المساعد الشخصي الرقمي

مشاهدة النسخة كاملة : سؤال لكل كشات في مكشات......؟


New hunter
15/04/2008, 01:13 PM
بسم الله الرحمن الرحيم
السلام عليكم ورحمة الله وبركات
الله يحيي كلن باسمه
سؤال ارجو من جميع المكشاتيين وطيور البر والبحر يردون عليه اذا ما فيها كلافه
وش حطيت إضافات ثابته في سيارتك للبر والكشتات وكم كلفتك؟


واذا امن تنزلون صور للتجهيزات


ودمتم...... ارجو الرد وعدم المرور لمجرد الاطلاع:rolleyes:


تسألون عن سيارتي هي 2007 لاندكروزر لمتد:good:
التجهيزات ...... ولا شي :j
ودمتم نرجو التفاعل
وجزاكم الله الف خير
الساهر2003
15/04/2008, 01:39 PM
السلام عليكم
موضوع ممتاز ولكن يحتاج الى ذاكرة قوية لتذكر التكاليف السابقة ومع هذا ابشر بسعدك والله ييسر الامر ولعلكم تستفيدون وكذلك نستفيد
السيارة باث 2005 تماتيك
جيب ب 0000 ههههههه خفيف دم
1- تلبيسة مراتب عادية مخمل بـ 250 ريال .
2- تلبيسة الشنطة من برق الحيا بـ 250 تقريبا.
3- تانكي ماء 75 لتر ملبس من السنيدي بـ 500 ريال تقريبا .
4 - عفريته زيت 3 طن صيني بـ 60 ريال صغيرة .
5- دسته رقع تيوبلس خارجية مع المكينة امريكية بـ 40 ريال من الغرابي .
6- ماطور هواء ابو جمل كبير بستم واحد بـ 250 ريال ومثبت في الشنطة بجنب التانكي فوق الرفرف وموصل للبطارية لكن مو مشبوك على طول لدواعي السلامة .
7 - كنود 8000 اتوقع سعره الان بـ 1000 ريال .
8- قارمن غير مثبت في السيارة .
9- كريك جراف وسط من برق الحيا ب20 ريال حديد خفيف استخدامه لكل شيي .
10- فرارات من السليماني بـ500 ريال مع الاحتفاظ بشد البلد في السيارة في الشنطة .
11- طقم سيور بـ 270 ريال+ سيفون زيت بـ20 ريال .
12- محول كهرب 220 + لنبة بيضاء ولنمبة عادية تقريبا 250 ريال .
13- سبته سحب (واير سحب ) بـ 40 ريال .
14- مجموعة زيوت وماء مقطر مجموعة في كرتون صغير او صندوق بلستك .
15- مفتاح عجل صليب بـ20 ريال اصلي .
16- طفاية حريق .
17- حقيبة اسعافات اولية .
18- بساط صغير + فروة + شوي حطب + عزبة قهوة وشاهي + ماء لشرب ولشاهي .
19- دافور كوفي مع الاسطوانة مجموعة في شنطة صغيرة لطوارء بـ 150 ريال تقريبا .
20-شنطة عدة مفكات وشحم وغيره.
21- كيبل اشتراك بـ 50 ريال امريكي .
واسف على الاطالة
مع اطيب تحية للجميع
جهام القصيم
15/04/2008, 01:48 PM
وعليكم السلام عليكم ورحمة الله وبركاته
الأغراض المطلوب توفرها داخل سيارة راعي الكشتة
1- خزان موية داخل السيارة
2- جهاز اتصال لا سلكي أيكوم 8000 أو على كيفك
3- جهاز قارمن 276 أو على كيفك
4- أغرض بنشر من مطور ورقع تيبلس
5- محول كهرباء من 12 فولت الى 220 فولت + لمبة مع السلك + شاحن جوال
6- واير + اشتراك
وفق الله الجميع لما يحب ويرضى
New hunter
15/04/2008, 02:10 PM
الساهر..... كفو والله على الرد السريع واللي يبرد الكبد
الف الف الف شكر والله يوفقك .....مشاء الله عليك
جهام القصيم
الف شكر على الرد الله يوفقك
المطلوب هي التجهيزات اللي مركبها وبكم مركبها.......
حتى الكل يستفيد ويصير مرجع للي يبي يحط تجهيزات يدخل هنا ويشوف وش يحتاج وكم بيكلفه
New hunter
15/04/2008, 02:12 PM
الساهر.... الا حنا اللي آسفين خذنا من وقتك
وخذ راحتك طول لان المواضيع اللي مثل كذا كل ما زاد التفصيل زادت الفايده
فيتامين
15/04/2008, 03:19 PM
1-تانكي ماء تحت الموتر بـ350 ريال .
2-جهاز اتصالات لاسلكي (آيكوم) بـ500 مستعمل .
3- قارمن بـ900ريال .
4- دربيل بحوالي 600 ريال .
5- جوال الثريا بـ 1800 ريال .
6-خرج ثابت خلف المرتبة الثاتية وفيه (واير سحب 50 - إشتراك 70- حامل للسلاح وزهبة - حبل 10 - شنطة اسعافات بسيطة جدا - طقم سيور مكينة 115- طقم رقع تيوبلس - محول كهرب ترنس مع لمبات أكثر من 400- فاس صغير - سكين وساطورة - عيار هوا 60 ...) .
7- عزبة القهوة تجميع مادري كم كلفت .
8- مدة (فرشة طولية) التكلفة إنت ومزاجك .
9- ماطور هوا بـ280 ريال
ملاحظة : أغلب هالحاجات قديمة عندي والأجهزة بعظهن مستعمل يعني أي إختلاف بالسعر لاتلومن .
New hunter
15/04/2008, 03:25 PM
بيض الله وجهك يا فيتامين
شغل مضبوووووووووووووووووووووووووووووووووووووووووو ط
وين باقي الكشاته
سندباد الخليج
15/04/2008, 03:27 PM
جهاز ايكوم 2100 - جهاز قارمن c176 اغراض البنشر - الواير

