ماء الا ديتر فيه زيت المشوره يا اربع

[البيد]

عندى لا ند كروزر موديل 96 كل شى تما م لا ينقص ولا حراره الحمد لله

بس لقيت فى غطاء الا ديتر مثل الزيت وشو منه ابى استفسر لا تبخلون علينا ومشكورين

[رومل]

اهلا بك اذا كان على غطاء الراديتر مافيه مشكله
لان الزيت اللي تشوفه على الغطاء بس يكون من
تركيب الليات الداخله او الخارجه من الراديتر بسبب
دهنها بشحم قبل التركيب هذا مالدي وان شاء الله الاخوان
يفيدونك
تقبل مروري

[بواسامه]

هذه ماريه ان المبرد عندك يخلط
واحمد ربك انها في الاديتر ولا في المكينه
غير المبرد وقاعدته وبيكلفك حول الف وخمس ويمكن يبيلك تغسل المحرك والاديتر خمس مرات عقبها وباذن الحي ان موترك بيظبط اذا الخلط في الاديتر
وسببه شعر في السرندل وامرها بسيط
وللفايده يوجد معجون وما يكلفك شي ممكن يسويه لك اي ميكانيكي بشرط يفك بلف الحراره ويخلي الموتر يحتمي وترتفع حرارته للنص ثم يصب هذا المعجون ويمر على السرندل ويسد الشقوق او الشعر اللي فيه اذا حصل شي
او زي ماقلت لك اول غير المبرد والقاعده له مرة واحده وسعرها حول الالف ولازم تفك الثلاجه والقزوز على ما اظن
وفقك الله وعلمنا وش جديدك يابعدي

[بن عدوان]

اخي الكريم يوجد بالأديتر خزان صغير لتبريد زيد القير .. ربما تكون المشكلة وجود تنسيم في هذا الخزان داخل الاديتر .. او أحد مواسيرة .. فإذا كانت هذه المشكلة فهي سهلة .. قم بتغير الخزان هذا وهو عادة رخيص الثمن نسبيا حسب نوع السيارة ..

[البيد]

مشكورين على المرورجميعوما قصرتو بس ترا الموتر عا يدى مكيف واحد ونا شا يف ازيت من زما ن ورحت عليه اسبوع الى فات لينبع وجده وجيت الرياض ولا فيه اخلاف بس اتبريد الى تقولون و ين فيه ولكم الشكر

[هب هب]

لعلى الشباب يفدونك
مشكورررر على الموضوع

[منقذ]

هذه ماريه ان المبرد عندك يخلط
واحمد ربك انها في الاديتر ولا في المكينه
غير المبرد وقاعدته وبيكلفك حول الف وخمس ويمكن يبيلك تغسل المحرك والاديتر خمس مرات عقبها وباذن الحي ان موترك بيظبط اذا الخلط في الاديتر
وسببه شعر في السرندل وامرها بسيط
وللفايده يوجد معجون وما يكلفك شي ممكن يسويه لك اي ميكانيكي بشرط يفك بلف الحراره ويخلي الموتر يحتمي وترتفع حرارته للنص ثم يصب هذا المعجون ويمر على السرندل ويسد الشقوق او الشعر اللي فيه اذا حصل شي
او زي ماقلت لك اول غير المبرد والقاعده له مرة واحده وسعرها حول الالف ولازم تفك الثلاجه والقزوز على ما اظن
وفقك الله وعلمنا وش جديدك يابعدي
كلام واقعي وليتك تشيك على الموتر قبل ماتكبر المشكلة

[عيناوي اصيل]

اخوي هل هناك ماء مع زيت المحرك ؟؟؟
لاكتشاف ذلك اما عن طريق سلك قياس الزيت
سترى زيت متغير لونه الى ابيض

والطريقة الاخرى عن طريق غطاء زيت المحرك
ستلاحظ بداخل الغطاء قطرات ماء او ترسبات بلون الابيض

بالاضافة على كلام اخي بن عدوان

هناك احتمال تسريب في كازكيت الهد
او تسريب من احدى سدادات (قطع دائرية معدنية)
تكون في داخل المحرك..

وهناك احتمال ضعيف بانك غيرت ماء الرديتر ووضعت
نوعية به نسبة مرتفعة من الزيت ..

[شروكي ربع]

ممكن يا أخي صدأ من داخل المكينة لا زيت ولا شي ..

وهالصدأ طبيعي لسيارة بموديل 96 ..

[ebnjala]

اخي حصل معي نفس المشكلة
قالوا مبرد الزيت بعدين قالو السلندر بعدين قالوا جب مكينه
عطيتهم 3000 للمكينه يقولون بيلحقها 1500
الله يعين ورش تتعلم فينا

[ابوعقل]

هذا ياطويل العمر مبرد الزيت اللي داخل الاديتر

يبيلك تغيره وتسوي تصييخ للمكينه والامر سهل ان شاء الله

[ابوفيصل-gx]

لاتلمس الموتر ابد هذا الزيت عادي كما ذكر وافاد مهندس سعودي خبير لاحد الشباب

[efi4500_2002]

السلام عليكم

اتوقع انه مافيه مشكله

الزيت من سائل التبريد اذا كنت تستعمله

الزيت الي تلقاه ممكن رواسب منه وانصح انك تغيره وتسوي غسيل للاديتر وتشوف بعدها

[ابو ضميد]

هذا المبرد الي يركب فيه سيفون السياره وحصلت معي ولاعليه خلاف

[البيد]

الله يجزاكم خير طمنتنى يا ابو فيصل انت ولى ردو بعدك جعل والديكم والدينا فى الجنه