يا اهل الخبرة في الباجيرو 2008

[kezo1]

السلام عليكم كل احبائي واصدقائي
انا شاكر جدا جدا والله على مجهودكم واهتامكم بإعطاء المشورة بخصوص شراء الجيب الكوماندر او الباجيرو وطبعا الغالبية العظمى نصحت بالباجيرو وانا ساخذ بهذا النصح ان شاء الله
بس الله يرضيكم ويرضى عليكم انا عندي بعض الاسئلة البسيطة في الباجيرو 2008 وارجو من اهل الخبرة والي عنده معلومة عنها يفيدني اكثر ولكم جزيل الشكر ،،
ما هي طبيعة كل من الدبل الثقيل والخفيف وشروط كل واحد منهم من حيث ايقاف السيارة على N او عدم ضرورة ايقافها قبل تشغيله وارتباطة بسرعة معينة وعدم تعديته لها او عدم ارتباطه وان السرعة فيه مفتوحة
ولكم جزيل الشكر وجزاكم الله خيرا

[مزدهر]

من ناحيه التجربه أغلب السيارات
الدبل الخفيف تعشقة إلى سرعة ميه هذا في الكتلوج والناس يعشقونه أعلى من هذي السرعات بس لازم ماتصير داعس على البنزين ( يعني الكفرات الخلفيه ماتكون تفحط )
أما الدبل الثقيل لازم توقف وتضع القير على N
هناك فائدتين أود إفادتك بهما:
1 إذا وضعت قير الدبل في وضع N فتره بسيطة وأرت إنك تعشق لدبل الخفيف أو الثقيل ماراح يقشق وهو طبيعي في كل السيارات في هذي الحاله طف الموتر وعشقه
2 إذا احتجت لاقدر الله قطع غيار في الكويت أرخص 50% أو أكثر
وأنا ماأدري هل أنت من أهل الكويت أو لا.
هذا اللي حبت أوضحه والله يوفقك

[لن أمل من العطاء]

ما قصر اخوي مزدهر وضج لك كثير من النقاط

ولا تنسى التوكل على الله

ثم قراءة الكاتلوج كاملا لتتعرف على خصائص ومزايا السيارة وكيفية قيادتها بشكل صحيح وتشغيل الدبل بشكل صحيح

انبه على المكيف من اول ما تركب السيارة تشغل المكيف ويكون شغال في كل اوقات التمرين


ورزقك الله خيرها وصرف عنك شرها واسال الله ان تكون عونا لك على طاعته مقدما


اخوك


لن أمل ن العطاء

[د.أحمد]

أخــوي أهنئك على أختيار الأسطورة النادرة / الباجيرو .. وبصراحة الباجيرو من السيارات اللي فيه ثقة كبيرة أثناء القيادة
أيضا بالبر فيه مرونه غريبة جدا
وهذا سر تميزه عن الدفع الرباعي كله - ولعلمك أخي الباجيرو أفضل سيارة دفع رباعي بشهادة كبراء الشركات العالمية - ومن واقع تجربة لأحد الزملاء كان معاه جيب لكزس2005 وهو راعي بر وتطعيس وطارة ماشاءالله
أخذ بعده باجيرو 2005 فل كامل وقال فرق السماءعن الأرض بالبر بينها يكفي بس نظام التعليق اللي فيه خيالي ولاتتعلق السيارة وين ماكنت بإذن الله طبعا
عموما
الله يبارك لك فيه
والباجيرو 2008 عاد أنـــواع الفتنة ماشاءالله منظره خيالي وقوة وعزم يهد الجبال
واللي عاجبني بالميتسوبيشي الشركة اليابانية الرائدة ماحطو الدبل زر إلى الآن - وهذا أكبر دليل أنهم مايقلدون على عماها
هم يحطون التقنية بأيمان منهم أنها تتحمل أكبر الصعوبات
فلذلك هم مستمرين على الدبل القير
ومن واقع تجربة
أنا معي باجيرو ربع فل كامل 2005
الموتر ذا فاتني من جد - الله يعطينا من خيره ويصرف عنا شره - كل مره أزداد أعجاب به
أنا أقول توكل على الله ولا تفكر بأن هناك بشي سيعوقك بالموتر كل شي يهون عند الراحة والمتانة والثقة
أسأل الله لك التوفيق يارب
..
..

[جمعان 22]

مبروك السيارة الطيبة مقدما :)

الباجيرو فيه ثلاث خانات للدبل

الاول وهو 4h
تكون السيارة فور وييل ... وتستطيع ان تمشي عليه دائما ..لزيادة الثبات وهو ممتاز اذا كنت ذاهب لاي مكان فيه ماء او تراب او بالصحراء ايضا ينفع واثبت للسيارة

اللي اقوى منه تحتاج توقف وتعشق على ال n

وبعدين الاقوى نفس الشيئ ولكن يمنع ان تتعدى سرعتك ال 70 ...وهو للضرورة فقط وتلغيه عند الانتهاء

هذا الموقع فيه شرح عن الدبل للباجيرو
http://www.pajero.com/ar/pajero_ar.html

[kezo1]

والله انا فعلا عاجز عن الشكر
كل الي اقدر اقوله جزاكم الله جميعا كل الخير

[مقلع الرمث]

اقول توكل على الله والف مبرووك ونبي منك موضوع كامل عن الباجيروا لاني معي باترول وافكر ممكن اشري باجيروا

[المميـز]

دبـــل البـــاجيــــرو

دبل الباجيرو عباره عن ثلاث تعشيقات

الأولـــى
التعشيقه الاولى معروفه بإسم ( أوتو ) ومعناته انك تقدر تشبكه على طول واستخداماته عادتاً يكون وقت المطر
والشوارع تزحلق , او ثلج , أو منعطفات قويه لان وضعية الأوتو تعطيك ثبات قوي على الطريق وتقدر تمشي
عليه سرعات عاليه ويفيدك بالاراضي اللي ماهي نفود مره ...

