه من يوم تسمعه كفخ عطه لين يرجع وانشاء الله تنفع معه
انا جاتني شيهانه جبليه من كثر ما تكافخ واشوفها تقول فيه جن تشيلني من داخل وتنزل احس اني دمي يفور وتقفل اخلاقي
ويجي يوم وتكافخ تقول ان الوكر مولع نار وزدت انا الي الولعت نار انجنيت ذاك اليوم والله واروح اجيب كروانه واعبيها ماء واضفها واغرقها انزلها واطلعها لين غرقت بالكامل تقول راحت دجاجة ويتحول النكد ذاك كله ضحك من شكلها واحطها على وكرها ومن ذاك اليوم لين بعتها ما كفخت .
وفيه طريقه ثانيه بس اني ما استخدمتها ...
وهي تجيب مسند أو تكايه وتخرقها من الوسط تسوي فتحتين وتدخل السبوق فيها وتربطه من تحت يسير اذا الطير بغى يحرك رجله ما يقدر واذا كان بيكفخ ما يقدر فتره ويهجد من حاله بس خلك معه لين تشوفه بطل الكفخ بعدها تفكه وتراقبه وانشاء الله يرجع مثل ما كان

واتمنى اني افدتك

عين النداوي

08/04/2008, 09:37 PM

وعليكم السلام ,, الله لايهينكم يالربع كلكم كفيتو وفيتوو بس مثل ماذكر الاخوان ان المرش او البخاخ حق الماء يركد الطير فعلن اذ1 رشيته بالماء هدل جنحانه وخذ له خمس دقايق او اقل ثم اشتغل من جديد ونا والله يالربع ماخليت فيه حيله الى وسويتها لاكن الظاهر انه هاذ1 طبعه الطير حتى بالعلف اكله بشراسه وفي المقيض الحين من يسمع صوت الباب الخارجي انفتح على طول قام يكفخ ,,,
..والله ياخوي ياحسين انت لو تشوف الطير شلون يكفخ ماودك تقربه الطير يكفخ على كبده.. وشكراا
.
وعسانا استفدنا من الاخووان جيعاا تحياتي للجميع ...

صقار قديم

09/04/2008, 01:02 AM

الله لايهينك ياخوي صقار قديم ولا يهين الربع كلهم .. الطير مافيه صيحه . اما بتبديل الريش مثل باقي الطيورمرتب حذفه للريش ومن فضل الله انقله دايم ب اول الوقت ..ونشالله بحط لكم صور له ..

شكرا لك أخي الكريم ، لكن هل هذا الطبع جديد عليه ؟ حيث انك تقول " انقله ديم باول الوقت "

هل تقصد من كلامك ان الطير " يكفخ " اكثر من العادي فقط ام انه لا يعود على اليد و يتعلق رأسا على عقب لفترات طويلة ربما تستوجب انزالة للارض حتى لا يموت ؟

تحياتي للجميع

عين النداوي

09/04/2008, 02:13 AM

اشكرك اخوي صقار قديم على مرورك وهتمامك في هالموضوع .. الطيرمن اول ماشريته فرخ وهاذ1 طبعه بس يوم اقول انقله اول الوقت رد على سؤال احد الاخوان يقول شلون الطير في القرناس وشلون ريشه مبعثر ولا عادي مثل بقيه الطيور .. اما اذ1 كان سؤالك شلون اول منقله من الربطه نقله عدوك عذ1ب ومفارس ونا وياه في الله وكبر .. البرقع مايلبسه الى بعد مايهلك ويكون متسلقي راسه تحت .. وشكراا

صقر الرحيبة

09/04/2008, 07:52 AM

السلام عليكم اخوكم صقر الرحيبة من سوريا
انا انصحك تسهره كمن ليلة وترشه بالماي وتسبحه تسبيح وطول على المكيف قد ما تقدر و في النهار خله معاك في السيارة قد ماتقدر

عبدالرحمن ‍

09/04/2008, 10:36 AM

مرحبا اخوي عين النداوي .. الله يخلص طيرك من ذي العادة

انا حبيت اشاركم في الموضوع .. الطير قده 3 وهو متعود على المكافخ.. يعني انه يفك المكافخ يبغي له وقت ..

عندي لك كم خطوه اتبعها وان شاء الله معد يكفخ الطير ...

-خل ممساه في مكان بارد يعني المكيف اعلى شي

-قبل لاترقد سبحه بمعنى الكلمه .. يعني دبتين او 3 ماء صحه (من الدباب الكبار) يعني خله مثلج طول الليل (عشان مايمسي) .. بس لاتركز المكيف عليه بس اهم شي الغرفه تكون بارده البروده اللي لازم يتلحف فيها الواحد ..

-حط قطعة لحم في البرقع كل يومين .. لين يوالف البرقع وتحصله يمد راسه للبرقع ..

