المساعد الشخصي الرقمي

مشاهدة النسخة كاملة : ولعة لمبة T-belt في لاندكروزر2003 وش اسوى


اسد نجد
09/04/2008, 12:52 PM
السلام عليكم

الله لايهينكم عندي لاندكروزر 2003

ولعة لمبة في الطبلون مكتوب فيها T-belt

وانا والله مدري حقت وش

وياليت تفيدوني

وشكرا...
براونق
09/04/2008, 12:57 PM
الامر بسيط ان شاء الله

اولا أكيد سياراتك مشت الان فوق 150000 صح ام لا

اذا صحيح فعندك زنجير المكينه على ما اعتقد هذا اسمه رح للوكاله يغيرونه لك تقريآ قيمته 1200 وتنتهي المشكله

ان شاء الله اني افدتك ..
Magellan
09/04/2008, 01:03 PM
اسمه جنزير وليس زنجير
وبالعموم لاذي ولاذي
هو سير ينقل حركة المكينة للقير وبالسيارات اليابانية والكورية يكون على شكل ربل أما في معظم السيارات الأمريكية فهو حديد ولايتغير..
كل ماعليك التوجه للوكالة أو الضحيان
أو أدلك على الرشيد بجانب السالم للزجام أنا مجربهم شغلهم زين ورخيص وفلبنيين ويعطونك ضمان مثل الوكالة ...
توكل على الله وغيره
رياض الصمان
09/04/2008, 01:15 PM
أخوي أنا مغير سير التيمن قبل كم شهر بعد 160000 الف كيلوا لفكس آر


الموضوع بسيط اشتر السير من الضحيان وتركيبه تقريبا 1100
اضرب لك عصفورين بحجر واحد


دور لك ورشة تركبه وتبرمجه حتى تطفئ اللمبه بنفس الوقت لان البرمجه لحالها 200 ريال واذا ما برمجته تبقى اللمبه والعة كنك ما سويت شئ


لك تحياتي أخوك / رياض الصمان
اسد نجد
09/04/2008, 01:19 PM
السيارة الى معي Gxr

والسيارة ماشية 150.250

طيب كم سعر الجنزير؟

وكم سعر التركيب؟

وكم ياخذ وقت؟

وش الورشة الممتازة؟

لاني كنت ناوي اليوم امشي لمكة

واسف على كثر الاسئلة

وشكرا...
براونق
09/04/2008, 01:26 PM
السيارة الى معي Gxr

والسيارة ماشية 150.250

طيب كم سعر الجنزير؟

وكم سعر التركيب؟

وكم ياخذ وقت؟

وش الورشة الممتازة؟

لاني كنت ناوي اليوم امشي لمكة

واسف على كثر الاسئلة

وشكرا...


مظبوط يعني كلامي صحيح الوكاله 1200 على خبري مغيره اخوي قبل فتره رح للوكاله وهم افضل من يفيدونك

ما اظن انه يضر لو رحت لمكه وجيت با السلامه بشرط تدعي لنا هناك
شاص&نص
09/04/2008, 01:34 PM
السلام عليكم ورحمة الله و بركاته
حبيبي بالنسبة للبرمجة فأنت تسويها بنفسك و قيمتها تصدق بها عني و عنك
الطريقة

طريقة اطفاء لمبة الــ T-belt كالتالي:
طف السيارة وخل المفتاح داخل السوتش وبعدها اظغط الزر اللي في طبلون السرعة(اللي يغير الكيلوات)
علق عليه ودق السلف وانت معلق عليه بس انتبه تشغل السيارة وخلك معلق عليه مدة دقيقة وبعدها اتركة واظغط مرة ثانية بيطلع لك رقم 15 هذي معناها ان اللمبة تولع اذا مشت السيارة 150000 .
اظغط عليه بيطلع لك رقم 1 هذا يعني انها بتولع بعد 10000 كيلو واظغط ثانية بيطلع رقم 2 هذي يعني انها بتولع اللمبة بعد 20000 وانت اختر اللي تبي متى تذكرك؟ فيه من رقم 1 إلى يمكن 12 على ما أذكر يعني من 10000 كيلو إلى 120000 كيلو
واذا اخترت الرقم علق على الزر لما يرجعك إلى الكيلوات وبعدها طف السلف وشغل وبتلااقي اللمبة طفت
وارجو اني اكون قدمت شي مفيد
طبعا الطريقه من أحد الاخوان

أخوك أبو عبدالكريم
رياض الصمان
09/04/2008, 01:38 PM
انتبة تتهاون ترى اذا انقطع السير قول على المكينة السلام

اذا كنت بالشرق روح لورشة الدوحة صناعية النسيم عماله فلبينية ممتازة انا مغير عندهم لكن لو تلقى ورشة تركب وتبرمج افضل لك
اسد نجد
09/04/2008, 02:35 PM
السيارة الى معي Gxr

والسيارة ماشية 150.250

طيب كم سعر الجنزير؟

وكم سعر التركيب؟

وكم ياخذ وقت؟

وش الورشة الممتازة؟

لاني كنت ناوي اليوم امشي لمكة

ياليت تفيدوني

واسف على كثر الاسئلة

وشكرا...
بكر بن وائل
09/04/2008, 11:15 PM
أخي الكريم..


