المساعد الشخصي الرقمي

مشاهدة النسخة كاملة : مشكلة مكيف الباثفندر


مُباشر
11/04/2008, 11:31 AM
السلام عليكم يالله حيهم


يا جماعه عندي مشكله بمكيف الباثفندر وهو يطلع هواء بدون بروده

ورحت الإسبوع الماضي وقالي انه الفريون وعبأ الفريون وامس شغلت المكيف اشتغل بس بدون بروده

وش رايكم يا جماعه وش المشكله وهل تنصحوني أروح لأحد فاهم يكشف عليه
الله لا يهينك من امس وصدري ضايق علي واخوياي يقلون ناس تطق مكاينها مهب مكيف يخرب :p



:)
العررراب
11/04/2008, 11:36 AM
والله انا ماعندي فكرة عن الموضوع ... لكن روح لهذا الرابط متخصص في مشاكل الباثفينذر
http://www.mekshat.com/vb/showthread.php?t=77211
عاشق السيل
11/04/2008, 12:59 PM
وعليكم السلام ورحمة اله وبركاته ،،

إذا كنت بالرياض فيه شايب سوداني بالصناعية القديمة فاااااااااهم بمكيفات السيارات وأصلا هذي شغلته من 30 سنة تقريبا ،،

إذا طلعت من مخرج 17 باتجاه الغرب ( شارع الأمير سلمان ) أول مايجيك النفق إدخل وبعدين على طول اطلع يمين مع المخرج اللي داخل النفق ( شارع علي بن أبي طالب رضي الله عنه ) تجيك إشارة اطلع معها يسار وامسك الخدمة لحد مايجيك مسجد العويضة على يمينك ( مافيه غيره ) خش قبله يمين مع شارع الأربعين وامش باتجاه الغرب داخل الصناعية لحد مايجيك فتحة بالرصيف ( يوتيرن ) لاتروح معها تعدها بنفس اتجاهك وأول شارع يجيك على اليمين بعد الفتحة ادخل معه وعد ثمان محلات على يسارك وهو التاسع اسم المحل ( الورشة الهندسية ) تلقى السوداني ( أبوفارس ) حط عنده مشكلتك وتوكل على الله ،،

الله يوفقك وتقبل مروري يالغالي .....
turkiq
11/04/2008, 02:10 PM
شوف اخوي انا صار عندي نفس الشي بس في سيارة سوناتا
لكن يبغالك تتأكد من شي واحد : هل ترتفع حرارة السيارة وانت واقف لفترة زي ربع ساعة اذا كان كذلك فالمشكلة هي التالي>

طلع عندي كتاوت المروحة خربان واذا وقفت يفصل المكيف ويصير حار
واذا مشيت تتحرك المروحة مع الهواء وبالتالي يشتغل المكيف ويبرد

والكتاوت ب 30 ريال في علبة الفيوزات

وان شاء الله يكون هذا هو العطل



وبالتوفيق ان شاء الله
ابوجمعة1
21/05/2014, 11:18 AM
ادخل اليوتيوب واكتب(برمجه مكيف نيسان ) يطلع لك باثفندر ومكسيما وباترول وشف المقطع انا جربته صار ابرد الصراحه