المساعد الشخصي الرقمي

مشاهدة النسخة كاملة : شباب أبي كارونة Vxr كهرب 97 خليجي تكفون


أرض الحجاز
07/04/2008, 07:52 PM
السلام عليكم ورحمة الله


مساكم الله بالخير


قبل مدة بسيطة عرض علي جيب لاند كروزر خليجي موديل 97 VXR

كارونتة الأمامية خربانة ومفكوك العمود حق الدبل

المهم قلت ياولد كارونة و الموتر نظيف و السعر مغري توكل على الله واشتر :rolleyes:


و اشتريت الجيب :D


دورت له قطعت غار ما حصلت كل من جيته قال هذي كارونة كهرب و لا تلقاها أبدا :eek:


و واحد يقول نجيب لك من الإمارات :confused:

عاد قلت يا ولد شكل الرجال لعب علي و صقع الموتر في ظهر

تخيلوا جيب مواصفات كرسيدا :D


نظام دف :no:


المهم أنا الآن أطلب المساعده

أين يمكنني أن أجد كارونة كهرب يا شباب تكفون ساعدوني
تلسكوب 1
08/04/2008, 01:24 AM
هل سألت عند الوكالة ؟

احتمال عند الورش تغيير كامل الدفرنس يحل مشكلتك ؟
أرض الحجاز
09/04/2008, 01:35 PM
مرحبا فيك أخوي


تغيير الدفرس بالكامل ليس حلا


والوكالة ماعندهم كهرب من نفس يخدم نفس الموديل


فما الحل
.أبوعبدالرحمن
09/04/2008, 03:07 PM
المشكلة ان شاء الله انها يسيرة


لكن انتظر شوي على الاعضاء وان شاء الله يجيبون خبرها
ابو ســــاره
09/04/2008, 03:22 PM
االموتر عندك فيه دفلك امامي لذلك تسمى كارونة كهرب انتبه تغير دفرنس كامل ترى احتمال ينكسر عليك الدفرنس الي ورى لا يهمونك التشاليح تراههم نصابين .
من واقع تجربه كنت ابي اركب دفلك في الموتر ولقيت انه لكل نوع من الاندكروزر عدد اسنان في الكرونة مختلف عن غيره وهنا المشكلة فيه 38-10 و37-10و 40-10 و36-10 طبعاً ما راح تقدر تعرف نوع كارونتك الا اذا فكيتها وعديت عدد التروس او يكون عدد التروس مكتوب على جنب الترس .
فيه محل تشليح في الصناعية القديمة شارع العويضة وجهك غرب قبل ما تاصل نهاية الشارع على يدك اليمين فيه محل تشليح كبير على شكل مستودع ارفف القطع صافهن راعيه شايب قصيمي عنده مطلوبك بس عيبه الغلا .
الدحبول
09/04/2008, 10:43 PM
بكم إخذته علشان نعرف سعر مغري ولا
وهل هو لمتد لونه ذهبي وشاريه من الاحساء
ركب كرونة عادي لجيب يلي بدون دف لوك يعني إلغي النظام دف لوك
ابومحــ م ـــد
10/04/2008, 02:52 PM
الاخ عزيز عندي لك احد الحلول من وجهة نظري :
الحل الاول اذهب لتشليح العجلان والا الرقيبه ببريده او احد التشاليح المجاوره وسوف تلقى موتر نفس مواصفات موترك وركب الدفرس كامل0
الحل الثاني اعرض موترك في المنتدى للبيع مع ارفاق صور له وذكر المشكله والله يرزقك واللي جابه يجيب لك غيره واحسن منه 0
الحل الثالث اذا انت عاشق الموتر ولا ودك في بيعه دور لك احد من ربعك يعرف انجليزي وراسل وكالته باليابان عن طريق موقعهم على الانتر نت 0

انتبه تغير الكارونه لوحده لانه مافيه احد يركبه لك 100% يبدأ معك مشكلة اصوات وونه وتهريب زيوت الدادتسون القديم من موديل 82 ,85,84,83 مافيه ورشه ركبة كارونته واجده 100% وش تقول عاد في جيب لا ودف لوك بعد






تقبل مروري وانا اخوك
بو غاليه
10/04/2008, 05:53 PM
بسم الله


هذا رقم وكالة التويوتا بقطر 009744607888 اتصل فيهم واسئلهم عن قسم القطع الغيار
ممكن ايكون حل مشكلتك عندهم

خبرك شركة التويوتا بقطر والامارات افضل وكالات التويوتا بالشرق الاوسط

اتمن فدناك