مركب بالون وعندي رجه وأبي منكم الحل يا أهل الباترول

[باترول للأبد]

السلام عليكم ورحمة الله وبركاته

الله يصبحكم & يمسيكم بالرضا والنور أخواني رواد منتديات مكشات

عندي باترول 2003 مركب عليه بالون ومرصصه وذابحتني الرجه وودي بحل

وناس قالوا لي ركب جمبين أسترالي أصفر وتروح الرجه وهذي مجربها واحد والحين مرتاح

وناس قالوا لي ركب مساعد دركسون أصفر وتروح الرجه

وصراحه أحترت والحين ابي رأيكم وش اللي يوخر الرجه الجنبين أو المساعد أو الأثنين

وماقصرتوا وبيض الله وجهكم مقدما

[رعد الجنوب]

السلام عليكم

هلا بك اخوي عن تجربة طويلة انصحك ان تغير الكفرات ,كفرات البالون ممتازة للصحراء وخاصة الاراضي الوعرة ولكن داخل المدن وعلى الاسفلت لاانصحك بها بسبب صعوبة الوزن والترصيص
وكذلك خطورتها في الامطار بسبب انزلاقها .

تحيتي وسلامي

[سفاري نجد]

شيك على الرمان بلي الامامي يبغى لها شد وشيك على ربلات الاذرعه ،،،

الرمان بلي تشييكه هي : ارفع الكفرات الاماميه وامسك الكفر من تحت وفوق وشيك عليه( هز خفيف ) فيه فضاوه والا لا ،،، إذا فيها رجه من الرمان ،،، يبغى لها شد

انا كان عندي رجه خفيفه ورحت اشيك على الترصيص عند بقشان شيك على الكفرات كليها سليمه من ناحية الترصيص وشيك على الطريقه اللي قلت لك عنها مسك الكفر تحت وفوق وصار فيه فضاوه ونصحني بشدها ،،،
وشديتها ب50 ريال

اتمنى تكون الطريقه واضحه ،،،

أخوك

[باترول للأبد]

الله يعطيكم العافيه أخواني رعد الجنوب و سفاري نجد وأن شاء الله بسوي اللي قلتو لي

[ناوي نيه]

ترصيص ارضي

[ابوحماد]

انصحك ان تغير الكفرات

[االديحاني]

غير التواير

[escape_man]

اذا الرجة مو مستمرة وعلى سرعات مختلفة فغير ماعد الدركسون مثل ماقالو الاخوان

تلاقيه عند الرماية

[ابوفهيدان]

شل الكفرات الامامية وحطها مكان الخلفية واحتمال تروح انا جربتها بس مهوب علي سفاري علي وانيت
منت خسران جرب

[راعي طويلات]

وعليكم السلام
أخوي فيه قدامك حلول كثيره منها
1_أنك تدبل مساعد الدركسون وهذي مجربه وبتجيب نتيجه بإذن الله
2_ تركب فرارات عشان تفصل عمود الدبل
3_ تركب كفرات غير البالون لانها ماتناسب في الديره وتستهلك بسرعه بينما في الرمل هي دواء
4_تسوي للموتر ميزان أرضي ويسون لك ترصيص داخلي
وعموما لاتشيل هم من الطبيعي أنك اذا ركبت كفرات بالون بيرج معك الموتر وأسهل حل والي معه بتروح الرجه تدبيل مساعد الدركسون

[باترول للأبد]

الله يعطيكم العافيه أخواني وماقصرتوا على أرائكم الطيبه

وعلى سالفة أني أشيل البالون هالشي مستحيل وأنا دامني ركبته راح أتحملهم والسبب رزتهم

وانا سويت ترصيص وقلبت التواير وكل شي ولافي فايده أبدا

وأنا قلت يمكن القى حل يفيدني عشان اخلي البالون وأنا مرتاح لاكن لاجدوى

وبيض الله وجهكم

[NissaN 1990]

الحل عندي وأنا أخوك أول شي إذا البالون اللي أنت مركبه صيني لازم تغيره وتحط دنلوب إندنوسي أو ماكسس وصناعته تايوان وكلها عليها ضمان سنه
وإذا أنت مركب بالون صناعه ممتازه غير الصيني ما عليك سوا أنك تبدل مساعد الدركسون وتحط واحد نوعه جبريل أبيض مع حق الوكاله اللي موجود فيه الآن وبس أنا مسويها وكفرات سيارتي عمرها الآن سنه ونص وإلى الآن ما رجت مع العلم بأنها متمسحه مره منتهيه فلاكن مع مساعد الدركسون الإضافي ما فيه رجه لو تاخذ الكفرات خمس سنوات ،،،، الفكره مجربه ومضمونه 100%
وإذا ما سويت اللي قلتلك لو ترصص الكفرات عند البناشر اللي بالمملكه كلهم ما راح يفيدونك بش غير تركيب مساعد دركسون إضافي
وإذا أنت من سكان الرياض برسلك على واحد ياخذ عليك مع التركيب والترهيم وقيمة المساعد 250 ريال ،،، وعليه ضمان بعد ،،
وآسف على الإطاله

[ارحبو]

حياك الله ياباترول للأبد حتى مع وجود الرجه الله يفكك منها

اذا كانت الرجه مع وجود حفرة اومطب من سرعة 60 الى 120فسببها هو وجد خلوص (فضاوة) في رمانات الركبه وشدها سهل ماعليك سوى رفع السيارة وفك الكفرات الأمامية ثم البدء في الركبه اليمنى او اليسرى بفك اربعة مسامير لكل رمان في الاعلى والمقابل له في الاسفل وتوجد شرائح وزنيه تقوم بسحب واحده اواثنتين ثم تعيد تركيبه وتنسى الرجه وتدعي لي .

