عاجل جدًا لأصحاب اليوكن والتاهو الجديد

[راعي المقانيص]

اخواني الافاضل اعضاء مكشات

السلام عليكم ورحمة الله وبركاته

حبيت اسئلكم واستشيركم لان من استشار ماخاب

سؤالي عن اليوكن والتاهو الجديد الدفرنسين 4×4 موديلات 2007 و 2008 لان عندي نيه ان شاء الله اشتري واحد ومتردد

هل هو عملي ويبيض الوجه في طلعات البر ؟ ؟ ؟

هل يقطع النفود ( الرمل ) ولا فيه اي مشاكل في الدبل مثلا اذا احتمى يفصل والا يفوت كهرب وعلى قولت الشياب الاولين ( الموتر يمرجلك تطلع عليه والا لا ) ؟ ؟ ؟

ارجو منكم الفزعه لاخوكم الصغير ولكم فائق الاحترام والتقدير

[Mohammad]

الامريكى بشكل عام لا يعتمد عليه فى رحلات البر البعيده الا مع وجود احطياتات خاصه وخصوصا الموديلات الجديده والاتوماتك!
هىسيارات مريحه وقويه وسعرها مناسب ولكن ثقيله وتتفكك اسرع من اليابانى او بشكل ادق تويوتا

والله اعلم

[احب البرواهله]

أنا معي تاهو يعاب عليه نزول وجه وركبت عليه ونش ونزل زود ويحك بالطرق الترابيه بالبر وفكيت اللحيه وما زالت المشكلة مستمره وركبت دعامه نازله لحماية الصدام ولتلقي الظربات بدلا من الصدام .
وجربته بالرمل بالدهنا أكثر من مره نشيط ومافيه مشاكل بالدبل ومريح بسسسسسسسسسسس أحس أنه حساس !! وتسمع صوت مكينته تهدر بالرمل وثقيل وزنه وعلشان كذا أخاف منه وما أشد عليه و لايمكن أعامله مثل موتري الأول ن لأن كان معي قبله سفاري فتك بس من وجهة نظري أفضل من الباترول في نواحي أخرى غير البر

[سيف الظفير]

نصيحة ابتعد عنه


فيه مشاكل في القير الى الان لم تحـــل والدليل العيسى لو تبي تسوى صيانة الف كيلو


لازم تاخذ موعد من كثر السيارات الموجودة والعطلانة بسبب القير الخايس


والسيارة قوية وعزم جبار مقارنة بغيرها

ومميزة على الطرق السريعه وتعتبر من افضـل السيارات للطرق الطويلة على مر الزمن ولا يوجد من ينافسها


ولكن في البر

الجيــــــــــــــــب



واذا تبي تستمتع بالبــــــــر والنفووووود والمقنــاص



خذ لك جيب عطي الله

باترول او لاندكروزر




وكلامي لك من واااااقع تجربة يا الذيب


وسيارتي جمـــس فل كااااامل نافجيشن

2500 موديل 2006 // 8100





اخوك / سيف الظفير

[لن أمل من العطاء]

8100

مهضوم حقه

[راعي المقانيص]

بيض الله وجيهكم ورحم الله والديكم وجعلها الله في موازين حسناتكم

لكم كل الشكر والتقدير على تشريفكم لموضوعي وابداء ارائكم

[راعي المقانيص]

8100

مهضوم حقه

بعد أذنك ياغالي

مافهمت ردك ! ! !

هل الامريكي قصدك انه مهضوم حقه ؟ ؟ ؟

[نمر بن حثلين]

2007 قرأت في النت لاكثر من واحد يقولون وهم يمشون انفرط عليهم القير

بس مدري صلحوا هذا العيب ب 2008 ولا لا

[مساير الليل]

أخي الغالي إذا كنت راعي بر وتكسير وكل نهاية أسبوع في البر ماتوقع أنه بيمرجلك


يمكن أول سنه لكن تالي ماتوقع


خذ لك باترول أو لاندكروزر


والله يسهل عليك ويدلك على الخير

[أبو الحارث 4]

أخي اليوكن 2007 مع أحد معارفي وكان يقول إن هناك تحذيرا يشير للدفع الرباعي بصيانته، وهناك شخص آخر كان عنده يوكن دبل باعه واشترى يوكن بلا دبل. فاستشر أهل الخبرة ومن كان عنده مثل هذه السيارات

[alsandbad]

التجربة مع واحد فاهم

الاندكروزر حق بر وخاصة الهدد وكل مكان وزن السيارة ثقيل كانت اثقل في البر عموم الفكس ار ممتاز والقير فيه قوي بس صارت اسعارة نااااااااار وهي جافه يعني ماحقت بر وجو (زفلت)

الامريكي فخم ومريح بس يعاب اعطاله

فيه التاهو(زد سفنتي ون Z71) وهذا النوع ممتاز ومخصص للبر بدل يدوي واتومتك والموتر مريح وتحس انه قوي في البر وفخم وانا جربته ومرتاح معه

واذا انت حق بر من اول ماتشوف الموتر راح تقتنع بكلامي

عند الوكالة تجربة قيادة اذا جاك فرصة جربها
بالتوفيق

[راعي المقانيص]

رحم الله والديكم وبيض الله وجيهم وماقصرتوا ياجماعة اسئل المولى عز وجل بان يديم عليكم ثوب الصحة والعافية

[راعي المقانيص]

التجربة مع واحد فاهم

الاندكروزر حق بر وخاصة الهدد وكل مكان وزن السيارة ثقيل كانت اثقل في البر عموم الفكس ار ممتاز والقير فيه قوي بس صارت اسعارة نااااااااار وهي جافه يعني ماحقت بر وجو (زفلت)

