ما خاب من استشار

[مداحش]

السلام عليكم ورحمة الله وبركاته , يالربع أبي رايكم في هالثلاث سيارات وأيهم أفضل برأيك لأني ( بإذن الواحد الأحد ) ناوي على واحدة فيهم :mad: 0000:p
يعني باشتريها وودي كل واحد منكم ( الله يعافيه يعطيني العيوب والمميزات لاني والله احترت :rolleyes: )
1- جيب باترول نيسان ( بابين ) من 94 حتى 97
2- جمس سوبر بان موديل 99
3- هايلكس فالتسعينات ( فوق 94 ) , الله لايهينه اللي عنده معلومات كافية عن هالسيارات من حيث ( السعر-توفر قطع الغيار - سعر قطع الغيار غالي أم مناسب - العطالات :( - خدمة السيارة ( ليه بتوظفها خخخخخخخخ :D ) قصدي مدى عملية السيارة وتحملها - صرفها للوقود - والله لايهينكم لو زودتوني بالردود ( ما أخبركم بخلاء :good2: ) والله يوفق كل مسلم الى كل خير والسلام عليكم ورحمة الله وبركاته

[لن أمل من العطاء]

انا ارشح الجمس 99 وبقوة والله من كل النواحي ممتاز

اهم شيء محرك 7400 وليس 5700 ولا عليك من اللي يقول ان 7400 يصرف اكثر من 5700 ولا فيه فرق ولكن الفرق بالقوة

ونصيحة خذ لك دفرنسين ولا تقول ما احب البر والصحراء يجي يوم وتندم
السعر تقريبا 34 الى 38 للنظيف
قطع الغيار كلها متوفره واسعارها مناسب جدا والتحمل والقوة فحدث ولا حرج

باختصار شوف اللي في التوقيع معي

ما شاء الله تبارك الله

هيبة ملك



اخوك

لن امل من العطاء

[عتيق]

الباترول والحق اهلك

بس يكون خليجي

[جهام القصيم]

وعليكم السلام
غير جيب باترول نيسان ( بابين ) من 94 حتى 97 لا تدور انواع المكدة يفنيك بأذن الله وقطع متوفر حتى في بعض البقالات
وفق الله الجميع

[ضرماوي مووت]

الباتروول مافيه كلام وانا من عشاقه
بس الموديلات القديمه ما اواطنها
عشان كذا ارشح السوبر بان

[((السنياري))]

نصيحتي

1- جيب باترول نيسان من 94 حتى 97

دورلك اربع بيبان بس يكون مسكة بنضافه بس خله حق البر وسفرات ولا(( الله يعينك على البنزين))

[عاشق السيل]

وعليكم السلام ورحمة الله وبركاته ،،

أنا أرشح الباترول ،، بس لو تقولي أكثر شي تبي تستخدم السيارة فيه ( بر ، خطوط ، تحميل ، مدينة ) ،، وهل أنت عزوبي أم متزوج وإذا كنت متزوج كم عندك من ولد ،،

إذا جاوبت تبي تكون المشورة أفضل وأدق وتناسبك أكثر ،،

بانتظار أجوبتك والله يوفقك وتقبل مروري يالغالي .....

[مداحش]

الله يعطيكم العافية أجمعين - شكل الباترول له شعبية جارفة و ما حطيته من ضمن الخيارات الا من كثر ما أسمع عنه , والجمس كذلك - لكن ماذا عن الهلي ؟؟ بانتظار ردود الاخوان الاخرين , الله لا يحرمكم الاجر:)

[راعي طويلات]

وعليكم السلام ورحمه الله وبركاته
أخوي عليك بالباترول بدون تردد ودور النظيف وأن زاد سعره ويفضل الخليجي لأنه ياباني وعواكسيه قليله ولو تحط فيه شيء أصلي يعيش معك مايفني بإذن الله وتبيه بر وتبيه ديره مامثله وعن صرفيته ركب فرارات ومراوح كهرب ووكل الله وقطع غياره متوسطه فيها الغالي وفيها الرخيص بحكم أنه جيب
أما الجمس فهو زين لكن مايقارن بالباترول وطلبات واجد الله يهديه يعني يمكن تطيح لك بواحد يبهذلك وأغلب قطع غياره غويليه شوي ولاهوب عملي مثل الياباني
أما الهلي مانصحك تأخذ من 97 وتحت أولا لأنه ضيق ثاني فرامله لك عليها ثالثا شكله قديم رابعا يبي لك تحط فيه عشان يواجه ويكون مناسب للاستخدام وخامسا مطبه يكسر الظهر
أتمنى أني أفدتك بالتوفيق أخوي

[مداحش]

أخواني الكرام الله يعطيكم ألف عافية أجمعين - راعي طويلات أنا أشهد انك اسم على مسمى والله كفو وألف شكر , أخوي عاشق السيل الله يعافيك أنا عزوبي ( على وجه زواج ) والله يرزق شباب المسلمين , السيارة مو بس لي الله يعافيك انا باخذها للوالد والاهل ( عددهم 10 أشخاص ) ومعي سيارة ثانية , ابي سيارة عائلية مع ان فيه طلعات للبر واغلب استعمالي للسيارة بيكون للدوام وداخل المدينة وبعض السفريات يعني ( متعدد الاستخدام ) والله لا يهينك لو تزودني بالعلم اللي عندك يا ذيبان

[عاشق السيل]

أخوي مداحش أبشر بسعدك ،،

خلاص بانت الأمور السيارة الوحيدة اللي تنفع لك الباترول بس بابين مايصلح لازم تاخذ أربع أبواب علشان يشيل الأهل وهو عز الطلب للبر والمدينة والسفريات ،، أبد توكل على الله وخذ باترول وحطه على يمناك بس الله الله بالنظيف علشان مايتعبك بالصيانة ،،

أما الجمس فهو أريح وأوسع وزين بالخطوط والبر لكنه متعب جدا بالصيانة وكثرت الأعطال وكبير بالحيل داخل المدينة !!

ألف مبروك مقدما وعسى الله يوفقك باللي يرضيك يالغالي ....

[مداحش]

الله يعطيك العافية أخوي عاشق السيل على هالراي السنع والف ألف شكر

[ابوريما99]

أنا بعد من رأي الأخوان .. جيب سفاري اربع ابواب
لك وللزمن للأهل .. كد ومد

بس احرص كل الحرص انه يكون مكيفين ..
عشان اللي يركبون وراء مايموتون من الحر

[مداحش]

مشكووووووووووورين جميعا

[العسافي]

غير الجيب باترول نيسان ( بابين ) من 94 حتى 97 لا تدور :good:

والله يوفقك .

[آل زايد502]

والله الجمس ماله مثيل فالخط والبر بس الديره لك عليه لانه طويل شوي بس الي يعيب الجمس صيانته او خذ لك تاهو او يوكن

[أبوسعد 511]

الباترول نيسان

وماتندم