ديوان الشاعر / ابن شارخ

[ابو عايد]

بسم الله الرحمن الرحيم
السلام عليكم ورحمة الله وبركاته
http://www.mekshat.com/pix/upload/images6/mk8178_bn shark.jpg
(((المقدمه)))
الشاعر / بن شارخ - من الشعراء المميزين والذين أثروا قسم الموروث الشعبي في منتديات مكشات بالقصائد الجميله والمعبره وقد قامت الإداره مشكوره بجمع هذه القصائد في
دواوين خاصه لكل شاعر وهي إذ تقدم ذلك إنما تسعى لحفظ جهود شعرائها وجعلها
في متناول القارئ وهي تقدر للشاعر مايبذله من جهد وتفان ٍ في هذا المجال

((السيرة الذاتية))
ننتضرها من الشاعر
"""""""""""""""""
""""""""""

[ابو عايد]

http://www.mekshat.com/pix/upload/images6/mk8178_BB1112G2GHH1.jpg

للنشاما واهل العلوم الغانمه

اتمنى ان تنال على اعجابكم


ياماحــــلا المسرى مع شقّة النور=من قبل خيط الشمس يبدي شعاعه
مع رفقـــــةٍ مافيهم اللي به قصور=ربـــــــــعٍ تربوا عالكرم والشجاعه
كل واحـــــــدٍ فيهم مجرّب ومخبور=ماشــــــــــاور الحرمه بخوة رباعه
لا جا لزومٍ مايصفــــــــــون بالدّور=كـــــــــــل بذل مجهود قدر استطاعه
أميــــــــــرهم يهتم بالرّاي والشور=دايــــــــــم يدوّر وين راي الجماعه
لا صــــرت عنده كنك بعش عصفور=مابــــــــــــاقي الا يوكّلك في ذراعه
شيل الشوازن والفشق معهم صقور=وحمام لا صــــاروا طيورك جواعه
موترك جيــــبٍ خلفه العفش مجرور=يســـــــــــوقه اللي خاف ربه وطاعه
وجمـــسٍ محمّل ماركب فيع مطيور=هـــــو منـــــوة اللي مات قلبه وباعه
عفشك مكمّــــــــل فيه زلٍ وماطور=وبيــتٍ من (القاضي) جديــــدٍ شراعه
وعـــــــــــدة المطبخ بين قزٍ وتنّور=وحوايــــــج واغــــــراض فيها نفاعه
ورز(المهيدب) مع سكاكين وقدور=واحــــرص عـــلى الطبّاخ كمّل متاعه
ونجـــــــــرٍ ومحماسٍ ودلّه ودافور=وبنٍ وتمــــرٍ يغـــــــــــري اللي شباعه
تنزل بـــــــروضٍ توّه اليوم ممطور=والغيم عقب الشمس تــــم انقشاعه
البـــــــــر حولك كله ورود وزهور=وقت الربيــــــع العشب زاد ارتفاعه
حتى الرمــل تشتم له ريحة عطور=والقـــاع خضـــــرا كن فيها زراعه
معك خروفٍ مايبي ضرب صاطور=اذا ذبــحته علّقــــــه مـــــن كراعه
احمس بصيله والمعاليق عالفور=من طعمه الجوعــان ياكل صباعه
من عقـــب هذا ما تبي طب دكتور=كانك مريضٍ صــــار عندك مناعه
حنّا بنعـــمه بس تبي حمد وشكور=وحفـظ الصلاة الخمس ويّا الجماعه
ما تغتني لو تملك المــــال وقصور=لا صـــــــرت ما تملك كنوز القناعه


الشاعر // ابن شارخ

[/frame]


رابط القصيدة بالردود هنـــا (http://www.mekshat.com/vb/showthread.php?s=&threadid=2143)

[ابو عايد]

http://www.mekshat.com/pix/upload/images6/mk8178_BB1112G2GHH2.jpg




نصيحه لكل من يريد الزواج

نصيحه قيمه لكل من يريد الزواج ، جسدتها بابيات متواضعه اتمنى ان تنال على اعجابكم




اوصيك يالسامع عن الحـب والشـوق=لا تمشـي دروب الحـيـاة الشقـيـة
كم عاقل ٍ ذبنّـه البيـض مـن فـوق=خلنّـه الخـفـرات مـثـل المطـيـة
ذاك الـذي يعجبـك ملقـا ومنطـوق=خـلا المراجـل صـار مابـه حميـة
تقـوده اللـي قدّهـا حيـل ممشـوق=بكيـدٍ عظيـم ٍ لفّتـه.. لـف حـيّـة
يانعنبوهـا تلبـس الثـوب مشقـوق=مـن ساقهـا مفتـوح ليـن ال...يـة
وقت العصر تقضيه من سوق في سوق=ونهارهـا بشخيـر ليـن ضحـويـة
بخـــــــــــــدودها اشكال والوان مسحوق = لـــها مع الموضــــات روحـــــه وجــــية
ماتكبس الكبــسه ولا تـرق مــــــرقوق = تقــــول لا جــــــا الضيـف.. وش هالاذية
وقــت الغــداء تطلب لها شيش طاووق = وتــرى المطــاعم جاهــــــــزه للــــردية
اوصيـك باللي تمســك الديــن بــــوثوق = ولا عمـــــــرها زلـّـــت وداســـــت خطية
خفـــوقــها مــــن خلقــــــــة الله مغلوق = ولا دشّـــــــــــه الشيــــــطان حتى شوية
خفـــــــــوقها ما يفتحــــــه غير مخلوق = في ســــــنة الله يـــــوم جـتله عطية
بخدودها اشكال والـوان مسحـوق=لها مع الموضـات روحـه وجيـة
ماتكبس الكبسه ولا تـرق مرقـوق=تقول لا جا الضيف.. وش هالاذيـة
وقت الغداء تطلب لها شيش طاووق=وترى المطاعـم جاهـزه للرديـة
اوصيك باللي تمسك الدين بوثـوق=ولا عمرها زلّـت وداسـت خطيـة
خفوقهـا مـن خلقـة الله مغلـوق=ولا دشّه الشيطـان حتـى شويـة
خفوقها ما يفتحـه غيـر مخلـوق=في سنـة الله يـوم جتلـه عطيـة
شيهـــانة مــا جــــوّدت يــــوم بسبــوق = ولا تنــــــزل الا في مكــــــــان الثريـــــة
تعينــك بدنيــاك لا صــــــرت مزنـــــوق = وتصـــــــبر على مــــر الحيـــــاة الشقية
تــاج على الاخـــلاق والطيــب والــذوق = وديــن ٍ ومنطـــــــوق ٍ وطـــله بهـــــــية
اما انت يالمطفـــوق بتعيـــش مطـــفوق = جــــــــاهل ولا ينفــــــعـك مــني وصـــية
شيهانة ما جوّدت يـوم بسبـوق=ولا تنزل الا فـي مكـان الثريـة
تعينك بدنياك لا صـرت مزنـوق=وتصبر على مر الحيـاة الشقيـة
تاج على الاخلاق والطيب والذوق=ودين ٍ ومنطـوق ٍ وطلـه بهيـة
اما انت يالمطفوق بتعيش مطفوق=جاهل ولا ينفعـك منـي وصيـة



