المساعد الشخصي الرقمي

مشاهدة النسخة كاملة : الفزعة يالمكشاتية


مداحش
12/04/2008, 03:08 PM
أعزائي المكشاتية , السلام عليكم ورحمة الله وبركاته - أحبتي باختصار انا شخص نويت أشري سيارة , ومعي مبلغ قرابة الثلاثين الف , لكن الحيرة لعبت في راسي وصرت مشتت التفكير ( مادري وين الله حاطني ) وصدق واحد من اشباب يوم يقول هم السيارة مثل هم ال زواج:D المهم يالربع قلت استشير الناس الطيبة( شرواكم )وبديت آخذ بعض الافكار عن بعض السيارات حتى وصلت الى نتيجة شبه نهائية ( اخص يابو الفيزياء :p ) وحطيت في بالي ثلاث سيارات - اولا : جمس موديل 99 شفروليت ( بحكم اننا عيلة عددنا 10 أشخاص ) لكن سمعت ان هالنوع فيه بعض المشاكل ( مثل طرمبة البنزين - ثانيا عطالاته واجد واسعار القطع :hot: -ثانيا : لقيت كامري موديل 97 اللون أخضر غامق ونظيف لكن فيها صدمة في الرفرف الخلفي لقيتها بحدود 17000- ثالثا قلت ياولد مالك الا تويوتا ( الهلي يابعدي ) يعني هايلكس غمارتين لكن مادري اي نوع افضل صراحة ( طبعا في التسعينات ) وابغى اعرف وين القى النظيف وانا مستعد للسفر ( من سكان تبوك ) - الخلاصة يالربع بدا راسي يفر وصدعت من التفكير تكفون اللي عنه معلومات يدلنا ولكم جزييييييييل الشكر
ولد وايل
12/04/2008, 03:14 PM
هايلكــــــــــــــــــــس وبس
غالي
12/04/2008, 03:34 PM
هايلكس يركب 10 اشخاص؟؟؟

ماهقيت وانا اخوك :(
بدوي جنوبي
12/04/2008, 06:41 PM
اخوي مداحش اشور عليك تاخذ جمس م 99
طبعا بطاقة جمركية وترا يبيلك زيادة فلوس تقريبا 3 الي 4 الاف
ولا تهمك الطرمبة اهم شي البنزيم ما ينزل عن الربع
وترا اسعا ال 99 ما عليها

بالتوفيق
مساير الليل
12/04/2008, 07:13 PM
أخوي نصيحتي لك دور لك باترول 95 - 97

بخاخ

أحسن لك

ولاتنسى صلاة الأستخاره
أبو السعد
12/04/2008, 07:46 PM
الهايلوكس و الباترول ماتكفي 10

مادام العدد 10 ماشاء الله تبارك الله

أتوقع مالك إلا خيار واحد هو السوبربان
مداحش
12/04/2008, 09:50 PM
الربع المسألة ماهي على العدد لأن عندي سيارة ثانية ( ماراح استغني عنها طويلة العمر هلي 87 ) لكن الكلام على نوع السيارة ( ابغى شي عطالاته قليلة - أسعار قطعه متوفرة ومناسبة ) والاخوان اللي شاروا علي بالهايلوكس تتوقعون مبلغ زي هذا وش السيارة اللي بهالسعر ( الموديل )
أسأل الله ان يجزاكم خير ويرزقكم الرزق الحلال وأن يكتبكم من أهل الجنة :)
سطام vip
13/04/2008, 04:15 AM
دامك هاوي الهايلكس براحتك والله يوفقك

بس انت قلت عشر اشخاص والناس حكمت على الجمس

على العموم الله يوفقك ويسهل امرك ويكتب لك الي فيه الخير

بس معك هايلكس وتشتري هايلكس؟؟

شوف لك سياره عائليه باترول للاند كروز والا جمس

لك وللزمن يمكن تتعطل السياره الثانيه لا سمح الله تبلش بعمرك؟

بالتوووفيق لك وهذا مجرد اقتراح
مداحش
13/04/2008, 12:07 PM
يعطيكم ألف عافية اخواني الكرام وأشكرك جزيل الشكر أخوي ( سطام ) على تفاعلكم - والله لايحرمنا من ردود الاخوان الباقيين
escape_man
13/04/2008, 12:16 PM
اتوقع من المناسب لك هو باترول بموديلات التسعين بابين (صالون)

هذا بيشيلك ويشيل عيالك واعطاله قليله وموتر سفر وبر وممتاز بالديرة

وشوري عليك .. لا تستعجل