تنبيه هام!! لاتحمي سيارتك تراك تضر الموتر

[كاشخ]

المعروف لدى الكثيرين منا انه اذا شغل سيارته لازم يخليها تحمى قبل مايمشي ويجلس فتره بالسياره لين تسخن المكينه وبعدين يعشق ويتحرك والكلام ذا اتضح انه لااساس له من الصحه0000 ويضر السياره بعد والعمل الصحيح انك بعد ماتشغل السياره على طول تعشق وتمشي
انا تصفحت كتيب الارشادات للجيب الاند كروزر gxr 2 j المطور موديل 2004 وراح انقل لكم بالنص وش مكتوب فيه
كيفية اطالة عمر سيارتك صفحه 293 من كتيب الارشادات لمالك السياره
( تجنب اداره المحرك لمده طويله بدون حمل(بدون تعشيق) للتسخين. بمجرد دوران المحرك بسلاسه ابدا في القياده ولكن بلطف)00 انتهى النص
وعلى فكره التحذير هذا مكتوب في اكثر من مره بالكتيب ويحذرون منه كل شوي
والمقصود بالنص اللي نقلته لكم انك لاتحمي السياره اذا شغلتها وهي واقفه لان ذلك يضر الموتر0 ويجب عليك انك بمجرد انك شغلت السياره انك تعشق وتمشي ببط عشان السياره تحمى اثناء المسير وهذي افضل طريقه عشان تحافظ على قوة المكينه وعزم الموتر
ارجو الفائده لجميع اخواني ولكم تحياتي

[مفتش الريضان]

معلومة محيرة فعلا......... شكرا يا أستاذ كاشخ.

[المسفهل]

مشكور على هذه المعلومة التي كانت غائبة عنا في ما مضى ...

[ابو مساعد]

الاخ العزيز كاشخ أشكرك على المعلومه ولاكن يجب أن يدور الزيت داخل المحرك اذا عشقت السيارة ماخذ الزيت مكانه في المحرك وهذا قد يأدى الي الاحتكاك داخل المحرك ومما يسبب ضعف المحرك مع طول الوقت .

تحياتي .

[عود رمث]

لكن على كذا وشوله حاطين ( الشفاط ) اللي يرفع الأبنص وإذا سخن الموتر نزل ؟؟؟

لكن يمكن قولتهم ( بمجرد دوران المحرك بسلاسه ) يعني إذا خف الصوت ونزل الأبنص !!!

قد يكون؟

مشكور على المعلومة

[عروان]

تجنب اداره المحرك لمده طويله بدون حمل(بدون تعشيق) للتسخين. بمجرد دوران المحرك بسلاسه ابدا في القياده ولكن بلطف)00 انتهى النص

لازم تسخن السيارة لمدية قصيرة.



تحياتي لك و مبروك السيارة :D

[صقر]

مشكور اخوي كاشخ على المعلومة ...

بس فيه نقطة ان السيارة بالبرد ما تمشي لين تحتمي .... وش رأيك..

[عاشق الفـــــــيّ]

يعطيك العافيه على المعلومه
لي تعليق بسيط إلي اعرفه واتبعه في سيارتي في مدة التسخين للمحرك هيه من دقيقه الى ثلاث دقايق
وبعدها امشي حتى يرتفع انبير الحراره لانه يقولون ان السياره التي تعمل بنظام البخاخ يظرها التسخين
بعكس السيارات التي تعمل بنظام الكبريتر لازم تسخنها .
تقبلو تحياتي ،،،،،

[ابومدين]

الله يكتب اجرك اخوي كاشخ

[الحاتمي]

السلام عليكم........................... مشكور ياخوي كاشخ على المعلومه بس اللي اعرفه ان درجة حرارة التشغيل في اي سياره محركها بنزين بعد20 ثانيه من التشغيل............... وبعد ذلك بأمكانك قيادة السياره بدون اي اظرار على المحرك.............................. ولك تحيات الحااااااااااااااااااااااااااااااااااااااااتمي.

[اعقاب]

جزاك الله خير
الله يكثر من امثالك
اناهذي سياستي من عرفت السواقه
الحين معي عذر

[الفرعاوي]

الاخ كاشخ
جزاك الله خير على هالمعلومة

و يبدو انها فعلا صحيحة .... ففي المانيا ممنوع الواحد يحمي سيارته ؟؟؟

و سيارتهم ماشاء الله مامثلها ...

