وش تنصحوني به مع الوكالة في هالموضوع الي يرفع الضغط !! الله لا يوفقهم [الأرشيف]

مشاهدة النسخة كاملة : وش تنصحوني به مع الوكالة في هالموضوع الي يرفع الضغط !! الله لا يوفقهم

عرق رملان

21/04/2008, 08:10 AM

السلام عليكم ورحمة الله وبركاته

سيارتي يوكن 2007م دخلتها الوكالة لان عليها بعض الملاحظات وهذا شي طبيعي .. !!
من ضمن الملاحظات رجهه في الدركسون عند سرعة 120
ورصصت الكفرات توقع انه منها قبل ما اوديها للوكالة ( ولا نفعت عن احد البناشر )

المهم طلعت المشلكة من الكفرات يبيلها تغيير يعني راح يبدلون الكفرات كلها !!

قلت توكلو على الله بدلوها
قال المهندس ولكن انت تتحمل تكلفتها .. افاااا وشلون !!!
السياره تحت الضمان وما كملت عشرين الف كيلوا .. تقول تتحملها ؟؟
قال الضمان فقط على الكفرات خمسة الاف كيلو وبعد الخمسة الضمان ما يدخل في الكفرات
قلت الله يطولك يا روح يا مهندس جميح
قلت عطني تقرير بالمشكله ولا تبدل الكفرات
لان الموضوع راح يا اخذ منحنا آخر يباش مهندس

الان انتم يا شباب عرفتو المشكلة .!!
الحل وشو ؟؟؟؟؟؟؟؟؟؟؟؟
ننتظر الحلول الي تبرد السبد

وسلامتكم

حرنتش

21/04/2008, 08:30 AM

طال عمرك اتصل على الوكيل الي بالشرق الاوسط الي هو في دبي وشف وش راح يسوان صدقني راح يغيرون الخمس كفرات مش الاربع

كيكي

21/04/2008, 08:38 AM

بسم الله الرحمن الرحيم

نفس كلام اخوي حرنتش شف لك واحد يعرف انقليزي واتصل على المركز الاقليمي في دبي بيغيرون لك الكفرات

الخمسه مع حبة راس .

ولاتقول ماتسوى مشاكل ووجع راس كلها عشرين ريال قيمة مكالمه .ولا تدفع الفين قيمة الكفرات وبالتوفيق

وعلمنا وش صار عليك .

Abdulmalik

21/04/2008, 08:59 AM

السلام عليكم

كلام الاخوة الكرايم هو الكلام الصحيح

الوكلاء ما تقدر عليهم إلا بشكوى للمقر الإقليمي بالمنطقة , راح يتصلون عليك وغيرو الكفرات في عشر دقايق ومع جميل العبارات طال عمرك تفضل استرح ثواني وتكون السيارة جاهزة .

ارسل فاكس وتابع الموضوع بالهاتف مع المقر الرئيس انها وصلت وراح يردون لك خبر بإذن الله

لبرتي

21/04/2008, 09:13 AM

حياك أخوي وإدخل ذا الموضوع وراح يفيد الجميع أن شاء الله

http://www.mekshat.com/vb/showthread.php?t=71214

لن أمل من العطاء

21/04/2008, 10:13 AM

يا عزيزي
اتصل على الرقم الموجود على الزجاج الخلفي الخاص بالمساعده على الطريق
شوف رقم السعودية واتصل ويردون عليك بالعربي مو بالانجليزي وقدم شكواك ولكن قربق رقم الشاص منك لانهم يطلبونه منك

اخوك
لن أمل من العطاء

أبو LAMeS

21/04/2008, 11:06 AM

أنت أكتب بياناتك ومشكلتك بالصفحة على هذا الرابط وأدع لي

أضغط على أتصل بنا في الأعلى وسجل بياناتك مع المشكلة تراها مجربها لكن مهوب مع كفرات أنت يمكن تلقح معك أكتب كل المشاكل اللي في السيارة والمشاكل اللي من الوكيل وأي شخص من طرف الوكيل أخطأ عليك أكتب لهم وبأسمه بعد لا تستحي وأنا أخوك

http://www.gmcarabia.com/content_data/LAAM/ME/ar/GBPME/012/G1/4Y/4Y_main.html?cntryCd=SA

سطام vip

21/04/2008, 11:19 AM

مثل ما قالوا الاخوان عليك بالمكتب الاقليمي

اهم الي بياخذون حقك ومعه حبه خشم

والله يسهل أمرك اخوي

عرق رملان

21/04/2008, 01:00 PM

اشكر كلن باسمه
وبيض الله وجيهكم يالنشاما

عرق رملان

21/04/2008, 01:07 PM

المحترف800

21/04/2008, 11:56 PM

مثل ماقالوا الشباب دق على الوكيل اللي في دبي ويغيرونها بإذن الله...