الشاعر // ابن شارخ
[/frame]

رابط القصيدة بالردود هنـــا (http://www.mekshat.com/vb/showthread.php?s=&threadid=3018)

[ابو عايد]

http://www.mekshat.com/pix/upload/images6/mk8178_BB1112G2GHH3.jpg

(( حنـــــا لنا في طـــاعة الله ملــذات ))

ردا على اللي يمدح برامج عربسات ويمدح حثالة الدول المجاوره ، الله يحمينا وياكم


ياللي تمدح في برامج عرب سات = واضح كلامك ما يبي ترجماني
مستانس بدشك تفر المحطات = ترقص على الطبله ويالي لداني
اهل الكفر شنو حروب وغارات = وقذايفٍ تاصل هدفها بثواني
صميت أذانك ما سمعت الاذاعات = جروح الامه ما وفتها المعاني
(لك شوفتٍ وحده وللناس شوفات)= قال (السبيل) في قديم الزماني
ادعي لمن يمشي دروب المتاهات= ولا اتشمت يوم ربي هداني
اضحك من اللي يقطــــــعون المســافات = اللي صحـــب غربان واللي حَصَاني
واللي يــدور للعفون الخبيثات = يسهر معاهن وان سرى صار زاني
واللي دفع بالورد بعض الريالات = واللي سكر حتى يعيش بأماني
حنا لنا في طاعة الله ملذات = ونبني من فعول المراجل مباني
افرح اذا شفت البنات العفيفات = واضيق لا شفت العري الغواني
احرص ولا اخر عمود العبادات = واقطــف من ازهار الاجر في لساني
انزل عــلى (مكه) بــوقـــت الاجــازات = ومن الزلق لا سحت ربي حماني
نرقا مراقيب الشهامه الصعيبات = ولا ننزل دروب الخنا والطماني
فلوسنا نعزها للمهمات = لا جاء المسير وان لفا الضيف عاني
يبشر بفنجالٍ معاه ابتسامات = وشيكات ترحيبٍ عليها ضماني
ما يسّر الله نفرشه بالسماطات= واشكال والوان بهذيك الصواني
ماني ولد تاجر ولا لي عقارات= ولاني بخيل ولاني حاتم زماني
ترى المراجل ما تجي بالسهالات= يبين في الميدان طيب الحصاني
الشاعر // ابن شارخ
[/frame]
رابط القصيدة بالردود هنا (http://www.mekshat.com/vb/showthread.php?s=&threadid=7115)

[ابو عايد]

http://www.mekshat.com/pix/upload/images6/mk8178_BB1112G2GHH4.jpg
( المتــقــــــــــاعـــد ) ممنوع دخول الشيبان


جــو للمـوظـف قـالـوا الـيـوم تخـتـار=جـاك التقاعـد بكـره ياصلـك الاشعـار
وكانـك تبـي تكمّـل بعـد زود مـشـوار=راجـع امـورك نمهلـك حـول شهريـن
قـال انــا طـالـع مــا ابــي هالوظيـفـه= مـحـركـاتـي كــــل ابــوهــا نـظـيـفــه
بعيـش بـاقـي العـمـر عيـشـه مريـفـه=بقـابـل الحـرمـه وشــوف الـبـزاريـن
طـلـع تقـاعـد وسـتـلـم كـــل حـقـوقـه=وخـيـط مــن الملـيـون بـاقـي فتـوقـه
وعـاش بطـواري كــل يــومٍ تسـوقـه=وفكـار تظهـر لـه مـن يسـار ويمـيـن
اول قــــرارٍ قــــال بـفـتــح تــجــاره=وفـكـر وقــال ان الـتـجـاره خـســاره
وقـرر بـعـد شهـريـن يبـنـي عـمـاره=وعـجــز يقلـبـهـا بــكــل الـمـوازيــن
قـابـل صـديـقٍ مــن ايـــام الـدراســه=هـرجـه كثـيـر وبالحـكـي دار راســـه
لّـبـسـه ثـــوبٍ مـــا يـقــده مـقـاســه=وصـدق خـويـة هالفقـيـر المسيكـيـن
قــال انــت فـاضـي مـرنــا بالـعـدامـه=فــي مكتـبـي لا جـيـت تلـقـى اسـامـه
عنـدي لـك اسهـم تنصـفـط للنشـامـه=وارباحـهـا ودي تـحـوش القريـبـيـن
خــذ لــه ثــلاث أيــام ثــم راح يـمــه=لـقــا اسـامــه كــنــه الــــوز وامــــه
جـالـس عـلـى مكـتـب وكـنــه بـقـمـه=قـاعــد يـسـنـن للـزبـايـن سـكـاكـيـن
شرالـه اسهـم وانتـشـب قــص فيـهـا=كـل مـا عرضهـا بسـوق ماحـد يبيهـا
نـــص الـسـعـر يبيـعـهـا مشـتـريـهـا=الـلــي بثلاثـمـيـة بـمـيـة وخـمـسـيـن
بـطّـل مــن الاسـهـم وقـابــل عـيـالـه=ودايــم بـعـد لعـصـيـر يـقـعـد لـحـالـه
وان طــرو الاسـهـم وجـابـو مـجـالـه=قال انحش انحش عن جحور الثعابين
بالليـل يسهـر ويتفـرج عـلـى الــدش=لا جـت جميلـه قـال أهــلا يابـورمـش
وان جت الشينه قـال لابـوش وهلـش=مـا غيـر يبحـلـق بالبـنـات المزايـيـن
وان جت الحرمه جابت البن والشـاي=سواله صيحه ليـش مـا جبتـي المـاي
انتـي مقـصـره فــي تعامـلـش ويــاي=وانـا متحـمـل صـارلـي عــدة سنـيـن
يزعل على الحرمه بلا ذنـب وسبـاب=قــوّم مـعـارك سـبـة شـمـاغ وثـيــاب
كنـه مراهـق يصـفـق الـبـاب بالـبـاب=يطلـع عـن عيالـه ويرجـع بعـد حيـن
قابـل عبيـد وقـال لـه جـرب الـعـرس=اصبغ شعرك وبدّل النـاب والضـرس
انشد مجرب ومتمـرس علـى الـدرس=كـثـيـر مـثـلـي بــالــزواج متـهـنـيـن
الـديـك مــا يـــذن وهـــذي مصـيـبـه=بالشـهـر مــره.. الـمـره وش تبـيـبـه
روح عـلـى الدكـتـور ينـشـد طبـيـبـه=يمـكـن يـلاقـي لــه عــلاج المسنـيـن
كـتـب لـــه وصـفــه راح للصيـدلـيـة=سـلـم وقــال شفـيـك تضـحـك عـلـيـه
وش كـاتـب الدكـتـور فـــي هالبـلـيـة=عجّـل خفوقـي صـار بيـن المصاريـن
قال انت نصرفلك تـرى حبـوب زرقـا=تـخـلــي الـشـايــب يــحــوّل ويــرقــا
مفعـولـهـا مـــا يـبـغـي بـعــدٍ وفـرقــا=أعظـم مـن الـلـي ينتجـونـه بقـزويـن
هـذي الحبـوب ترجعـك عـدت عــوام=وتعـيـشـك ويـــا مـدامــك بــالاحــلام
وارفـق تراهـي تفتـق الخيـط والخـام=وتفتـح جمـيـع مسـكـرات الشرايـيـن
خـذ الحبـوب وشـب يبـقـي عـروسـه=ركـب لــه اسـنـانٍ وحـشـا ضـروسـه
مــعــزم الــرجــال جــهــز فـلــوســه=لقـا عروسـه بـس مــا تمـلـي العـيـن
اعـرس وطلقهـا بـعـد سـتـة شـهـور=يسب ويلعـن راعـي الـراي والشـور
وعـود علـى الاولـى ذلـيـلٍ ومقـهـور=يــقــول مـافـيـنـي نــشــاطٍ لثـنـتـيـن
حسبي على اللي ظهـر الشيـب فينـي=خـلا مـن الحسـرات تركـض سنيـنـي
مــن النـدامـه تــذرف الـدمـع عيـنـي=همـلـت بيـتـي والـمــره والـبـزاريـن
كـلــه سـبـايـب شـوفـتـي للمـحـطـات=الـلــي يجـيـبـن الـبـنـات الجـمـيـلات
لا شفتهن زادن على القلب حسـرات=قلـبـي خـضـر ومعـرضـه للشياطـيـن
اببتـعـد واتــرك هــل القـيـل والـقــال=مـا تنفـع الدنيـا بــلا زيــن الاعـمـال
مــا ينفـعـك لا مـــت عـــمٍ ولا خـــال=ولا ينـفـك لـــو لـبـسـوك النيـاشـيـن
ابــتــفــرغ لــلــصــلاة والــعــبـــاده=بفضـل مـن الله هـي تجيـب السـعـاده
الـلـي تـركـهـا عـايــشٍ فـــي نـكــاده=لا ضقت في دنياك عـود علـى الديـن
هـنـي مـــن حـبـلـه مـتـيـنٍ مـــع الله=الـلـي يـقــوم الـلـيـل يـقــرأ وصـلــى
مـرطــب لـسـانــه بــذكــرٍ مــــن الله=وجهـه مـنـوّر بــه سـمـاة المصلـيـن
الشـاعـر // ابـــن شـــارخ