-لاتفك البرقع الا هو على يدك ... وكل ماكفخ تك البرقع وسبحه .. ورده على الوكر 10 دقايق وارجع انقله .. واذا كفخ سو نفس الطريقه
(ملاحظه: لاتسبح الطير وهو مفرع برقعه وبعدين سبحه)

استمر على الطريقه 3 ايام ... اهم شي الطير لايمسي في ذي الفتره .. يعني كل مامريت عليه في الليل وشفته نايم سبحه مره ثانيه .. وانا مجربها مع طيور ولا هو بطير والحمدلله طريقه ناجحه .. واذا كفخ بعد فتره ورجع على طبعه (خبرك سنه 3 ومن هو فرخ وهو متطبع) ارجع على نفس الخطوات اللي فوق .. ووسع خاطرك على الطير (لاتضيق بسرعه)

تقبلوا مروري

أبو ممدوح

09/04/2008, 03:00 PM

اخوي الله يعينك بس انا حبيت اوضح لأخوي عبد الرحمن وانا ما اقول في كلامه شي بس حكايت انك تشغل المكيف عليه وتخلي الطير يبرد هذا صعبه شوي لأنها تتعب الطير
المكيف يمرض الإنسان نفسه ويوجع عظامه فما بالك بالطير عظامه صغيره ومفاصله ظعيفه اذا برد راح يتوجع ويتألم وانت تحسب انه ركد وهو مسكين راكد من الألم في عظامه ومفاصله ولو تلاحظ بعد ما يتعرض للمكيف تلقى الله يكرمك والقارئين مرشه يتغير يتحول الى اللون الأخضر
ومعليش على المداخله بس حبيت اوضح هل النقطه

وما لك الا حلين اخوي عين النداوي
اما انك تشنذر الطير وتنقله على ايدك لفتره

او انك تقيضه طلق وبعد الربطه تروضه من جديد

بوخالد الكعبي

09/04/2008, 09:32 PM

هلا اخوى

طير الجير اكثر من طير كلهم خفاقين ترى وبقوه بعد

ولكن ماينفع معهم الا النقال كثر النقال عليه في كل جلسه لك خله كل على ايدك

وعادي خله يخفق لين اتلوع كبده واذا عندك ماء بارد سبحه فيه وبعدين مره وحده بيغدي عادي هو من نفسه بيتعب يالغالي

اتمنى اني افدتك

عين النداوي

09/04/2008, 09:37 PM

اشكرك اخوي عبدالرحمن على مرورك .. لاكن المكيف والبروده العاليه للطير مرض وفيه مرض يسمونه مرض ( مرض البرد ) على حسم معلوماتي الي سمعتها .. هاذ1 واحد من الربع يقول طالعين للبر في المربعانيه وحاط طيره برى ويوم اصبحو الصبح والى الطير مستمرض مايعرف وش علته يقول انه نافش ريشه ومنزل راسه .. وخذ له يومين على هالحال ومات .. اما انا شفت الطير حق صاحبنا والله العصر على وكره مبرقع وعلينا هوى موشديد انه نازل من الوكر ومذري بالرمث وصاحبنا عنيد اقوله حطه في الخيمه ويروح يرده على وكره يمكن ثلاث مرات الي هو يحطه على وكره والطير ينزل .. وشكراا
...
اخوي ابو ممدوح اشكرك على مرورك ومثل ماقلت مالنا الى الموسم الجاي .. ان الله احيانا ,, تحياتي للجميع

عين النداوي

09/04/2008, 09:39 PM

تسلم يابو خالد

صقار قديم

10/04/2008, 01:33 AM

اخي الكريم ، هل تلاحظ ان الاعراض تقل كلما نقص وزن الطير ؟ وكلما ارتفع وزنه زادت ؟

أعتقد انك اذا نزلت وزنه ستهدأ أعصابه نسبيا ً لحاجته التي يدرك تماما ً انها عندك ، و سيمكنك التعامل معه بهذه المعادله فقط تدريجيا ً حتى تصل الوزن المناسب ، و أكاد اجزم انه سيعود الى نفس الاطباع بمجرد وصوله لوزنه السابق (( أي الذي هو عليه الان )) .

أخي الكريم اقدر لك لطفك في التعامل مع طيرك و عدم استخدام القسوه و أشكرك كل الشكر على اكمال هذا الموضوع الهام جدا ً .

تحياتي للجميع

عين النداوي

10/04/2008, 02:16 AM

الله يسلمك يالغالي .. وشكرك على اهتمامك انت في هاذ1 الموضوع وان دل فانما يدل على انك تحب تفيد وتستفيد .. اماا بالنسبه للطيرانا والله وازنه وزنه معينه الي اذ1 فكيته مايطرح وذ1دعيته مايستنكر ولا يعرض عني .. وبعدين مثلك عارف ان الجير من الطيور النزره الي اذ1 قصرت عليه بالعلف قام يكوش ويخبط .. ونا اقول دام انه نفسه زينه ويلحق مايطرح .. قلت خله على هالوزنه هاذي ... تحياتي لك يا صقار قديم .. وارجو اني وضحت ماكنت تبي توصله انت

عين النداوي

10/04/2008, 10:56 AM

والله ياخوي انا عندي طير مهبل فيني بالمكافخ الا انه يكفخ بالبرقع اذا احراء للعشاء هذا طبع لكن نصيحتي لك لا تفرعله وهو على الوكر دايم انقله على ايدك بالسيارة اذا كافخ بالبرقع امهده
شكل طيرك مملع بالصوره اشوف جناحه الايمن (يمين الطير) هادله انكانك ماعلاجته عطه شب ومميان الله يوفقنا وياك
لاهنت اخوي شبراق على ملاحظتك هاذي بس الطير مهو مملوع الطير مجهز نفسه للمكافخ وهاذي صوره له عشان تلاحظ .
.
http://up3.m5zn.com/get-4-2008-ff6e8di2fi9.jpg

تسلم ياشبراق .. تحياتي