وكشاف يدوي ماركة برايت لايت قوي جداً وسلامتكم غير العزبه طبعاً
ضرماوي مووت
15/04/2008, 03:31 PM
ونش وصدام ناسي والله كم أسعارها
من زماان لها 5 سنوات
New hunter
15/04/2008, 03:43 PM
سندباد الخليج.... ضرماوي موت
الله يعطيكم الف عافيه
بدوي جنوبي
15/04/2008, 07:35 PM
عفريته عاديه
عفريته هيدروليكيه
سيور قديمه
فحمات قديمه
علبة فرامل قديمه
شنطتين عده
شنطة عده خفيفه وشنطه عده مفاتيح وحبوب مقاسات كبيره
خراطيش مويه متنوعه استنبتين + بواري وكشافات متنوعه
جلد بيبان متنوعه زيوت بجميع الانواع والشحوم
اوراق صنفره + معجون بديل للوجيه
اشتراك عادي وشاحن جوال + محول كهرب
جالوالين ماء مع الليات للفزعات :d
بواجي قديمه متنوعه مع اسلاكها
هذا اللي يحضرني

عموما حبيت اشارك
لن أمل من العطاء
15/04/2008, 07:48 PM
عفريته عاديه
عفريته هيدروليكيه
سيور قديمه
فحمات قديمه
علبة فرامل قديمه
شنطتين عده
شنطة عده خفيفه وشنطه عده مفاتيح وحبوب مقاسات كبيره
خراطيش مويه متنوعه استنبتين + بواري وكشافات متنوعه
جلد بيبان متنوعه زيوت بجميع الانواع والشحوم
اوراق صنفره + معجون بديل للوجيه
اشتراك عادي وشاحن جوال + محول كهرب
جالوالين ماء مع الليات للفزعات :d
بواجي قديمه متنوعه مع اسلاكها
هذا اللي يحضرني

عموما حبيت اشارك


مشكور اخوي بدوي جنوبي

ما شاء الله توجهاتك ميكانيكية

وهو الافضل



اخوك



لن امل العطاء
الساهر2003
15/04/2008, 09:04 PM
الف شكر لصاحب الموضوع وللجميع
بصراحة الموضوع ذو فائدة كبيرة جدا للمبتدء في التجهيز وكذلك لمن يريد اظافة مانقص من التجهيزات لدية والافادة تضخمة وكثرة منابعها ولله الحمد الله ثم صاحب هذا الموضوع كان كل مكشاتي مستمر على تجهيزاته .
مع اطيب تحية للجميع
شهوان
15/04/2008, 09:35 PM
عزبه وفرشه ومركى وجركل ماء حلو 50لتر للشرب والتغسيل جميع
واذن وقم صل :d :d :d
اذكروا الله علـــي انا وأغراضي ؟؟؟
New hunter
16/04/2008, 12:28 AM
مشاء الله عليك وعلى اغراضك يا شهوان
ومشاء الله على السباب اللي تفاعلو
ونبي الكل يشارك بالتجهيزات والاسعار اذا امكن
اما اذا زاد وحط صور يا سلام
يالله يا شباب نبي هالموضوع مرجع للعليمية اللي شرواي
فهد-بوعبدالله
16/04/2008, 12:43 AM
باقي عليك ياطويل العمر الأخويه الطيبين شروا الموجودين وتوكل على الله كل شي كامل والكامل وجه سبحانه
سعيد حظ
16/04/2008, 12:52 AM
اولا شكرا دبل على الموضوع الهادف ثانيا الاضافات بطارية ثانية من شريت الموتر وهي فيه .. ماطور هوا ب 190 ريال .. عزبتين وحدة للشاهي والقهوة و وحدة لأغراض الطبخ ما ادري كم التكلفة .. تلبيسة للمراتب +تلبيسة للأرضية .. كنود وقارمن غير ثابتين ... عفريته 3طن ب60 ريال ..جركلين ماء سعة 50 لتر ... فرشتين وثلاث مراكي - واحد تنبلي -:d .. اشتراك .. واير سحب .. فراش للنوم ب300ريال .. محول كهرباء 300واط ب250 ريال .. كشاف ب25ريال .. رقع تيوبلس مع عدتها ب14 ريال .. سيور وزيت فرامل وزيت دركسون وعدة مفكات .. هذا اللي اتذكره وبس..
F J
16/04/2008, 04:34 AM
والله الثابت مو واجد

