الكـامري أو المكسيما

[سموثي]

السلام عليكم ورحمة الله وبركاته
أولا:أهنيئ أصحاب المنتدى بمستواه الراقي, واتشرف بأن اكون عضوا فيه

ثانيا:أنا ودي أشتري سيارة لكن محتار مررررةماني عارف وش اختار فقلت مافي الا اخذ بمشورتكم وخاصة الخبراء:good: وودي الله يعطيكم العافية تشورون علي في (الكامري,المكسيما,الاكورد,المازدا6,السوناتا)أيهم أفضل من ناحية العملية والقوة والصرفية والعمر والخرابات والصيانة مع العلم ان الكامري تصنع في استراليا فهل هي ممتازة او لا؟وبصراحة انا عاجبتني الكامري لانها فخمة ووسيعه لكن بغيت اهل الخبرة يبينون لي المميزات والعيوب بين السيارات اللي ذكرتهم فأنا ودي بسيارة لي وللعمررررررر
وأخيرا بأكون شاكر لكل من يرد على الموضوع ولو رأيه الشخصي

[الجوني]

مكسيما ولا مقارنة بالكامري

[محمد محمود]

إذا تبي تأخذ ياكامري في الدرجة الاولى أو هوندا أكورد تراها ممتزة كلتاهما بس ترى الماكسيما مهيب زينه وتفكك بسرعة وما تحمل المشاوير وتشوف بعدين الوقت يجيبها .

[الحاتمي]

الأخ سموثي خذ لك كامري لو مستعمل موديل2002 بشرط النظافه افظل من اي سياره من اللي ذكرت من جميع النواحي وشكرا الحااااااااااااااااتمي

[سموثي]

الله يعطيكم ألف عافية على الردود وماقصرتو بدون استثناء
بس بصراحة توهتوني:rolleyes:
وياليت اللي جربوا وحده من هاالسيارات مايبخلون يردون علي برايهم.....

[راعــي النــفــود]

هلا والله اخوي

والله بالنسبة لرأيي الشخصي انا افضل المكسيما ليش اقولك
اولاً : في الخط راسيه ماشا ء الله
الفخامه ماتقارن في الكامري
وخاصة الموديلات الجديدة 2003 2004
في البنزين فهي نوعاً ما قليل صرفها في البنزين وهي على خف رجلك على البنزين

وانتشر بين الناس انها تتفكك وهذي على الأستعمال

وصراحه الكامري الجديد غالي سعره قريب من المكسيـــــما
اما مكينة المكسيما فهي حاصله على جائزة افضل عشر محركات في العالم

رأيي هذا من واقع تجربه..........

وسلامتكم

اخوكم راعي النفود

[الدبل الثقيل]

الكامري مافيها كلام ... يكفي انها تويوتا .... وتراك قلت افضل شيء من ناحية القوة والعملية والصرفية والعمر وقلةالخرابات والصيانة وهذي كلها في الكامري.. من ناحية القوة .. الكامري قوية.. يكفي المفحطين الكبار مايفحطون الا بكامري... والعملية .. عاد مافيها كلام اسم تويوتا دائما مرتبط بالعملية والعمر وقلة الخرابات وسهولة الصيانة.. اما صرفية البنزين والله ماتصرف ( 4 سلندر ) سواء شديت ولى لا... يعني تويوتا وبس.....

[سموثي]

فري ثانكس على المرور والرد اخواني راعي النفود والدبل الثقيل ويعطيكم العافية :)

[النووي.....؟؟]

انا عندي لك راااااي
اشتر لك7
7
7
7
7
7
7
7
7
7
7
7
7
7
7
7
سيكل ابو كفرين
7
7
7
7
7
7
7
7
7
7
7امزح قصدي كااااااااااامري
او هوندا اكوووووورد

[nooh79]

السلام عليكم
الكامري :مجربة شخصيا ابو 4 سلندر بطيئة في الطلوع (جبل الهدى او جبال ابها) سريعة في النزول، دينمو النوافذ يخرب بسرعة فيXL - GL، يبغالك شطرطون من العريض الشفاف يكون دائم بالسيارة، مكيفها مايحتاج،
ابو 6 سلندر ممتازه في الطلوع بس تصرف بنزين.
المكسيما : ما جربتها ، يقولون ديكورها الداخلي ممتاز.
الاكورد : ما جربتها
المازدا6 :عندي 323 ممتازه، وكان عندي من قبل 1993وانيت مازدا جديد استخدمته حت بعته وما دخلته ورشة.
السوناتا :مأعرفها

[الحاتمي]

