نصيحة لا تغسل بستم أبد ,,,

[قرم العرض]

السلام عليكم أخواني أعضاء مكشات
ــــــــــــــــــــــــــــــــ
السالفة وما فيها إني غسلة موتري بستم وصار يطلع منه أصوات صرصرة يعني كنه باب بيت طين قديم يتسكر بشويش (زززززز)
ولا أدري كيف تروح سببت لي قلق سمعت إن فيه بخاخات ترشه على الجلب ويروح الصوت بس أنا مدري وين الجلب ولا وشو البخاخ علما ً أن السيارة ددسن دفرنسين
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ
..... قرم العرض ....

[ناوي نيه]

انشهد حتى انا تدري ليش بلانا غسلنا ديزل
والصوت الي يطلع من السست

[بواسامه]

طبيعي يومين ويعود الموتر بدون صرصره
ولا ترش شي واحفظ قرشك
والصوت من السست فقط لانها زال اللي بينه
وتبي اضبط واضبط سقط لستك بين كل سسته
لانها صارت لي قبلك

[راعي المقانيص]

اقترح عليك ياغالي اذا غيرت زيت موترك وحطيته على حفرة الزيت ان تزيت السست مع ان تزيتها صعب لكن حاول بقدر الاماكن والله يعينك

[abo_abdalah]

مرحبا اخوي قرم العرض

اخوي انا كان معي ددسن 2004 والحين معي ددسن 2006 (يعني خبره) الصوت اللي يطلع هذا اللي من السست طبيعي جدا واذا انه مزعجك مرره رووح لمغسله بستم (دورلك مغسله من اللي يرفعون السياره من الشاصي علشان يصير فيه مسافه بين السست ) وشحم السست من شحم المغسله بس اذا انك دايم بالبر انا ما انصحك تسوي هالطريقه وعندك طريقه ثانيه اللي هي مثل ما قالك اخوي ابو اسامه حط لستك بين كل سسته والثانيه (وهذي اللي انا مسويها ) وانسى الصووت خلاص ماعاد يطلع مع العلم اني مسويها صارلي فوق السنه والى الحين ماسمعت لها صوت

اتمنى اني افدتك

[لن أمل من العطاء]

فيه بخاخ تجده في ساكو او تجده في محلات بويه السيارات

اسمه اندركوت

يزيل هذه الاصوات تماما وافضل من التزييت والتشحيم ويعمل طبقة على السيارة تحميها من الصدأ



لن امل من العطاء

[قرم العرض]

أشكركم كل الشكر والظاهر إني بجرب طريقة اللستك وأحطها بين السست وأريح بالي من هالصرصرة

[بن عمار]

لاعاد تتعودها

تحياتي

[ناوي نيه]

انا رحت محل تربيط وفك السست وتيبها بتيب اسود وركبها
بس الحين الصوت صار يطلع من المسامير الي ماسكه السست

[هب هب]

الحمد لله ما أذكر أني غسلة سيارة بستم وعلى ماأضن أنه صوت جلب السست