ماغير تانكي تفصيل تكلفته حول 400 ريال

عدة البنشر تجميع

ماطور هوا وكالة

بطارية احتياط


والباقي اشياء متنقلة ما تنعد
ملك الأنسانية
16/04/2008, 07:52 AM
السلام عليكم ورحمة الله
ابشر بسعدك ،،، ولو ان المشاركة قد تكون متكرره
السياره لاند كروزر gxr موديل 2006 اسبير تحت
1) ونش سحب
2)ماطور هواء
3)لمباة غاز في الكبوت
4)بطارية ثانية
5)كشاف ماج لايت
6)توانك ماء اسفل السيارة
7)محول كهرباء من 12 فولت ل 220
8)سله اعلى السيارة +(مضلة جانبية )
عزيزي ما ذكرت اعلاه الأشياء المثبته فقط وأعتذر عن ذكر الأسعار لأن الذاكرة ظعيفه وبعظ الأشياء قديمه في السياره الأوله وتم نقلها للسياره الحالية ، وهناك اغراض اخرى كثيرة لاكن غير مثبته في السيارة، اذا تبي نذكرها ابشرررر
New hunter
16/04/2008, 12:24 PM
سعيدحظ اف جي......... نفاعل تشكرون عليه ومرور زاد الموضوع إثراء وجمال

ملك الإنسانية..... تسلم والف الف الف الف الف الف شكر واللي تبي تذكره اذكره الموضوع موضوعك
بس لو تعصر الذاكره وتجيب لنا بعض الاسعار؟؟؟ ترى ماهوب ضروري بكم شريته حتى لو تعرف سعره الحين اذكره لاني ادري ان اغلبية الاعضاء عندهم تجهيزات من عام السبله ههههههههه والله ان الانسان احياناً يتعلق بقطعه من الزنانه اما كشاف والا سكين والا والا وتلقاها تسوى الزنانه كلها عنده لو قيمة هالقطعة ريال
بس الحب الحب
وين باقي الكشاته؟؟؟؟؟؟؟؟؟؟؟؟؟؟
نبي تجهيزات سياراتكم وكم سعرها واللي بيتجمل زود ينزل صور
New hunter
16/04/2008, 12:26 PM
الله يفتح على قلوبكم ويرزقكم رزق حلال مبارك .... وكل من تفاعل معنا


تـــــــــــــــــــــــــــــفاعلو
سيف الظفير
16/04/2008, 02:11 PM
الله لايضركم ويرزقكم من واااسع فضله يارب العالمين
ابوعبدالله678
16/04/2008, 04:21 PM
باث فايندر 2003

دعامة صدام مع كامل عدتها
فرارات
ماطور هواء
كشاف
(يايات استراليه)
فرش خلفي
واير
عزبه كامله
New hunter
17/04/2008, 01:56 AM
sa1338
الله يلبسك العافيه
وين باقي الشباب
إعصار
17/04/2008, 05:40 PM
طبعا .. السيارة هايلكس دفرنسين 2007.



الأضافات :
- صدام أمامي حديد عدة بكامل اغراضه .. بـ 500ريال .
- تانكي ماء ستيل ثابت في الصنوق ورى الغمارة مباشر سعة 150 لتر .. بـ 1900ريال .
- ماطور هواء ابوجمل .. بـ250ريال .
- شد حديد أسود ..بـ 600ريال .
-كشاف أمريكي ..بـ50 ريال .
- لمبة كبوت بـ 30 ريال .
- واير سحب 5متر .. بـ30 ريال .
- تلبيسة مراتب من السماعيل بالغرابي ..بـ200ريال .
- تلبيسة بالستيك من محلات الزينة 140 ريال .


هذي الي أذكره ..
والله يطرح البركة ..
New hunter
19/04/2008, 10:34 AM
إعصار
بيض الله وجهك الله لا يضرك
تجهيزات تخلي الواحد يشتهي يطلع البر ههههههه
الووووحيد1990
28/04/2010, 02:32 AM
يالررررررررررربع ممكن صوووور انا معي جيب ربع سفااااري ودري منك طلب لو يكون بالصوووور لاني بضبط لي عزبه كامله بس ياليت بالصووووووووور والله لايهينكم يالربع
ABSS
28/04/2010, 11:32 AM
ياليت يكون فيه صور