[فـ(الجـوف)ـتى]

فعلا موضوع يحير



لكن الله يجزاك بالخير 0

[راعي كيف]

تحياتي للجميع ..
لي تعليق على هذة المعلومات .
لنقل انه عند إدارة محرك السيارة يجب ان تسير لأنة يطيل عمر المحرك هل تصتطيع فعلاً ان تمشي السيارة بصورة المطلوبة اكيد(((((((((((( لا )))))))))))))))) اما انك تمشي السيارة على طول تسببلك مشاكل كثيرة منها .
1- يقفل بلف الحرارة وتفور المكينة في عز البرد وخصوصاً السيارات الأمريكية (والألمانية ) .
2- رأس المكينة ينشعر ويمكن اكثر سيارة تحصل فيها المشكلة هذي النيسان وخصوصاً الباترول .
3- القزوز تنشعر ويمكن اكثر الناس يلاحضون الشي هذا في سياراتهم في فصل الشتاء.
4-تقطيع بالسيارة ولا يمكن ان تسير إلا بعد ماتحتمي ولا غبار في ذلك .
5-الألمان يسيرون بعد تشغيل السيارة مباشرة ومن ثم يشتريها المستهلك السعودي او غيرة ويصلحها .

وشكراً للجميع اسف على الإطلاة


اخوكم ( راعي كيف )
ابو ناصر:row:

[شقران]

Originally posted by كاشخ
المعروف لدى الكثيرين منا انه اذا شغل سيارته لازم يخليها تحمى قبل مايمشي ويجلس فتره بالسياره لين تسخن المكينه وبعدين يعشق ويتحرك والكلام ذا اتضح انه لااساس له من الصحه0000 ويضر السياره بعد والعمل الصحيح انك بعد ماتشغل السياره على طول تعشق وتمشي
انا تصفحت كتيب الارشادات للجيب الاند كروزر gxr 2 j المطور موديل 2004 وراح انقل لكم بالنص وش مكتوب فيه
كيفية اطالة عمر سيارتك صفحه 293 من كتيب الارشادات لمالك السياره
( تجنب اداره المحرك لمده طويله بدون حمل(بدون تعشيق) للتسخين. بمجرد دوران المحرك بسلاسه ابدا في القياده ولكن بلطف)00 انتهى النص
وعلى فكره التحذير هذا مكتوب في اكثر من مره بالكتيب ويحذرون منه كل شوي
والمقصود بالنص اللي نقلته لكم انك لاتحمي السياره اذا شغلتها وهي واقفه لان ذلك يضر الموتر0 ويجب عليك انك بمجرد انك شغلت السياره انك تعشق وتمشي ببط عشان السياره تحمى اثناء المسير وهذي افضل طريقه عشان تحافظ على قوة المكينه وعزم الموتر
ارجو الفائده لجميع اخواني ولكم تحياتي

اسوق من عام 1403 هـ من اول سيارة لي جلنت 84 الين هالحين جيب سوزوكي وكل 4الى 5 سنوات اشتري او ابدل موتر وهذا نظامي مع السيارات ماحمي ابد اشغل وامشي بشويش....وحتى بديار الثلج والصقيع نفس الموال.
وهذا مثال من عندي لك يالكاشخ مصداق لم تقوله.

[عبدالله الصالح]

السلام عليكم ورحمة الله وبركاتة
اخوي يقولون اذا ما سخنت السيارة مع الوقت تدمر البلوف ..
اخوك القصمنجي...

[تميم]

السلام عليكم ورحمة الله وبركاته
بصراحه حاجه غريبه والله . وحنا نجلس بعض المرات الى 10 دقايق وحنا نحمي لكن الغريب إن السيارة ماتمشي زين الا غذا احتميت,,,,,,,,,,,,,,,
لكن اتوقع إن كلام اخوناعاشق الفـــــــيّ هو الصحيح السيارات تختلف البخاخ والكبريتر.

اخونا كاشخ الله يعطيك العافيه على الموضوع الهام والقيم:good:

[desprado]

حسب معلوماتي

السيارة لازم تحميها اقل شي 30 ثانية بعدين تمشي بشويش لين يرتفع امبير الحرارة

[سراي ليل]

أخوي الكاشخ
لو ان السيارة يضرها اذا حميتها كان المصنع ماحطوا شفاط (الأبنص)

[MOR300]

والله حيرتونا يعني نحمي ولا مانحمي

لكن انا اذكر واحد تخصصه مكانيكي كان يتكلم بالموضوع هذا يقول السياره مايصلح تمشي وهي بارده لان الزيت يكون تحت بالكارتير وعلشان يطلع فوق لازم يحتمي لكن اذا مشيت علطول يكون الزيت ثقيل وحركة السياره عكس المطلوب فيخرب عليك كل شي

الدليل

المره الجايه اذا جيت تغير الزيت شغل السياره وهي بارده ثم امش علطول ورح لمحل غيار قريب ويفضل يكون شفت وخله يشفط الزيت راح توقف مكينه الشفط ويقولك زيتك ثقيل رح خذ لفه وتعال ولا يفك الصره تحت ويجلس الزيت فتره طويلة وهو ينزل


عموما ارو على بر علشان نعتمد:)