اخوك ارحبو

[4800VTC]

الاخ/ باترول للابد
الملاحظ علبك انه اصابك حاله من اليأس كان معي نفس المشكله في الفتك وسويت(ترصيص ارضي ) لان الترصيص العادي ما ينفع مع البيلون:no2:
وانصيحه اللي قدمها الاخ/نيسان 1990
مفيده وقد جربت وثبت صحتها اتمنى اني افيدك وحاظرين للطيبين
4800VTC

[shababi]

الحل عندي وأنا أخوك أول شي إذا البالون اللي أنت مركبه صيني لازم تغيره وتحط دنلوب إندنوسي أو ماكسس وصناعته تايوان وكلها عليها ضمان سنه
وإذا أنت مركب بالون صناعه ممتازه غير الصيني ما عليك سوا أنك تبدل مساعد الدركسون وتحط واحد نوعه جبريل أبيض مع حق الوكاله اللي موجود فيه الآن وبس أنا مسويها وكفرات سيارتي عمرها الآن سنه ونص وإلى الآن ما رجت مع العلم بأنها متمسحه مره منتهيه فلاكن مع مساعد الدركسون الإضافي ما فيه رجه لو تاخذ الكفرات خمس سنوات ،،،، الفكره مجربه ومضمونه 100%
وإذا ما سويت اللي قلتلك لو ترصص الكفرات عند البناشر اللي بالمملكه كلهم ما راح يفيدونك بش غير تركيب مساعد دركسون إضافي
وإذا أنت من سكان الرياض برسلك على واحد ياخذ عليك مع التركيب والترهيم وقيمة المساعد 250 ريال ،،، وعليه ضمان بعد ،،
وآسف على الإطاله


هلا اخوي

ممكن تشرح لي كيف طريقة تدبيل المساعد .. يلحم على نفس العمود الي مركب عليه المساعد الاصلي!!

واذا تدلني على الورشة مع اني في الشرقية بس ممكن اجي الرياض لان رجة الموتر هبلت بي .. غيرنا التواير رصصنا ركبت مساعد اصفر اكثر من مرة وخرب ركبت فرارات لكن الرجة حالفة ما تتركني :mad:

والله يعطيك العافية :)

[shababi]

........................................ز

[باترول للأبد]

الحل عندي وأنا أخوك أول شي إذا البالون اللي أنت مركبه صيني لازم تغيره وتحط دنلوب إندنوسي أو ماكسس وصناعته تايوان وكلها عليها ضمان سنه
وإذا أنت مركب بالون صناعه ممتازه غير الصيني ما عليك سوا أنك تبدل مساعد الدركسون وتحط واحد نوعه جبريل أبيض مع حق الوكاله اللي موجود فيه الآن وبس أنا مسويها وكفرات سيارتي عمرها الآن سنه ونص وإلى الآن ما رجت مع العلم بأنها متمسحه مره منتهيه فلاكن مع مساعد الدركسون الإضافي ما فيه رجه لو تاخذ الكفرات خمس سنوات ،،،، الفكره مجربه ومضمونه 100%
وإذا ما سويت اللي قلتلك لو ترصص الكفرات عند البناشر اللي بالمملكه كلهم ما راح يفيدونك بش غير تركيب مساعد دركسون إضافي
وإذا أنت من سكان الرياض برسلك على واحد ياخذ عليك مع التركيب والترهيم وقيمة المساعد 250 ريال ،،، وعليه ضمان بعد ،،
وآسف على الإطاله
ياهلابك أخوي NissaN 1990 وحياك الله وماقصرت يالغالي

وأنا البالون اللي مركبهم ماكسس ومشكلة الرجه كانة عندي من قبل على اليوكن والحين في الباترول

وصراحه رايك على العين والرأس بخصوص المساعد وودي أركبه لاكني مو من الرياض من الأحساء

والسعر والله حلو لاكن أنت عطني أسم وموقع المحل أو رقم جوالك عشان لابغيت أجي أعطيك خبر وترتبني

والله لايحرمنا منك يالغالي

[باترول للأبد]

الله يعطيكم العافيه أخواني ارحبو و 4800vtc وماقصرتو على أرائكم االطيبه

[باترول للأبد]

أخوي shababi مسوح على مداخلتك وأنا أدري أنك تبي تلقى حل لأن مشكلتك نفس مشكلتي

[3bdul3ziz]

