الفزعة تكفون صوت مجنني في (((الدفرنس)))

[مشعل666]

السلام عليكم


اخواني الكرام





عندي فورد اكسبلورر 2002 وفيه صوت حنة في الدفرنس مجنني اول كان على خفيف والحين زاد مرة
فيه احد مرت عليه المشكلة ؟؟ وين تصلح في الرياض او اي مكان في المملكة


مع العلم اني رحت لاغلب ورشة الصناعيات في الرياض لاحظت ان ما فيه احد قادر يحدد المشكلة وين الي يقول كارونة والي يقول رمان ((( رمان عكس ))) واذا قلت للي واثق من نفسه صلحها قال ما فيه ضمان !!! ممكن يرجع الصوت بعد فترة !!!
افيدوني الله يجزاكم خير بالحل اشتري دفرنس اصلح اوضب وش الحل



واذا تركته هل فيه ضرر اسافر اروح اجي على السيارة ؟؟


الله يجزاكم خير

[بدوي جنوبي]

عليكم السلام

هلا مشعل

يا ليتك حددت الصوت

متي يبدأ ظهور الصوت مع اي سرعه ومتي ينتهي

وهل الصوت يستمر او ينقطع بعد سرعه معينه

هل يوجد صوت اثناء المنعطفات

هل يوجد صوت اثناء الرجوع للخلف

تحياتي

[مشعل666]

اشكر اهتمامك اخوي

الصوت صوت حنه مستمرة ما ينقطع مستمر تقريباً من سرعة 40 لاينتهي
مع المنعطفات يتحول الصوت مع العلم باني غيرت الفلنجات الامامية
لكن الصوت في الخلف
الرجوع للخلف مادري عنه ما جربت

[noone]

تحياتي مشعل ..
بالنسبة للصوت لا تخاف اذا انه ما هو عالي يعني مجرد حنة تقدر تسافر وين ما تبي لكن فيه نقطة مهمة شيك على زيت الدفرنس .. وسمعت انه لو حطيت قدر بسيط من الشحم يخفف لك الحنة ... ومن تجربتي الطويلة مع الامريكي ما فيه دفرنس خص من ال2000 وتحت الا يحن ولو حنة خفيفة ...

[لن أمل من العطاء]

اشكر اهتمامك اخوي

الصوت صوت حنه مستمرة ما ينقطع مستمر تقريباً من سرعة 40 لاينتهي
مع المنعطفات يتحول الصوت مع العلم باني غيرت الفلنجات الامامية
لكن الصوت في الخلف
الرجوع للخلف مادري عنه ما جربت


الصوت في الدفرنس الامامي او الخلفي

لان احد اخواني معاه اكسبلورر 2005 جديد من الجزيزة وعليه ضمان 5 سنوات بدون تحديد الكيلو متر وباع السيارة قبل يومين بالضبط بسبب الدفرنس الخلفي
مجننه على الاخر
طلعه له مشكله في الجيربوكس وتم الاصلاح بقيمة 11 الف ريال على ضمان الوكالة وبعدها اهمل اخي الصيانه حتى فقد 4سنوات ونصف من الضمان
قبل سنة طلع له صوت في الدفرنس الخلفي حنه والكرونه تتحرك من مكانها عند التعشيق في D وبداية الحركه
وجدنا ثلاثة مسامير تثبت الكرونه اثنين منها مكسوره اضطرينا الى تنزيل الكرونه كامله مع العكوس والفلنجات
قيمة المسمار الواحد 7 ريالات فقط ولكن التركيب بقيمة 1200 ريال
بعدها بدأت المشكله الحقيقية وهي المسمار الرئيسي اللي يمسك الفلنجه كل مشوار لازم ينحل يصير الكف الخلفي يرج رجه شديده جاولنا بكل الوسائل وغيرنا رمان بلي للفرلنجه وغيرنا فلنجه تشليح وغيرنا فلنجه وكالة ركبنا صامولتين للمسمار حق الفلنجه ولا فيه فايده
اخيرا باع السيارة

وبكن للامانه السيارة يبغالها عناية واخوي الله يهديه ما يسوي صيانه ولا هو معترف بها وهذه التهاية ولو كان الضمان موجود كان تنحل المشكله بالوكالة ولكن الله شاء

