مشكله في مكينة باثفايندر 2005, االفزعه يا قروم مكشات.

[VASH]

السلام عليكم و رحمة الله و بركاته.

يا شباب اخ عزيز على كلمني في مشكله عنده بالباثفايند 2005. قلت مالها الى قروم مكشات يفزعون لنا.

يقول فجأه طلع صوت طقطقه داخل المكينه, راح لورشه بالاحساء قالو الصوت من روس المكينه.
حاولوا يخرطون الروس, ما قدروا لان الروس معدومه (على كلامهم) فقالو لازم تغير روس المكينه + قطع داخليه. راح للوكاله قالو قطع الغيار بتكلف نحو 12000 ريال (غير شغل اليد).
الرجال يطلب فزعتكم في التالي:

· هل تعتقدون ان الخراب مثل ما قالوا او غير ذلك؟؟
· واحد قاله لو تشوفلك مكينه من التشليح و تركبها احسن... اذا كان هذا هو الحل الاصح في رايكم؛ احد يعرف تشليح في الاحساء او الرياض نلقى عنده مكاين باثفايندر؟؟؟

تكفون يا شباب لا احد يبخل علينا برأي او شور ...

[ابوعقل]

اذا خويك يبي يشتري مكينه

خله يروح لتشاليح الكويت

ارخص

[المحترف800]

أنا اقول خله يروح لورشه شغلها زين ويعرفها ويتأكد منها هل الخراب مثل ماقالوا وإلا لا لان بعض الورش ماعندها سالفه ترى ...

[الساهر2003]

اخوي كثير من الورش يبي يريح نفسه ولا يبي يكثر الشغل يبي راس جاهز وبس وقليل جدا الراس يحتاج الى تغيير
ممكن يكون متعطل فيه شيي مثل بلوف او عامود تيمن وهذا امره سهل اما خرطه او تغييره
تاكد منه وخذ الروس ومر اكثر من ورشة ومخرطة وحتى لو تجيب السيارة لرياض
مع اطيب تحية

[صياد الصفار]

وده لورشة الوفاء بقرب من مخرج 18

[Magellan]

وده لورشة الوفاء بقرب من مخرج 18


الوفاء شغل تمام ....لأكن أسعارهم:hot:

[التسعاوي]

الله العالم انه مسامير الثلاجه طاحت بالمكينه ومثل هاذي المشكله طرحت من قبل بالمنتدى بس اهم شي لا يفتح المكينه الا اذاتاكد انه الخلل داخل المكينه ..<<وترا التوضيب افضل من التشليح وارخص بس بشرط تكون ورشه موثوقه>> وإذا كان بالرياض اخبرلك ورشه يوضبون باث فيندرات.

[ممتر البران]

يا ابن الحلال ان كان المشكله بالراس ياخذه من التشليح ليش الخساير وياخذ مكينه كامله بس يفحصه عند مخرطه مظبوطه
تحيتي لكم
ابو سعد

[شروكي ربع]

اذا كان صوت الموتر كنه ديزل فان هذا من الجنزير الاول او الامامي في الصدر ..

تونا مصلحينه على باث 2005 .


يبيله تغيير هو و أكثر من شغله معه على حسب سوئها .

[.أبوعبدالرحمن]

الله يعينه


اهم شيء يشيك على مسامير الثلاجة وبعدين يشيك على الجنازير


وفي الاخير يفكر في الرووس او المكينة

[ضرماوي مووت]

انا اقول خل الوكاله تكشف عليها عشان يتاكد انها الرووس

[ابوعبدالله678]

اخوي لا بد من البحث عن اكثر من ورشه وطلب المشوره من اهلها وحتى الوكاله احياناّ لا بد تتأكد من كلامهم (( وصار مع الوكاله مشاكل كثيره ))

[VASH]

اعذرونا على التاخر بالرد يا شباب... بس ما حولي نت بالبيت ...


ابوعقل (http://www.mekshat.com/vb/member.php?u=74511)
المحترف800 (http://www.mekshat.com/vb/member.php?u=75252)
Magellan (http://www.mekshat.com/vb/member.php?u=11979)
الساهر2003 (http://www.mekshat.com/vb/member.php?u=43249)
صياد الصفار (http://www.mekshat.com/vb/member.php?u=72749)
التسعاوي (http://www.mekshat.com/vb/member.php?u=23161)
ممتر البران (http://www.mekshat.com/vb/member.php?u=4020)
شروكي ربع (http://www.mekshat.com/vb/member.php?u=38654)
ابوعبدالرحمن الصفيّان (http://www.mekshat.com/vb/member.php?u=36760)
ضرماوي مووت (http://www.mekshat.com/vb/member.php?u=66212)
sa1388 (http://www.mekshat.com/vb/member.php?u=7564)

الله لا يهينكم و رحم الله والديكم و والدينا.

كلمت الرجال و علمته بكل ما جا في الردود. قال نبي نشوف و الله ييسر اللي في الخير. و بارد ان شاء الله وش يصير معه.

ما قصرتوا و بيض الله وجيهكم.

و ن

[ابو صقر 111]

الظاهر مسامير الثلاجة وحصل عندي ووديتها للوكالة ورغم انه عيب في الصناعة الاانهم اخذوا الف وخمسمائة ريال وتسببوا بخراب آخر حيث بدأ ماء الاديتر بالنقص وذهبت بها لهم وقاموا بتغييرطرمبة الماء والسيور وغير ذلك وكلف الف وخمسمائة ريال اخرى وقالوا تحتاج رؤووس ربما وهم كاذبون حيث عرضتها على مهندس سعودي وقال انا متأكد ان الرؤوس سليمة وأفكر في اقامة دعوى عليهم في القصيم

[حنيني]

ياجماعة مكشات


هالحين سير التيمن في الباث هو جنزير(معدن ) ولا ربل ..لازم يتغير

الموديل 2002

[VASH]

ابو صقر 111
حنيني

ما قصرتوا يا شباب و مشكورين على الردود.

الرجال راح الورشه و قالوله ان فيه شي طايح داخل المكينه و مكسر احد البساتم. و حاست عليه الروس.

فعلموه ان الحل الوحيد اما مكينه جديده او توضيب. وش رايكم يا اخوان في الموضوع؟؟؟

(الرجال من اهل الاحساء).