[/frame]
رابط القصيدة بالردود هنا (http://www.mekshat.com/vb/showthread.php?s=&threadid=6116)

[ابو عايد]

http://www.mekshat.com/pix/upload/images6/mk8178_BB1112G2GHH5.jpg
"""""
"
"'
اشتقت لكم جميعا

اعذروني على التقصير والغياب الطويل

(( شفت السفينه ينخر بجسمها السوس ))

ابيات متواضعه اتمنى ان تحوز على اعجابكم:

لا هــم لا غـربـال لا ســـل لا ســـوس=اكــبـــر عـــــدوٍ عـنــدنــا هـالـبـطـالـه
نتعـب علـى الاولاد ونــدوخ ونـحـوس=وتــهــدّم الاخــــلاق نـــــاسٍ حـثــالــه
واللي نقص مـا يعـرف الحـق ويقـوس=وش نرتـجـي بـاهـل الكـفـر والضـلالـه
نشري العسل في وسطه السم مدسوس=الــــدش لـلـتـدمـيـر يـكــفــي لـحــالــه
شوف الخدم جتك من الشرق بطقـوس=يـامــن شـرالــه عـلــةٍ مــــن حــلالــه
تلقـى المـره بالبيـت برمـيـل مـتـروس=بـس تشتكـي مـن جسمهـا غيـر حـالـه
قلب الرجل من شغلهـا صـار محمـوس=لا مـرضـعـه لا مـربـيّـه فـــي عـيـالــه
لا جـاء معاشـه تنشبـه عطنـي فـلـوس=وتصيـر وسـط البيـت صـاحـب جـلالـه
والبنـت جملـه حطهـا داخـل (الـقـوس)=فــي المجـتـمـع لـغــزٍ يـحـيّـر سـؤالــه
لا تفـرش السفـره ولا تجيـب مكبـوس=لـتـغــسّــل ولالا تــشــيــل الــزبــالـــة
اكــلٍ ونــومٍ جسمـهـا تـقـول جـامـوس=فــي شـربـة الـمــاء تـتّـكـل عالعـمـالـه
ولاّ الـولــد يـحــدّد لـلــراس بـالـمـوس=واكـبـر همـومـه يعـتـنـي فـــي جـمـالـه
كل يوم جالب لـه مـن السـوق ملبـوس=يـركـض ورا المـوضـة وخــلا عـقـالـه
واللي يشيب الـراس حفـلات العـروس=وشـــئٍ بهـالـصـالات عــــدى خـيـالــه
الشيـن زيـن وصايـر الصـح منـكـوس=نـقـلـد الاعــمــى وراعــــي الـجـهـالـه
والعولمـه بتجـيـك فــي نــاسٍ هـيـوس=والـلـي بـقـى شــرواك ضـايـع مجـالـه
يالله دخيـلـك وضعـنـا صــار معـفـوس=وقـت الضحـى مـن هـو يضيّـع شمـالـه
شفت السفينة ينخـر بجسمهـا السـوس=واكـبـر جـنـود الـسـوس هــو البطـالـه


الشاعر // ابـن شـارخ
[/frame]

رابط القصيدة بالردود هنا (http://www.mekshat.com/vb/showthread.php?s=&threadid=10723)

[ابو عايد]

http://www.mekshat.com/pix/upload/images6/mk8178_BB1112G2GHH6.jpg
"""""""
"""
"
(( الجوازي عنيده تتعب اللي طردها ))
اتمنى ان تحوز على رضاكم وسامحوني على القصور

هيه ياللي خطيت.. بصيد ريم البـوادي=يومهـا نازلـه بالـروض.. معهـا ولدهـا
جافلـه وتّـحـرك.. قـبـل قــدح الـزنـادي=قبل صرّت عيونك.. يوم شوفك رصدها
تدري ان الجوازي.. كـل ابوهـا عنـادي=والجوازي عنيده.. تتعـب اللـي طردهـا
أسأل اللي مجرب.. فـي امـور الهـدادي=بهذلتـه المضامـي.. بالقوايـل قصـدهـا
ويل جسمي تجرح.. من حدود الهنادي=غيـر هـذا شظـايـا.. ماحسبـنـا عـددهـا
كل ما طاب جرحي.. شفت فوجٍ جدادي=دوك جسمي نحل.. والحال مني بردهـا
مثل روضٍ جميلٍ.. صار لونـه رمـادي=عقب موسم جرادٍ.. مـر قاعـه حصدهـا
المحـبـه مصيـبـه.. لمتـحـان الـعـبـادي=مثل أعلى جبـالٍ.. طـاح منهـو صعدهـا
أنشد أهل المحبه.. عن عنـود البـوادي=كـان قلـبـك تكـهـرب.. لايهـمـك ولـدهـا

