المساعد الشخصي الرقمي

مشاهدة النسخة كاملة : تويوتا فورتشنر


ابوسلطان90
07/04/2008, 10:56 AM
السلام عليكم
لوتكرمتو الي عنده ملاحظه عن هالموتر او ينصح فيه يتفضل.
السياره 6 سلندر اتوماتك2008؟
.أبوعبدالرحمن
07/04/2008, 02:43 PM
اخوي ابوسلطان توكل على الله


السيارة ما عليها مشكال


واللي يقوول لك انها تايلندية ما عليك منه


الموتر اثبت تواجده واثبت قوته
alkongrs
07/04/2008, 03:23 PM
كلام اخوي ابو عبدالرحمن الصفيان عين الصواب 100%
شمالات نجد
07/04/2008, 03:38 PM
يسلم راسك يا أبو عبدالرحمن هذا الكلام


فعلاً سيارة تستاهل الإقتناء خصوصاً أن أسعار السيارات مرتفعة وهو يعتبر سيارة قيمتها فيها

6 سلندر وقير اتوماتك ودف لوك خلفي ومثبت سرعة وش خليت

الله يوفقك بالسيارة الزينه

ومبروك مقدماً

سلام
بدوي جنوبي
07/04/2008, 06:45 PM
ابو سلطان اذا منت راعي بر خذ

تاهو 2008 وان شاء الله تدعيلي
aljoni
07/04/2008, 07:45 PM
السلام عليكم
اخوي ابو سلطان
بعض الملاحظات على الموتر وليست عيوب
1- يفصل على 165
2- صوت هواء من جلد البيبان
3- لك عليه شوي في صرفية البنزين
4- الراحة لك عليها شوي

وفي الاخير توكل على الله المونر ماعليه
والله يوفقك
مزدهر
07/04/2008, 09:59 PM
هج عن الداب وشجرته
متعب جداً في البر
أيضاً خطير جداً على السرعات العالية
دور برادو مديل 2005-2006 ياباني يكون نظيف أزيلك
أزين من اللي يجمع من كل محل اول ماجاء كان مصنع باستراليا
وأشوف واجد قبل فتره صناعته اندنوسي
ولد وايل
08/04/2008, 12:21 AM
اخي الكريم البرادو والاف جي والفوتشنر السته سلندر نفس بعض ماتفرق الفرق هو البدي فقط
كاشخ 24 ساعه
08/04/2008, 12:35 AM
هج عن الداب وشجرته
متعب جداً في البر
أيضاً خطير جداً على السرعات العالية
دور برادو مديل 2005-2006 ياباني يكون نظيف أزيلك
أزين من اللي يجمع من كل محل اول ماجاء كان مصنع باستراليا
وأشوف واجد قبل فتره صناعته اندنوسي


لتصحيح المعلومه فالبرادو أخطر على السرعات العاليه بعكس الفورتشنر الذي يقل فيه نسبه الارتفاع بالنسبه لعرض قاعده الكفرات مما أجبر تويوتا ان تضع في الحسبان هذه الخطوره ونزل برادو 2008 بنظام هيدروليك.


الفورتشنر بصفه عامه ممتاز ولكن نصيحتى ان تاخذ 4 سرندل فهو اخف في البر وممتاز في الصرفيه وبالتوفيق في ما تختاره
م.أبوخلاد
08/04/2008, 02:01 AM
والله إني دخت بين الشباب..
كنت ناوي على برادو وبديت أميل للفورنتشر..
كم لقيت سعره يالطيب؟
العقيد حويلان
08/04/2008, 02:34 AM
السلام عليكم
عندي فور شنر 2008 فل كامل مراتب جلد
ماشي 9000
ابغي ابيعه
بسب الجاجه
الموتر شاريه ب107000كاش من عند عبدالطيف الون ابيض انكان عندك نضرتراني بياع
وعلي الخاص وبتوفيق
مرداس2006
08/04/2008, 08:42 AM
كم تبي فيه يالعقيد ^
^
^
ابوسلطان90
08/04/2008, 10:53 AM
جزاكم الله خير على التجاوب.
ولكن هل منكم احد جربه شخصيا؟
المعروف انه كاش في الوكاله ب 109700 ريال. كيف خذته ب 107000؟
شمالات نجد
08/04/2008, 06:18 PM
أنا مجربه شخصياً وهو حالياً معي

وبعض الناس مدري وين يجيبون الكلام منه!!