ان شاء الله تلقى حل لمشكلة الرجة في الباترول

اعرف الكثير يعاني منها

[باترول للأبد]

الله يجزاك خير يا أخوي وأن شاء الله القى حل كافي ووافي

[NissaN 1990]

حياكم الله أخواني شبابي و باترول للأبد بالنسبه للمساعد هو يركب على الذراع الأمامي ويصير الأثنين بنفس الإتجاه وشغل نظيف ولا فيه رجه أبداً فلاكن أسألو عندكم في المنطقة الشرقية يمكن تحصلون واحد يزينها لكم وبنفس الجوده من غير تجون للرياض وتقطعون هذي المسافه وإذا أنتم مصرين على الجيه أبشرو أرسلكم رقم جوالي و أتصلو علي و أنا أوصف لكم الورشه على طول أبشرو بالخير ،،،،
ملاحظه : أنا كاتب في المشاركه الأولى أنك تبدل وهي العكس تدبل ( يعني تضيف مساعد آخر ويصير مساعدين أثنين ) ياليت أتضحت لكم الصوره وأنا بحاول أصوره بكره إنشاء الله وأنزل لكم صوره للشغل إنشاء الله ،،،،،
وآسف على الإطاله وعلى الغلط المطبعي،،

[محسن اليامي]

وعليكم السلام ورحمة الله وبركاته

ان شاءالله تلقى الحل أخوي الغالي باترول للأبد :)

[aljthab]

اخي الكريم
الرجة هذي الي تقول عليها عيب البالون دايما وتتضح اكثر كل ما صار موديل السيارة اقدم
اول الحلول تجنبا للخساير يمكن العيب يكون في كفراتك نوعيتها شوف لك احد الاصدقاء الي معة بالون
واستعير كفراتة وجرب
اذا ماراح شيك على رمان والكفرات
اذا كانت الرجة عند سرعة معينة
شيك على جميع ما قال انا رباط وجلب وجلد خاصة بالتعليق الامامي لسيارة
اذا الرجة فوق80-100 وتجي مع المطبات فقط شيك على مساعد الطارة
والاهم من هذا كلة الترصيص يفضل الترصيص الارضي

وان شاء الله تزول مشكلتك وتكمل فرحتك
تحياتي يا غالي

[NissaN 1990]

أخوي شبابي هذي الصور للتوضيح وهي لك وللي ما يعرف طريقة إضافة مساعد الدركسون أتمنا أنها تكون واضحه وأعذرونا على ردائتها وعلى التأخير ،،،



الصوره الأولى :
تثبيت المساعد الجديد بجوار القديم



http://www.mekshat.com/pix/upload02/images67/mk61773_14051984.jpg


الصوره الثانيه :
نفس الصوره الأولى ولكن للتوضيح أزود

http://www.mekshat.com/pix/upload02/images67/mk61773_514256.jpg

الصوره الثالثه :
الكفر مثل ما قلتلكم أنه منتهي ( متمسح )

http://www.mekshat.com/pix/upload02/images67/mk61773_5214452.jpg

الصوره الرابعه :
وهذي صوره للكفر الثاني للتوضيح بعد ،،،

http://www.mekshat.com/pix/upload02/images67/mk61773_5521252.jpg

الصوره الخامسه :
توضح كيفية تثبيت المساعد الجديد بالذراع ،،،

http://www.mekshat.com/pix/upload02/images67/mk61773_5541222.jpg


الصوره السادسه :
المساعد الجديد وهو مثبت بالذراع وبالشاص ،،

http://www.mekshat.com/pix/upload02/images67/mk61773_8854749.jpg

الصوره السابعه :
لو تلاحظون المساعد الأساسي حق الوكاله كيف متكسر منتهي ما غيرته ولا كان يبي يضبط زياده بعد ،،،

http://www.mekshat.com/pix/upload02/images67/mk61773_22514552.jpg

الصوره الثامنه :
وهذي الصوره توضح المساعد الجديد و القديم ولو تلاحظون كيف المساعد القديم منتهي ،،،،

http://www.mekshat.com/pix/upload02/images67/mk61773_55215425.jpg

[مراسل وراط]

اخوي عندي جمس ويوم ركبت كفرات بالون قام يرج اوديه للميزان العظيب والمجد كلهم يقولون غير الكفررات ورحت لواحد في الصناعية القديمة قلتلة رهم لي مساعد دركسون وحطلي حق جبريل الابيض ورهم لي واصلا الجمس مايجيلة بس دبره لي ورهمة والحين الموتر معي ممتاز ماشاء الله لارجه ولا شي

[الفتكي]

السلام عليكم
شوف اخوي باترول للأبد انا مثلك إذا وصلت سرعة الموتر من 80 الى 90 تجي الرجة وركبة مساعد استرالي اصفر للدركسون بدل شد البلد ولكن دون فائده واخيرا ذهبت الى ورشة الهبيش في بريده شرق دوار خضيراء وصلحه وكلف 250 ريال ولم اجد أي رجه وارتحت ولله الحمد