ماهو سبب الرجة ارجو الافادة من اصحاب الخبرة

[نفل]

السلام عليكم ورحمة الله وبركاته

عندى مشكلة / سيارتي لاند كروزر موديل 96 GXR والمشكلة تتلخص اني اذا هديت من سرعة 60
فما فوق الدركسون والسيارة يرجن كنك داعس على عيون قط وتختفي من يوم ترفع رجلك عن الفرامل
واحد قالي ان المشكله من الهوبات الى غيرهن لك ما ضبطهن وما درى والله المشكله منين ارجو المساعدة
خاصة من الى صادفته نفس المشكله من قبل على سيارته .

والسلام عليكم

[عروان]

تقصد أذا مسكت فرامل أو رفعت رجلك من البنزين فقط؟؟

أذا مسكت فرامل ورج الموتر هذه تراها الهوبات يبيلها خرط وتغيير قماش.


اذا رج بدون لا تمسك فرامل أفحص الكفرات يمكن تكون محبله.
أو الكفرات تحتاج ترصيص و تبديل اماكنها.



بالسلامة

[نفل]

:)

الاخ عروان مشكور على الرد والرجة تظهر عندما ادوس على الفرامل فقط والظاهر انه مثل
ما قلت الهوبات وهذا الى توقعتة بس حبيت اتوكد لانهه خبرك الميكانيكيين ماعندك احد اذا رحتلهم
وانت جاهل السبب يتعلمون على موترك ويحطونه حقل تجارب ومشكور وما قصرت على ردك السريع .

والسلام عليكم

[عروان]

في أمور اللي تخص البريك أهتم في الوشة الخبيرة في الشغله ذي.

لان مثل منت عارف اذا الشغل تعبان بيرج عليك الموتر وكثر الخراطة على الهوب ياكله كله.


تحياتي لك

[المري]

هلا بالاخوان اللي انا خابر اذا كانت الهبات ماتحس برجه بل تحس بنفضه


يعنى التواير ماترقل زي الرجه بس البريك يصير مايمسك زين فتلقى السيارة


مره قدام ومرة تمسك ابريك ومره يفك البريك فتحصل السيارة في وضع ماهو زي

الرجه ,

[العليمي]

معلومه بسيطه ، اذا تبي تتأكد من ان الهوب يحتاج خرط او لا . المس الهوب بيدك (( طبعاَ وهو بارد علشان ما يصلخ جلدك من حرارته ;) )) فإذا وجدته املس بالمره و لا يوجد فيه نتوئات فهو سليم ، اما اذا لمسته و لقيته خشن او فيه نتوئات و عدم تساوي فهو يحتاج الى خرط + تغيير فحمات ... انشاء الله افدتك .

[اعقاب]

السلام عليكم

عيدكم مبارك

حصل معي مثل هذه الرجه

وكان حلها مساعد الدركسون ( المقود)

[نفل]

الاخ / عروان
مشكور على الرد والنصيحة وما توصي حريص ومن العايدين وكل عام وانت بخير

الاخ / المشرف المري
مشكور على اهتمامك بالموضوع ومثل ما قلت هي من النفضة وانا يوم قلت رجة اقصد النفضة
وكلامك صحيح حيث ان الفرامل ما تمسك على طول ( متقطع ) اما بسبب الوزنية او الهوب يبغاله
خراطة ومشكو وما قصرت ومن العايدين وكل عام وانت بخير


اخوي العليمي

مشكور على اهتمامك والنصيحة وما قصرت ومن العايدين وكل عام وانت بخير


اخوي اعقاب

مشكور على الاهتمام بس اعتقد ان مساعد الدركسون ماله علاقة بالي حاصل معي لان النفضة تظهر بس حين
ادوس على الفرامل فقط ومشكور وما قصرت ومن العايدين وكل عام وانت بخير

[ابو ســــاره]

الرسالة الأصلية كتبت بواسطة اعقاب
السلام عليكم

عيدكم مبارك

حصل معي مثل هذه الرجه

وكان حلها مساعد الدركسون ( المقود)

[العاذر]

والله يا أخي عندي قريب من مشكلتك وهي رجه في الدركسون في السرعة ما بين ( 90 إلى 100 كلم )
والسيارة سفاري 2002 وعلى ضمان الوكالة ودخلته عندهم ورصصو الكفرات ما فيه فايدة يمكن
3 مرات ترصيص ثم غيرت طقم كفرات جديدة ونفس المشكلة والهوبات والفحمات جديدة

قالو ممكن من الأذرعة والآن هو عند ورشة الوكالة وننتظر النتيجة !!!!

وهو الأحتمال الكبير لكن أي ذراع بالضبط ؟؟

[طمطماية]

أخوي نفل .....

مشكلتك والله اعلم من الهوبات الامامية .... والظاهر إن عمرها انتها .... ترى هوبات الاند رخيصة ... 200 ريال للجهة

غيرها وشف النتيجه .... صدقني تحس بفراملك غير ... وتعيش معك الفحمات حوالي السنة

أسأل مجرب وانا اخوك


وترى صيانه عبداللطيف جميل حلووووووووه ... صحيحه انه يغلي عليك شوي

بس تشوف شغل يسرك ان شاء الله

لك تحياتي