الـشـاعـر // ابـــن شـــارخ
[/frame]

رابط القصيدة بالردود هنا (http://www.mekshat.com/vb/showthread.php?s=&threadid=8985)[/align]

[ابو عايد]

http://www.mekshat.com/pix/upload/images6/mk8178_BB1112G2GHH7.jpg
تسلم يا (خيال جديد) وتسلم يا أخوي (أيمن) على نقل ابياتي المتواضعه وللعلم ان هذه الابيات
تناقلها كثير من الناس في المنتديات وللاسف
لم يحفظ حقي الادبي عليها:

قال الذي في بدع الأمثال صـرّاف=جزلٍ يفرق بيـن درهـم وليـره
ياللي مدحت المغربيات بجحـاف=الله يجيرك من عمـاة البصيـرة
لو تعجبك لميا وتغريـد والطـاف=مايصلحن لهل الوجيـه السفيـره
مفصخات ولبسهـن رص الارداف=وبليس أغواهن بكشف الستيـرة
متعوداتٍ كلهـن زيـف وخفـاف=على التغنـج والتعطـف وغيـره
كل يوم مع صاحب ولافيهن أعف=افخويّهن اللـي فلوسـه كثيـره
ترى البضايع عدة أشكال واصناف=وكلٍ ينوخ وسط سوقـه بعيـره
عز الله ان الزين في بنت الاشراف=اللي على الحشمه تربّت صغيـره
ولا تبيّن منّهـا كـود الاطـراف=مثل القماشه فالبحـور الغزيـرة
ياللي تدوّر بالجواهر والاصـداف=الزين كله فـي بنـات الجزيـرة

الشاعر // ابــــــن شــــــارخ
"
""
""""
""
"
رد على بن شارخ
الأخ بن شارخ أشكرك على تعقيبك ولكن لكوني اعجبت بها فقد نقلتها لأحضر للرد عليها لكوني
لم أجد رد عليها ولكنك رديت ووفيت وهذا ردي
المتواضع على القصيدة

ياشعري إجهز ودي أكتب من القاف=مايبـرد الخافـي لنصـرة منيـرة
نبي نرد بحكمه وعقـل وانصـاف=والعاطفه نبعد عـن اللـي يثيـره
صحيح زيـن المغربيـات ينشـاف=والزين مطلب يالوجيـه السفيـره
لكن زين بلا عقل صـدق ينعـاف=وش عاد زين وكل حي(ن) يديـره
بنت الوطن تسوى من المغرب آلاف=دين وعقل بالبيـت دايـم ستيـره
ماتعرف المرقص ولا كاسة الشاف=ولا ساوموا عرضه بدرهـم وليـره
واللبس كاسيها ولا هـو بشفـاف=متمسكه بالسلم سـر(ن) وسيـره
بناتنا من رحمـة الوالـي عفـاف=ماباعن أعراض الاهـل والعشيـره
ماهن من اللي بهرجهن دايم خفاف=عقل وثقل موزون علـى بصيـره
ولاعمّهم واقول فيهـم هالاوصـاف=فيهم حمايـل عندهـم كـل غيـره
لكن قصدي بالشعر منع الاجحـاف=وارفع مقام وقـدر كشـرة منيـره
الشـاعـر // خـيـال جـديــد

[/frame]


رابط القصيدة بالردود هنا (http://www.mekshat.com/vb/showthread.php?s=&threadid=9290)

[ابو عايد]

http://www.mekshat.com/pix/upload/images6/mk8178_BB1112G2GHH8.jpg


يا لايمي لو تروح البر وتذوقه )

اهدي جميع اهل المكشات والزوار الكرام ابياتي المتواضعه

واتمنى لو تحوز على جزء بسيط من اعجابكم واذواقكم الراقية

يالله بغيـمٍ تجـادح لمعـت بروقـه=ريـح الشمالـي يهـب ولا يفرقهـا
وقت الوسم مستمرٍ بامـرك تسوقـه=يهل مزنه علـى الريضـان يدفقهـا
تمشي سيوله مع الشعبان وعروقـه=يملا الخباري مع الغـدران يغرقهـا
تاخذ لـك ايـام كـلٍ سايـقٍ نوقـه=ينصون قاعٍ تبشـر عـن حقايقهـا
البدو واللـي يعـد البـر معشوقـه=ما يصبر وطلعـت البـرّان يعشقهـا
يفرح مع العشب يطفي بشوفته شوقه=ينس همومٍ تهـاوت فـي دقايقهـا
احب انا العشب وريح الورد ونشوقه=ومشاهد الشمس مغربها ومشرقهـا
الله على القاع بين العشب مشقوقـه=تلقى الزبيدي على البطحاء وتنتقهـا
والروض الاخضر يسر وماحلا رموقه=وبيت الشعر والذبيحه مـن تعلقهـا
واحب ربع ٍ نشاما ما بهـم عوقـه=والبن الاشقر على المحماس يحرقها
وصوت النجر يجذب اللافين بطروقه=ياكن دقه علـى الضلعـان يصفقهـا
واحب الارطا ونار جـروم محروقـه=وفنجال من دلـة مـا مـل ذايقهـا
ياماحلا الحر الاشقر تطلـق سبوقـه=لا شاف زول الحباري قـام يلحقهـا
كلما ضرب له حباره يرتفـع سوقـه=لجواد تفـرح بصيـده يـوم وفقهـا
انا اعرف اللي يداوي القلب وفتوقـه=فرقا المدينه وبعـدٍ عـن خلايقهـا
يالايمي لـو تـروح البـر وتذوقـه=اضن رجلي على الصمـان تسبقهـا



الـشـاعـر // ابـــن شـــارخ

[ابو عايد]

http://www.mekshat.com/pix/upload/images6/mk8178_BB1112G2GHH9.jpg
ودعتني وتقــول ماني بغـايب
سلام ياهل المكشات
سامحوني على القصور وعلى الانقطاع، اتمنى ان تحوز على جزء بسيط من اذواقكم الراقية
""""""""
"""