اشترى السيارة جديده بـ86 الف وباعها بـ 40 الف بخسارة نصف السعر


انا ادري ان ما كتبت زادك هم وغم بالمشكله ولكن لتكون على علم




اخوك


لن امل من العطاء

[مشعل666]

الله يجزاكم خير على الردود

بنسبة للصوت الدفرنس الخلفي وعالي مرة مع المشي

طيب وش الحل دفرنس جديد ؟؟

[الذكرى الحلوه]

الكارونه اذ سيارتك استعمال امريكي خصوصاً الدفرانس فيه كلتشات مشبوك دف لك يعني
والسبب من سحب المقطورات

[.أبوعبدالرحمن]

اتوقع كارونه وهذا طبيعي في الفوردات


شيك عليها قبل ان يستفحل عليك الخراب

[بدوي جنوبي]

الكارونه اذ سيارتك استعمال امريكي خصوصاً الدفرانس فيه كلتشات مشبوك دف لك يعني
والسبب من سحب المقطورات


كلام سليم :good: ما شاء الله عليك

ممكن يكون فيه كلتشات داخليه حتي ولو كان الدفرنس غير مزود بدفلك

غير كارونه من التشليح وخذ عليها ضمان وان شاء الله تضبط معك

بس قبل تشتري شف لك ميكانيكي يأكد لك العطل

موفق خير

[مشعل666]

الله يجزاكم الجنة

[سفاري]

اخي مشعل
انا مثلك معاي جيب ميركوري مونتنير طلع لي الصوت في الدفرنس الامامي والله يعين عليه وصراحه هذا الخراب وضح لي انه ما عندنا ميكانيكيين صح والله كلهم يتعلمون علينا

وانا الى الان ما صلحت الصوت ولا راح اصلحه السياره ماشيه معي تمام وادري اني بخسر عليها الآف ثم يا يرجع الصوت او تبيعها بخساره انا ابي ابيعها بخرابها اوفر لي واحسن من وجع الراس

وياليت تفيدنا وش يصير معاك

للمعلوميه انا غيرت كفرات وخف الصوت معاي بنسبه كبيره لكنه ما زال موجود

[متحمس]

اانا معي مونتيتير2002 نفس اللي معك وكان عندي صوت وخف كنت شايل الجنزير حق الدبل ةزاد الصوت بس بسالك الدبل له زرار ولا قير ولا مشبوك على طول جاوبني وافيدك

[لن أمل من العطاء]

بشرونا يا اصحاب الجيوب الفورد


اش صار معاكم

[مشعل666]

السلام عليكم ورحمة الله وبركاته


اخواني الكرام افيدكم بنتهاء المشكلة ولله الحمد

تم اصلاح السيارة بعمل التالي

رمان الفلنجة الخلفية الكفر الايمن شبه مجيم وغيرنا معه الرمان الايسر احتياط واختفى الصوت نهائياً

الرمان من توكيلات الجزيرة اصلي عدد 2 = 518 ريال بعد الخصم

اخواني الله يعطيكم العافية على الردود والاجتهادات

ملاحظة / اغلب الورش التي قمت بزيارته 90% يقول كارونة والحمد لله على كل شي

تحياتي القلبية لكم

[مشعل666]

اخي مشعل




انا مثلك معاي جيب ميركوري مونتنير طلع لي الصوت في الدفرنس الامامي والله يعين عليه وصراحه هذا الخراب وضح لي انه ما عندنا ميكانيكيين صح والله كلهم يتعلمون علينا



وانا الى الان ما صلحت الصوت ولا راح اصلحه السياره ماشيه معي تمام وادري اني بخسر عليها الآف ثم يا يرجع الصوت او تبيعها بخساره انا ابي ابيعها بخرابها اوفر لي واحسن من وجع الراس




وياليت تفيدنا وش يصير معاك




للمعلوميه انا غيرت كفرات وخف الصوت معاي بنسبه كبيره لكنه ما زال موجود







تاكد من الفلنجات الامامية ارفع الكفرات ولف الفلنجه بيدكم شوف في صوت ولا حركها شوف فيها فضواها ولا صوت طقه
لاني قد غيرت الفلنجة الامامية قبل فترة



تحياتي لك