ابوعقل

22/04/2008, 01:10 AM

طال عمرك اتصل على الوكيل الي بالشرق الاوسط الي هو في دبي وشف وش راح يسوان صدقني راح يغيرون الخمس كفرات مش الاربع

هذا الكلام السليم

راعي المقانيص

26/04/2008, 03:37 AM

دائما وابدًأ اخوي الغالي تصير المشكله حقت الكفرات هذي وخاصة من وكالة الجميح

وفعلا مثل ماتفظلت يقولون لك مالنا علاقة فيها او رح لوكيلها

لكن ما اقدر ازيد عن كلام الاخوان وهو انك تتصل على الوكيل في الامارات لجنرال موتورز وتبي تاخذ حقك وافي وكافي

البضيع

26/04/2008, 05:48 AM

طال عمرك اتصل على الوكيل الي بالشرق الاوسط الي هو في دبي وشف وش راح يسوان صدقني راح يغيرون الخمس كفرات مش الاربع

نفس الكلام واحسن لو تكون معك تقارير ضدهم

وكان الله في عونك

ابوعبدالله678

26/04/2008, 10:16 AM

الله يعينك وحسبي الله عليهم (( طمنا وش يصير معك))

الوسم

26/04/2008, 11:14 PM

أخوي الكريييييييييييم : أول مشاركة

طمننننننننننننننا عليييك

وماذا حدث بعد الإتصال بالوكالة الرئيسية

لا تعلقنااااااا ؟؟؟؟

monsixnet

26/04/2008, 11:20 PM

-

الله يعينك على عليهم وعلى دوخت الوكيل.

بـــــــس انشب لهم نشبه ولا تخلى لك عندهم شئ

عرق رملان

30/04/2008, 07:57 AM

يا شباب الموضوع الى حتى هذه اللحظة
لم اخرج معهم بنتيجة !!!
ولكن نقول ان شاء الله اطلع بنتيجة خلال الايام القادمة
على العموم سوف اذكر وش حصل بتفصيل حين الانتهاء من الموضوع !!

شكراً لكم جمعياً على النصائح التي قدمتموها
والله لا يحرمكم الاجر

عرق رملان

05/05/2008, 10:03 AM

اشكر جميع من قدم نصيحة او مشوره حول الموضوع

ورغبة من الاخوان ان نبلغكم بما توصلنا اليه حول المشكلة ..

الموضوع سوف اسردة على شكل نقاط عشان ما انساء شي :
1- الوكيل الجميح يقول بلط البحر عشان نركب لك كفرات
قلت يا مهندس جميح ما ذكرتو في كرت الضمان ان الكفرات عليها فقط ضمان خمسة الاف كيلوا
قال احنا ما نتحمل شي وتبي تشتكي توكل على الله .. وهذا الكلام بعد مخاطبة مدير عام الشركة بالرياض ولد الباشة ..
2- الوكيل في الامارت نفس العذر الضمان فقط خمسة الاف كيلوا .
3- طلبت تقرير من الوكالة حول السيارة انها تحتاج تغيير كفرات وعطوني تقرير تعبان جداً جداً وبملغ 80 ريال الله لا يوفقهم ولا يرزقهم حتى التقرير بفلوس ويليته يستاهل !!! يالله الحمد الله
اقسم بالله تقرير تتعجب منه .
4- آخر محاوله من نفسي وليس بتوجيه من الوكالة بحثت عن الوكيل الخاص بالاطارات وهي جنرال وحصلنها بعد بحث وتحري انا وزملاء في المكتب ... وذهبت لهم ويعلم الله اني فاقد الامل اني راح اطلع بتيجة معهم .. بس قلت عن قولت ما رحت ...
اختصار الحديث قالت لي وكالة الكفرات لديك خلال مصنعي في اثنيين من الكفرات قلت لا وكالة الجميح تقول اربعة قال خلي ولي وكالة الجميح ( وعلى فكره ما رضاء يشوف الكفرات الا يوم انه شاف التقرير التعبان من الوكالة .. والباكستاني حمق على الوكالة كاتبيين تحتاج تغير كفرات ميشلان ههههههه قال كيف يكتب ميشلان .. قلت روح اسئل انتا )
المهم قال احنا نتحمل كفر وانت تتحمل كفر وبسعر خاص.. هذا الخيارالإول
والخيار الثاني احنا نتحمل كفريين وانت تتحمل كفريين ..
قال هذا النظام في كل وكالات الكفرات في العالم اذا كان هناك خلل مصنعي الوكالة تتحمل نصف التكلفة والزبون يتحمل النصف الآخر .. ان شاء الله انكم فهمتوا المقصود .
المهم ركبت اربعة كفرات جديدة وتاريخ جديد بنصف التكلفة من السعر الاساسي
والسياره الى تاريخ تغيير الكفرات مشت تقريباً 30 الف كيلوا .. يعني تقريباً جئت حلوه .

وان شاء الله انكم استفتوا من التجربه الي ترفع الضغط

Magellan

05/05/2008, 10:48 AM

أخوي أول مشاركه مبروك... العبِر ولا القطيعه
ودايما الواحد يرضى باللي يجيه ولانقول إلا الحمدلله على كل حال
صحيح ماحصلناها لا من أسهم ولامن عقار والحين لا من سيارات لكن الرضا بالقدر خيره
ترى الدنيا ماتسوى الزعل،،
وإن شاء الله هالكفرات فال خير لك في الرزق وفي أمانيك .والله يوفقك

غالي

05/05/2008, 05:46 PM

حسبي الله ونعم الوكيل عليهم ..الجميح وشركة الكفرات
حسبي الله ونعم الوكيل عليهم ..الجميح وشركة الكفرات
حسبي الله ونعم الوكيل عليهم ..الجميح وشركة الكفرات