شباب مانبي حريم هذا مكان رجال ما بقى الا هي

[عليان الليل]

نداء اخير مانبي حريم في مكام رجال
هذا اسمه مكشات وكل عضو له شنب مترين والا الشوارب ماهي على رجال
شباب لا ينحاس المنتدى لا يصير كل من هب ودب يدخل وخص الحريم الي لهن شوارب
الماسنجرdmn92@hotmail.com

[مكشات]

أخوي عليان
مساك الله بالنور والسرور
أولا أتمنى تهدي أعصابك وتفهمني :)
...........
يا أخ عليان ما اعتقد من الصواب إننا نحدد مين يدخل ومين مايدخل !!
المنتدى مفتوح للجميع .. وعلى مستوى الدول العربية ( لاننسى هالشيء ) يعني ماينطبق علينا في السعودية ، لايعني إنه ينطبق على باقي الدول العربية .
وصدقني ماراح يجي لك إلا ناس مهتمة بموضوع مكشات !!
لأن اللي يدور على أشياء ثانية بيلاقيها بسهولة في منتديات كثيرة وأظنك فهمت قصدي :)
اللي يجي هنا غيررررررر
هذولا ناس يهتمون بمواضيع البروالرحلات والصيد ، وما اعتقد من حقنا نقول لهم لا .
ومشكور على حرصك
لكن أحب أطمنك إنه لما نحس إن أي عضو بيعكر الجو ماراح نسكت مهما كان جنسه .
مرة أخرى أشكرك على اهتمامك
وتقبل تحياتي
أخوك
mekshat.com

[لمعة السيف]

نحن ننقاد مع القياده

[القماري]

أنا مع المشرف العام، ولا هان الجميع ( رجال أو حريم )

[هواوي]

السلام عليكم يا شباب

صراحه انا اعتقد ان فيه بنات يحبون البر زينا ويمكن اكثر

روحوا اي فيضه او اي بر عموما وشوفوا عدد الرجال وعدد النساء وانتوا بتعرفون النتيجه

ولهذا انا مع فتح المجال للجميع ذكورا واناثا


واطالب بحذف المواضيع اللتى لا تهتم بالبر كواضع الصور الي ما تخص البر لا من قريب او من بعيد

[عبدالعزيز الدباسي]

مشكور اخوي عليان الليل على الاستفتاء وفكره مقبوله جداً

بس لي ملاحظات بسيطه لعل صدرك الحنون يتقبلها بحنيه .

قمت يااخي الفاضل بعمل استفتاء وهذا جميل لكن في نفس الموضوع كتبت (نداء أخير ما نبي حريم في مكان رجال)) وهذا ليس استفتاء بل إبداء رأي ،،

مع حقك الادبي لعرض رأيك والدفاع عنه ، لكن بطريقه أخرى .

__________________________

وعن رأيي في مشاركات النساء أقول :---

ما يعرض في هذا المنتدى الطيب يعتبر دليلاً شاملاً ومرجعاً لجوانب كثيرة من الحياة البرية ، وهذا الشىء ليس مقتصراً على الرجال ، بل للمرأة اهتمامات مشابهه لما يعرض في المنتدى .

هذا من ناحية ، والأمر الثاني كما تفضل الأخ هواوي كثير من النساء هي اللتي تطلع الرجال للبر ، وهذا تعتبره من الفسحه العائليه ، ويجب ان تكون لها دراية كاملة بكيفية اختيار المكان وعملية نصب الخيام ، وتنظيم صرف المياه ، وما شابه ذلك من امور تكميلية .

وكذلك قد تستفيد المرأة الزائرة للمنتدى من بعض المشاركات المطروحة ، وذلك عند حدوث مصيبة لا قدر الله ، مثل تعطل السيارة في البر او عند التعرض للدغة ثعبان أو ما شابه ذلك فالمرأة المطلعة على هذه المواضيع سوف تكون بإذن الله خير معين لمن معها .