بعدين نصيحة وأنا أخوك خذ 6 سلندر قير تماتيك صرفيته حول الأربعه وأقوى وأنشط وينشد به الظهر

وللعلم تراه اقتصادي في الصرفيه بس تانكيه صغير يعني فل بـ 35- 38 ريال فئة البنزين (95) أحمر

تمشيك 400 كيلو تزود شوي وتنقص شوي حسب الظروف

الـ 6 سلندر يفصل على 190 وزياده شوي ولو مافيه فاصل كان يجيب فوق 220 وهو يضحك

المهم جاك العلم أنه موتر يستاهل

------ الله يوفقك والجميع ------

سلام
العقيد حويلان
09/04/2008, 05:47 PM
مالك لوا شاريه انا شخصيا ب107000كاش وعند معرض المحميدي ب106000
ولي يبيه 103000تراني صامل
Farqd
09/04/2008, 06:26 PM
بعد شد وجذب لمدة اسبوعين في المنتديات والزملاء

غامرت وشريت 4 سلندر 2008 اوتو بدبل

ووجد الفرق الشاسع عن كلام الناس

من واقع تجربة 2000 كيلو وسيارتي السابقة سوناتا 2002

1- بالنسبة للقومة فهي للفورشنر اضعف واستجابة ابطأ
اذا القومة مهمة عندك لدرجة كبيرة فحول للستة

2- بانسبة للراحة فهي مقاربة للجي اكس ار 2003
والمطب فيه حليو وماهوب قوي بالحيل

3- الصرفية وصلت معي 470 كيلو بالراحة

4- لعل ما يعيب السيارة صوتها المرتفع قليلا لكن انسى الصوت بعد سرعة 80

5- اذا ذكرت شي ابرجع لك
مزدهر
10/04/2008, 10:25 AM
يا أخواني البرادو أفضل مليون مره من الفرتشنر عن تجربه خطير جداً على السرعات العاليه
يأخوان أنا معي برادو مشيت عليه 215 مالحظت مشكله الفرتشنر مشينا عليه 200 بالسريع حق الرياض واضطرينا نصقط مع طريق التريلات شوي وإلا بالشبك بدا يومي الموتر مع ورى كأن مافيه مساعدات ما تخيلون يأخوان ربك ستر
يالود وايل البرادو الأف جي قريبات من بعض من ناحيه التعلق والفرق هو رجوع الدفرنس الخلفي للأف جي أما العرض ما أدري بالضبط لاكن أتوقع أنه نفس الشي لأن سقف الأف جي نازل مره لدرجه إنه فيه ثلاث مسحات
أما الفرتشنر فهو هايلكس دبل معلق ياي وراء يتخلف جذري عن البرادو والأف جي
ياجماعه لايتكلم الشخص إلا عن تجربه مو والله السقف نازل أعرض دفرنس ( التجربه التجربه هي الدليل )
بعدين البرادو مافيه هيدروليك ابداً فيه بالونات بالخلف والمسعدات فيها تحكم وهو من يوم ينزل 2003 فيه هذي المميزات ( بالخارج)
لاكن تأخر عندنا مانزل عندنا إلا في مديل 2005
وفيه نظام التحكم بالتوزان
.كبريت.
10/04/2008, 11:48 PM
اخوي ابوسلطان توكل على الله


السيارة ما عليها مشكال


واللي يقوول لك انها تايلندية ما عليك منه


الموتر اثبت تواجده واثبت قوته


اخوي صادق اثبت تواجده واثبت قوته ..


وعليه ايضن مكينه جباره جدا ..


دمت بود
ناصح
11/04/2008, 12:10 AM
يا أخواني البرادو أفضل مليون مره من الفرتشنر عن تجربه خطير جداً على السرعات العاليه
يأخوان أنا معي برادو مشيت عليه 215 مالحظت مشكله الفرتشنر مشينا عليه 200 بالسريع حق الرياض




اسمح لي يا أخي هذا ليس تجربة...
هذا تهور وإلقاء بالنفس للتهلكة وتعريض بقية إخوانك المسلمين للخطر...