السلام عليكم........ اخوي الغاليmooh79 انا مجرب الكامري م99 xlمطور مشت معي 200000كيلو ماطلبت غير اشياء إستهلا كيه(زيت,سيفون,فحمات, بطاريه) ومره مثل ماقلت النافذه الخلفيه بس اذكر ان اللي خرب الترس ليس الدنمو وللمعلوميه الترس مصنوع من الفيبر قلاس وهذا سبب خرابه! وسعره 115 من الوكاله.. وتقدر تركب المنيوم تخلي المخرطه يفصلون لك واحد ويعيش معك على طول... الزبده الكامري من موديل 2002 وتحت سياااااااااره. يعني هي خليفة الXL إقتصاديه, سريعه, ماسكه سعرها, قطع الغيار متوفر, إذا بغيت تبيع يتسابقون عليها الناس........ المكسيما.. جربتها فتره بسيطه ولا احكم عليها إلا إنها سريعه وماتمسك قيمته!!! الهوندا الأكورد إشتريت موديل2002 وكاله سياره وخفيفه بس إنحششششششششششش. نصيحه ترى قطع الغيار تنفض جيوبك نفض!!!! دقشت فيها دقشه بسيطه بالوجه وانا امشي اقل من 40 لا وهديت بعد.. كلفت علي 18000 الف!!! إديترين ب3000!!! إيرباقات 8000!!!! شمعه بحدود الف!! وانت ماشي يعني دبل أسعار قطع الكامري.. وبعد هالدقشه بعتها وحرمت اشتري هوندا. المازدا والسوناتا ماجربتها الحاااااااااااااااااااااتمي

[nooh79]

السلام عليكم
الأخ الحاتمي امشي بالفارة و ضلل على الأسم باليسار ، اضغط اليمين ويطلع لاك كلمة انسخ أضغط عليها ، رح بالفارة الى المكان الجديد اضغط يسار ثم يمين يطلع لاك لصق،اسمي هو nooh79 اخوي الغاليmooh79
شكله انت وديت سيارتك عند الوكاله وهم ............ لاكن ودها عند الورش تصلحها بنصف القيمة
انا مثلك صدمت لي جمل بالكامري 98 ونجينا كلنا والحمد لله اولا واخرا، المهم بالوكلة تكلف 12000 ريال ، كل شيء جديد عندهم مافي شيء سمكره، وبعدين صلحتها بورشة كلفت 5500 ريال.

[الحاتمي]

الاخnooh79 ولاتزعل يالغالي انامعك ان سعر الوكاله غالي شوي بس ترى فيه ورش اغلى من الوكاله واحسن شغل مثل ورشة الحسون بالقصيم. ورشة الوفاء بالرياض. عموما ماودنا نطلع من صلب الموضوع اناانصح اللأخ سموثي انه مايشتري إلا كامري من2002 وتحت. واللي عنده فلوس زايده عليه بالهوندا لان قطع غياره ناروتبي تطفر اللي يشتريها كم سعر فحمات الكامري؟كم سعر فحمات الهوندا؟؟؟؟؟؟؟؟؟؟؟؟ الحااااااااااااااااااااااااااااتمي

[العنكبوت]

لاننسى يا شباب ان الاكورد 2003 قطع غياره رخيصه ميب مثل ال2002

تحياتي

[بواردي]

سلام عليـكم ......


بلا كامـري بلا نيــله خذلـك شاص ورح للبـر دور دحاريـج :)

ولا سفاري 97 ورح طعس بهاف مون :)


ولا خذ لك باص صغيرون ووزع بيتزا :)










الكـــــــــــامري اخف واسـرع واسئل عنها اللي يمشي الف كيلو عند جماعته يلعب بلوت ويرجع بنفس اليوم :)

امـا المكسيما مال امها داعي بشتى اخاف على هالمطـره اتهـور :)

ودمتم :)

[Eagle]

ياخوي يا سموثي
انا عندي كامري موديل 99 اربعه سلندر
والله ما يمر اسبوع ألا وانا اطرد عليها بالبر وادخل فيها طعوس واصعد الرصيف
غير الحوادث يكافيكم الشر وماشالله عليها ولا احلى منها ورده
وطبعا التكيف البارد واقتصاديه جدا بالوقود وشكلها حلو وتقدر اتضبطها اتخليها سبورت
لها حركات واجد وزوايد
الهوندا مثل ماقالو الربع قطع الغيار نار والمكسيما تصرف بانزين واجد
وتويوتا معروف عنها الجوده والقيمه الي ما تنخف
ازهلها يا رجال غير الكامري لا ادور

[nooh79]

السلام عليكم
شكرا للاخوان ، احب سيارات تويوتا وكان عند وانيت تويوتا ثم كريسيدا 82 ثم الكميري 98 وبعتها لولد أخوي ، راح دقها على الباب الخلفي وراح الوكاله وغيرو له باب 4000 ريال ، والدقه ماتأخذ في بعض الورش 1000 ريال،
ونا معكم تويوتا وبسسسسسسسسسسسسسسسسسسسسسسس. ودمتم

[سموثي]

والله ماادري كيف اشكركم بصراحة كل واحد يستاهل كامري , طبعا انا اشتريت الكامري وبصراحة ممتازة لحد الان وعقبال ال 100 سنة:eek:

[قناص القرائن]

لكزس ( واحد محشش ) الكامري وبس

[مسري الشاص]

كاااااااااااااااااااااااااااااااااامري وغير لا تدور

ان استعملت موتر عملي

وان بعت السعر فيه ما يطيح

بعدين تكرف ولا ما تكرف ما تقول اح :D