ودعتني وتقــول ماني بغـايب= خليتني انطــر رجوعـك سنيــني
لا انت الذي وفيت عهد الحبايب = ولا قطعت الوصل بينك وبيني
علقتني من دون ذنــب وسبايـب = لو انقسم حزنــي كفا العالميني
شدت مطاياكم غدى القـلب ذايب= تلعب بي الذكــرى بقلب طعيــني
جفــت عروقي يبستها المصـايب= مالي غنــاة عنكـــم ياضنيــني
اشوف برقٍ واتحـــرى السحايب = غـصــني ذبل متى سيــوله تجيني
خلي هجرني فوق وضح النجايب= قلبه نضيفٍ اشهد انه يبيني
يسرهم برق الوسم وين صايب = بدوٍ ورا سيل المطر تابعيني
من يوم غاب وحالة القلب عايب = ضاقت بي الدنيا وكني سجيني
مالي ذرى لما تهـب الهبــايب = ومالي مواني بالغلا تحتويني
تنسفني امواج الشقى بالنوايب = وقشر الليالي كـــدرت نوم عيني
هاتوا مع اللي يركبون الركايب = كانه يبيني او بعــــد مايبيني
وان مت حطوا فوق قبري نصايب= خطوا عليها يا (ضوا) سامحيني

ابن شارخ

[/frame]

رابط القصيدة بالردود هنا (http://www.mekshat.com/vb/showthread.php?s=&threadid=15401)

[ابو عايد]

http://www.mekshat.com/pix/upload/images6/mk8178_BB1112G2GHH9XX1.jpg
""""""
"""
اتمنى ان تلامس اذواقكم الراقية


الطّيب لو ينباع نشريه بفلوس = كل ما عتق أو قل نشري بداله
الطيب عند الناس بيّن ومحسوس = ما هوب شربة بن ولاّ بيـــاله
الطيب هو جملة مشاعر بالنفوس= الله جمعها عنـد راعي الجمـالــه
كم تاجرٍ يملك ولا فيه ناموس= وهــو رديٍ مـا تهــنّى بمــالــه
لاغاب حطوا به مناشير وضروس = وليا حضـر محــد يداني قبـالـه
وكم واحدٍ بيته من الطين والخوس = كــريم طيّب قــام باللي عنا له
يفز له من كان بالباب وجلوس = من طيبته شــرّف عـمامه وخـاله
أدّب ولدك وعلّمه بعض لدروس = وهــو صغــيرٍ لا تــزوّد دلالـــه
ترى الدّروس تفيد من قبل ليبوس = لا شـد عـوده ما تجوّد حبــالـه
النّاس مخلوقه من أشكال وجنوس = من طاب منها طيّب الله أفعـالـه

ابن شارخ
[/frame]

رابط القصيدة بالردود هنا (http://www.mekshat.com/vb/showthread.php?s=&threadid=15675)

[ابو عايد]

http://www.mekshat.com/pix/upload/images6/mk8178_BB1112G2GHH9XX2.jpg

كـنـا حبـايـب لـكـن الـيـوم عــدوان=وشلـون أحبـك وأنـت ودك ممـاتـي
كنت أحسبك مينـا وأثاريـك طوفـان=تبـغـي تغـرقـنـي وتـنـهـي حـيـاتـي
لوكنت في صحراء وأناديك ضميان=وبيـدك نهـر دجلـة ونهـر الفـراتـي
انا اشهد انك تعطي الصوت حقران=تبـخـل بقـطـره مــا تـبـلـل لـهـاتـي
مثل (أم عامر) مانفع فيك الاحسان=هـذا جـزاه الـلـي يـسـوي سـواتـي
اذا خسرتـك صـدق مـانـي بنـدمـان=هـذا هـو المكسـب وهــذي غنـاتـي
والله لونـي فـي بحـر شبـه غرقـان=والقـاك بيـن المـوج مركـب نجاتـي
ماجيت لمّك لو على بيـض الاكفـان=لعـز نفسـي بشـرب كـاس المماتـي
نفسي كريمه لي مشاعر لي اشجان=اذا جـرحـت انـسـان اقـعـد احـاتــي
وأذكـرك مانـي غريـبٍ لـي أوطــان=وقـصـور مبنـيـة جمـيـع الجـهـاتـي
لي قصر بالدوحه والكويت وعمـان=ودبـي والبحريـن تـاصـل حصـاتـي
والمملكـه تمشـي مـع كــل شـريـان=بـس اتوضـأ زرتـهـا فــي صـلاتـي
رح دور لغيري على ظل واغصـان=تـرى صفاتـك مـا تناسـب صفـاتـي
دام الصدور وساع فارق بالاحسان=أركـب ذلولـك وابتعـد عـن حيـاتـي
ابـن شـارخ

[/frame]


رابط القصيدة بالردود هنا (http://www.mekshat.com/vb/showthread.php?s=&threadid=16616)

[ابو عايد]

http://www.mekshat.com/pix/upload/images6/mk8178_BB1112G2GHH9XX3.jpg
"
"
اسمحولي ان اخدش اذواقكم الراقية بهالقصيدة المتواضعه
كتبت هذه الابيات بسبب نظرة من فتاة جميلة الا عيني بعينها وبليس حاضر

لا قتلني ولا تعداني بلاه




مـــا ألـــوم الـقـلـب لــو عــزم يـطـير = ولا ألـــوم الـضـلـع لـــو عــزم مـعـاه
والـسـبـايب صـابـنـي غـــروٍ صـغـير = مـــر عـصـريـة وثــقّـل فـــي خــطـاه
كــنـه الــلـي فـــز مـــن ظـلـه حـذيـر = وســط روض ٍ ويـتـبختر مــن حــلاه
او حـصـان ٍ فــي سـطبلات (الـظفير) = بــالـدلال يـعـيـش عــنـد الــلـي جـنـاه
شــعـره اللي طـــار يـشـبـه لـلـحـرير = كـــن ســواد الـلـيل يـطـلع مــن وراه
والـرموش صـفوف جـيش ٍ بـالمسير = والــعـيـون الله يــعـيـن الــلـي رمـــاه
وجــنـتـه تــفــاح زرّاعـــه (سـمـيـر) = فـــوق سـفـح ٍ تـحـت شــلال ٍ ومــاه
وحــبــة الــخـالـه شـكـلـها مـسـتـدير = تـحـت مـصـقول ٍ عـلـى جـال الـشفاه
عـنـقه الـلـي شـفـت مـاهـو بـالـقصير = مـــن بـيـاضه يـكـسر عـيـوني سـنـاه
والــصـدر رويـــان يــاحـظ الـصـغـير = يـشـلـع الـفـسـتان مـــن شـــئ خـفـاه
والخصر (رسلان) من مصنع (بشير) = مـثـل غـصن الـموز مـلهوف ٍ حـشاه
وش نــوصـف مـــن مـزايـاه الـكـثير = لــــو نــعـدد مـــا وصـلـنـا مـسـتـواه
لاحـــــنــــان ولا وداد ولا عـــبـــيــر = كــــل زيــــن ٍ بـالـعـذارا قـــد خـــذاه
الـتحظني وصـابـني بـقـصى الـضـمير = لا قــتــلــنـي ولا تـــعــدانــي بــــــلاه
صــرت مـثـل الـلـي تـدربا وسـط بـير = كـــمــل اســبـوعـيـن يــشــكـي آه آه
أتــضــيــم مـــثــل رجـــــال ٍ كــبــيـر = وصّــل الـتـسـعـين مــــا عــيــن دواه
هــمـلـوه وصــــار نــايــم بـالـسـريـر = لـــو يــجـوع الـلـيـل مـاجـابو عـشـاه
أرحـمـوني طـحـت مــن شــئٍ عـسير = والـجـمـل لا طـــاح مــعـروف جــزاه
ابــن شـارخ

