ديوان الشاعر/ منيع

[خيمة الشعر]

بسم الله الرحمن الرحيم
السلام عليكم ورحمة الله وبركاته
http://www.mekshat.com/pix/upload/images6/mk8178_mnea.jpg
(((المقدمه)))
الشاعر / منيع - من الشعراء المميزين والذين أثروا قسم الموروث الشعبي في منتديات مكشات بالقصائد الجميله والمعبره وقد قامت الإداره مشكوره بجمع هذه القصائد في
دواوين خاصه لكل شاعر وهي إذ تقدم ذلك إنما تسعى لحفظ جهود شعرائها وجعلها
في متناول القارئ وهي تقدر للشاعر مايبذله من جهد وتفان ٍ في هذا المجال

((السيرة الذاتية))

ننتضرها من الشاعر

"""""""""""""""""
""""""""""

[خيمة الشعر]

http://www.mekshat.com/pix/upload/images6/mk8178_mney-220jk1.jpg
نزول عند رغبات الليالي
مع كل الشكر للاخوان في هذا المنتدى العزيز على قلبي اهديهم هذه الابيات من الشعر الهلالي وهو غريب جدا من الشعر العربي الفصيح ان لم يكن ابن عمه


نزولآً عند رغبات الليالي=اقدم للزمن بعض احتمالي
اجاري غلطة الايام واغضي=عن اشيا00فوق تصوير الخيالي
اجامل00 واقعٍ غير ظروفي=واقول: اقدار!! 00 ولاذاك فالي؟
اعلل كل شيٍ صار ضدي=واناعارف 00حقيقة كل حالي
نعم00 لي همةٍ فوق الثريا=ولاكن00 دونها للقيل تالي
اشوف الوضع غير الوضع عندي=جرى مجرى الكدر عقب الزلالي!!؟
تغير صفو نبع الود واضحى=هماج غار في جوف الامالي
واناأكبر.. همومي.. واهتمامي=اعيش بحاضرٍ مابه.. موالي
تنكرلي صديقي والزماني=وغديت اليوم لاعندي ولالي
تعيس الحظ ماتصدق ظنوني=وانا اللي قلت: يتحقق منالي
يا(بومحمد) علام الكون كله=وقف لي عثرةٍ ماهو يبالي؟!
صحيح00 اقوى تحدي كل عايل= وانافس بالجلد صم الجبالي
ولاكني مع هذا وهذا=ضعيف عند تفريق الغوالي
ابيح ياسميي كل مابي=الا بعد صاحبي ضيق مجالي
اجل ماني خيالي في شعوري=اقول بصدق ماني اليوم سالي
يا(بومحمد) هديتك في النهايه=كلام صادق مابه جدالي



رابط القصيدة بالردود هنــــــا (http://www.mekshat.com/vb/showthread.php?s=&threadid=10702)

[خيمة الشعر]

http://www.mekshat.com/pix/upload/images6/mk8178_mney-220jk2.jpg

اهديكم اعزائي رواد منتدنا الغالي هذه الابيات

جون السحاب اللي ترادف تلاحيق=عيني ياعبدالله تخايل امزونه
عله على الاصفر الى نايف اطويق=تسعين ليله والعرب يسمعونه
من بعدها يلحق عناالنفس تشويق=والفلب يبعد عنه زايد اشطونه
ودي مع صحبة اعيال مطاليق= يم الحماد اللي يعرفة زبونه
لي مع مصاليع القفار الشواهيق=وجد سكن مابين جفني ونونه
احبهامن دون وصف وتعليق=وخوي عنده علم نفسي فتونه
لوكان حاصل بيننااليوم تفريق=القلب باقي في هواه وجنونه
عبدالله عطني علم حامض على الريق=عن مامضى ومقبل وماتعرفونه
قل لي يابوالهمه تحوم الغرانيق=والجن وبوراس الحمر وين كونه
وعن ازرق الجنحان ياخوك تحقيق=عل وعسى هجسي اصدق ظنونه
وان قدر الرحمن لي بالتوافيق=انارفيق الصيدوعرف فنونه
اناخوي اللي يحب التواهيق=ولاابتلش ماهويكشراسنونه
قدره وطاقه بين حدب المعاليق=الله عطانيهاولابهامهونه
ذاقول من يهرج بلياتلافيق=وعنده على الضيقات عزم ومرونه
بعض العرب لوقال في القول تبريق=ولاالبعض يكفيك نظرة اعيونه
عبدالله لك خطيت معناي توثيق=اني على عهد مضى مااخونه
وطير الهدد لوهو ربيط السوابيق= له هدة تدمي وتشفي شجونه





رابط القصيدة بالردود هنـــا (http://www.mekshat.com/vb/showthread.php?s=&threadid=12244)