هذا ما احببت ان اضيفه وبالله التوفيق

[مكشات]

الأخوة الأفاضل
السلام عليكم ورحمة الله وبركاته
مساااااااااكم الله بالخير وبكل شيء حلو بهالدنيا
ما أقول :
إلا كفيتو ووفيتوا ، والله يسلمكم على حرصكم واهتمامكم وإبداء آرائكم .
،،،،،،،،،،،
أخوي هواوي
بالنسبة لواضع الصور :(
مافيه شك إن هالصور اللي تقصدهن مالهن أي علاقة بمكشات ، والأخ أيمن مافاته هالشيء .
لكن ماودنا نضيق صدر عضو بحذف موضوعه ، خصوصا لما يكون الموضوع مبذول فيه جهد ومافيه أذية لأحد .
وعلى العموم
كلنا نتمنى مانكتب إلا شيء له علاقة بالبر والصيد .
وأعتقد كلنا كبار وفاهمين واللي مافهم اليوم بكره يفهم إن شاء الله :)
والله يوفق الجميع
تحياتي
mekshat.com

[راعي كيف]

اخي وحبيب قلبي شف لايمكن أن ينكر فضل النساء أبداً ربما تقول ان المنتدى فقط للرجال وهذا برئيي ليس الكلام الصائب لعدة اسباب ربما يطول ذكرها ولاكن أنت تطلع للبر دايم وتروح وتجي وأهلك يعرفون إنك تطلع للبر وتروح وتجي لاكن هل يوم سئلتهم ودكم تروحون للبر (طبعاً إذا فتحت الموضوع معهم وعطيتهم وجة تبي تكسف )ولاكن هل إبدو رئيهم في كثرت طلعاتك وروحاتك يعني يقوللولك خفف الطلعات يقولولك رح بنا جبنا هات ود طبعاً إذا كنت تبي تكشت والله ماتعطيهم وجة لأنك تبي تطلع وتقولهم بعدين بعدين لين يقولون لولد الجيران في الأخير أقول لايمكن أن تصفق بيد واحدة فياأخي لنفسك عليك حق ولأهلك عليك حق وبعدين أنت تعطينا ماعندك من علوم رجال وسوالف وغيرة من صيد ....الخ والحريم يعلمنك الطبخ وأمور الرجال ومشاكلهم إذا جو من البر وغيرة (يعني تفك المرة عنك هموم الدنيا إذا قالتلك وشفيك ياعيني تعبان أو غيرة من الكلام المعسول :rolleyes: وويلاة؟؟؟؟؟؟)
في الأخير أخي لاتتعصب للرجوليه فهي أمام المرءة لاتساوي شيء فأقدام امهاتنا تحتهن الجنه
يعني إرضهن (بعد رضاء الله )يرضى عليك الرب اللوالدان ككل وخصوصاً الأم :( يالله إنك ترد الوالد سالمه من الحج إدعوله تكفون والله إن البيت مايسوى شي من دونه مثل الرز بليا ملح هههههه



تحياتي وأشواقي
لاعمرك تعودة:D :D

[عليان الليل]

الحريم على عيني وراسي ولا احد ينكر فضلهن وتراني والله احترم واحب الى
يطلع مع اهله للبر ويمشيهم واحب الي يترك طلعة بر علشان اهله والله انه
رجال
لكن اقول الحريم لهن مكان والرجال لهم مكان





الماسنجر dmn92@hotmail.com

[اتريكس فيستا]

انا مع الأخ عليان الليل مية بالمية :
لأن المكاشيت والصيد واجهزته كلها علوم رجال ولا تصلح للحريم . بالضبط مثل القهوة عمرك شفت مرة تشرب القهوة كيف ;) طبعا لا .
وبعدين بلشنا بالحريم وهي بس ثياب وخرابيط فما بالك اذا طاحت بالمكاشيت والصيد والأجهزة ، والله ان تصير شغلتك سواق :( والا تاطا عليك لما تجيب سواق :mad: ( الكلام الأخير للمتزوجين بس ).
هذا رايي ويعين الله عليهن .
:D :D :D :D