[/frame]

رابط القصيدة بالردود هنا (http://www.mekshat.com/vb/showthread.php?s=&postid=120263&t=4018#post120263)

[ابو عايد]

http://www.mekshat.com/pix/upload/images6/mk8178_BB1112G2GHH9XX4.jpg

السلام عليكم ياهل الطيب
اسمحولي على الغياب الطويل، اخواني الكرام اهنؤكم وجميع الغيورين امثالكم على الانتصارات التي يحققها
الابطال الشجعان في الفلوجه وانحاء اخرى من العراق، واعزيكم واعزي نفسي على التخاذل اللي وصلنا اليه
والانحطاط من بعض المحسوبين علينا نحن ابناء الخليج العربي امثال الخلاوي وبشار والسمرمد امثالهم الذين مثلونا في بعض المحطات الهابطه، ( اللهم لا تؤخذنا بما فعل السفهاء منا) اسمحولي ان اقدم لكم هالبويتات المتواضعه وامنى ان تلامس اذواقكم الراقية:

يازمان صار لفروخ الدجاج = والمغني والممثل والعميل
صارت الدنيا مثل سوق الحراج = اختلط فيها الكديش مع الاصيل
حتى من جانا قبل عامين حاج = قام يظهر له مع العالم صهيل
انحسب من عندنا لو كان داج = في المحافل اطلق لسانه يعيل
لا بقا حاجه يشاور (ام سراج) = لو يخالف تغسل شراعه غسيل
والاجانب جوك من كل الفجاج = شئ مكفولٍ وشئ بلا كفيل
يتعلم فيك طبه والعلاج = ان نجح ولا عسى عمرك طويل
في بلدنا صارت العيشه هماج = وش تمشي وش تخلي بالصميل
وين ما حطيت رجلي به سياج = لا اراضي ولا بيوت ولا نخيل
ماني طالب عيشةٍ في قصر عاج = ولا ابي نهرٍ تحت بيتي يسيل
ودي لو اعيش وفل الحجاج = ودي اظهر شئ في قلبي نزيل
ديرتي بصبر ولو فيها عجاج = في ثراها اموت ما شد الرحيل
ما تجي الدنيا على كيف ومزاج = اتعدل يوم وبعشرة تميل
ابن شارخ

[/frame]

رابط القصيدة بالردود هنا (http://www.mekshat.com/vb/showthread.php?s=&threadid=18981)

[ابو عايد]

http://www.mekshat.com/pix/upload/images6/mk8178_BB1112G2GHH9XX5.jpg

السلام عليكم ورحمة الله وبركاته
اسمحوا لي على الغياب الطويل لكن كرماء وتقدرون الظروف
بختصار يطل علينا في بعض الصحف الكويتية من خلال بعض المقالات ناس لا هم لهم الا الدين امثال الدكتور احمد البغدادي وصالح الشايجي يقول البغدادي بعموده اوتاد في 5/6/2004 ( وأرى ان الموسيقى وتنمية الذوق الفني أهم من تحفيظ القرآن ودروس الدين وما هو موجود اكثر من كاف، ولا أرغب في ان اهدر فلوس في تدريس الدين.... ولا اريد لابني ان يتلقى دروس من جهله يعلمونه عدم احترام المرأه وغير المسلم.. ألخ والشايجي ما خلا ولا بقى على الشيخ ياسين والرنتيسي عليه من الله ما يستحق هو وامثاله، وصلني ايميل بمقالات المذكورين وكتبت هذه الابيات واتمنى ان تصل لمن يستطيع ان يغير هذا المنكر بيده او بلسانه او بقلبه وهذا اضعف الايمان، وسامحوني يا النشاما



( أوتاد الكاولي)

يا نديبي قم تزهب على ظهر الونيت = (الجميح) ألفين واربع مجهز للمسير
ان ركبته كنك بشقه ولا في سويت = صمموه لراعي الذوق واسياته حرير
مشيكينه بالوكاله صواميله وزيت = اوزنو له قوته بالمحرك لا يطير
باختصرها شيك مضمون لامنك شريت = انشد مجرب يدلك على اللي تستشير
دق سلفه يا بعدي لا توانا لا سريت = مر ابن هندي وعب التوانك للاخير
عندك الدله مع الشاي لا منك غفيت = واذكر الله تقطع الدرب لو انه عسير
جنب الخفجي وعد الجمارك للكويت = واسلك الخط المسمى على العود الكبير
ان وصلت الدار سلم عليهم بيت بيت = من الجهراء للفحيحيل لا تحقر صغير
خص منهم اي واحد كريم ٍ لا لقيت = بس تجنب من تكبر ولو قالوا وزير
مثل ذاك اللي يدربي براسه كنكريت = مستمر(ن) بالجهاله واقول انه غرير
من حثاله ما يعرف السنع والايتيكيت = اشهد انه بالتخلف على أشكاله كثير
غاضني هذا الشهر يوم خمسه ماقريت = بالجريده يشتم الدين مشكوكٍ أجير
اقصدك ياللي تطورت جعلك ما حييت = جعل ما يبقى على القاع شرواكم حقير
غرك بليسك (بالاوتاد) يوم انك طغيت = والله انك عايشٍ كالبهايم والحمير
ريس التحرير ما وقفك يومك خطيت = وين فزعات النشاما على افكارك تغير
شفت من هبو ودبو خذو شهره وصيت = يشتمون الدين يمشون في خطٍ خطير
يحسبون ان الحريه تقول اللي بغيت = النطيحه واللي متردي ٍ سيفه شطير
راحتك خذها وشرشح ليا منك فضيت = لو تكلمت ب (عُمر لو سعد لو الزُبير)
تنبح الكلاب والقافله تمشي ستريت = الجموا اللي طالع له مع العالم زحير
وينكم ياللي سكنتوا على ارض الكويت = يالنشاما وقفوا المهزله واللي يصير

(ابن شارخ)
[/frame]

رابط القصيدة بالردود هنا (http://www.mekshat.com/vb/showthread.php?s=&threadid=20948)

[ريف النشاما]

http://www.mekshat.com/pix/upload/images7/mk8178_BB1112G2GHH9XX7.jpg


تكفون ياناصر وتكفون ياعيال = دنوا الحطب معكم ودنوا المعاميل

بشب بجروم القضا نار رحال = يطفي لهبها كل مابي من الويل

ودي أسوي لي على الكيف فنجال = ودق لي نجرنٍ ينادي الرجاجيل

يوم ٍ طريتوا البر راح الفكر مال = روَح على ذيك الفيافي سرى ليل

سروة هجيني لا سرى فيه جمَال = تطرب ركابه في سماع المواويل

تنساب بالممشى على الدرب لاطال = زادت عزوم ٍ ما تردى بها الحيل

يالله عسى مزن ٍ مع الوسم همال = تنزل على الريضان وتفيض وتسيل

ليا بدى من ورده الوان واشكال = عندي تساوي ديرة (جنيف والنيل)

