راعي هوى
14/04/2008, 02:27 AM
صراحه امس صارلي موقف بالدمام واحسست بالوضع اللي كنت اقرى عنه وبصراحه ماكنت مصدق قلت يمكن صج ويمكن تهويل
اللي صارلي الله يسلمكم كنت بزياره عائليه للاهل بالدمام وقلت ياولد اطلع على التاهو الجو حلو يمكن تحصل لنا كشته ولى الموتر موجود عن الحسافه
عقب ما وصلت حسيت انه الموتر يقمت (يكتم) قلت يمكن اتوهم لاني من شهر مو سايقه المهم طلعت للهاف مون وانا راجع زادة الكتمه وقمت ورصيت على الموتر قام وطفى خيته شوي وقمت شغلته اشتغل معاي وعقبها كل ما دعست رد الموتر نمره طفى طبعا قلت مافي اللى هي طرمبة البانزين هاذي اعراضها بس قلت خن اتاكد اكثر قمت ودخلته لورشه بصناعية الدمام عقب ما فحصوه قالولي الطرمبه طبعا انا لمى جيت ماقلت لهم اني حاس انها هي بس خن اسكت واشوف يمكن يطلع شي ثاني اكدلي انها هي شفنا ضغطها طلع حيل خفيف قلت ياولد خلنا اندور طرمبه للمزيون طبعا الطرمبه تجي كامله مع العوامه وفلتر لها دخلنا هل المحلات واهنيه بدت الصدمه كلا دخلنا محل قال مافيه قلنا اللي بعده المهم وصلنا للعيسى وهم قال مافيه قال ولد خالي مالنا اللى الجميح قلت شد عليه دخلنا قالي وش الموتر قلت تاهو 2002 Z71 قالي امريكي قلت نعم
تعدل الاخ وقام يطق على الجهاز قال رقم الشاص قلت خذ الاستماره قالي دقايق المهم قالي القطعه موجوده قلت حلو وشد الظهر قلت بكم قالي 2700 ريال قلت وشهو قالي بعد لخصم قلت اي خصم وانا عيوني طلعت وبغيت اطمر عليه قالي يخوي انت من الكويت قلت ايه قالي اسولك خصم حلو قلت عليه قام وطلع الحاسبه وطق وطق عليها قالي بعد الخصم 1800 ريال وانشالله توصل القطعه بكره المهم بهل الوقت قمت احسبها طلع المبلغ الدينار 135 دينار من غير التركيب قلت ياولد اخربت رجعنا للكويت وانا طالع خذيت رقم سطحه (ونش) وقلت له كم على الكويت قالي 400 قلت عطني جوالك ودزيت بالخط على الراحه المهم وصلنا للكويت دخلنا الوكاله قالي هي الطرمبه مع فحص كمبيوتر مجاني قلت بكم قالي بدون الخصم 145 دينار مع التركيب 1900 ريال مع راحت البال قلت خن افتر واشوف قبل لا ابدل رحت للشركه الاهليه وبيني وبينكم لي معرفه فيها سلام بكم قالي 65 دينار اصلي اصلي 870 ريال فقط لاغير وقل كم التركيب قلي 20 دينار 270 ريال يعني المجموع 1140 ريال بس
واهنيه عرفت انه كل اللي تقولونه صحيح ولا قصورا فيكم بس اللي يقهر شنهي الوكاله اللي تقول ماعندي قطع ولا فيه بالسوق مع ان السياره منتشره بالشارع عندكم
واسمحولي على الاطاله بس من القهر اللي حاشني من الموضوع حبيت افضفض مع اعز الناس لقلبي على النت ودمتم سالمين راعي هوى الكويت
اللي صارلي الله يسلمكم كنت بزياره عائليه للاهل بالدمام وقلت ياولد اطلع على التاهو الجو حلو يمكن تحصل لنا كشته ولى الموتر موجود عن الحسافه
عقب ما وصلت حسيت انه الموتر يقمت (يكتم) قلت يمكن اتوهم لاني من شهر مو سايقه المهم طلعت للهاف مون وانا راجع زادة الكتمه وقمت ورصيت على الموتر قام وطفى خيته شوي وقمت شغلته اشتغل معاي وعقبها كل ما دعست رد الموتر نمره طفى طبعا قلت مافي اللى هي طرمبة البانزين هاذي اعراضها بس قلت خن اتاكد اكثر قمت ودخلته لورشه بصناعية الدمام عقب ما فحصوه قالولي الطرمبه طبعا انا لمى جيت ماقلت لهم اني حاس انها هي بس خن اسكت واشوف يمكن يطلع شي ثاني اكدلي انها هي شفنا ضغطها طلع حيل خفيف قلت ياولد خلنا اندور طرمبه للمزيون طبعا الطرمبه تجي كامله مع العوامه وفلتر لها دخلنا هل المحلات واهنيه بدت الصدمه كلا دخلنا محل قال مافيه قلنا اللي بعده المهم وصلنا للعيسى وهم قال مافيه قال ولد خالي مالنا اللى الجميح قلت شد عليه دخلنا قالي وش الموتر قلت تاهو 2002 Z71 قالي امريكي قلت نعم
تعدل الاخ وقام يطق على الجهاز قال رقم الشاص قلت خذ الاستماره قالي دقايق المهم قالي القطعه موجوده قلت حلو وشد الظهر قلت بكم قالي 2700 ريال قلت وشهو قالي بعد لخصم قلت اي خصم وانا عيوني طلعت وبغيت اطمر عليه قالي يخوي انت من الكويت قلت ايه قالي اسولك خصم حلو قلت عليه قام وطلع الحاسبه وطق وطق عليها قالي بعد الخصم 1800 ريال وانشالله توصل القطعه بكره المهم بهل الوقت قمت احسبها طلع المبلغ الدينار 135 دينار من غير التركيب قلت ياولد اخربت رجعنا للكويت وانا طالع خذيت رقم سطحه (ونش) وقلت له كم على الكويت قالي 400 قلت عطني جوالك ودزيت بالخط على الراحه المهم وصلنا للكويت دخلنا الوكاله قالي هي الطرمبه مع فحص كمبيوتر مجاني قلت بكم قالي بدون الخصم 145 دينار مع التركيب 1900 ريال مع راحت البال قلت خن افتر واشوف قبل لا ابدل رحت للشركه الاهليه وبيني وبينكم لي معرفه فيها سلام بكم قالي 65 دينار اصلي اصلي 870 ريال فقط لاغير وقل كم التركيب قلي 20 دينار 270 ريال يعني المجموع 1140 ريال بس
واهنيه عرفت انه كل اللي تقولونه صحيح ولا قصورا فيكم بس اللي يقهر شنهي الوكاله اللي تقول ماعندي قطع ولا فيه بالسوق مع ان السياره منتشره بالشارع عندكم
واسمحولي على الاطاله بس من القهر اللي حاشني من الموضوع حبيت افضفض مع اعز الناس لقلبي على النت ودمتم سالمين راعي هوى الكويت