شريت لي موتر وانغشيت فيه لكن..؟

[ابومدين]

السلام عليكم ورحمة الله اعضاء منتدانا الغالي

ياخواني مدري وش صاير في هاالدنيا ....ناس ماتحط عينها الا على الريال وبس والذمة ...الله المستعان وهذا عند البعض الله يهدينا واياهم ...خلال الايام الي فاتت قبل العيد لقيت شايب معه لاند كروز فكس ار المهم الرجال ماقصر في مدح السيـارة من جميع النواحي ... وبين كل كلمة كان يقول خذها وتكل على الله بس.. انااخذت كلام الرجال في القبول ورحنا للمعرض وتكاتبنا لثقتي بهذا العجوز

من بكرة و بعد ما طلعت السيارة ومسيتها اشوي على الخط مااعجبني ممشاها المهم وديتها لصناعية قالي الشاص رايح ولقيت السيارة منقلبة ومسمكرة ومرشوشه رش اي كلام المهم بعناها بخسارة بعد ماقلت للي شراها كل عيوبها والله يعوضنا

لكن لدي سؤال يااخوة انا ودي اروح للخليج من شان اشتري سياره هل تنصحونني اروح او اشيل الفكرة من راسي زي ماقال بعض الإخوة... واي البلدان الخليجية افضل لشراء لمن ينصح بذهاب

ولكم جميعآ كل الاحترام والتقدير .......... والمعذرة على الإطالة

[راعي بر]

وعليكم السلام ورحمة الله وبركاته

نصيحة يا ياسر قبل ما تشتري اي سياره افحصها وش بيضرك

لا يلغ مؤمن من جحر مرتين



واما الخسارة فما من مؤمن تصيبه مصيبه ويصبر ويحتسب الا اخلفه الله خيراً منها

[مفتش الريضان]

الله يعوضك عنها خير انشاء الله.

[الأشهـــــب]

الأخ الفاضل : ياسر
الحمد لله وانا أخوك على كل حال ، وقدر الله وماشاء فعل . لكن وانا أخوك الثقة هذه الأيام بيني وبينك يبي لها ثقة توثقها ؟!!!
المرة الثانية وانا أخوك ماعليك من الكلام سواءاً من شايب أومن بزر . أنت بس إفعل السبب في فحصها عند ورشة تثق فيها ، وتوكل على الله تعالى .

وبالنسبة وانا أخوك لشرائك السيارة من الخليج .... إذا قصدك السعر ترى مافيه شي يسوى التعب والغثى كله والله .
أما إذا كان قصدك المواصفات ممكن . فعندك دولة عمان تأتيها السيارات من أفضل المواصفات ومن ثم قطر والإمارات .

مع تمناتي لك بالتوفيق ، والله يعوضك .

تحياتي لك ..........................

[الاجودي]

وعليكم السلام ورحمة الله

الله يعوضك خير منها

اما السيارات الي من الخليج انا مجرب ولي خبرة بالسيارات الي بالخليج

اذا قصدك السعر ترى مايفرق واجد اذا ماهو نفس السعر في السعودية

ولا تنسى الجمارك

اما اذا كان قصدك مواصفات فأبشر بالي تبي

وكانك جيت انتبه واحرص وتفقد السيارة زيييييييييييييييييييييييييييييييييييييييين

تراهم غشاشين ويلعبون على الواحد وعيونه طايرة

ولا يهمك مديل السيارة تلقها جديده المكينه مفجورة بالنفود واللعب

والله يوفقك

[ابومدين]

اخوي راعي بر الله يجزاك خير على النصيحة وماقصرت


اخوي مفتش الريضان الله يجزاك خير على دعائك

اخوي الأشهب صدقت والله ان الثقة احيانآ يبغالها ثقة توثقها
ومشكور على ردك الوافي وشكلي بشيل فكرة الخليج كله


اخوي الاجودي ماقصرت وكلامك يؤخذ بعين الاعتبار لا سيما
انه من خبرة ..والغش شطارة عند الي مايخاف الله


الله يجزاكم عني خيرآ على التوضيح والفائدة