ممكن الفزعة في..........(محتار)!!!!!!!!!!!!

[ونيس الخير]

السلام عليكم ورحمة الله وبركاتة ..............

أخواني أعضاء مكشات ممكن انكم تساعدوني لأني والله محتار كل ماجيت أشاور أحد يطلع لي عيوب في السيارة علماً بأني حاط عيني على نيسان باترول SGL موديل 99م إلى 2001م اربعة ابواب و نيسان باثفندر موديل 2001م إلى 2003م .........

:p( تراني راعي مكشات بس غشيم أشوي):p

س1 / الافضل القير اوتو او عادي؟
س2 / كيفية صرف البنزين؟
س3 / كم اسعارها ؟
س4 / كيفية الصيانة وقطع الغيار؟
س5 / الافضل في البر والسفر؟

علماً بأن لدي سيارة أخرى للأستخدام (داخل المدينة)..........

وعاد سامحوني على كثرة الاسئلة ...............
تراني ماجيت الا بين أخواني(عيني قوية):p:p:p

رحم الله والديكم عاد بالرد اللي يشفي العليل:good:


أخوكم ونيس الخير:j ( خجلان من كثرة الاسئلة)

[الناب]

هلا بأخوي ونيس

لا تخجل وأنا أخوك أنت بين أخوانك

وأن شاء الله الذايبه بيفزعون

وأعذرني موتري هوندا يعني ما في أمل أفيدك حاليا

[عاشق السيل]

وعليكم السلام ورحمة الله وبركاته ،،

أول شي تحديد السيارة :
إذا كنت عزوبي أو متزوج وماعندك عيال خذ الباث لأنه أخف نفس من الباترول وأصغر حجم ،،
وإذا كنت متزوج وعندك أكثر من بزرين خذ الباترول تراه وسيع ويطيب خاطرك مع يور فاميلي !!

ثاني شي الإجابة على أسئلتك (( وتراها كلها عن الباترول لأني أخبره زين ))

ج1 : الأوتو أريح وخاصة بالمدينة والنفود العالية ،، والعادي أقوى عزم وأخف نفس ومايحتاج مراعاة وصيانة وأنصحك فيه لأنك تقول معي سيارة خاصة للمدينة ،،

ج2 : الأوتو صرفيته جدا معقولة ورائعة وخاصة مع بنزين 91 أما العادي يصرف بكثرة لأن المكينة تشد مع القير شوي ،،

ج3 : أما الأسعار والله إني مبطي عن المعارض بس يقولون بدت تنزل مع الصيف ،،

ج4 : الصيانة سهلة جدا وفي كل مكان أما قطع الغيار فالمستهلك منها بكثرة تلقاه بكل مكان أما القطع قليلة الاستهلاك فالله يعينك مع الوكالة ومواعيدهم !!

ج5 : أما بالبر الباترول أفضل من ناحية السحب والقوة والاتساع والباث أفضل لأنه أخف نفس ووزن وأنشط من الباترول ،، ومن ناحية السفر أنا جربت الاثنين وكل واحد افضل من الثاني لابالرساوة ولابالصرفية ،،،

نصيحة أخيرة : حاول تشتري سوبر سفاري ترى فيه مميزات أكثر من العادي وخاصة الدفلوك ،،،

هذا اللي عندي وانتظر غيري بيفيدك أكثر وتقبل مروري يالغالي .....

[ونيس الخير]

:) الناب شكراً على الترحيب وما قصرت .........:)


:) عاشق السيل شكراً على المشاركة والمعلومات القيمة والمفيدة وما قصرت :)

وأنا في انتظار باقي الأخوان أهل الخبرة والمعرفة!!!!!!!!!!

أخوكم ونيس الخير:j

[ABO AL-HESH]

وعليكم السلام
انا انصحك بالباترول واذا كنت تقدر تاصل الـ70 احسن عشان تاخذلك(( فتك)) سوبر سفاري انشط وافخم طبعا الفتك ما نزل الا مع الـ2002 وبالتوفيق ان شاء الله

[أبا مجاهد]

انا نصيحتي لك الباتررول وبقوه..ليه؟

حسب وجهة نضري انه اكثر هيبه من الباث

وان سمعته معروفه من سالف الأزمان

موفق ان شاءالله

[xahmaedx]

صراحة انا انصح بالباترول من جميع النواحي
والكلمه الاولى والاخيره لك

[z a n h o r]

ان شاء الله ان الشباب افادوك بالباترول

لكن اذا فكرت تاخذ الباث خذ 2003 الى 2005 ابو 3.5

ولا تاخذ 2002 وانت نازل ابو 3.0


لان القديمه راعية حنه وحراره على تجربة واحد من العيال اما الجديد انشط واحسن اداء