تكفى يا شقردي

[جساس]

بعد السلام والتحية :
حبيت أستفسر عن جهاز قارمن جديد ،يقولون أنه لوكان عندك واحد ، وعند خويك إلي معاك
مثله ، أبينلك وينه على جهازك مهما بعد عنك ،،
هذا الكلام سمعته من رجال وما أدري واش العلم الأكيد ، تكفى كان عندك خبر رد بسرعة ،،
ولك فائق الشكر والتقدير .

[عبدالعزيز الدباسي]

هلا باخوي جساس ، ومساك الله بالخير

واشكر لك حسن ظنك بي ، لكن ترا فيه منهم افضل مني واعلم بإمور القارمن ،

وعن سؤالك يالطيب الحقيقة ما عندي علم بهالشى ولم احصل على معلومات حول هذا الموضوع ، لكن اللي أعرفه ان شركة قارمن تبي تنزل جهاز جديد ((وهو اللي اعتقد ان زميلك يتكلم عنه)) وهذا الجهاز فيه ميزة الاتصال باجهاز آخر ،

وهو عباره عن نظام GPS مضاف اليه نظام الاتصالات ،

لكن يعيب الجهاز بانه لا يستطيع محادثة كل اجهزة الاتصالات ، وايضا مدى الارسال ضعيف جداً (تقريباً 2 ميل)) فقط ، وهذه صورة للجهاز اللي سوف ينزل في الاسواق بعد شهرين تقريباً

http://www.garmin.com/graphics/rinoPICBig.jpg

هذا اللي اعرفه والله أعلم

[السمح]

السلام عليكم ورحمة الله وبركاته :
اسمحوا لي ياجماعة اشترك معكم في هذا النقاش !
الأخ جساس اللي قال لك صحيح ولكن فيه بعض المبالغة ، دعني أوضح أكثر :
الجهازين اللي تشوف صورتهم في رد العزيز شقردي (أصفر وأسود) هما أحد منتجات جارمن التي يتوقع نزولها في يونيو 2002م ، واسم المنتج Rino ، الأصفر Rino 110 بينما الأسود Rino 120 ... وبواسطة هذا الجهاز تستطيع أن تكلم رفيقك إذا كان معه نفس الجهاز ، وتحدد موقعه بحيث يظهر على الشاشة وهناك سهم يشير إلى اتجاهة وكم يبعد عنك ، ولكن المسافة ليست مطلقة كما قال صاحبك ، فـ Rino 110 المسافة فقط ميلان اثنان ، بينما في Rino 120 تصل المسافة إلى 5 أميال .. والذي يبدو لي إن شركة جارمن ستعمل في المستقبل على تطوير هذا الجهاز بحيث تكون المسافة أكثر ... لزيادة المعلومات عن هذا الجهاز اضغط هنا (http://www.garmin.com/products/rino/)

أرجو أن أكون قد أضفت جديداً لهذا الموضوع ..

تقبل تحياتي ..

[راعي عنيزة]

اتوقع ذا الجهاز بينشر جدا بين الحريم ;)

كل وحده شاكه ان رجله يلعب بذيله بتشتري جهازين جهاز تدعسه بموتر الزوج وجهاز تخليه معاها بالبيت
وتتابع تحركاتك خطوه خطوه ولو حصل ولعبت بذيلك او رحت مكان ما سبق واستاذنت انك تروح له على طول بتدق على اخوانها وتعطيهم احداثياتك ويمردسونك ويدبغون الطيب من اهلك ويجيبونك للمدام مربط ;)

لذلك لازم نطالب بمنع الجهاز وعدم دخوله :)

[السمح]

:D :D :D :D

عاش من شاف كلماتك .... ياالشري :p :p ياللي تنبه الغافلات عن كل شي ضد الرجيل المسكين .. ياويلك من الله .. أجل يجيبونك مربط ...:D :D :D :D

[جساس]

مشكور يا أخوي شقردي ويالسمح ولا يهونون الجماعة ، على هالكلام الطيب ، وألف ألف شكر .