[ريف النشاما]

http://www.mekshat.com/pix/upload/images6/mk8178_BB1112G2GHH9XX6.jpg

"
"
"
"""""""""""
""""""""""""""""

[ريف النشاما]

صالة الانتظار

لا جــزا الله وقفـتـي ذاك النـهـار =بالمـنـامـه وقـتـهـا حـــزة ظـهــر

ليتنـي ماشـفـت شـقـرا بالمـطـار =كنـهـا مصـبـاح بالـثـوب الحـمـر

وش اوصف بالبياض وبالشقار =ردفـهـا يلـعـب مــع ذاك الـشـعـر

يتطايـر مـن يميـن ومــن يـسـار= مـثـل شــلالٍ تـحـدر مـــن نـهــر

اتـغـنـج واتبـخـتـر بنكــــســــار= انهبـت قلبـي وقلـب الـلـي حـظـر

اسألتنـي وســط صـالـة لنتـظـار= لو سمحت ولا درت قلبي خضر

اسألـت لا ويـن رايـح هالمـسـار =هـوّ ماشـي الـشـام ولا ّ لا قـطـر

قلت ماشي الشام وبكل اختصار =جـعـل يفـدونـك مزايـيـن الشـقـر

انـتـي تنقبلـيـن فــي كـل الديــار= وين ما رحتـي يقصولـك صـور

لجلـك يضحـون طــوال العمـــار= لجلـك تحـذف شمـاغـات وغـتـر

يـتـخـذ لـجـلـك قـوانـيـن وقـــرار =لو الفيزا اسبـوع حطولـك شهـر

لو معك محضور يهتـز المــطـار =عفشـك ان جبتيـه للجمـرك عبـر

يوظفونـك بالعـمـل دون اختـبـار= واللـي غـيـرك للوظيـفـه ينتـظـر

تذبحـيـن الـلـي يـنـادي بالشـعـار =اللـي قـال ان المـره مـثـل الـذكـر

مثـل هـذا يصـبـح بـيـدك ســوار= تلبسيـنـه تفصخيـنـه مــا يـضــر

والحقيقـه مـا يـجـي فيـهـا غـبـار =انتي مثـل الـورد مشمـوم العطـر

ان ذبـل خلـوه بـطـراف الـجـدار =ولا لين يمـوت بغصـون الشجـر

لا انجرحتي ما بقـا لك اعتبـــار= انتي انتي كالزجــــاج ليا انكسـر

بنصحـك يابنـت وبقلبـي شــرار= مــا يـطفـيـه المـعـانـي والـشـعـر

اللي يحلي البنت وبكل اختصـار =الحـيـا والـديـن ولـبــاس الـسـتـر

عبدالخالق البعيجان

(ابن شارخ)

[ريف النشاما]

http://www.mekshat.com/pix/upload/images8/mk8178_dwannnn-mkkkk000.jpg

[ريف النشاما]

فياض سدير
جمـس عـلـى المطـلـوب يـازيـن دلــه
------------ شبكه ذهب مـن مصنعـه فيـه تنقيـش

لـونـه حـمـر درب السـفـر غـايـة لــه
------------ لامــر مــع مـركـز ولا مـــر تفـتـيـش

يـرقـى الـطـعـوس وراكـبــه مايـمـلـه
------------ مثل الحصان اللي يبـي بـس تهويـش

فـوقــه غـــلام والـسـفـر مـنــوة لـــه
------------ خلقـه مشيـش مـا يبـي زود تشيـيـش

مستعـجـل مــن فرحـتـه وش حصـلـه
------------ مـاكـد شـعــره صـايــر فـيــه تنـفـيـش

شـال الصقـر والشـوزن مصـرح لــه
------------ فـرده بجيـبـه صارفيـنـه لــه الجـيـش

مــاخـــذ فـنـاجـيــل وتـــمـــر ودلــــــه
------------ وبـراد شاهـي يـدوش النـوم تـدويـش

ينـصـى فـيـاض سـديـر دربـــه يـدلــه
------------ اهل الكرم اهـل السيـوف المعاطيـش

مــن يــوم نـجـد بالـمـطـر مضمـحـلـه
------------ يـوم الفقـر والـنـاس ماعنـدهـا ايــش

يلـقـى الـرجـال وكــل شـخــص يـتـلـه
------------ وكـل يعزمـه اقـلـط الحـيـن عالعـيـش

كـــــل تـســابــق لـــــه ووده يـشــلــه
------------ فقيـرهـم يـفـرح بـشـوف المطـاريـش

روّح عـلـى (حـمـاد) وانـصـى محـلـه
------------ عسى السحايب فوق داره مراشيـش

عطه السويك وماحوى الجمـس كلـه
------------ خصـه سلامـي جعلـك تـدوم وتعـيـش

اذا انـشـدك عـنـي !! مـريــض تـقـلـه
------------ وش فيه ؟؟ قله في خفوقه حواشيش

عــيــا ولا يــرضــى يـبـيــح بـسـجـلـه
------------ في وسط صندوقه مسكـر ولا يطيـش

مـن يـوم ابوناصـر رحـل عـنـه خـلـه
------------ مـثـل المـلـوح صـايـر فـيـه تشـويـش

ابـن شــارخ

[ريف النشاما]

اهداء الى كل اعضاء مكشات

واهداء خاص لقناص الحباري


يالله بمـزنـةٍ بـمــرك تـروحــي
------------ تنـثـر الـمـاء شـمـال العـاذريـة

تنثر الماي فـي جـو وسفوحـي
------------ تـرتــوي مـنـهـا كـــل الـبـريـة

الخبـاري غـدت منهـا طفوحـي
------------ يمشـي السيـل بفـيـاض ٍ خلـيـة

ست اسابيـع والقمـري ينوحـي
------------ الـغـنـم والابـــل فـيـهـا رعـيــة

ريحـة الشيـح وخزامـا تفوحـي
------------ والنـفـل ريحـتـه ريـحـه زكـيـة

العشـب نابـتٍ تسـمـع وتـوحـي
------------ للـصـحـاري تجـيـلـك جـاذبـيـة

البـدو والحضـر كـلٍ نـزوحـي
------------ كـل منـهـم تـواعـد مــع خـويـة

الليالي قضت ضحك ومزوحي
------------ مــع نشـامـا كـــرام ٍ اجـوديــة

مـا حـلا الـبـن بالـدلـه يفـوحـي
------------ فـوق جـمـر القـضـا بالشاذلـيـة

اتبـع البـل وتطيـب الجـروحـي
------------ درهــــا لـلـمـراضـا صـيـدلـيـة

مع صلاة الفجر قبل الصبوحي
------------ اشـرب وعـل وقـت المغربـيـة

دنيتك لـو بطـت عنهـا تروحـي
------------ ارفع النفـس عـن درب الرديـة

يوم الاموال يكنزها الشحوحـي
------------ تـالـي الـعـمـر بتـجـيـه المـنـيـة

ابن شارخ

[ابن شارخ]