وإذا كانت هذه السرعات العالية خطيرة في سيارات السيدان فهي بالنسبة لسيارات الدفع الرباعي ضرب من الجنون .
gsb
11/04/2008, 11:40 AM
يأخوان وشلكم بسرعة تعوذو من إبيلس ومشو ممشا مسلمين يخافون الله في انفسهم وفي اخوانهم (( والله ثم الله ثم والله انه منتحر الي يمشي هالسرعة الجنونية لونه على فياجرا ولا لامبرجيني ))
أنا وبس
18/04/2008, 08:28 AM
بالنسبة لمن يقول انه يسرع على الفورتشنر الى 200 مع احترامي لها الا ان السيارة لا تصل الى هذه السرعة حسب الكتالوج ومع التجربة الا اذا كان الكاتب فصل شيئا فيها واخشى انه غير فيها اشياء او انه اصلا يركب سيارة اخرى
وايضا فارتفاع البرادو من الخلف اكثر من الفورتشنر ونسال الكاتب ماذا يعني هذه الزيادة
وايضا الفورتشنر فيها غلق الدفرنس الخلفي والبرادو لا يوجد في الموديلات الجديدة غير موجودة
طول البرادو اطول من الفورتشنر وعرضه اقل وماذا يعني ذلك
الجفن
18/04/2008, 12:45 PM
من واقع تجربه معي حاليا 2008 فل كامل الموتر ما عيه كلام مشكلته الوحيده فقط تانكيه صغير 65 لتر فقط
وغيره ما شاء الله موتر لك و لزمن حاليا معي مشيته عشرين الف ما شفت منه مشاكل
سيف نجد FJ
21/04/2008, 08:20 PM
تانكي صغير هممم

طيب لو قلنا ان تانكيه تانكي هايلوكس سمعت انه فيه تانكي اضافي للهايلوكس

واذا تانكيه تانكي Fj وهذا الاقرب لانه نفس الشيله تقريبا فا اتوقع ان تانكي البرادو يحل المشكله

وماسبق كان ضرب من النظريات و الافكار
ابو الشمقمق
21/04/2008, 10:40 PM
السلام عليكم ورحمة الله وبركاته وبعد
انا قبل خمسة اشهر تقريبا طرحت موضوع عن البرادو الاربعة سلندر وعارضوني الاخوان هنا كثيرا وبعضهم عارض لا لشيء يعرفه وانما لانه اربعة سلندر وتوكلت على الله واستخرت وشريت برادو اربعة سلندر وكانت بحمد الله سيارة موفقة وجميلة جدا سافرت عليها للشرقية ومكة وطلعت فيها للنفود كثيرا ولم اشغل الدبل ولم احتج اليه لان السيارة دفع رباعي وهو اوتوماتيك ايضا
سيالرة جميلة جدا جداجداجداجداجداجداجداجداجداجداجداجدا
وفق الله الجميع ولا انسى ان البرادو ياباني الصنع والتجميع والفور تشنر اندونيسي كما هو مكتوب على الباب
سليمان911
21/04/2008, 10:50 PM
البرادو ياباني الصنع والتجميع والفور تشنر اندونيسي كما هو مكتوب على الباب
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
:confused::confused::confused::confused::confused: :confused::confused::confused::confused::confused:
من متى الاندونيسيين يصنعون سيارات
مزدهر
21/04/2008, 11:18 PM
يأخ ناصح أنا يوم أذكر التجربه أبغى أبين لليقول أن الفرتشنر أحسن تعلق من البرادو وأنا ما أوقول أسرعوا
فيه ناس تتكلم وتبدي نصايح بدون ما تجرب السيارة أنا أنصح أخوي يستاجر السيارة ويجربه بالبر والصحراء وخاص الخطوط اللي تصير بالنفود
وأنا جميع كلامي عن تجربه يأخوان
الثلج الاسود
06/05/2008, 03:04 PM
انا معي واحد 2007 6 سلنلر مايفصل ابدا مشيت عليه حتى 180 وخففت السرعة توكل على الله
احمد التميمي
06/05/2008, 10:20 PM
http://www.×××××××.com/watch?v=YYv8MnlXkT0

http://www.×××××××.com/watch?v=bIyYObjQMSk&feature=related

انا مش حتكلم شوفو الفديو علشان تعرفون وش يعني التيوته فووورتشنر
انشاء الله الفديو يعجبكم
الناصح1
06/05/2008, 10:42 PM
السلام عليكم ورحمة الله وبركاته
معي 2008 السيارة
أزين ما فيها :سعرها 000
أشين مافيها: الفرامل سيئة جدا،ينقصها الفخامة000