صارت معي بس vx-r ورحت الوكالة وسووها لي


مع صيانة 150000 شاملة


ب 2500 ريال على ما أعتقد ...

وما جلست السيارة عندهم إلا يوم ونص ..


أذكر أن مهندس الصيانة يقول أن تغيير السير هذا لل gx-r أرخص ...


عموما أنصحك تذهب للوكالة وكل ريال حطيته في سيارتك ما هو


خسارة ...


وفقك الله ..
ابو عاذر
10/04/2008, 09:28 PM
السلام عليكم

الله لايهينكم عندي لاندكروزر 2003

ولعة لمبة في الطبلون مكتوب فيها T-belt

وانا والله مدري حقت وش

وياليت تفيدوني

وشكرا...

أخوي تحية طيبة وبعد
لمبة سير التايمن لاتشيل همها ولاتغير في سيارتك شيء أذا كانت سيارتك لاند كروزر بنزين مكينته 6 سلندر لأن مكينة السته سلندر لا تحتوي على سير تايمن ربل يجب تغييره موجود ( جنزير حديد ) .
سير التايمن الربل موجود في مكينة 8 سلندر بنزين ( تولع اللمبة عند تقطع السيارة مسافة فوق 150000كلم )وكذلك مكينة الديزل ( تولع اللمبة عند قطع السيارة 100000 كلم ) ولذلك يجب تغيير السير بسرعة قبل ان ينقطع ويسبب تلف جسيم لمكينة .
هذا ما حبيت ان اوضحه لك ولجميع الاعضاء

مع تحيات اخوكم ابو عاذر
VXR.2007
10/04/2008, 09:42 PM
انا تو مغيره من شهر عند الرشيد اللي في على طريق الخرج في الصناعيه كل الشغل 1200 تقريبن جلست نص يوم ولقيت السياره جاهزه مطفاء اللمبه يعني تجيب السياره الصباح تخذها الليل
محمد بن ناصر الثبيتي
10/04/2008, 09:43 PM
اخوي زي ماقال ابوعاذر مايحتاج تغيير اذا سيارتك 6سلندر

اللمبه ولعت في يسيارتي بعد 150000 كم ورحت للوكاله وطفوا اللمبه ب150 ريال تقريباً وهالحين السياره ماشيه اكثر من 250000 كم ولاعندها خلاف ولله الحمد,,,
تحياتي
VXR.2007
10/04/2008, 09:55 PM
انا تو مغيره من شهر عند الرشيد اللي في على طريق الخرج في الصناعيه كل الشغل 1200 تقريبن جلست نص يوم ولقيت السياره جاهزه مطفاء اللمبه يعني تجيب السياره الصباح تخذها الليل
العزيزي
10/04/2008, 10:01 PM
اتصل على وانا اطفي لك المبه لو تروح لحقين البرمجه طلبو منك 300 ريال وهي ماتستاهل اتصل بس بعد اذن المشرفين ابو سعود0530304089
العزيزي
10/04/2008, 10:07 PM
اتصل على وانا اطفي لك المبه لو تروح لحقين البرمجه طلبو منك 300 ريال وهي ماتستاهل اتصل بس بعد اذن المشرفين ابو سعود0530304089
اسد نجد
10/04/2008, 10:49 PM
الله يسلمكم وشكرا

انا رحت اليوم للوكاله قالوا لى مايتغير gxr

يتغيير فقط vxr قلت طيب اذا كان الفكس ار الى يتغيير بس

ليش تولع عندي المبة وش الفايدة

قال لان الطبلون واحد نظام واحد

قلت طيب طف لى المبة قال بـ 250 ريال برمجة

قلت خير ان شاء الله واشغل السيارة وامشي

وفية واحد من اخوياي طفاها لى في اقل من دقيقة

من تصفي الانبير

وشكرا على تفاعلكم ..
هواوي
11/04/2008, 10:58 AM
الامر بسيط ان شاء الله

اولا أكيد سياراتك مشت الان فوق 150000 صح ام لا

اذا صحيح فعندك زنجير المكينه على ما اعتقد هذا اسمه رح للوكاله يغيرونه لك تقريآ قيمته 1200 وتنتهي المشكله

ان شاء الله اني افدتك ..

بالظبط
هذه هي المشكله وهذا هو الحل
والحل والمشكله وحلها موجوده في كتلوج السياره
الوافي123
23/09/2013, 08:45 PM
الله يجزاك خير الجزاء تمة العمليه بنجاح
كعمور
23/09/2013, 09:30 PM
السلام عليكم
اذا السيارة 6 سلندر مايحتاج بس دور لك احد يطفيها حتى لو رحت الوكالة راح يقولوا لك نفس الكلام ام اذا انها 8 سلندر فلابد تغيير سير التيمن
willuplz
14/06/2017, 11:27 PM
بصراحه اخوي شاص&نص طبقت الطريقه واختفت العلامه
علما ان سيارتي gxr 2003 لمتد
الف شكر تحياتي