السلام عليكم ورحمة الله وبركاته
ابيات في سارق مسجد الحاره أسأل الله أن يفضحه وسامحوني على القصور يا اهل المكشات


سطى بمخطط النزهـه حرامـي
------------------- مــربـّـع والجسم ما هو نحيّف


ولبّق بالضحى لنكون رصاصي
------------------- سرق من مسجد الحـاره مكيّـف


وجـانـي عـامـل ٍ شـافـه بعـيـنـه
------------------- وبـلـغـنـي ولـكــنــه مـصــيّــف


ورحت انشد وأمشّط بالشـوارع
------------------- اذ شـافــوه مـشـعـل لو خـلـيّـف


وفزعـنـا مــن الـحـاره مـواتــر
------------------- مـن الجيران وعـيـال الشـريّـف


على التسعـات عجلـت اتصالـي
------------------- ولـكـن الامــل فـيـهـم ضـعـيّـف


نصيـت اللـي فتـح للخلـق بـابـه
------------------- وأنــا مـلـيـت والـكـبـد متـلـيّـف


عسى الله يقصّر أيـام الحرامـي
------------------- عسـى لا مـات يلقـونـه مجـيّـف


عسـى لا طــوّل سنـيـن ٍ مـديـده
------------------- يعـيـش بــذل وبـعـقـل ٍ خـفـيّـف


عسى الله ينصر رجال الحكومه
------------------- يصيـر الشـق للرقعـه صخـيّـف


من اول تقطـع إيديـن الحرامـي
------------------- وحـــد الله يـطـبـّـق بـالـرهـيّـف


وهـذا الـيـوم يعـبـث فــي بلـدنـا
------------------- واشوف اللي فسـد فيهـا مكيّـف


تشيّخ بالضحـى ولـد الحصانـي
------------------- مـع البنغـال وأشخـاص ٍ تزيّـف


لان الــلــي يــأمّــن بالـعـقـوبـه
------------------- يـسـوي جريـتـه دامــه مـريّـف

( ابن شارخ)

[جرير]

مبارك عليكم الشهر الفضيل وعساكم من عواده
اسأل الله أن يتقبل منا ومنكم صالح الاعمال

اهدي لكم هذه الابيات المتواضعه اتمنى ان تحوز على اعجابكم



يا محمد لو تصول ولو تجول
كل يوم من حياتك تشطبه

العمر في كل دقيقه له نزول
والمنية بالثواني محسّبه

اتـّبع هدي الصحابه والرسول
واستعن بالله وابليس اغلبه

اسلك دروب النشاما لو تطول
ومن يدسّم بالمراجل شاربه

العقول الله مقسّم هالعقول
تعرف الرجال يوم تخاطبه

بالشدايد تكتشف راعي الاصول
بالشهامه والعلوم الطيبة

النداوي الحر ما يهوى السهول
الاشم امْن النوايف يطربه

يفخر الصقار بالطير الصّمول
ويفخر الرجال باللي يصْحبه

الفحل تلقاه ما بين الفحول
الحمية والطبايع تجذبه

والاصيل تميزه بين الخيول
والكديش انصحك لالا تقربه

المعادن معرفتها بالصقول
والذهب شرواك طيّب مذهبه

والنحاس انـْحاس ما لك فيه حول
كالردي اللي طبوعه تعذربه

والصبخ ما زان في كل الفصول
لو يزين ايام قاعه خاربه

لو سقاه الغيم مع عذب السيول
كاللئيم اللي يخون معزبه

ما تطـهـّر من تطبّع بالنذول
حتى بالديتول لو تشرّبه

كم ردي ٍ ما يسرّح بالصخول
يتصدّر بالمجالس بذنبه

من بعد ما كان ينزل بالدحول
لا قعد تلقاه باعلا مرتبه

صارت فلوسه ترزه لو يقول
ماحد ٍ وسط المجالس كذبه

راحت علوم النشاما والزحول
صارت حقوق الرجال مسلبه

مات ولد الشيخ شيـّال الحمول
قامت الحرمه بديها تكربه

صار حل الراي بيدين الخبول
ومن تقوده حرمته اوتركبه

ما يسرك بالرجاجيل العجول
والحمق منبوذ حتى صاحبه

بالسفر لا تصْحبالرجل الملول
ما يطيعك لو تحاول تغصبه

والزعول الله يعينك عالزعول
كل حرف ٍ من لسانك يغضبه

والبخيل بعشرته ماله قبول
مادفع لريال حتى يحلبه

والمزاجي كل ساعه له ميول
لو يزين الجو عندك خرّبه

لا تحيّرك المسائل والحلول
اسأل الله في صلاتك واطلبه

اسلك دروب النشاما والعذول
احقره بين الخلايق تغلبه


العنب من لا استطاع الـْه الوصول
لازم انه بالعيوب يعيبه


(ابن شارخ)

[جرير]

الله يمسيكم بالخير ياهل المكشات جميعا
أكن لكم قل تقدير واحترام واحبكم بالله، كتبت هذه الابيات المتواضعه في الطايف بعد هبوب نسيم بارد وجو جميل
بعد هروبي من حر المنطقة الشرقية ذكرني بالربيع أتمنى أن تنال لو جزء من أعجابكم



ابن شارخ
الله يمسيكم بالخير ياهل المكشات جميعا
أكن لكم قل تقدير واحترام واحبكم بالله، كتبت هذه الابيات المتواضعه في الطايف بعد هبوب نسيم بارد وجو جميل
بعد هروبي من حر المنطقة الشرقية ذكرني بالربيع أتمنى أن تنال لو جزء من أعجابكم

الليل طال وماحلا الليل لا طال
----------- في جال ضو والحطب مشعلينه

قدامك العزبه مع صفة دلال
----------- وبريق شاهي تونا مخدرينه

وخوة مطاليق على قلب رجال
----------- واحدهم بطيبه يعادل مدينه

مجلاسهم متعه ولا فيه غربال
----------- واللي يسولف ماهم مقاطعينه

والهرفي جابه يمنا طيب الفال
----------- امن اللهابه للحفر جالبينه

مرباه بين شعاب وفياض وظلال
----------- يرعى الربيع ولاهم معلفينه

الجو زان ولا يبي هدومن ثقال
----------- والكوت لامن بردت لابسينه

مكشاتنا ما يشتغل فيه جوال
----------- ما نسمع أخبار تنكد وشينه

حتى ولو قلبك به هموم ثقال
----------- تنسى همومك والجروح الدفينه

لابارك الله في حلال ولا مال
----------- بحساب ناس عاشو مكدسينه

المرجله تبقي لها جد خيال
----------- قولة نعم ماهيب هرج ورطينه

والمختصر يكفي عن الهرج لاطال
----------- ومن دون قايد ما تسير السفينه

ابن شارخ