ااما الثانيـــه
التعشيقه الثانيه معروفه باسم الدبل الخفيف واكيد عارف استخداماته

والثالثـــه
التعشيقه الثالثه معروفه باسم الدبل الثقيل وهو زبدة الباجيرو لانه يعتبر بنفس الوقت دف لوك
وهذا انا مجربه بنفسي بالنفود وغيره ماشاء الله الموتر مايتعلق ولو تعلق على طول طق الثقيل
وبإذن الله يطلع معك بكل سهوله ,, وحتى بالنفود تقدر تدق ريوس وانت واقف بنزله ماعليك الا
انك تسايس الموتر شوي شوي ويطلع معك بإذن الله ...

هذا اللي قدرت اقوله لك الحين

واذا بغيت شيء اسال وماعليك


ومبروك الموتر مقدماً والخيرة فيما اختاره الله

[سطام vip]

ما شاء الله تبارك الرحمن

الله يوفقك اخوي ويسهل أمرك

ويكتب لك الي فيه الخير

وانشهد ان الباجيرو شييييييييي وخصوصا 2008 صراحه شكله خيالي

الله يعطيك خيره ويكفيك شره

[xahmaedx]

وعليكم السلام ورحمة الله وبركاته قبل ما تشتري خذها مني (اسئل مجرب ولا تسال خبير ) انا عندي باجير موديل 99 وعمي عنده موديل 2008 توه شاريه
صراحه الباجيرو سياره ولكن كل شي له ايجابيات وسلبيات ونبدأ بالاجابيات
1/ قوه ولا اقوى
2/ عزم غير طبيعي ماشاء الله واذا عزمة خذ مكينه 3800 لا تاخذ مكينة 3000:no2: لانها بارده شوي
3/ فخامه بدون تعليق
4/ في الطعس مايمزح
5/ قير رهيب
هذه تقريبا بعض الاشياء الاجابيه
اما السلبيه
1/ في الخط مو مريح مره
2/ قطع الغيار نااااااااااااار هذا اذا توفرت
3/ سعره عند البيع لك عليه
صراحة هذا اللي قدرت اقوله والعذر والسموحه واذا كنت غلطت انا اسف واقبل الردود

[xahmaedx]

وش صار شريت والا

[القماري]

ميتسوبيشي باجيرو الجديد كليا (تسمى في بعض البلدان بإسم Shogun ) سيارة رباعية بمعنى الكلمة وكما تفضل الأخوان بتوصيفها وذكر بعض محاسنها أو بعض عيوبها..
الباجيرو سيارة تمتاز بتفردها وخصوصا الموديل الأحدث (شكل جميل وأداء جيد) مايعيب هذه السيارة وأقصد الكاملة المواصفات أنه غير متوفر بجهاز تحديد المواقع (GPS) وأيضا عدم وجود الحساسات كنقطة يبحث عنها البعض
أما مواصفات السيارة (قاعدة طويلة بـ 5 أبواب) فهي كالتالي
محرك 6 سلندر سعة 3,8 ليتر مع 24 صمام سعة خزان الوقود 90 ليتر وتأتي بجير أوتماتيكي (تبرونك) بـ 5 سرعات (هذه للفئة الأعلى وشاسيه طويل) GLS 3.8 LWB مراتب جلد بثلاث صفوف وفتحة بالسقف شبه بانورما (كبيرة جدا) قدرة التسلق بزاوية 35 درجة وميلان بزاوية 39 درجة
وتأتي محركات البنزين بثلاث سعات 3,8 و3,5 وأيضا 3 ليتر وهناك فئة محركات الديزل 3,2 و 2,8 ليتر (لا أعلم إن كانت متوفرة لدينا أم لا)
تمتاز السيارة بالأفضلية في إستخدام التكنلوجيا المتطورة بسبب خبرتها في مجال رياضة الراليات الصحراوية .. يعيبها لدينا إحتكار الوكيل وقلة نشاطة في تطوير مبيعات هذه السيارة وأيضا قلة وغلاء بعض أسعار قطع الغيار وأعتقد أيضا بسبب إحتكار الوكيل.
أرجوا أن أكون قد أفدتك ولو بشيء بسيط وبالتوفيق
هذه صورة للموديل الأحدث
http://www.7005700.com/700/pics/to7njrvkehcj0y46trcp.jpg

[salehhd]

السلام عليكم

الاخوان ماقصرو السيارة بالفعل من افضل سيارات الدفع الرباعي المتوسطة وانصحك كما نصحك الشباب بال 3.8 لانها ذات قوة ممتازة

هناك مشكلة يعاني منها الفل وهي وجود نظام التراكشن وهو مفيد جداً في الجبال ولكن اثناء طلوع القصوص يسبب مشكلة ويخلي السيارة ماتطلع خاصة انه مايفصل بشكل كامل بعض الاخوان قامو بوضع فصال ليفصلة شوف هذا ا لموضوع يفيدك

ومبروك مقدما وان شاء الله لاحقك بسيارةمماثلة موديل 2010 ان شاء الله

آلية التراكشن كنترول وعملية إيقافها بالتفصيل (http://www.assayyarat.com/forums/showthread.php?t=117135)