الامريكي فخم ومريح بس يعاب اعطاله

فيه التاهو(زد سفنتي ون Z71) وهذا النوع ممتاز ومخصص للبر بدل يدوي واتومتك والموتر مريح وتحس انه قوي في البر وفخم وانا جربته ومرتاح معه

واذا انت حق بر من اول ماتشوف الموتر راح تقتنع بكلامي

عند الوكالة تجربة قيادة اذا جاك فرصة جربها
بالتوفيق


اخوي الغالي

لك كل الشكر والتقدير على الاضافة وبيض الله وجهك انت والاخوان وماقصرتوا

لكن بعد اذنك حبيب قلبي

وش فرق Z71 عن LT وكم لك وانت مجرب الموتر ؟ ؟ ؟

وانا راعي بر ومغازيي بعيده هل تشوف انه مناسب لي يالغالي والا لا ؟

[Magellan]

صراحة أضحك من بعض الردود الغير منطقية
بعضهم يقول عشانه أمريكي ، وبعضهم ينفرط القير،
لكن دليل شعبية السيارة دليل تواجدها في الشوارع وانت احكم بنفسك...
لكن عندي وجهة نظر هو أن الباترول أفضل في النفد، أما اللاندكروزر فهو شيخ بكل الأحوال
أما اليوكن فأنا أنصحك تقوم بتجربته على الطرق السريعة واحكم بنفسك

[alsandbad]

اخوي الغالي

لك كل الشكر والتقدير على الاضافة وبيض الله وجهك انت والاخوان وماقصرتوا

لكن بعد اذنك حبيب قلبي

وش فرق Z71 عن LT وكم لك وانت مجرب الموتر ؟ ؟ ؟

وانا راعي بر ومغازيي بعيده هل تشوف انه مناسب لي يالغالي والا لا ؟

http://www.ameinfo.com/images/news/7/41187-chevrolet.jpg

http://www.autospectator.com/cars/files/images/X08CT_TA020.jpg

هذى صور للتاهو Z71
طبعا تصميم المقدمة يختلف عن Ls كذلك فيه كامل المواصفات مثل النقيشن والفتحه والجلد ودي في دي
والاهم ان القير تستخدمه يدوي واتوماتك وقوة الدفع اعلى مقاس الجنوط اكبر 18 ونوع اكثر صلابه
البودي الخارجي فيه رفارف تعطي فخامة وجمال اكثر

[احب البرواهله]

نصيحة ابتعد عنه




فيه مشاكل في القير الى الان لم تحـــل والدليل العيسى لو تبي تسوى صيانة الف كيلو


لازم تاخذ موعد من كثر السيارات الموجودة والعطلانة بسبب القير الخايس


والسيارة قوية وعزم جبار مقارنة بغيرها


ومميزة على الطرق السريعه وتعتبر من افضـل السيارات للطرق الطويلة على مر الزمن ولا يوجد من ينافسها



ولكن في البر


الجيــــــــــــــــب



واذا تبي تستمتع بالبــــــــر والنفووووود والمقنــاص



خذ لك جيب عطي الله


باترول او لاندكروزر




وكلامي لك من واااااقع تجربة يا الذيب


وسيارتي جمـــس فل كااااامل نافجيشن


2500 موديل 2006 // 8100





اخوك / سيف الظفير

مع تقديري لكلامك إلا أن كلامك غير موثق بمعنى أنه إذا صار زحمه بالصيانه معناها أن جميع السيارات قيرها عطلان قد يكون بكثرة السحب على الأمريكي وعندهم سوء تنظيم أو قلة فنيين بعدين القير نفسه ما تغير والجموس ماليه البلد بعدين معي ومع ربعي والحمدالله والشكر ماشي زي العسل بس الوكاله فعلا إذا بغيت فحص أو تشييك يلطعونك بموعد وبطلت أروح لهم

[Magellan]

مع تقديري لكلامك إلا أن كلامك غير موثق بمعنى أنه إذا صار زحمه بالصيانه معناها أن جميع السيارات قيرها عطلان قد يكون بكثرة السحب على الأمريكي وعندهم سوء تنظيم أو قلة فنيين بعدين القير نفسه ما تغير والجموس ماليه البلد بعدين معي ومع ربعي والحمدالله والشكر ماشي زي العسل بس الوكاله فعلا إذا بغيت فحص أو تشييك يلطعونك بموعد وبطلت أروح لهم

بالفعل أنا أوافقك الرأي أخوي أحب البر وأهله
صارت حالات فردية في عطل بالقير مو معناته نعممها على الكل ،
خلاص إذا شفنا زحمه بكره عند العيسى أو الجميح ،أكيد إنهم يبون يغيرون قيراتهم :D
يعني ماتنبلع بقوة ،وأقول إن GM معروفة بقوة الجير بوكس يعني لو قلت دودج وإلا فورد يمكن تمشي السالفة هذي;)
وإلا ماكان تقضي موديلات 2007 من المستودعات قبل 3 أشهر من نزول 2008 وهذي حاصله لشخص أعرفه معرفة شخصية ، بسبب الإقبال الكبير...
طبعا ماهي توصية لصاحب الموضوع لكن لتوضيح أمر قد يخفى على البعض ،وفلوسك بين يدينك وتعر ف وش تختار

[راعي المقانيص]

الله لايهينكم اخواني الاكارم على تفاعلكم مع الموضوع وتقديم المشورة

سلمتوا واسئل المولى عز وجل بان يلبسكم ثوب الصحة والعافية