[خيمة الشعر]

http://www.mekshat.com/pix/upload/images6/mk8178_mney-220jk3.jpg

"""""""""
"""
"



اناوخال الكون لين ابلج الضوح=والفكر شاطون الحزن مبتلشبه
اسوم وشري من الهواجيس وبوح=والقلب كم هم وغم نشبه
راعي الامور الكايدة دوم مفضوح=ولاينتداوي دام سم الحنشبه
الوقت فاجاني وانا سالي الروح=وكم خافي داخل ضميري نبشبه
العام امضيها على قول مسموح=واصبر وكم واد تجنبت عشبه
واليوم مالي بالصبر اي مصلوح=وهرج الدني ماوحيه لوقال وشبه
ياعاذلي مايشفي اللوم مجروح= خل العليل ادواه طوف النعش به




القصيدة بالردود هنــــا (http://www.mekshat.com/vb/showthread.php?s=&threadid=10110)

[خيمة الشعر]

http://www.mekshat.com/pix/upload/images6/mk8178_mney-220jk4.jpg
اول مشاركة لي في هذا المنتدى المميز حقاً هذه الابيات ارجو ان تحوز على رضاكم
------------------------------------------------------------------------------------

جيب وخيمة منظر ينعش الروح=في مهمه ممطر سماها وسمبه
والشمس باقي من سناها سنا ضوح=والنار في جمر الغضا تبترم به
مع صفة الرسلان والزاد مطروح=وكحل الفضا عين المولع عتم به
والهرج ماقل دل والبال مشروح=جلسة عرب زول الهمج ماهمم به
وقبل الفجر طيره يغرد على الدوح=صاح النجر والصيد كل عزم به
وشدو على حوض على السير مممدوح=راعيه كم ضلع طويل خطم به
يمشون والبرقع عن الطير منزوح=وان لاح له زول الحبارة لحم به
مخلابه المعكوف ماعنه مسموح=يشطح جو وقاع مامن رحم به
هذي طراة العمر عن كل مملوح=والحي مقفي والزمن منصرم به
لوكان مالي بشقر الريش مصلوح=لاني بنقاله وقلبي غرم به
لاشك يجبرني على القيل والبوح=وصف العطاوي(1) هدتة واختتم به
وصلاة ربي عد ماخط بالوح=على النبي الهاشمي واعتصم به
--------------------------------
(1) العطاوي هو الشاعر المعروف عبدالرحمن العطاوي




رابط القصيدة بالردود هنـــا (http://www.mekshat.com/vb/showthread.php?s=&threadid=9823)

[خيمة الشعر]

http://www.mekshat.com/pix/upload/images6/mk8178_mney-220jk5.jpg


الا التحف وجهه البسيطه بالظلام=على العين نوم العالمين حرام
تساهر سواري الليل والدمع ينهمل=ولاعاد عندي للامور زمام
العام اصبرها واكفف دموعها=ولامن دخيل يعتريه ملام
واليوم نصحي ماجدى ياالله الجدى=والنفس عيت ماتريد سلام
تجاهد مصايبها وللهم تحتمل=والافراج بيد الواحد العلام
ياالله انا طالبك من جود فضلك=حياة عزيزة اوممات كرام
لاعاد مافي العمر خير للفتى=لاصار محتاج المعون لئام
حياة المذله يرتضيها خامل=رضا يعيش بذكر باقي اعظام
يقول اناجدي وخالي ويفتخر=يحسب المعالي غترة وحزام
يحسب المعالي في كلام بلى فعل=يقوله وله دون الحضيض مقام
اياجاهل الدنيا بلى ماترعوي=الامتى تبقى عديم ذمام
ترى الجاهل المغرور مانال حظه=يضحك ودورات الليالي اجسام
ومابين طرفة عين غطاه الثرى=وغدى خبر ولكل شي اختام
اقوله وانامن جور سلمى مبتلي=تلاحقتني النايبات ازحام
الاقلت بسلى جد مايبحث الخفا=خدين البلاوي كل يوم وعام

اخواني الافاضل الابيات كما يقال تعبر عن نفسها ارجو ان تحوز على رضاكم والله يرعاكم من كل شر ومكروه ودمتم سالمين

رابط القصيدة بالردود من هنا (http://www.mekshat.com/vb/showthread.php?s=&postid=143964&t=1078#post143964)

[ريف النشاما]

http://www.mekshat.com/pix/upload/images6/mk8178_mney-220jk66.jpg
"
"
"
"
"
"""""""""""""""
""""""""
"

[ريف النشاما]

http://www.mekshat.com/pix/upload/images8/mk8178_dwannnn-mkkkk000.jpg